البانتون

البانت السادس

شسألك ألا نرتخي
أمام جراحنا،
وألا تتمكن مِنا الهواجس،
وألا يغدر بِنا الأمل،
وألا نكون سببًا
في تدمير أرواحنا، آمين.

......

واكفه باب الصاله
حطيت ايدي علئ حلكي
على المنظر الشفته
اباوع واني مصدومه من شفت
ماما واكعه بلكاع ومليانه دم
المنظر بحد ذاته جان مرعب رجفت
واني اشوفه مليانه دم ونايمه بالكاع لا حول ولاقوه
جانت شهد حاضنته وتبجي
ركضت شبكته
يمه فدوه كعدي اروحلج فدوه كعدي
يمه ضلينه منعرف شنسوي
شهد"شوفيلنه واحد ياخذه بسرعه روحي
طلعت دكيت الباب علئ جيران اريد احد يفتح
جانت لحظه مرعبه تخوف بنص اليلل كعدت بالكاع وضليت ادك والطم واملخ بشعري
تعبت احس نهد حيلي سمعت جيرانه طلعو مفزوعين شكو شصاير
اني نشليت ماعرفت احجي بس ائشر
ماعرف شون طلعت مني اللكلمه وكتلهم ماما نكتلت جوه لحكوه
همه مكالو شي ركضو يشوفوه
شالوه وحطوه بسياره اجتي ام تالين ويانه وتهدي بينه تكول ان شاء الله مابيه شي
وصلنه للمستشفئ اخذوه
ضلينه منتضريه حالتنه ماتمناه للعدو
جان يوم صعب كلش
يوم سيئ
يوم تعيس يوم ماعرف شلون اوصفه
اجو يسألون شنو سبب الحادثه اني صافنه كلشي ما عرف سألوني كتلهم لكيته هيج واكعه بصاله
بس الصدمه جانت عد شهد
شهد"اني دانزل لان حسيت اكو حركه
شفت ضاربين ماما ومهزومين ماشفت شكلهم
بس شفتهم من جانو ديطلعون
سئلونه خاف عدنه عداوه كنالهم لا ماكو اي عداوه سمعت طلق شي احنه  طلق مسمعنه
الصدمه مداكدر انسه يوم الماما وكعت كبالي ودمه بطوله حضنتها بكل قوتي وبجيت
منتظرين يطلع الدكتور ونعرف شون صارت
باوعت علئ غزل ترجف ودموعه تنزل ركضت كعدت يمه وحضنته ضلينه نبجي سوه
ضلينه منتظرين لحد ماجه الدكتور كال الحمدالله علئ السلام. مابيه شي
حالته زينه
شهد"دكتور نكدر نشوفه
دكتور"لاموهسه من تكعد لان بعده بلبنج
ضلينه منتظرين
رماد:كومن خويه امجن زينه اكلن شويه
شهد:لاماشتهي شوفه اذا تريد تاكل
غزل:لاشكرا اني هم ماريد
رماد:موزين عليجن والله اكلن ومن تكعد امجن تشوفنه
الولد شافنه من نستجيب اله سكت وراح
ضلينه منتضرين ماما شوكت تطلع
خوف على قلق
نمت على كتف شهد
بين الصاحيه والغافيه
اسمع شهد ماعرف ويامن تحجي بس كل عاده ماراح اكعد واضل نايمه
فزيت ع ايد شهد وهي دتكعدني
كعدي خلي نروح نشوف ماما
صحصحت
وكمت بتعب
مشيت ويه شهد للغرفه جنت بس اريد اشوفه
دخلت واني متلهفه اشوفه
شفته نايمه بلسرير باوعت ع وجه شاحب من التعب
ماتكدر تتحرك
ركضت حضنته حسيت ايده على راسي بسته
ودموعي تنزل
متكدر تحجي اجت شهد حضنته وضلينه مكابليه وكاعدين خايفين يصير بيه شي
اجو يحققون  سبب الضربه
ام شهد: ياسيدي انه جنت بغرفتي حسيت اكو صوت باصاله طلعت اشوف شكو
شفت ثنين ملثمين كدامي شافوني كبل ماحس اله حراره بجسمي لاصوت ولاشي اعتقد السلاح بي كاتم فما سمعت صوت بس وكعت بعدها ماحسيت بشي
الموقف مايروح من بالي
غزل:
ضلينه يومين بلمستشفى
كدرنه نخرج ماما خرجناه حالته صارت ممتازه
