البانتون

البانت ثالث

من انتى ياامراة
بالله عليكى اخبرينى
فانالا اراكى كامراة بل ملاك
وهذا يقينى بكى مالة من حراك
وساعشق قلبك بطريقتى بكل مجون
حتى تضمينى الى قلبك الحنون
و تنقذينى من التهلكة والجنون
فانااكاد اجن ان مر يوم بدون
النظر الى عينك اوسماع صوتك
او همس يشفى عليل حبك المجنون

غزل: ماما اريد اكلج شي
ام شهد: ها يمه كولي شعدج
غزل: اريد اشتغل مو ضال بس شغل عليج وتعبانه
ام شهد: اشو اسكتي بنيتي ادري بنفسي مقصره وياج بس انشاءلله اخذ كميات خياط اكثرر واجيب الي تردي
غزل: ماما بلعكس ممقصره وياي بشي انتي بس كافي ضلين تعبين اني اشيل عنج اني كبرت
ام شهد: لايمه لاتعب ولاشي وجودج كدام عيني كلش كافي ولا يضل بالي عليج بره وحوش يايمه موبشر مايرحموج واني اخاف عليج حليوه
غزل: باوعت الماما وابتسمتله ماما اني مينخاف عليه
ام شهد: اي عفيه تربايتي بنيتي الحلوه
غزل: هسه شنو عاجبج اسوي معجنات
ام شهد: الي يعجبج
غزل: خلسوي كيككككك
ام شهد: لعد خوش سوي اني اكمل الخياطات
كتله تمام
ورحت للمطبخ طلعت المكونات وخلطتهن سوه
وحطيته بلفرن كلت خلي انظف الكاونتر بلشت انظف وكل ساع اتفقد الكيكه خاف تحترك ومادري بيه
جنت صافنه وافكر باحلام ورديهه ماتتحقق
فزيت من صفنتي ونفضت الافكار من راسي رحت اشوف الكيكه صارت طلعته من الفرن
ورحت كملت تنظيف الكاونتر
خلصت الكاونتر سويت جاي وكصصت الكيكه
وضليت انتظر الجاي يتهدر لحد مشميت ريحه الهيلل
افيشش
اخذت الصينيه ورحت لغرفة ماما
غزل: يلا ماما عوفي الخياطه
ام شهد: اجيت بس الملمهن
لمت الغراض واجت كعدت
ام شهد: ياعاشت ايدج يمه
غزل: بلعافيه يروحي
داناكل ونسولف وجان نسمع صوت الباب يندك اله شوي يتكسر
ام شهد: غزل طلعي شوفي الباب يمه
هي راحت تلبس حجابه اني طلعت اشوف الباب
صحت منو جان يجيني صوت شهد وهي تبجي واسمع رجله يصيح
فتحت الباب
وشوف اختي مزوركه وشعره مكفش وجه مشوه من كد الضرب الي عليه
سيف: اخذو بتكم السكط انتو متعرفون تربون وشمروهن علئ الوادم شنو ذنبهم وهاي جهال اخذوهم الكم شوفو ياهو لاعب بنتكم وخلفتهم
طلعلته ماما وصاحت خير يمه سيف شصاير
سيف: خلي بنتج الك.. ه تحجيلكم ضل يسب ويلعن
ام شهد: لاتتجاوز وبنتي اشرف منك ومن امثالك
واصلا مو صوجك صوجنه منطيك مره تالي تجي باب بيتنه فشاير وغلط وتتهم شرفه لابارك الله بيك حسبي الله ونعم الوكيل عليكم ماما كالت دخلي شهد دخلت شهد وماما سدت الباب بوجه سيف ودخلت
محروك كلبه علئ شهد ضلت تتحسب عليهم
ام شهد: تعاي يمه تعاي شمسوي بيج هذ كلب ابن الكلب بنيتي الله لايوفقه الله يكسر ايده شسوه بيج شصار ليش هيج ضربج
شهد: يمه والله يخوني ويحجي وفوك هذ كله همه الي طعنوو شرفي يايمه صدكيني اني ماسويت شي
ام شهد: شسولج احجيلي يمه
شهد: يمه ماكدر احجي الموضوع يموتني الف موته
ام شهد: يمه احجي لاتضيعين حقج
شهد: يمه والله ناصر اخو عيونه زايغه من اول يوم الي هناك هو ينضرلي نضره مقرفه ماعرف شنو تفسيره جنت عبالي هو هيج نضراته ضل يضايقني
