رفعت بصري إلى السماء
وليتني لم أفعل
رأيت ما كان يأرقني لقد رأيت خيالك
.. يبتسم ابتسامة طفل
رأى أمه بعد غياب سنين
ما لبثت حين جاءت الرياح تدفع الغيوم
لتزيح ما كنت أنظر إليه
من خيال سناك السحار
أردت أن أودعك حينها..
لكن..
فجأه غمرني شعور..
لا أدري أردت أن أزيح تلك الغيوم لم أستطع
.. ركبت البحار لكي ألحق بسناك
.. لم أستطع همت على وجهي
لقد أردت أن
أقول أحبك.
طلعت النتيجه مالتي طلعتلي تحليلات
فرحت بكل معنا الكلمه
امي كامت تبوس بيه
كامت كالت امشي خلي نسوك ونسوي دولمه بمناسبة نجاحج
اني فرحت على فرحت ماما
حسبت نفسي سويت شي خليت ماما تفتخر بيه
رحت بدلت
ونزلت كتله يلا يمه نروح
طلعنه رحنه اسوكنه وجبنه غراض الدولمه وجبنه جكليت
وبعد شغلات
ورجعنه للبيت
كعدنه نسوي دولمه وماما كلساع تباوعلي وتبتسم فرحانه على فرحتي
خلصنه لف الدولمه حطيته على نار وكمت اسوي كيكه بلككو
مرت ساعتين كاعده اني
سمعت الباب ندك
ركضت افتحه دخلت شهد
فرحت بجيتها
اخذتني بحضنه وتبوس بيه يمه شكد مشتاقتلج
جان اخو زوجه اسمه يوسف جاي يوصله نتبهتله اكلني بنضراته
بعدت اخذت ابن شهد. وبته ودخلت وشهد كالت اله يدخل بس رفض وراح
دخلت للمطبخ وشهد وراي فرحانه لان اجت
شهد: وين امي
-بلغرفته
راحت شهد اشووفه
دخلت شهد لماما
واني اخذت رهف وابوس بيه وهي تضحك
وايفان بس يباوع. ومطنكر
غزل:ولك ايفان شبيك مطنكر
طبعا ايفان عمره 4سنوات ورهف عمره سنتين
ايفان:خاله انتي متحبيني تحبين بس غهف (رهف)
غزل:ليش احبك
ايفان:لامتحبيني شوفي حته شايله غهف وتبوسين بيه واني لا
ضحكت عليه وشلته وضليت ابوس بي وهو
يكول
ايفان:كافي كافي خاله
اخذتهم ورحنه لغرفت ماما نشوفهم شديسون
لكيتهن كاعدات يسولفن وشهد تشكي ضيمه
غزل :هلاو شدسونن
شهد:تعاي لج اشو حليانه. خير
غزل:هواني كلما اكبر احلا
شهد:والله حليوه صايره اني بكدج عندي. ايفان وانت بعدج
غزل:اوي ليش تغارين مني
شهد:اي ام خشم اغار منج مو
ضربته على كتفها وركضت
وهاي صيح مامااا واني اضحك عليها
ماما كامت للمطبخ
ورحنه وراها كامت تودي دولمه. لجيرانه
راحت توديها واني وشهد وحده تباوع للاخ وتبتسم الي يشوفنه يكول وراهن شي
أنت تقرأ
البانتون
Romanceجنت واكفه علئ الشباك وتلمس بطني واتمنيت بهاي الحظه هو موجود تمنيت يعرف انو ابنه بطني بس راح وراح كلشي وياا واكفه ودموعي تنزل اتذكر الايام الحلوه العشته وياا تذكرت هواي اشياء