ام تالين ورماد ماقصرو جانو ويانه
رجعنه للبيت وام تالين توصينه على ماما ولاتخلوه تتعب
خليناه بغرفته ورحنه نغير ملابسنه ونسبح لان يومين على نفس الملابس مارجعنه
دخلت سبحت وطلعت نشفت شعري
لبست دشداشه خفيفه
ومشطت شعري ونزلت النظافه راحه
شهد:الجهال وينهم ناسيتهم
غزل :تلكيهم يم بيت ام تالين
شهد:لعد خلي اروح اجيبهم والله عيب
لبست عبايه وطلعت دكيت الباب على بيت ام تالين
طلع رماد
رماد:هلا خو ماكو شي
شهد:ببتسامه لاماكو بس جهاال يمكم
رماد:بتعجب جهالج ذول؟؟؟
شهد:اي جهالي
رماد:بصدمه اها تمام هسه اصيح الهم مدخلين
شهد:لالا مادخل بس صيحلهم
راح يصيح الجهال بكلبي شبي هذ ليش استغرب
هو جان  حلو عيونه مكحله شواربه خفيفه
لحيته هم خفيفه زايدته جمال شعره اسود
شخصيته حلوه لو شكد ماوصفه اي بنيه راح تحبه من تشوفه
اجه لازم الجهال
اجاني ايفان يركض ويصيح ماما
نزلت بمستوى حضنته وبست خديداته بعدها اخذت رهف بحضني بسته وشلته ولزمت ايفان بيدي هوجان صافن علينه باوعتله وكتله شكرا موقفكم هذ ماراح انسى
رماد:ولو عفوا
رجعت للبيت
دخلت الجهال جانو نظيفين مبين سابحين
همزين مابيه حيل اسبحهم
راحو يم بيبيتهم وهي تبوس بيهم
دخلت للمطبخ شفت غزل داسوي كبده وتسويلنه غده
الله يساعدج حبيبتي
غزل:ويساعدج يروحي
شهد:همزين بدون ماكول حضرتي اكل لان جوعانه
غزل:تددللين يروحي
طلعت من المطبخ كعدت يم ماما اريد اشبع منه واشوفه زينه بحدود الساعه هيج شوي واجت غزل حطت الصينيه مال اكل
كعدنه ناكل
غزل كاعده توكل بجهال اني خلصانه من هاي المهمه
اسمي ام كله غزل ترتبهم تخاف عليهم توكلهم بعد هي الخاله
امي بدت تصير زينه بمرور الايام
واني بديت ادرس للامتحانات الخارجي
جانت فتره متعبه كله دراسه حياتي ماطلع ولااروح لمكان جانت غزل تشجعني و اي موضوع ماعرفه اروح اله
دخلت عليه  غزل
غزل"اكلج شهد قنعي ماما نروح لخطوبه هدئ
شهد:شنو راح تنخطب
غزل:اي خطوبته بعد يومين
اريد اروح حبابه
شهد:ترا همه خطوتين متروحين
غزل:ترا تدرين ماما ماراح توافق
شهد:هي اكيد راح يعزموه بعد شكو
غزل:خاف متقبل تروح انتي قنعيه
شهد:امشي نروح نكعد يمه ونشوف
رحنه كعدنه يمه جانت تخيط
باوعتلنه كالت ها شعدجن
شهد:ماعدنه شي اجينه نغير جو يمج
ام شهد:اها تمام. وين جهالج
شهد:مادري اعتقد جاي يلعبون بالغرفه
ام شهد:ديربالج عليهم
اجت رساله الماما لزمت التلفون شافته بس ماعرفنه منو كلنه يجوز جيرانه او علۍ الخياط لان هي هواي عده صديقات
ام شهد:عزموني على خطوبه هدى بس ماليخلك اروح وعندي شغل
شهد:لاليش ماما احنه نريد نروح
ام شهد:روحن انه اضل بلبيت
يلا جيبولي عبايتي اريد اودي هذ الخياط
ركضت اجيبله عبايته لبسته واخذت الخياط وطلعت
غزل:اشو امر ماما صاير غريب
شهد:من يوم يومه ماما غريبه مو جديده
غزل:الله يعلم
شهد:غزل بطلي تدخلين بشي ميخصج
هسه موقبلت روحي فكري شتلبسين
للحفله مال صديقتج
ضربتني وراحت للغرفه هزيت ايدي ورحت للغرفه
