البانتون

البانت السابع

غفيت اليله بس داعيك ما يغفه ..؟

رايح بس وجودك تارس الغرفه..
وعذرتك من مشيت بعيد..
البشر مثل الرسايل كلمن وظرفه..
عندك غير بس غيرك فلا عندي..!
وليغرك الناس الاضحك وياها ..
انا بوكت الحزن وحدي ..!
.......
في مكان ما

جسمي متكسر ظلام يحيطني
رائحه الخمر
صوت صرير
صوت قطرات الماء
جانت هاي الاصوات توتر مو اول مره يصير هيج
حاولت جاهدا اتحرك من مكاني طعم دم بلساني.
حاولت الملم روحي واستر نفسي
اخذت بقايا ملابسي المشككه
دخل عليه حسيت برجفه خوف رعب من الي راح يصير
تقدم عليه سحب ايدي
احاول اصرخ ماكدر احس نفسي خرسه
قلع الاظفر وطلع
صارت نافوره من الدم
شاغت روحي صرخت بكل قوتي
ضغطت علئ اصبعي علمود يوكف الدم
حضنت نفسي ونزلت دموعي
اريد اصرخ اريد اطلع من هل الجحيم الي دخلت نفسي بي
صار تسع سنوات متحمله هل اذيه والقهر اريد ارجع الاهلي بس يكتلوني
سمعت صوت الشمطاء
وسيمه
دخلت بهيبته الجكاره بين شفايفه عاقده الحواجب تشاهد زوايه الغرفه شبر شبر تفحصت المكان وجهت نظره الي باوعتلي نظره ماعرف شنو افسره
تقدمت علئ الشباك فتحت البردات تباوع من الشباك بصمت وتشرب جگاره
ضلينه علئ هاي الحاله خمس دقايق اني منتظرته تطلق الامر
مثل المحكوم ومنتظر الافراج
جنت اترقب حركته
ماحسيت غير هي فوك راسي ومطفيه الجكاره بخدودي حجت
وسيمه:ديربالج اطلعين صوت واحد ادفنج هنا
.سديت حلكي دموعي تنزل بداخلي صرخه مكتومه
وسيمه:حضري نفسج راح يجون معاميل ثكال
ماريد هذ وجهج معبس عليهم اذا طفرتيهم احركج والله

.حركت راسي موافقه
طلعت وعافتني ضليت اندب بحضي وابجي شجابني صوجي اني صوجي
اذكر شون جنت عايشه مدلله وهسه شون
كعدت كدام المرايه اباوع الوجهي الشاحب
اثار الجكاير الي تتركهن الي الشمطاء
تغار مني لان شكلي حلو وهي عجوز رغم التعب بس وجهي ضل حلو
زينت وجهي بالمكياج
خفيت اثار الجويات
لبست فستان اسود كيبور
نزلت واني اطك بلكعب اسمع بس صوت الكعب مالتي توتر الف
رحت للمطبخ شفت تاله
داتشرف علئ التحضيرات
تاله :ها ست الحسن وين جنتي
.بحضن حبيبي ماقبل اطلع كلي تاله تخلص الشغل عنج ضلي ارتاحي
تاله بضحكه عاليه:شفته طالع من الغرفه عصبي ياترا شمسويتله هاي شنو اضفرج بس لاهم واكعه وراح اظفرج
جانت تتكلم باستفزاز
عصبت من كلامه بس ماكدر احجي وياها
عفته ورحت ارتب الصحون والكلاصات
تاله:يلا استعجلو راح يجون
.استعجلي علئ رزقج
تاله:عفوا ماسمعت شكلتي.
وجهتي نضرتي عليها باوعتلها بنضرات اشمئزاز ونداريت اكمل الي بيدي اجت عليه مثل الثور الهايج جرت شعري ديربالج تتحديني اني تاله هذ المكان مكاني احركج وانتِ عايشه
. ست تاله علئ اساس هو شون مكان هو هذ مستواج
تاله: ليش انتِ وين كاعده اني وياج نفس المكان عايشين بس كل وحده اله مقامه الخاص اتمنه فهمتي عدل لاتتمردين علئ اسيادج
وجهت كلامه تركت شعري وطلعت من المطبخ
ضليت اتلمس شعري الي كطعته بيده
لاول مره مينزلن دموعي
كملت ترتيب الصحون ركضت للغرفه
اريد اضل
اردفت شفت فستان ع السرير
تنهدت عرفت لازم احضر الحفله
دخلت اسبح
ويه كل قطره تنزل على جسمي
احس نار من ورا الجروح