بسم الله الرحمن الرحيم
اللهم صل على محمد وآل محمد
♡♡♡♡♡♡♡♡♡♡♡♡♡
السلام عليكم ورحمة الله وبركاته،
سماع الأغاني من أكثر المحرمات انتشارًا في هذا الزمن، وطبعًا الأغاني من أكبر أسباب البعد عن الله وعن الدين، واكو هواي أقسام للأغاني اكو أغاني بذيئة واكو حزينة واكو حب ورومانسية وغيرها الكثير...
تعالوا نلقي نظرة على بعض أنواع الأغاني...
أول شي الأغاني البذيئة اللي تحتوي على كلمات ومشاهد مو زينة، هذا الإنسان إذا تعود يسمعها معروف شنو راح يكون مصيره، رح يصير يقلدهم ويسب ويشتم ويتعود على هذا الشي، وحتى احتمال يروح يشرب ويسكر، لأن أغلب هذني الأغاني تكون أجنبية وتذكر الخمر واللهو وهذني الشغلات، فهوه رح تتركز بباله هذه الأمور واحتمال كلش چبیر يسويها...
أما الأغاني الحزينة فهي تجلب الإكتئاب للإنسان، تشوفه مشغلها وضايج من الدنيا وتتردد بباله فكرة الانتحار، وهذني الأغاني تحفز من هذه الفكرة وتخليه يكره حياته، لا ياكل زين ولا ينام زين ويبچي من الصبح لليل، خصوصًا المراهقين وهمه أكثر فئة تتأثر من هذه الأغاني، ولاحظت أغلب اللي يسمعون هذا النوع هم المراهقين، طبعًا تعرفون همه يكونون في فترة تغير وهذه فترة كلش حساسة ويجون يسمعون هذا النوع من الأغاني فتزيد من حساسيتهم وتخرب أفكارهم، تخليهم يتخيلون الحياة بشكل مأساوي وكلها فراق وحزن وضيم وغدر، وحتى المسلسلات اللي يشوفوها تساعد على هذا الشي، فتتكون في مخيلتهم صورة حزينة عن الحياة وإن الحياة مو حلوة وبيها هواي شغلات متعبة وكريهه، وبهاي الفترة يتحسسون من أهلهم هواي وحتى أصدقاءهم، فلازم ننتبه أكثر شي للمراهقين لأن اللي يمرون بيه بهذه الفترة صعب عليهم ومن هنا يتحدد مصيرهم ومستقبلهم وطريقة تفكيرهم...
وأما عن أغاني الحب والرومانسية فما نستعبد إحتمالية حدوث علاقات محرمة ووقوع الزنا، لأن هذا النوع ينذكر بيه كلمات حب وكلمات رومانسية تحفز من مشاعر الشباب، وتصير بخاطره يجربها، ويروح يحب فلانة وعلانة ويجي الشيطان ويوسوس له وهوه خطية يروح وره شهواته ويتندم بعدين آني ليش سويت هیچ وشلون، ومو الكل يتندم ناس عندها عادي ويكملون بهذا الطريق وينصبون على البنات وهواي أمور أخرى...
