البانتون

البانت الخامس

‫أَيا طيفاً يُراودُنِي اشْتِيَاقا
أَمَا لِمُتيّمٍ مِثْلِي عِنَاقَا !!

بكُلِّ العَابِرينَ تَرَاكَ عَيْنِي
فَهل يَعْنِي فرَاقَكَ لِي فرَاقا

وهَلْ يفْنَى هَوَانا فِي زَمانٍ
بهِ أروَاحنَا بَاتتْ رِفاقا ؟

أُحِبُّكَ يا أسِيراً فِي فُؤادِي
أمُوتُ وَمَا حَلَلْتُ لَهُ وثَاقَا

رفعت راسي باوعت بتجاه مصدر الصوت تفاجئت.
صارت عينة بعيوني
عبرته وسيطرت گوة .
شفته هو نفسه اي هو جانت عيونه مليانه خبث وبتسامه علئ شفايفه ضحك وطلعت سنونه الوسخه
رجعلي الموقف من البدايه راودني شعور خوف وقرف من شفته احس هسه يكدر يخترقهم كلهم ياخذني ومحد يحجي لهل درجه وصلت بيه كله يمي واني خايفه منه عرفت ان ناصر صار اكبر مخاوفي وما راح اكدر اتخطئ
وبعد ما شفته جاي زاد اصراري ان اطلق باسرع وقت خاف ارجع هالمره اذا رجعت اموت خلاص
جنت افكر شون نظرت المجتمع علئ المطلقه
جنت خايفه من النظره بس بعد الي صار وياي اقبل بكل الكلام المهم ماتأذه اكثر من هيج
صاحو علينه دخلنه نكمل إجراءات الطلاق
تمت بخير احس نفسي تحررت من قيود وبنفس الوكت احبه
اخذت نفس وطلعت مبتسمه امه تباوعلي صفح
اني ماهتميتلهم ولاباوعتلهم طلعنه اني وماما بعدها ابد ما التفت ولا شفتهم ولاردات اشوف شكله
طلعت واحس فراشات بگلبي
وعدت نفسي ابدي حياتي بعيد عنهم
وعدت نفسي اضل اربي اطفال اكبرهم حته ماجنت مفكره احب بعد
رجعت للبيت اني فرحانه بس بنفس الوقت مكسوره
لان مجتمعنا ما يقبل المطلقات
وراح تواجه هواي عالم
ولازم اتقبل كل الكلام الجارح والنقد بحكم اني مطلقه
عاداتنا وتقاليدنا مايحترمون المطلقه يحسوها عار للمجتمع مايكولون السبب من الزوج
للاسف هاي العادات موجوده عدنه
قررت اصير ام احتضن اطفالي بكل حب مهما كانت نفسيتي مهما كانت مصاعب الحياة ماراح اخليه تأثر عليهم
هل ياترئ راح دوم حالت شهد هيج او تتغير
هل تتغير للافضل او للاسواء (كتبولي بلكومنت علمود نشوفها بلنهايه منو حزر صح)

