يوم زفافي(مكتملة)

البارت الرابع

#يوم_زفافي
#Mariam_Elshahawy

يامن بصدمة:"إيييييييه! هر بت إزاااي؟؟"

ناهد :"أما صحيت قعدت أكلمها شوية وبحاول أطمنها وقولتلها إنك هتقدر تحميها وهتفديها بروحك لإن ده واجبك وهي متكلمتش نهائي فضلت ساكتة فقولتلها أنا قايمة أعملك حاجة تاكليها ودخلت المطبخ يدوب أحضر الأكل ولسه داخلة عليها بالصنية ملقتهاش."

يامن بعصبية:"إزاي ملقتهاش... إزاااي ملقتهاش...راحت فين يعنييي طب سلام يا عمتو."

قفل السكة:"أدور عليكِ فين دلوقت.... ليه يا فرح مصرّة تعذ بيني معاكِ...

طلع بالعربية وبقى مش عارف يسأل عليها هو ولا معاه صورة ليها ولا أي حاجة وبعدين هيلف إسكندرية كلها يدور على واحدة إسمها فرح!.... دور كتير أوي ملقهاش... معقولة خلاص كده؟ مش هيشوفها تاني.... طب ظهرت ليه في حياته من الأول مادام هتهر ب... لا وأنا اللي رايح أدورلها على حقها

اللوا سامح بعتله رسالة :"قولت إنك لقيت دليل عن عن فه للبنت؟"

*يامن بعد ما أخد الفلاشة من عم منعم بعت رسالة لسامح علطول إنه معاه دليل*

يامن رد عليه بسرعة:"فلاشة فيها تسجيل لكاميرا محطوطة في شقته هي معايا دلوقتي."

سامح:"طب ومستني إيه؟؟تعالى مكتبي أنا مستنيك متروحش القسم تعالى على مكتبي."

*اللوا سامح ليه مكتبه الخاص بعيد عن القسم*

يامن فعلًا راح لمكتب سامح

سامح:"ها بقى قولي تشرب إيه؟"

يامن بتعب:"ولا حاجة والله... دماغي مشغولة بميت حاجة."

سامح:"يبقى نطلبلنا اتنين قهوة."

سامح باهتمام:"فين الفلاشة؟"

يامن قدمهاله علمكتب:"أهي."

سامح بسرعة أخدها وحطها في اللاب :"قولتلي زفة العروسة كانت الساعة كام ؟؟"

يامن:"جم متأخر كانت على 12 أو 11 ونص مش فاكر."

سامح فتح تسجيل الساعة اللي قالها يامن وفعلًا لقى تسجيل الكاميرا وقتها بقى قاعد مركز ويامن شد كرسي وقعد جمبه وبقوا متابعين اللي حصلها بتركيز.

يامن كان مركز مع تصرفات فرح... وعجبه قوتها... عجبه دفاعها عن نفسها لآخر نفس بس بعد وقت الدموع رغرغت في عينه وهو شايفه بيجرها علأرض وضهرها بينز ف وعماد قاعد فوقيها عمال يضر ب فيها جمد على إيديه وقلبه وجعه عليها أوي وقال بزعيق ووجع في نبرة صوته:"بص الحيوان."

سامح :"خليك قوي... مينفعش نضعف أما نشوف المشاهد دي... لازم نركن العاطفة عشان نعرف نفكر كويس إلا بقى لو هي كانت تهمك؟"

يامن بصله وللحظة استوعب كلمته تهمه؟ هي فعلًا تهمه؟ يامن رجع بص للاب وبلع ريقه وهو بيكمل أحداث التسجيل بالعافية وفي مشاهد كان بيغمض عينه فيها زي مشهد أما عماد كان بيعو ر فرح بالإزازة في جسمها.