البانتون

البانت الرابع

شوكت تفهِم كُلشي بيه يريد حِضنك؟
شوكت تفهِم روحي ملهوفه على ودّك؟
شوكت تفهِم آنا احبك ..
وهذا گلبي حيل ملهِوف على گلبك
مِره وحده انطيني گلبك وراح اشوفك آنا امك!
امك التِحزن الحزنك
امك التمسِح دمعتك
وابقى اگُلك كُلشي خضّر من عشگتك !

اسمع صياح ايفان ورهف وتركع جدوره
حطيت ايدي علئ راسي تنفسة بضجر
لميت شعري وكمت لميت فراشي رحت وكفت كدام المغسله اباوع الوجهي اباوع لعيوني مورمه من النوم ابتسمت علئ شكلي برغم احس وجهي مابي شي ملفت او حلو طلعت من الحمام
اخذت تلفوني ونزلت وايفان ورهف بس يركعون
اول مشافوني اجوني يرگضون
ايفان: هاغزل دعدتي عود(كعدتي🤣)
غزل: اي كعدت ليش داترگع ولك
هو ابتسم ويباوعلي  وحضني قوي
غزل: يمه يمه منك فد لوتي شكد احبك
باوسته واخذته من ايده لكيت شهد تسوي غده
شهد: ها المسعده كعدتي
غزل: لابعدني نايمه
شهد: نجبي جايه يمج غير تكعدين يمي لو تكضيه نايمه
غزل: شسوي ماحسيت علئ نفسي
شهد:_ديلا علمود نتغده
غزل:_يلاتمام ماما وينه
شهد:_ماما طلعت تسوك گالت اروح هسه احسن
غزل:اها خوش
شهد:اي هي اصلا علئ جيه خلي اصب الغده
غزل:لااعوفي عنج اني اصبه
شهد:لاحبيبتي اني اصبه
غزل:لايروحي عليه الصب وعليج الماعين
شهد:موهل اكول عبالي كبرتي
:_هههه ماكبرت بعدني
شهد:امداج يلايلاصبي واني احضر الزلاطه.
صببت التمن والمركه
وحطيتهن بصينيه وحطيت لبن وزلاطه
علئ مادانحضر اجت ماما
ام شهد:تعالن بنات اخذن الغراض مني
ركضت اخذ الغراض منه
الله يساعدج يمه
ام شهد:هلا بنيتي هلا
يا هاي اكيد شهيدان حضرت الغده عاشت ايده
غزل:هايمه ها اني حضرتههه
ام شهد:هاعفيه بنيتي ماتطلع منج
غزل:افاا شون متطلع مني
ام شهد:الله يهديج
:حطيت الصينيه وكعدنه نتغده شهد بعالم ثاني شايله مسؤليته من جهال اصلا هي بيا حال
رهف كاعده بحضني اوكله اني
وايفان حاط عكسه علئ رجلي وياكل صرت ام من وكت
قطعت صفنته شهد وگالت ايفان ماما تعال يمي عوف خالتك تتغده براحته
غزل:ياشلقضيه وليدي هذ
شهد:ميخلوج تتغدين
غزل:لامعليج انتي جهاليي مثل ما همه جهالج
شهد:فدوه شلون ام انتي
خلصنه غده
شلت الصينيه علمود اغسله
اجت شهد
وخري خلي اغسلهن
غزل:ولي كعدي اني اغسله
شهد:يطبج طوب غسليه
غزل:علئ الاقل شويه لحي وكولي اني اغسلهن
شهد تغسل ايده وتحجي
علئ شنو الحح هنه ماعين انت غسليهن استودعناكم
ضربته علئ ايده نجبي وخري شون تغسلين با لسنك الئ اكول الماما
صحت بصوت عالي ماما شهد تغسل ايده بلسنك
بعدني ممكمله هاي سدت حلكي
وخرت ايده
ومرض شبيج ليش سديتي حلكي
شهد:احسن علمود لاصيرين فتانه خلروح افضل
راحت شهد كمت
اغسل المواعين وادند باغنيه
اخذني الواهس بتفكير لحياتي المستقببليه
ل احلامي الي رسمتهن بمخيلتي
يعني بوكته لو ينطوني الف ماعون اغسل واني متونسه خلصت المواعين واني مبتسمه مثل الهبله
ام شهد:بنات حضرن روحجن. العصر
نروح للحديقه شوي گريبه علينه ناخذ الجهال نونسهم شويه
شهد:لايمه منيلج وتاخذينه
ام شهد:يايمه قابل شعدي شصرف كلشي ماعندي وجهال ياخذولهم كم حاجه من المحل
وخلاص
شهد:اي ماما دائما تكولين هيج ودخليهم للمحل ويطلعون العلايك بيدهم
ام شهد:جا اذا مواني بيبيتهم انطيهم جا منو ينطيهم
لوابوج عايش جان ماخله شغله ماجابه الهم بس الله يرحمه توفه گبل مايشبع منهم
جانت العبره خانكته بس مارادت ضوجنه وتخلينه نبجي