ماكدر احجي الاحد اذا حجيت هسه يكولون تتبله عليه حته جنت اخاف من يروح سيف لشغله خاف يدخل يسويلي شي اضل قافله الغرفه زين علمود خاف يصير شي
اني من زواجي اني مامرتاحه بس شسوي يايمه احب سيف وجهالي ماريد اخسرهم
لحد اليوم يايمه جنت كاعده الصبح دانظف واحضر غده لان همه هيج يتغدون من وكت
خلصت الغده كلت اصعد ابدل وواسبح لان راح يجي سيف دخلت للغرفه احضر ملابسي
نسيت اقفل الباب جنت دايره ظهري علئ الباب واحضر ملابسي حسيت خطوات وراي وكفت ودرت وشفت ناصر كدامي مبتسم بخبث حسيت رجلي خيوط صارت احسه معادت تشيلني والكلمات بلكوه تطلع من حلكي
شهد: ن اصرر هاا شننووو ترريد
كمت ماعرف شنو احجي من الخوف
ناصر بخبث اريدج
شهد: ماعرفت شنو ارد عليه بس اظهار القوه
صرت ارجف
تقرب عليه ودفن راسه بركبتي وهمس
ناصر: افيش هنيال سيف عنده هيج گيمر
دموعي بدون سابق انذار نزلت
ودفعته لو هذ صار عصبي اخذني من ايدي وشمرني علئ سرير وصار فوكاي وصار يشكك ملابسي واني اصيح وابجي واستنجد كلت بلكي اكو رحمه بداخله ولو شوي
شهد: عليك الله ناصر لاسويلي شي عليك بداعت جهالك ولك اني مرت اخوك لاسوي وياي هيج دموعي تنزل والحيوان يحس وهو ميحس ضل يشمشم بركبتي مثل جلب ويبوسه لعبت نفسي ضليت ابجي وادفع بي كلش ضخم ماكدرله
ماحسيت اله سيف فوك راسنه وخر ناصر عني ونزل ضرب باناصر اني شفته ركضت لبست شي يحمي جسمي لان كلهم دخلو ام سيف صيح
ام سيف: الله لايوفقج شهد ام السحوره انتي واامج بت زهيره خليتن الاخوان يتعاركون بسببج الزركه
جنت اسمع كل السب والفشار منه ومن بته وجناته وجنت بس ابجي ساكته ماحجيت شي وجان يجي سيف بدون مايسمع مني شي بده يضرب بيه واني اصيح واكله ماسويت شي بس حسيت جسمي تعود علئ الضرب ماصرت احس بي اخر شي تعب داس علئ اصابيعي سحلني من شعري وحط الجهال بسياره وكال ماريدج ولااريد جهال شوفي من ياهو حبلتي بيهم وبليتيني بيهم لحد ماوصلنه لبيت اهلي وهو يصيح والجيران كله تباوع النه فشلت كلت شون راح احط عيني بعيون هلعالم
تعبت حيل گلبي بعد مايتحمل وجع اكثر
ام شهد: يايمه خيولي اللله لايوفقه الله يكسر ايده مثل مامئذيج وهاي امه حسبي الله عليه كلشي ماكول
شهد: يمه فدوه اروحلج بعد لاترجعيني ماريده
ام شهد: اصلا بدون متكولين اني ماخليج تردين لج يشمرج گبال بيتي وترديني اردج لاشبيه مصخمه
شني مارايده بنياتي اني والله يجي يوم وخلي يعض اصابيعه الندم وخلي يحلم يشوف جهاله
بعد لاتفتحون الموضوع
غزل: اخذت الجهال ماكدر اخليهم يشوفون ضعف امهم يتكطع گلبي عليه وعلئ جهاله
اتمنه ميصيبه شي سبحت الجهال
وبدلتلهم ونومتهم
بعدهم صغار خطيه
طلعت اريد اغير جو لشهد
شهد تعاي خنسوي حلويات
شهد: اي يلا كومي
ادري بيه داتضغط علئ روحه علمود لاتبين حزنه
دنسوي اكل وجان تتصل عليه هدئ
هدئ: هاغزل شونج
هلاحبيبتي الحدالله مشتاقين
هدئ: اي واضح لو صدك مشتاقه علئ الاقل تجين تزورينه
غزل: يمعوده ماكدر اعوف ماما وحده
هدئ: دنجبي وتعاي اليوم معزومين علئ العشه يمنه
غزل: خلشوف ماما ياله
هدئ: امج راح تجي قابل تبقين انتي
غزل: شدراج انتي
هدئ: غير ماما حاجته وعزمته فا راحح تجونن غصب هييي وضلت تضحك