اباوع على شكلي بلمرايه متحسنه هواي
صفنت ورجعت لذكرياتي التعيسه واني
اذكر بيوم جنت محضره نفسي لان جان عيد ميلاد سيف ومنتضرته يجي اريد افاجئه بابسط شي
دخلت يباوع شنوهاي شهل خرابيط
شهل هوسه شعدنه
شهد:هاحبيبي ماعجبك
سيف:شهل خرابيط تحجين صدك مال شنو هاي الهوسه شعدي اني هنا
شهد:حبيبي حبيت احتفل بعيد ميلادك سوه
سيف:تردينه نحتفل سوه واهلي جوه لا ماحتفل اذا مو اهلي
اخذ الكيكه ونزل الاهله فرحان بيه باوعت مصدومه من تصرفه اجت اخته كالت
رزان :ها شهد وين الحلويات خايفه عليهن سيف كلي جيبيهن
اشرتله عليهن اخذتهن وراحت نقهرت من تصرفه شهل اسلوب ردات احتفل ويا هيج يسوي
كتمت قهري رحت غيرت ملابسي وطفيت الشموع ولفيت راسي اريد انام اريد ابتعد عن هوستهم احس فشلت كلت ابد بعد ما اسويله عيد ميلاد هذ مال عيد ميلاد
حته ماصاحني اهم شي اهله
كله يفكر باهله واني اخر اهتماماته
اخذتني صفنتي
ليوم جنت مريضه ومابيه حيل اسوي شي نايمه بغرفتي ماحس الى الباب اندفع بقوه كمت من الخوف اريد افهم شكو اجه سيف كطعني تكطع ضربني بلحزام بكل قوته ويه كل ضربه اموت الف موته شاغت روحي من الضربات الي ماعرف منين تجي اريد افهم السبب اسمع يكول ليش تجاوزين علۍ اهلي ليش متقبلين تساعديهم بلبييت
جنت اصيح واحلفله وهو ماكو ميستجيب تعبت من الضربات صرت ماحس بشي من كد الضرب عافني وطلع كمت من وجعي دموعي تنزل
فزيت من صفنتي واني دموعي تنزل اخ يا شهد تحملتي هل وجع من انتي وصغيره وراح تتحملين بعد هواي شون راح اكدر احارب الناس
شون راح اوكف علۍ حيلي ومحد ينتقدني
اخاف على جهالي بعد يومين يعيروهم بيه لان مطلقه
اخاف على مستقبل اطفالي الي مالهم ذنب بشي
شحجي شكول يابه زوجتني ورحت الله يرحمك
تنهدت اخذت نفس ومسحت دموعي
ماعرف شنو اسوي حايره مليت من القرايه
مليت من حياتي كله
رحت لغزل اشوفه شنو راح تلبس اشغل نفسي بي شي المهم ماريد افكر بالماضي
ها لج ختاريتي شنو تلبسين
غزل:للاسف لا داختار بعدني اريد شي حلو خلي ابدل وشوفي
شهد:يلاتمام
ضلت كل ساع مبدله واكله ماحلو. وهي هم ممقتنعه وترجع تغير
تعاي لبسي هذ خلي اشوفه عليج
جان فستان  كبس ودلع من يم الصدر والكتاف مالته نازله لونه وردي هيج شي
لبسته وطلع عليه كلش حلو
ختاريت اله ويا حذاء ابيض كعب
هي هم عجبه عده كومه فساتين تشتري ومتلبسهن لان ماعدنه حفلات احنه ولامناسبات
بس من جنت عد عيالي اروح مناسبات وهم قليل مو بكثره
كعدت اختارلي فستان
لكيت فستان مستور بس جان نص ردان وبي ركبه
لون اسود
اخذته اغسله علمود اكدر البسه
رحت غسلته وشريته علمود ينشف
ويه نزلتي شفت ماما هستوه راجعه
الله يساعدج يمه
ام شهد:ها حبيبه ويساعدج بنيتي
شهد:شو طولتي
ام شهد:شنو تحاسبيني
شهد:لاماحاسبج بس داسئل
ام شهد:يلا روحي لغرفتج معليج
شهد:اي يمه نقهرت بداخلي ماريد ابين
تعامل ماما جدا جاف ويانه مابي حنيه
يجوز اني اشوفه هيج مدري هي من قبل هيج الله واعلم
