البانتون

البانت العاشر

يمّ بابَك تراب أنطفّي
و أنباگ و أتوزّع ضِحك
چّم ثوب ألك جاسَه المُطر
بطُولك عِثر ذاك النَهر
ما صحّ عُطر ..
يَـ التسبَح برُوحي شبَعد !
حُضنك بُرد ..
سولفنّي يمّ گلبك حَزن
بلچن تحنّ و ترد حَضن .

(لاتنسون التصويت والتعليقات بين الفقرات)

ــــــــــــــــ
(غزل)
انتَ شجابك هنا

عمر:(بضحكه مليانه استهزاء)
-عمج باعج الي
-شنو باعني شنو تحجي انت
بيك شي شنو باعني اتهسرت وضليت اصيح واسب بي وبعمي
رجعني الماما رجعني
خبصت الغرفه عليه ماحس اله حراره بوجهي صارت
اي.. اي ضربني
جان اكو كلاص مال السم مالته
شمره عليه احس وجهي الحراره تطلع منه
من حلات روحي ضليت اكمز
عافني وطلع اشوف بس الدم يوكع رحت للحمام اريد اوكف الدم احس راح اتخبل
اني شجابني هنا
ياربي ساعدني
الجرح صاير بكصتي يموت اذيه
حطيت اكلينكس علمود يوكف الدم
طلعت من الحمام جان حاطني بغرفه مليانه صوره
اندك الباب
دخلت بنيه تطلع عمره بال30
سرئ: انتِ شجابج هنا
غزل: ضلت ادموعي تنزل ماعرف شحجي
سرئ: الله يساعدج لازم مثل حالتي
-ليش شنو حالتج
-اوفف شحجيلج اني باعني ابويه لان ماعنده فلوس