غزل:الخطوه الي خطته شهد كانت صح
البيت كان يسوده الهدوء
ماكو شي يوم بعد يوم دا تتعب نفسيتي من الدنيا ماكو شي جديد
دخلت للحمام اغسل ملابس
اخذتهن وصعدت للسطح اشرهن
واني اثناء ما داشر سمعت صوت بشارع مديت راسي
اشاهد الصوت تفاجئت بوجود كميه من الزلم
من بينهم لمحت اخو. هدئ
ماعرف شلون شافني وخزرني اني وخرت
وركضت واني داركض وكعت علئ وجهي
صارت ضربه قويه
كمت ابجي بلكوه رفعت نفسي صعدت ماما علئ مصدر الصوت
ام شهد:شبيج يمه شهل صوت
غزل:وكعت ماما
ام شهد:كومي
شجنتي سوين
.داشر ملابس
ام شهد:هنه ملابس مادبرتيهن
هو انتن بنات هل وكت مابيجن لادفع ولانفع
مابيج خير هنه كلهن ملابس ماتعرفين تشريهن
تالي وكعتي مصخمه متعرفين اني خدامه اشتغل وارتب انظف وملابس مادبرتيه شبيج يحضي منو يامصخم راح ياخذج عوبه موبيدج عوبه اني بكدج دايره البيت وانتي مادبرتيهه. اريد وحده بيه خير
تعبتوني تعبتوني اهج منكم واخلص
ضلت تحجي وتصيح عليه بعد هي هاي الامهات
غزل:يبوو على اساس اني مانظف مو انظف واسوي غده هسه لان وكعت صار مابيه خير
ام شهد:نزلي لاموتج هسه صعدتيني كلت شوف شبيه
غزل:لاكلشي مابيه بس وكعت ميصير بيه شي
اشو ماما عضت اصبعه وتهز براسه لاتعصبيني شكبرج وتعصبيني نزلي لادفرج منا نزلي
باوعتلها وشمرت شعري ليورا ودرت وجهي ودامشي بكل ثقه ماحس غير نضربت بشي درت وجهي
ماما شبيج ضربتيني
نوب بسله الملابس ضربيني
ام شهد:علمود تتأدبين بنات اخر وكت مامؤدبات تعاي اخذيلج راشدي بعد تعاي تعاي شون بيه اني ياربي شخليتني اخلف بنات مابيهن نفع
نزلت ركض واني عاقجه وجهي كلت والله بعد لاانظف ولا اسوي عشه
شفت هدئ جاي تتصل
باوعت ع التلفون غلست وكعدت بعدني ضايجه ومن متعاركه ويه اهلي اضوج احجي ويه احد لان احس يعرفون بيه ماخذه رزاله
بعدها ذكرت نظرات فهد شون خزرني اذكرت شبي هذ وياي اعتقد يكرهني بس ليش يكرهني لهل درجه
يوو طز بي
بس عيونه حلوه من يخزر يجوز من كد ما خزرني عجبتنه خزراته بس هو صح شخصيه والبنات يحبنه بس اني. لا
قطعتني من تفكيري
وصول كم هائل من الرسائل
كله من هدئ
فتحت
. الو وينج
.يمعوده ردي
.غزلللل
.غزلل
ردي يمعود ردي
جايبتلج اخبار. حلوه
رديت عليها
شكو شجايبتلي
هدئ:جايبتلج اشتياق كومه
غزل:تشتاقلج العافيه هي هاي الاخبار الجايبته وفرحانه
هدئ:لج هاي كله وتكليلي شجايبتلي امداج اي والله صوجي احبج صوجي
غزل:اشو سكتي لدوخيني
شعدكم اليوم هوسه
هدئ:يمعوده ابن عمي ابو حلك الاعوج متعارك وفضو الطلابه معليج منه ملطلط
غزل:اها ابو مصايب يعني
هدئ:اي يمعوده يوميه بنيه ويوميه طلابه ابو مشاكل
غزل:يو الله يبعدنه
هدئ:اي والله اي كليلي شلونج
غزل:الحمدالله زينه
هدئ:يلا خلي اروح اساعدهم من اخلص اجيج
غزل:ديلا تمام باي
راحت هدئ طبعا كل الي اعرفه عن هدئ
هي عده خمس اخوان وثنين خوات وهي ثالثه ابوه متوفي تحجي هواي عن اهله مهووسه بيهم وباخوانه اني وهدئ نتشارك ثنينه بشغله وهي ايتام الاب بس هي الفرق الله معوضه باخوان
اني عندي اخت وحده وماعندي اخوان الحمدالله علئ كل حال الله معوضني بامي
تركت الفون علئ السرير وطلعت من الغرفه متوجه الغرفة ماما
دكيت الباب ودخلت كبل ماما هبطت وحطت ايده علئ كلبه
ام شهد:شبيج وصمخ شكو دخلين جفت
غزل:يمه اجيت اصالحج ترزليني
ام شهد:حته الاصول متعرفيه لج الاصول دكين الباب ومن اكلج دخلي دخلين مو جفتين مثل الهوش
غزل:يمه شبييججججج وياي شاده وياي اني مظلومه نظلمت يعالم
ماحس اله نعال اجه عليه يو ماما شبيج
ام شهد:علمود صمين حلكج وسكتين فضحتينه العالم تسمعج تصدك