يلا يمه حضرن عشاجن وحضرن نفسجن نروح هناك نتونسلنه شوي
شهد:يلاغزل گومي خلي نحضر
طلعت شهد گباب عروك
واني طلعت الطرشي حطيته بكاسه
وكصكصت طماطه
وفتحت الصمون علمود بس اسوي لفات احسن من الهوسه
سوت الكباب شهد واني سويت لفات
شهد:دزي ايفان للمحل خيجيب ببسي عصاير
واكفي بلباب خاف كلشي يصير عليه. واخذي هذ الشال ملابسج مابيهن شي
لبست الشال وطلعت للباب
غزل:يلا ايفان روح ولا تتأخر
ضليت منتظره اشو هذ طول
سمعت احد يخابر باوعت هذ نفسه استغفرالله
شافني باوع صفح ودار وجه يكمل الاتصال
استحيت لان مطلعه راسي شافني هسه شيكول عليه
صوجي اني شكو مطلعه راسي كبر لفني
وهذا طول شصخم بنفسي هسه
شوي اجه ايفان هو وفهد يارب شنو موضوعه هذا وياي لازم اشوفه
جانو مبتسمين اثنينهم
باوعلي بنظره يتأمل بيه تنهد وابعد نضره عني استغربت شبي هذ خاف شكلي يخزي وهو هيج سوه دخل ايفان ودخلت ويا
شهد:شنو جان يصنع البيبسي والعصير
غزل:اعتقد
عفته تحجي هي ويا وصعدت افكر بالي صار
احس من شفته ما عرف شصار بيه
اباوع الشكلي علئ المرايا مابي شي
يجوز يخترع من يشوفني لان حنطيه جانو من يشوفوني كرايبنه يقلدون علئ عيوني
اشوف نفسي الحلو بيه بس خشمي وشعري  الاسود الثخين الطويل
نفضت افكاري بحزن
حطيت ايدي علئ صدري. وتنهدت
فتحت الكنتور طلعت فستان للمحجبات فستقي الون
شال ابيض جنت ماحط مكياج فقط حمره
كحله. حواجبي ثخان ومرتبات بدون مالعب بيهن
رشيت عطر وطلعت من الغرفه
رحت الشهد داتلبس با رهف
عوفيه اني اكمل اله رتبي نفسج
اخذت. رهف مشطت شعره ورشيتله عطر
اما ايفان جانت مخلص ويكمز. جهال ويحبون الطلعات
اخذتهم امشو خلي ناخذ صور
كعدت اخذلهم صور
خلي ناخذ صور ويه بيبي
ماما يلاتعاي خلي ناخذ
ام شهد:لايمه اخذو انتو
اهو ماما خلي ناخذ اخذنه صور ويه ماما اجت شهد تركض واني اريد اخذ صور وياكم
اخذنه صور لي عائله بسيطه يفرحون بأقل الاشياء
عائله بسيطه واحد يحب الاخر
طلعنه وصادفنه هدئ وامه وخوانه وجناينهم
رحت سلمت علئ امه وحضنته.
هدئ:ها ولج وين رايحه
غزل:راح نروح للحديقه
هدئ:عفيه تونسي اكو حلوين هناك تره
غزل:نجبي
ادري بيه تشاقه بس ما احب تشاقه هيج
ضحكت. ورفعت راسي باوعتله يدخن كصني من فوك لي يجوه عبالك واحد عاشك
استحيت ولعبت نفسي من نفسي وكرهته
ودعته ورحنه اخذنا تكسي
وصلنه الجهال راحو يلعبون
احنه فرشنه وكعدنه نكرز حب
كل واحد بعالمه الخاص شهد تفكر
واني افكر. بهذ التافه ردات اعرف ليش هيج يسوي وياي وليش هيج نضراته كطعت صنفتنه ماما
_مو كافي هواي تصفنن
طالعين نتونس وانتو بس صفنون
امشن افترن حالجن حال البنات
كل وحده شايله هم مثل العجايز
باوعت الماما وضحكت حاجيت شهد يلا كومي خلي نفتر ونصور الجهال
شهد غصب عنه كامت وياي
مشينه وسكوت جان عام علينه ثنينه
"غزل يعني شنو مصيري هسه اني
غزل:من ياناحيه
شهد:يعني من ناحيت زوجي الشفيه
غزل:سيف بعد ميفيدج صدكيني
لويحبج مايوكف ضدج
شهد:اعرف بس وجهال
-تره هو اتخله عن الجهال
شهد:المصاريف راح زيد علئ ماما
غزل:تفرج ان شاء الله
شهد:ماريد ماما تتعب اكثر
غزل:لعد احسن تطلعين موشريفه وسترو عليج همه
اتركي ولاتفكرين بلفلوس
الفلوس تجي وتروح شرفج اهم من كلشي
لاتفكرين
ما يَستَقيمُ الأَمرُ
إِلّا التَوئ لا يَجيءُ الشَيءُ
إِلّا ذَهَب وَالدَهرُ لا تَفنى أَعاجيبُهُ
في كُلِّ ما فَكَّرتَ فيهِ عَجَب
—..