سَأتغَيرُ إلى الأفضَلِ

شَهرُ مُحَرَم الحَرَام 🏴

بسم الله الرحمن الرحيم
اللهم صل على محمد وآل محمد
♡♡♡♡♡♡♡♡♡♡♡♡♡

السلام عليكم ورحمة الله وبركاته،
بما إن احنا دخلنا شهر محرم يعني دخلنا سنة جديدة، خلينا نخلي ١٤٤٥ سنة نرجع بيها إلى الله ونتوب عن سوايانا وأفعالنا اللي ما ترضي الله سبحانه وتعالى، خل نتذكر إن احنا بهذا الشهر نعزي الزهراء عليها السلام بمصاب الحسين يعني لازم نطهر نفسنا لحتى نرزق الدمعة على الحسين، لازم من هسه أي معصية نرتكبها نحاول نتركها لأجل الحسين، واتذكروا من قال الحسين: "ألا من ناصر ينصرنا"، هذا النداء إلك وإلى الكل هل انته مستعد للنصرة، لنصرة إمام زمانك؟ مامداوم على الصلاة داوم، ماتقرأ قرآن اقرأ،  ماتحضر مجالس احضر، تسمع أغاني وتغتاب اترك هذني الأشياء لأجل الإمام عوف كلشي لخاطر الحسين إذا جنت صادق بحبك راح تتركها، صحيح بالبداية راح تواجه صعوبات وتعب بس بالنهاية راح ترتاح صدقني وتوصل لمرحلة كلش مريحة، تكون بقرب الله وتستشعر وجوده ومراقبته عليك.

زين شلون نتوب و شنو معنى التوبة أصلا؟ اكو حديث عن الإمام علي عليه السلام يقول: "التوبة ندم بالقلب، واستغفار باللّسان، وترك الجوارح، وإضمارٌ أن لا يعود". فلكي يتوب الإنسان لازم يحقق أربعة أركان وهي:

-الركن الأول: أن يشعر الإنسان بالندم فيخشع قلبه لله.

-الركن الثاني: أن يُحرِّك لسانه ليتفاعل مع قلبه بحركة الاستغفار فيقول: (أستغفر الله ربّي وأتوب إليه).

'الركن الثالث: أن يترك الحرام الذي ملأ قلبه بالسواد يترك كل ذنب ومعصية.

-الركن الرابع: أن يعزم بينه وبين ربّه إنه ما راح يعود إلى الذنوب والمعاصي، ما راح يسود قلبه بعد ما تطهر بتوبته إلى الله، بل راح يحافظ عليه طاهر ونقي.

تغذية الروح هي سبيل النجاة،
قال تعالى: ﴿ أَلا بِذِكرِ اللَّهِ تَطمَئِنُّ القُلوبُ﴾. تغذية الروح و ترويضها على الطاعات تخليك تبتعد وتجتنب المعاصي والذنوب، وهذني بعض الأعمال اللي تساعد على هذا الشي:

١- تنظيم الوقت
له دور كبير في تنسيق الأعمال اليومية وتقسيمها لحتى يقدر الشخص إن يحدد أولوياته والمهام العنده وواجباته تجاه دينه وأسرته ومجتمعه

٢- أداء الصلوات
الصلاة لها فضل وثواب عظيم وهي جدا مهمة لحتى تطهر نفسك من الذنوب، قال تعالى: ﴿وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاءِ وَالْمُنكَرِ﴾

٣- حضور مجالس الذكر و البكاء على أهل البيت
يساهم في تطهير النفس والتقرب إلى الله أكثر