وحتى اكو هوااي فرق منتشرة خصوصًا الفرق الكورية، هواي ناس يسمعون إلها صغار وكبار وما يرضون عليها! مثلاً من اقابل وحدة تتابعهم تشوفها تقول آني فان لهذه الفرقة واحب فلان وهوه حبيبي وزوجي وماعرف شنو والله هواي أتعجب منهم! شني حبيبي وزوجي المستقبلي، يعني هسه من كل عقلچ تحبين واحد نفس هذا! وتسوي قصص وتكتب عنه وتتخيل نفسها وياه وتتزوجه بالمستقبل ويخلفون جهال و... حتى هنا بالواتباد من تبحث على قصة معينة تظهر لك قصص إلهم وناشرين هواي عنهم، والمشكلة من تنصحهم يهجمون عليك لا انته شكو وآني حر هذي حريتي الشخصية انته المفروض ما تتدخل، عود صدگ تحچون شوفوا حالكم هسه انتم راضين عن نفسكم هيچ؟
تخيل يوم القيامة يجي وانته مدمن عليهم، الله يسألك على الصلاة وانته ما تصلي بس تسمع هذوله ليل ونهار وحتى كلماتهم حفظتهم ورقصاتهم وحركاتهم تروح تتحاسب عند الله وانته كلشي من أعمال ما عندك، گاضيها بس أغاني ورقص وتكتب قصص عنهم وهذا حبيبي ورح اتزوجه ونسوي عائلة، وحتى غرفتهم من تدخلها صورة لفلان وثانية لعلان وكوب على شكله وميز كله صورهم وأغراض عليها صورهم وماخذ مدري شچم ألبوم وتوقيع وماعرف شنو
لازم ننبه الناس على أفعالهم هذه كلها خاطئة واحنا الله أمرنا بالأمر عن المعروف والنهي عن المنكر هذا من واجبنا في ديننا، والأغاني بكل أنواعها محرمة وغير جائزة شرعًا إلا البعض الشيوخ حللوها وهي اللي ما تناسب مجالس اللهو واللعب ورح اذكرها البارت اللي بعده، فلازم نحاول ننشر ونوَعِي الناس على مدى حرمة هذا الفعل البذيء اللي ما يليق بإنسان الله انطاه عقل وميزه عن سائر المخلوقات ووعده بجنة ماكو مثلها بالكون كله، الجمال والهدوء والسكينة والراحة كلها هناك بالجنة، فهل يستحقون نترك الجنة بعظمتها وبجمالها وبكلشي فيها ونتبعهم؟ بل هل الأغاني تستاهل أحد يسمعها ويترگص عليها؟ عمرك بحياتك شفت إنسان عاقل يفتح أغاني ويگعد يرگص وينگز ويسوي حركات مدري منين جايبها وعود من تنصحه يگلك هذي حريتي الشخصية ومسوي نفسك شيخ علينا وهذا شي ميخصك آني اللي رح اتحاسب لو انته
فاتمنه من أخواني وأخواتي أن ينظروا في أمرهم وما يفعلونه، فكر وتمعن بالتفكير هل أنت راضي عن نفسك وحياتك هذه؟ هل أنت مستعد تتحاسب على أعمالك هذه، عند الله سبحانه وتعالى ويسألك عن أعمالك هل رح تكون فخور بها؟ لو رح تستحي وتخجل؟
وتذكر إنك رح تترك نعيم الجنة على أشياء ما تستحق تسويها أصلاً ورح تتمنى إنك ما سويتها وتتندم عليها لاحقًا
في الخِتام...
أسأل الله أن يهدي الجميع ويرشدهم إلى طريق الحق والهِداية، وأن يغفر لِمَن تاب وابتعد عن الذنوب والمعاصي، ومن يجاهد نفسه في زمنٍ أصبح الحرام فيه حلالاً بنظر البعض، وأصبحت أفعالهم تحت مسمى حرية شخصية، وأشجع كل من يجاهد ويقاوم بألمٍ وتحسر فاعلم إن الله معك والله لن يخيب ظنك أبدًا وسيكافئك بما تستحقه، فصبرًا جميلاً والله المستعان وهدى الله الضالين منا وثبت الصالحين على نهجهم، وعجَّل الله بظهور قائم آل محمد صاحب العصر والزمان نفسي له الفِداء، لينتقم من أعدائنا ويأخذ بثأرنا ويملأ دنيانا خيرًا وأمانًا بعد أن مُلِأت ظُلمًا وجورًا.
دمتم برعاية صاحب الزمان 💚
نسألكم الدعاء 💞
أنت تقرأ
سَأتغَيرُ إلى الأفضَلِ
De Todoلست بنفسي أتباهى فإنني مثلكم خطاء وخير الخطائين التوابون، هلم نتوب قبل فوات الأوان فوالله لا شيء أفضل في هذه الدنيا من توبة صادقة، جاهد نفسك وواعدها أنك إن خرجت من هنا ستكون قد تغيرت للأفضل ❤.