رحت للمطبخ غسلت المواعين
وانظف بلكاونتر والطباخ غسلت المطبخ غسل احس ظهري نكسر من المطبخ اجلف من كل گلبي خلصت من المطبخ رحت مسحت البيت ونظفته طلعت وراه للطرمه
رشيته وضليت اغسل باوعت خلطب مالابسه حجاب لاحد يشوفني حرام عليه
غسلته وطبيت احس ظهري نقسم نصين من التعب
ومن كميت الشغل
خلي اسوي عشه واكعد فرد مره هذ الحجي كله جانت الساعه ب8خمس ساعات اشتغل حرام
جان عدنه كبه طلعته اكليه وكليت وياه كباب
وسويت زلاطه وحطيت لبن
خلصت الاكل شلته وديته يم ماما بالغرفه وصحت غزل والجهال
كعدنه نتعشا واحد صافن بوجه الثاني اني وغزل وماما رايحه باعالم ثاني ليشوفه يكول عاشكه ومفلسه
غزل غمتني والتهت باجهال توكلهم خلصت هي والجهال كامو تغسللهم
واني شلت الصينيه وماما صفنه تجيبه وصفنه توديه ماعرف شبيه ولا اريد اعرف اني مو شخص فضولي
ميهمني الدنيه طشت او رشت
عليه بنفسي ماحب ادخل بشي مايخصني
غسلت المواعين اخذت الجهال لان صار هواي مكاعده ومسولفه وياهم
همه كيفوو
شهد:تعالو دانسولف
ايفان:انتِ متحبيني
شهد: ليش ماحبك
ايفان: كله تعوفينه كله كله
شهد: غير اني مريضه اجه حط ايده الصغير علئ راسي
ايفان: صدك مغيضه تعاي نامي  بحضني
شهد: باوعتله شكد حلو اكزكز عليه من اشوفه اخذته ابوس بي واروح ابوس ركبته وهو يخرب من الضحك
واني علئ ضحكته اضحك
ورهف كاعد تحجي
مدري شتحجي تمسلت "رهف"
لج انتِ شتسولفين شتحجين
تسولف وتخرط بكيفه بسته وكعدته بحضني
ايفان تحب رهف
ايفان: اي احب غهوفه هاي النفس والغوح
يمه يمه فدوه للي يحب اخته
جنت دائما اقربه من اخته اخلي يحبه واكله هاي اختك ماله غيرك لاتأذيه اريده يضل يحبه اي شي يشتري اخلي يذكره ويشتريله نفسه علمود لا ينساهه
جنت دائما احببه بيه اول ماصرت حامل جنت اكله شوف شجابتلك اختك او اخوك شوف شنو هاي شوف اختك او اخوك يحبوك جنت بكل طريقه احببه بيه وهو لمن ولدت هو جان خايف عليه ويحبه ويريد يشيله اخليه بحضنه
مرات ابقيه يمه علمود اخلي يحس بالمسؤولية اتجاه اخته
لواخلي كل شوي يروح يبوسه
اريدهم يصيرون گلب علئ گلب
بحكم ابوهم ميريدهم لان يعتبرهم مو اطفاله
باختصار تنازل عنهم بسبب مشكوك اني اخونه
نقهرت اي بس زادني قوه
غزل*
كل وقتي بالبيت اكضي بين الدراسه والجهال
طبعا الجهال خاليني انسه الضيم والقهر
بيوم كعدت اريد اروح للدوام
حضرت نفسي ومكياج خفيف رشيت عطر وطلعت من البيت اخذت عبريه
وصلني للكليه
دخلت للكليه اخاف اتأخر علئ المحاضره جنت دقيقه جدا علئ المحاضره واخاف اتأخر عليه
دخلت للقاعه مدنكه اكتب اجه ولد كعد بصفي ماحجيت شي
رافد: هلو شونج
غزل: لارد
رافد: موجاي احجي وياج
غزل: نعم وياي
رافد: اي لعد ويامن
غزل: تمام
رافد: مو اكلج شلونج
غزل: هذ مو شغلك
رافد: شنو مو شغلي تره سئلتج شلونج ماكتلج شي ثاني
غزل: وهسه اذا خلصت تكدر تروح
ضل كاعد ماتحرك دخل الدكتور وبدت المحاضره واني متوتره من هذ الي كاعد يمي