غزل:قابل مجذبه
ام شهد:غزل وخري لاترفعين ضغطي وخري لابارك الله بيج
خليني اكمل خياط روحي من وجهي روحي تعبتيني
صير مثل البنات تعلميلج شغله تعلميلج طبخه تعلمي تكنسين تعلمي تنظفين الرفوف تعلمي صير مثل البنات النادرات تعلمي تخبزين كافي بس تفترين مثل الذابنه وتردين بس طلعين وتاكلين
غزل:يمه تره مساع كلتي بنات هلوكت مابيهن نفع مو لو اني غلطانه!!!بعد شون اتعلم منهن
ام شهد:الله يصبرج ياروح تعبتيني انتي بنيه انتي مامنج فايده ابد مامنج فايده نوب تضحك ياربي صبرني ع هاي البنيه
دخلت شهد اثناء ماما داتحجي
شهد:شبيكم شصاير
ام شهد:اخذي اختج الهبله من وجهي مابيه خير لاتنظف ولاتمسح ولاتكنس ولاتطبخ علمبه علميه
شهد:لايمه تره غزل تنظف وتطبخ شتردين بعد ومتخليج تمدين ايدج علئ شغله بعد شنو
غزل:عفيه حاجيه حاجيه من مساع مستلمتني مادري منو مضوجه وجايه عليه
ام شهد:شوفي السانه شطوله مال اكصه لو اركعه بنعال علئ حلكه بنات اخر وكت والله جنت بكدج استحي من ماما امشي بصف الحايط ماخليه تلزم كشايه بلبيت بس انتن اخ منجن لوبيدي افصمج فصم
شهد خربانه من الضحك واني فاكه حلكي واباوع الماما
شهد:دعوفيه بعدهي بشبابه
ام شهد:يا شبابه الي بكده راح تخلف اربعه
شهد"يمه تره احنه بنات اليوم يعمي نختلف عن الجيل القبل
غزل:بس لو ادري شوكت تبطلون تقارنونه بيكم قبل ولو اني ممقصره وداشتغل بس يايمه شسويلج انتي بس ترديلج حجه علمود ترزلين
ام شهد:ارزلج واحركج واكتلج وفنج تفكين حلكج
غزل:والله افكه وهاج فكيته يلا رزلي
ام شهد :بت النعال روحي لا احركج هسه نطيني عبايتي خلي اهج جيبي عبايتي خلي اروح اهج وبعد متشوفوني
شهد:يمه اهدي شبيجج عوفيه هاي الخبله روحي غزل
طلعت وسديت الباب اصلا صوجي اني
هي كالبه عليه مادري شبيه وياي
كلت خلي اسوي كيكه صلح بلكي ترضه ماحبه تزعل عليه
اني اكثر شي فالحه بي الكيكه فدائما اسوي
دخلت للمطبخ طلعت مكونات الكيكه وكعدت اسويها
واني داسوي وكع زيت بلكاع كلت خلي ادخل الكيكه علئ الفرن وامسحه صرت نادره
صبيت خليط الكيك بلصينيه مال فرن نسيت الزيت مشيت وجان اوكع والخليط مال كيك كله يوكه علئ وجهي ركع راسي بلكاونتر زين ما صار بيه شي كمت متاويه من الاذيه احس نكسر شي بيه دموعي نزلت لا اراديه من الالم الي بيه اجت ماما وشهد ع مصدر الصوت شافتني ماما غمت ع روحه وغمتني وكالت مابيج خير صاحت بصوت عالي غبيه انتي من صخم وجهج كلج سويلنه زقنبوت شوفي وصختي المطبخ منو راح ينظفه فهميني ضلت ترزل وتصف وتعد اني مويمه متئذيه شكد اجت عليه بخوف تريد تشوفني وماما كاعده بس ترزل
شهد:شبيج غزل شنو يئذيج
غزل"
اني مو كالت شبيج لو ضليت ابجي واصيح من الالم
كومتني شهد واني بس ابجي
ام شهد:عرج ميطكج
اباوع عليها اني بيا حال وهي تكلي هيج نهضمت ونقهرت اذا امي من وكعت تكلي هيج ومستغربه شعجب تتصرف وياي هيج
مددتني شهد بفراشي وهي تمسح علئ راسي
وباستني من راسي بخفه وهي تلعب بشعري وطمني
شهد
"شهد
عيونه الشهد
غزل:شبيه ماما وياي؟
شهد:ماعرف علمي علمج تصرفاته غريبه شوي
بس يجوز تعبانه لان اني طلكت يجوز زاد عليه الحمل وتفكر بينه
بين دموعي حجيت شهد والله ماما متغيره عليه مامتعوده عليه هيج
"شهد لاتبجين حبيبتي والله تعبانه هلفتره فتجي ذب حركته بيج
غزل:اني قابله اذا ذب حركتته بيه بس اهم شي هي مضايجه مني
شهد :لاعمي منو يضوج منج انتي جنج العافيه ابوسجج مححح
يلا خلروح اشوف ماما
طلعت شهد درت وجهي صفح متنهده ماريد افكر بشي خليه وين تصفه خلي تصفه خلموت
ع شنو عايشه