غزل: ولي ولي خلروح اشوف ماما
نهيت للاتصال منها واشوف شهد صافنه صحت بيه شبيج صافنه لتصفنين صفنت المطي
انتبهتلي وبتسمت عفته
ورحت علئ ماما
ماما ماما
ام شهد: ها يمه
غزل: شنو راح نروح للعزيمه
ام شهد: وانتي منو كلج
غير هدئ كلتلي تعاي
ام شهد: اي خلي نروح نغير جو الاختج خطيه ضاله ضايجه خليه تلتقي تغير جو
غزل: ها اي تمام يلا لعد حروح ابدل
رحت ركضت للمطبخ شفت شهد داترتب بلحلويات
غزل: عوفيهم اني ارتبهم امشي بدلي جيرانه عازمينه
شهد: ماريد اروح
غزل: امشي ترحين غصب عنج
بلكوه قنعته وخليته تروح تبدل اني خلصت ترتيبهم
واخذت الجهال من شهد ختاريتلهم ملابس وبدلتلهم ومشطت شعرهم
واني لبست تنوره كبس وتشيرت ابيض ولبست شال اسود رتبته بطريقه لطيفه
ونزلت لازم رهف
شهد: تصوفر لك شهل جمال عمي ليش كسرت عليه
غزل: نجبي انتي احلا شوف الصدفه ثنينه لابسات تنوره وتشيرت بس الالوان يختلفن
شهد: غير ماما شترتهن النه سوه نسيتي
غزل: اي صح
ام شهد: ها خلصتن
اي ماما
ام شهد: يمه ماشالله عليجن تخبلن بنياتي شنهي من جمال شايلات خايفه عليجن من الحسد
غزل: طبعا اني وشهد الي يشوفنه يكول تشابهن بس هي تعب مبين عليه
طلعنه وسدينه الباب
رحنه دكينه الباب طلع النه مرتضى وهو مبتسم
حضي لازم اصادفه
سلم على امي ودخلنه تلكتنه ياسمين
حضنتني بادلته
راحت ياسمين سلمت علئ ماما وشهد
دخلنه وضلينه نسلم كعدنه وجان تجي نفسه البنيه
الي اسمه رهام طبعا رهام بتعمهم
رهام: هاعيني هايشنو انتي الخياطه ام شهد يكولون خياطج حلو اريدج نخيطيلي وانطيج اضعاف السعر
غزل: فار دمي منه شون تحاجي ماما بستهزاء
ام شهد: اي يمه اني اخيط وماريد اضعاف السعر حبيبه
رهام: لاخاله هذ شغلج بس يكون يعجبني
حاجته ام فهد
ام فهد: رهام خطارنه موهيج ينحجي وياهم وهي مجايه علئ شغل ومتريد منج فلوس فلوسج خليهن الج
هاي الصمت وماحجت شي
صاحتني هدئ وكفت وياهن بلمطبخ نضحك ونسولف وشهد بلكوه تجامل وتضحك
باثناء واحنه دنحجي دخل بهيبته وضخامته مبتسم
لتقت عيوني بعيونه اشو هذ عقج وجه نزلت نضري للكاع ماريد اشوفه حسيت نفسي نهانيت من شفته عقج وجه
عافنه وطلع بره رتاحيت نوعا ما زفرت احسه جان كاعد علئ گلبي شهد نتبهت عليه وتباوع الي بنضره استغراب بعدها بتسمت
اجه ايفان غزل غسليلي
غزل: عيون غزل شمسوي بنفسك هو كاكو
ايفان: تله من غهف عود(كله من رهف)
غزل: اوف منج رهف تعال اغسلك
اخذت للمغسله اغسله امشي روح لامك لاموتك
راح يركض طلعت من الحمام وشفت فهد اشو هذ شافني تنهد ومر من يمي هزيت ايدي ورحت للمطبخ صرت بس اريد ارجع للبيت
من وراا
صبو العشه اني ماكلت بس ضليت كاعده
ام فهد: ليش ماتاكلين يمه
غزل: لاخاله داكول
ام فهد: شنو تقشمرين عليه كلشي مماكله
غزل: هسه اكل
سويت نفسي اكل لان حرفيا ممشتهيه شي
خلصو لملمنه المواعين وسويتلهم جاي وهدئ وزعتلهم الجاي
ضليت علئ نار اريد ارجع للبيت لان ضجت ضلو يسولفون
شوي وماما كالت يلا خلي نروح بنات
جلبو بينه بس تأخر الوكت رجعنه
بدلت ل ايفان و رهف ونومتهم بصفي ونمت وياهم
فزيت واني اسمع صياح وتركع قوي
........ يتبع