غزل: ضليت صافنه واباوع اله معقول اكو هيج اهل معقول اكو هيج اب
زين صارلج كم سنه هنا
سرئ: صارلي 5سنوات اعاني
جنت مزوجه
غزل: وين زوجج لعد
سرئ:شهيد حته ابني شهيد وبنتي هم شهيده
تحجي وتبجي
غزل: زين خاله شبيهم جهالج
ماكدرت تحجي حضنته
لاتبجين الله فوك ماينسانه
كل مظلوم الله يرجع حقه خلي املج بالله جبير خاله
سرئ: ونعم بالله يلا بنيتي كومي
واني هنا تكدرين تعتبريني مثل اختج او مثل امج بكيفج
غزل: شكرا
سرئ: يلا لاتحجي الحجيه تكسرنه
غزل: منو هاي الحجيه
-ام عمر
غزل: تمام
هي طلعت اني ضليت بالغرفه اروح وارجع
اجه هذ الوصخ عمر
عمر: ها لج كح** ليش ضاله بالغرفه
حضري نفسج اليوم اليله الج
غزل: يععع كل عقلك اذا انت الحرام يمشي بدمك اني اخاف من الحرام
وماتتقربلي احرك نفسي والله
عمر: ههه هو بكيفج مشتريج بفلوسي
غزل: لاوالله قابل بكيفك تشتريني اني بشر عمي ضحك عليك هاي مومشكلتي روح لعمي واخذ فلوسك اني موللبيع تفتهم
عمر: اكدر اشتري كلشي بفلوسي واشتريج واشتري عمامج
اخليكم خدم جوه رجليه
غزل:اعلى مابخيلك اركبه
رجعني الاهلي
عمر:مارجعج
غزل:ضليت اصيح عليه رجعني
راح غير ملابسه يريد ينام
تمدد على السرير
رحت عليه كوم اخذني الاهلي رجعني الاهلي هسه اريد ارجع
اجت امه على الصياح
ام عمر:شهل الصياح المهجومه ام الزلم شبيج صارخين فوك شينج كوه عينج جاي نريد نستر عليج
غزل:بلازحمه شبيه وسترين عليه ابنج الهيلك لزك بيه رجعوني لاهلي لاحرك البيت عليكم رجعوني
ام عمر: شنو هي لعب نرجعج
كام عمر مثل الثور
طلعت امه لزم الحزام وكطعه عليه
واني اصيح الله لايوفقك حسبي الله عليكم
ويه كل ضربه ادعي عليه وعلى عمامي وهو كل مادعي يزيد لحد ماتعب كطع الاحزام عليه اخذ ملابسه وطلع
لميت نفسي وابجي اني مكتوبلي بس ابجي
مامكتوبلي ارتاح بحياتي
نمت من الوجع
والدمعه بعيني
كلش محتاجه ام طبطب عليه محتاجه اخت ادافعلي محتاجه اب يسندني.
شنو اني ضاله بهذ البيت بايعيني
ولاعقد ولاصخام حته مايعتبر زوجي
انقهر على نفسي الي صارت رخيصه لهل درجه اكو عمام ينطون بنات اخوهم هيج هسه شلون امي شون شهد
رهف ايفان شلونهم
التفكير ياكل
ضليت على هاي الحاله اسبوع كله ضرب وسب وتنظيف
و لااهلي يجون ولاعمامي حرامات اسميهم عمام
بيوم كاعده ساعه12بليل .
النوم مايجيني
اريد عيني تغمض اريد انام ماكو ضليت افكر اكثر من طريقه شلون اتخلص منهم شلون اطلع من هذ المكان الي كله وحوش
اكيد ماراح اضل طول حياتي وياهم وهذ الذل
ضليت الوب بمكاني افتر بالغرفه اخر شي دورت على سجاده والقرآن ماكو طبعا كفار
لبست حجابي وكعدت ادعي واقره الايات الي حافظتهن
لحد ماسمعت صوت الاذان ماعرف القبله منين
طلعت من الغرفه
نزلت امشي على كيفي دخلت للمطبخ
ماحس اله احد شغل الضوه وحط ايده على حلكي كتم صوتي
وحط السلاح براسي اني هنا خفت ماعت روحي
اريد اصيح ساد حلكي
نَبَسَ باذاني (اذا طلعتي صوت افرغ السلاح براسج)
خوفني اكثر
طفه الضوه ماال المطبخ اريده بس يعوفني طلعني مكان بعيد علمود لاحد يشوفه بالكامرات
وخر ايده من حلكي
صحت بي انت شبيك شتريد مني
-اول مرا اشوفج هنا شنو جديده من كح** عمر؟
غزل:اي مواني اختك
اجه فرك حلكي وجعني
غزل:انت همج ومتخلف الله ياخذك
خليني اروح عطت جان سد حلكي
-سدي حلكج لاوالله افرغ السلاح بحلكج
واكتل عمورتج
غزل:من الخوف سكتت كلشي يسون
شوف اني معليه بعمر الله ياخذك انت ويا الي عليه اريد ارجع الاهلي
-ليش انت شجابج هنا
غزل:دموعي تنزل
شتريد اكلك عمامي باعوني
ولا اكلك عمامي مابيهم خير
لو اكلك عمامي ماعدهم شرف
عمامي كلشي يسون علمود الفلوس نفسك ونفس عمر
لو ابويه جان عايش مراح يسمح يصير الي دايصير هسه
كلكم ماعدكم غيره وشرف كلكم تفكرون بشهواتكم وبالفلوس
طمااعين الادنى حد
-هاي سوالفج مويمي يم عمورتج يصدكهن
غزل:عاد والله ممحتاجه احد يصدك. تضرب منك اله
رجعني للبيت
-مارجعج عندي احسابات اريد اصفيه
غزل:اني شعليه بحساباتك رجعني للبيت وانت وياا صفوهن سوه
جرني من ايدي صفت سياره صعدني واني بس اصيح واريد افتح باب السياره قفله ضليت اضرب بي نزلني اريد انزل
جنه حايط ماتحرك وهذ منطلق بكل سرعته
وصلنه مكان صحراء نزل الي جان يسوق كاله بتوفيق ارثر
صعد الي اسمه ارثر مكانه ابتسم بوجه الولد
وحرك السياره يباوعلي من المرايه
واني ضليت بس اباوع مليت من الصياح صوتي راح تعبت
ارثر:ها ليش بطلتي صياح صيحي براحتج محد يسمع
غزل:باوعتله صفح ومارديت
وصلنه منطقه مهجوره البيوت كله تعبانه نزل اني ضليت بالسياره اخاف يتخيلي يطلعلي جن
البيوت تخوف
ارثر: ست الحسن متنزلين
غزل:لاماريد انزل تره المكان يخوف
ارثر:نزلي بدون دلع
غزل:نزلت بس خايفه فكرت انهزم
اي خلنهزم واعوفه
ركضت. هو ماركض وراي ولا اجه كلت شعجب خلااني انهزم
ضليت اركض ليوين اريد اوصل كلشي ماندل
شفت سيارته وراي وكف يمي وحجه وين تردين ترحين يعني على مطلعين من هذ المكان يرادلح اسبوع وهذ الاسبوع اذا مامتي من العطش والجوع ويضحك ماهتميت ضليت مطنكره وامشي
ارثر:ضلي براحتج انهزمي شوي اذا طلعن حيوانات
ا