اخافَ اشتاكلكِ والكاكَ ما عايز ،
واخاف من البصَدري البعدهَ ماجايز
واخاف كبال َعينكَ نظرة مَني تصيرَ
تشُبه نَظرة الخسَران للفايزَ
ودعتك َبلحظة َامنيتيِ اجلبَ بيكَ
اودع ُوابجي ْمثل وداع الجنايزِ
كبرت بغيبتك َبس ماكدرت انسهَ
وعرفت َالفرق بيَن الصَورة واللمسَة
كون الله يجيكُ احساسَي وتحسَه
وتشوف شكَد وجع وياك مَتجاوز ،
بقلم ريم
(لا تنسوا التصويت والتعليقات بين الفقرات+متابعه)
__________
ارين
والله خطيه شبل أحسه ما يريد يعوف ريلا
ادهم:شبل ما يحب احد مثل الحربايه
وما تأخذين منه لاحق ولا باطل و منو يكلج هو يحبه هسه
ارين:عيونه تحجي
ادهم:شنو احنه اجانب وعيونه تحجي
نجبي رور احسلج لا صدكين بأحد
سكتت وصلنه للبيت
هو عافني وطلع
شبي هذا شايف نفسه عبالك ماعرف شمسويتله
البيت حلو الجو جان بارد لان احنه بشتاء
دخلت البيت يتكون من غرفتين وصاله ومطبخ
وكل غرفه بيه حمام
رحت وحده من الغرف اباوع عليه عرفتها غرفت ادهم
لان ملابسه مطشره منا ومنا صورته واكعه بالكاع
شبي هذ ادري غرفه مايعرف يرتبه اباوع للگاع متروسه حب وجبس لعبت نفسي
رحت افتر بالبيت ادور مكناسه وأدوات تنظيف
لكيت مكناسه كهربائيه
وأخذت مي ورشيت بي ديتول لأرض ومنظفات
واخذتهن الغرفه
نكتت ملابسه وضميتهن كلت بعدين ارجع الهند
بس من ملابسه اخذت تيشيرت اسود
كلت امسح بي
كنست الغرفه ومسحت الأرض
والفرشه مال سرير شلتها علمود اغسله وفرشتله وحده جديده
اباوع صورته مشموره بالگاع هي وإطار
اخذتها ويه الفرشه
وديت الفرشه بالغساله
وأخذت الصوره والإطار
حطيتهم بالغرفه الي راح انام بيه
ورحت كملت تنظيف الغرفه
گعدت امسح المرايه والكنتور
حسيته دخل نادريت شفته واكف ومصدوم
ارين:شبيك مصدوم
ادهم:خاف مو غرفتي خاف غيره
ارين:لاغرفتك المعفنه تره انت ظالم مخرب الغرفه مسويه چنه سحاله
ادهم:شبيه ها شبيه
ارين:مونظيفه وصخه شلون تنام بيه
ادهم:عاشت ايدج تخبل عبالك غرفة عروس
رحت اكمل امسح اجه لزم ايدي
ارين:اخ شبيك ايديه
ادهم:ومرض ليمرضج هاي ياتيشيرت تمسحين بي
ارين:ماعرف من تشيرتاتك السحاله
اخذ التيشيرت گام يباوعله راد يبجي
ادهم:هاي ليش ولج تشيرتي لبسته مره وحده
والله جديد مصار هواي من شتريته
ارين:اي شعرفني عود هذ جديد ايعع يخزي موحلو
ادهم:منو صخم وجهج
گام يركض وراي واني اركض
ارين: على كيفك هو تيشيرت قابل شسويت والله والله
ادهم:اي ابوج راح يجيبه
ارين:ولي صوجي نظفت غرفتك الوصخه
ادهم:استغفرالله كملي كملي
رجعت اكمل واضحك وهو مطنكر على التيشيرت
طلعت ملابسه كلهن لان كلهن يرادلهن غسل
ادهم:بقيلي ملابس البسهن
ارين:مايحتاج اليوم تطلع خليك اغسلهن كلهن وباجر اطلع
باوعلي بنظرات منزعجه ضحكت وأخذت السله مال ملابس وصحت
-باقي الملابس جيبهن وراي
هواي عنده ملابس مو شويه بس قررت اغسل جزاء والباقيات غير يوم
دخلتهن للحمام وهو وراي
ارين:جيبلك كرسي وتعال
-شنو تردين اباوعلج واتغزل بيج
ارين:شوف البطران اريد اشوف ياهنه تريد تلبسهن باجر و الشتويات وين والصيفيات وين
ادهم:قابل احنه مثل البنات نلبس شتوي وصيفي احنه نلبس كلشي اني الصيفيات البسهن بالشتاااء
بس اعذريني الشتوي ماكدر البسه بالصيف
أنت تقرأ
البانتون
Romanceجنت واكفه علئ الشباك وتلمس بطني واتمنيت بهاي الحظه هو موجود تمنيت يعرف انو ابنه بطني بس راح وراح كلشي وياا واكفه ودموعي تنزل اتذكر الايام الحلوه العشته وياا تذكرت هواي اشياء