يلعب بلقلم ويسولف تاليه حضي لمصخم خلا يلتفت عليه ويسولف وياي واني مارد عليه
صاح الدكتور انتو الثنين مكافي سوالف كومو طلعو من المحاضره
يلا علئ السريع
غزل: بس استاذ ماحجيت اني
الدكتور: كلت طلعو علئ السريع
هو طلع اني متفشله الدمعه بطرف عيني
طلعت بعصبيه
هو اجه يمي
اني نزلت عليه
انت شبيك ماعندك كرامه لبستك ليش سوللف وياي وبسببك انطردت
رافد: ترا ثنينه نطردنه موبس انتِ
غزل: ترا انت متعود  متحضر محاضرات بس اني مامتعوده انطرد  كله بسبب واحد مثلك
عفته وطلعت للكفتريا
شربت عصير بعدها طلعت من الكليه
اخذت تكسي
ورحت للمتنبي
اونس نفسي اخذت كم كتاب باطريقي
لان احب الكتب بعدها جان اكو كشك يبيع لفات كص
اخذتلي لفه لان جعت
ضليت امشي وين ما رجليه تاخذني اروح
لكيت نفسي  علئ جسر الجادريه الهوه عالي
غمضت عيوني واتنفس احس  ارتاحت نفسيتي الهوه جان نظيف جان بي خيط من البروده لان بعدنا بداية الشتاء
ماريد ارجع للبيت اختنك من ارجع له
بس مجبوره ما باليدِ حيله
رجعت بطاقه للبيت
كل عاده رجعت نمت كتلهم لحد يكعدني
ما حسيت علئ نفسي ابد عبالك ميته
فزيت جانت ساعه با 10
انصدمت من نفسي كل هذ الوقت نايمه
كعدت دخلت اسبح ونزلت كاعدين همه
صباح الخير
شهد : صباح نور
اي خاتون هاي من البارحه نايمه محد كعدج
غزل: تدرين ما حسيت علئ نفسي
شهد: عادي حبيبتي تريكي علمود تحضرين نفسج خلي نروح
رحت اتريك خلصت وغسلت المواعين
صعدنه اني وشهد بغرفتي حتئ نبدل..

شهد: يلا نشفي شعرج علمود امكيجج وامكيج نفسي

غزل: نشفت شعري ومن الاطراف سويته مكسر
وهي تمكيج بنفسه لبست وبدلت واني بعدني انشف بشعري ماشاء الله عليه طلعت حلوه
ونادره كل هذ بنص ساعه

شهد: يلا ولج بدلي خلي امكيجج ونروح
رحت بدلت علئ السريع وكعدت علمو تمكيجلي
شهد: خلص سلميني نفسج واني اسويلج مكياج نار
غزل: يلا تمام
غمضت عيوني وهي بدت تشتغل كملت مكياجي وكالتلي فتحي عيونج
شهد: خرب يومج شهل جمال طالعه تخبلين
غزل: ابتسمت مباوعه لروحي.. بارزه ملامحي بشكل موطبيعي
عاشت ايدج
شهد: وايدج يعمري.. اوكفي خلي ارتب شعرج
فيرته وبرمت جوانبه  وثببتتهم بماشات علئ طول شعري صار مثل التسريحه يعني ليشوفه يكول رايحه للصالون ميكول متمكجيه بلبيت... باوعتله انتي اخت مبدعه
شهد: بغرور شكرا شكرا..
خلصنه ولبسنه صايات.. طلعنه من البيت
جانو هواي ناس واكفه بالباب
مدنكه راسي لمحت طوله
رفعت راسي شفته  ردات اصفن بي بس جرتني شهد علمود ادخل
ماتخليني اشبع منه
سلمت عليهم شفت هدئ طالعه تخبل ماشاء الله علئ حسنه وجماله جانت كاعده وملامح الهدوء علئ وجه باينه
فرحانه لان اجيت
بناتهم  يركصن
اكو كم بنيه يباوعلي صفح ماعرفتهن منو هنه
جانت الابتسامه مرسومه على وجهي
واكفه قريب على هدى
كل ساع وحده تجي تباركله
اجه الشيخ يعقدلهم وهي ورا الباب عقدو وخلصو بدت الهلاهل
رجعت كعدت بمكانه اني وشهد واكفين علئ صفحه سمعت كالو راح يدخل العريس .....

.
.
يتبع