يُغريكَ هذا النّور بي؟ لا تقتربْ
نارٌ أنا .. في موطنٍ رثٍّ خَرِبْ
لو كنتَ تحسبُني بلادًا .. إنّنِي
مَنفَى إذا منْهُ اقتربتَ ستغتربْ
أوْ كنت تحسبُني هدوءًا ما أنا
إلا الهياج فلو دنوتَ ستضطربْ.
...
بقلم الريم
(لاتنسوا التصويت والتعليقات بين الفقرات+متابعه)
ــــــــــــــــ
ريلا: ايي قررت واني موافقه بس بشرط
شبل: شنو الشرط
ريلا: اصير زينه ترجعني منين ماجبتني
وماريد اروح للقاع خليني هنا
شبل: سهله اكو غيره
هزيت راسي بلا
شبل: لعد گومي نروح هسه
ريلا: ليش هسه
شبل: شعدنه بعد حضري نفسج الولد ينتظرونه
باوعتله وحجيت
-تمام
هو راح يخابر اني لفيت شالي
ماكدرت افكر بغير حل اريد اخلص منه اريد ارجع الحياتي الطبيعيه كرهته بعد الي سوا
اتفق اني غبيه وافقت بس مو بايدي ضعيفه اخاف على ساعه يجيني سكران ويخسرني حياتي ويخليني خايفه طول حياتي شبل صار مثل الجيثوم
خانكني مايخليني اطلع صوت مهما اصرخ محد يسمعني تعبت اريد اعيش مثلي مثل اي بنيه
حسيت بعذاب عمتي بس من نوع اخر
احنه مكتوب النه العذاب
قاطع افكاري شبل واكف يخابر باوعلي اجه لبسني الحذاء خلص اتصال وسده
شبل: يلا ماعندج شي
ريلا: لاماعندي
الف ياعلي مشيت وهو لازمني يخاف اوكع
ريلا: اكدر امشي
شبل: لاخاف توكعين نوب نروح للمستشفى بدال المحكمه
-انتَ بطران والله واحد بعده ماصاير زين وتفرفر بي
-غير اريدج تمشين وتتحسنين
اذا ضلين نايمه ماصيرين زينه
طلعنه صعدنه بسياره
الخوف سار بكل جسمي
ماتوقعت نفسي بيوم اخطي هيج خطوه بدون اهلي خطوه محاسبتلها حساب كل ضني اطلع من ضيمه
و اتحرر منه شنو ذنبي عساني ما شفتهم ولا التقيت بيهم شجابني بنص اليل وطلعت
اثناء تفكيري الي ماله اي فائده انتبهت لشبل وهو يكول
-يلا وصلنه وين صافنه
نزلنه ودخلنه للمحكمه
هو يمشي ولازمني وكلساع يسلم على واحد
هواي ناس وضباط
استرجعت ذكرياتي لمن بديت اشتغل محاميه
شفت مجموعه من الضباط واكفين على صفحه
واكو بعض الي مسجونين واليوم محكمتهم لابسين اصفر والي لابسين برتقالي والكلبشات على ايدهم بعض منهم اشكالهم تخوف والبعض لا اشكالهم فقره
بس الخوف بداخلي اجتني تخيلات
هسه واحد منهم يجر السلاح ويرمينه كلنه وينهزم
لان مجرمين مو سهلين
وبعدين اكول لا هاي محكمه هي هيته تعال واكتل
انتبه عليه شبل همس يم اذني
-شبيج لاتخافين ترا مايعضون
ريلا:خاف نوب ياخذون سلاح ويكتلونه
شبل:شحدكم
ريلا:من يكتلوك كول شحدهم
مارد عليه وغلسني
زفرت كل قوتي
أنت تقرأ
البانتون
Romanceجنت واكفه علئ الشباك وتلمس بطني واتمنيت بهاي الحظه هو موجود تمنيت يعرف انو ابنه بطني بس راح وراح كلشي وياا واكفه ودموعي تنزل اتذكر الايام الحلوه العشته وياا تذكرت هواي اشياء
