يّا حَزن ياريتُ اعِرفك چَنت
اسِويلك حديقِة يّاسمين
وممشِى مُن گاشيّ الفِرح
جدّام بيتكْ يّا حَزن ياريتُ
اعِرفك وين تسگُن چَنت
أگُلك لا تجينيّ وتمشِي
گُل هُاي المسِافة أنهَ
وحَدي چَان أجيتكْ
يّا حَزن وحيّاة حَزنك
مُاعرفتك چَنك مغيّر مشيتكْ
حاطِ ريحةٌ رخيصَة گلّش
يّا رخيصَ شگّد بچيتكْ .
بقلم ريم
(لا تنسوا التصويت والتعليقات بين الفقرات+متابعه)
________
حسيت حراره صارت على خدي
اباوع شهد انصدمت من شافتني
ومن الصدمه ركعتني راشدي
جرتني الحضنها وتبجي وناسين من الي يشاهدنه
اخذتني تبوس بيه دخلنه وسدينه الباب
جانت ماما واكفه بالمطبخ تسوي غده
شافتني ماما ركضت عليه تحضن بيه وتبوسني
بادلتها الحضن حيل مشتاقتلهم
تباوع الوجهي ماما وحجت
فضه: يمه شصاير بيج يروحي وين رحتي شسوالج هذ الكلب عمر هم باعج
غزل: حتاريت شنو اكول الهم
فضلت يبقه الموضوع سر وما حجي الاحد
-هو عمر عنده عداوه من شافوني اخذوني من عنده
بس هو مايعرف
فضه: طلكج هو لو بعدج على ذمته
غزل: ترا احنه ماتزوجنه همه يعشقون الحرام شلون بعد نتزوج
فضه: الف الحمدالله من رجعتي الحضني يابعد روحي
غزل: شلون رجعتو للبيت
فضه: عمامج توفو
كعدو يسولفولي شصار وياهم نقهرت على شهد حيل لان حاول يعتدي عليها
بعدين سولفت الهم شصار وياي بس بدون ماذكر اسمائهم او اخليهم يعرفون انو فهد الي سوه بيه والي رجعني لهنا
بعدين ماما كعدت تدعي للي رجعني
-الله يوفقه الاهله خوش انسان ادمي لو مو رجال كفو مايرجعج الاهلج يكتلج ومحد يدري عنج الله يحفظه الاهله اني حاصرتني الضحكه
فضه: يلابنيتي گومي رتاحي وسبحي وغيري ملابسج
اخ يمه بنيتي حيل تعبانه
غزل: تمام يمهه
رحت دخلت للحمام گبل
كل قطره تنزل احسه خنجر يغرز بيه
جسمي بعده مشوه وكله جروح
خلصت وطلعت وكفت كدام المرايه
اشوف نفسي حيل متغيره
اباوع على الحايط موجوده صورتي
اباوع عليه معقوله هاي نفسه هاي
حيل تغير شكلي و ضعفت
اثناء تفكيري دخلت شهد تبتسم
شهد: واخيرا شفتج وراح نرجع نلتم
غزل: اخ والله مشتاقتلج
شهد: والله اني هم مشتاقتلج تعبت بهاي الفتره الي رحتي بيه شوكت تتعدل حياتنه
غزل: ماعرف
شهد: تدرين هسه ماعدنه حتى فلوس
غزل: شنسوي ماما متقبل نشتغل لو تقبل
شهد: وين تقبل غير تلعب بينه فلك اسود
غزل: ماعرف قنعيها ترا هي هم تعبت وماتكظر
شهد: اي نظره صاير ضعيف من الخياطه
ضلينه نسولف
وشهد تشكيلي على الي صار بيه حاولت اواسيها
بس جرحي مو سهل اني هم محتاجه احد يواسيني
شهد: خلي ننزل نتغده
نزلنه نتغده الجهال جنهم العافيه
والله احس هسه ياله ردتلي الروح من شفتهم
و التمينه بدون منافقين
فضه: شوكت تطلع النتائج مالتج
شهد: بعد مو هسه ما صار هواي من خلصت امتحانات
فضه: لازم يشلعون گلبنه مو نتائج
ضلو يتناقشون على النتائج واني افكر البنات شصار بيهن وين راحن
مر اسبوع طبيعي صرت ادور على شغل بعد الحاح اني وشهد على ماما وافقت
أنت تقرأ
البانتون
Romanceجنت واكفه علئ الشباك وتلمس بطني واتمنيت بهاي الحظه هو موجود تمنيت يعرف انو ابنه بطني بس راح وراح كلشي وياا واكفه ودموعي تنزل اتذكر الايام الحلوه العشته وياا تذكرت هواي اشياء
