ياغيمتي بالبشر مالك شبيه ياليت مالك يابعد هاجس سمي

٢

ديرة الصامل
لافي كشر.. الله لا يحييهم مالقوا الا هالديري
المقهوي سراي.. اي والله هذا وعد من مبطي
لافي.. وين الشيخ ابطى
سراي.. الظاهر الشيخ ماهو جاين اليوم يجهز لعرس سامر
لافي.. متى يبون ينهجون لديري
سراي.. الله العالم باتسر
لافي ..صب قهوه صب
سراي.. ماتبينا نزوجك يالافي
لافي ضحك.. وين انا وين العرس
سراي..افااا ليه
لافي..خلها على الله ياخوك
________
فزاع بالدكان بعد مارتب الاقمشه اللي جايتهم جلس يرتاح ويشرب شاهي وسرحان
بندر حط يده على كتف فزاع.. شنوحك ياصاحبي ضايق
تنهد فزاع وسكت شوي ثم قال..
اي والله اني ضايق البال ياصاح
كن الغضى يشتب خلف المحاني
هادي ولكن داخلي حرب وصياح
ومن شافني يقول هذا مايعاني
:
بندر.. الله ينولك اللي ببالك ياصاح
فزاع مسح عيونه بضيق.
دخل عليهم.. سلام عليكم
بندر.. وعليكم السلام ياهلا بهاجس
هاجس جلس عندهم.. وش العلوم
بندر..على ماتحب
هاجس.. صب لي شاهي
بندر يحاول يغير جو فزاع وهو يصب شاهي.. ماعمرك جربت تكتب الشعر يافزاع
فزاع.. لا والله بس اني احفظ ماكتب
هاجس وهو يشرب الشاهي.. هو يحفظ القصيد ويغلي الشعر بالحيل بس ماكتب
فزاع.. ماني شاعر بس اني هاوي
هاجس.. شنوحك ضايق يالفزعي
فزاع.. ماضيق وانت عضيدي
هاجس حط يده على كتف فزاع.. اشرب شاهيك ،عندي لكم سالفي
________
سهم دخل وهو شايل اغراض.. سلام عليكم
على طول انسدحت شيم.. العنود انا منجضعه قومي خوذيهن من رجلتس
العنود.. يالعوبا توتس انجضعتي
ضحك سهم .. اقعدي اقعدي انا اخذهن للمطبخ
شيم.. ياربي منك لو هي انا تسان قومتن وهي تدلعه
العنود ضربتها بخفه وهي مبتسمه
سهم.. لا انا اليوم بالحيل متونس
شيم شقهت.. مادريت باللي صار
سهم لف عليها.. وشو
العنود قرصتها بقوه وتتصنع الابتسامه..لا ماهو صاير شين تمزح
سهم نزل راسه عند شيم.. وشو
شيم .. ه هههه ههههه عطن الاغراض
سحبت الاغراض واتجهت للمطبخ ركض
التفت للعنود.. وشي سالفتكن انتن
العنود.. شيم طنياني عشان عمتي عيت تخليه تنهج يم ولايف
سهم اتجه لها.. شيوم
شيم تحاول تتهرب .. ا ا هلا
سهم.. انهجي وخوذي العنود معتس
شيم .. وين انهج
سهم.. ماهو تبين يم ولايف وامي عيت انهجي وانا اقول له
شيم مسكت راس سهم ورفعت رجلينها .. نزل راسك عجزت اصلك
نزل نفسه سهم وهو يضحك.. ها
شيم باست راسه.. وهذي حبه على راسك
طلعت متجهه للعنود.. ياشيخه ياحلو  هالعذر
يالله نبي ننهج لوليفة الروح
العنود.. اه ليتي ماتسذبت
_________
بدأ السوق تقريبًا يفضي وزحمة الناس خفت ماهي مثل بدايه النهار
فراس.. اليوم ثاني جمعه ومامن احد
عياد.. والله ماشفت اتسذب من هالديري وينو الندوع اللي يقولونو
فهد تنهد.. الظاهر يدري ان الشيخ مرسلنا
فراس.. اخخخ لو يقع بيدي
فهد.. امشوا يالله
عياد.. وين
فهد.. نبي ننهج يم الشيخ يعطينا فلوسنا جهدنا وحنا نتحرى مامن احد
فراس ابتسم برضى.. مشينا
:::
هاجس جالس قدام دكانه ويشرب شاهي عقد حواجبه وهو يشوف شخص ماهي مبينه ملامح وجهه من لثمة الشماغ ويخفي نفسه بالجاكيت الواسع عليه يتخبى بزحمة الناس ،يسحب الفلوس بخفه من جيب الشخص الواقف يشتري
وقف بسرعه ..مسعود افطن لدكان
واسرع يلحقه، بعد ماخذ الملثم الفلوس وابتعد.
اتسعت عيونه وهو يشوفه مبتعد وصار يجري وراه
_______
مرجانه متعصبه بالطرحه ومرجعه اكمام ثوبها ويدينها صابون.. اقول امي بهذا شلون تنهجين تريتس تمردتي
بدور وهي تلعب بخصلات شعرها وتتدلع.. عاد والله مالتس شغل مزاجي
مرجانه مسكت راسها.. اخيييه وفشلي انا ابي اعرف منهي انتي، الاخت الصغيري ولا انا وش بلاتس عقلتس انمصخ
بدور.. امي نيمه وتعرفينن مابطي انا
مرجانه.. تعرفين نوم امي غطه بس وكل مره تصير براسي اذا عديتي هالباب رجلتس اكسره
بدور بقهر.. قصري حستس
مرجانه صرخت.. يمههه يييييممه
نقزت بدور وسكرت فمها.. وجعععع
ام عمار دخلت.. وشبلاكن
بدور وهي مسكره فم مرجانه.. مامن شين يمه مامن شين
ضربت مرجانه بكتفها وهي تشد على شعرها وبهمس.. كله بسبتتس
مرجانه تستقبل الضربات بابتسامة رضى
________
هاجس وهو يمشي من بين النخيل ومتجهه لهلمكان اللي انمنعوا منه من فتره طويله وهو معقد حواجبه توسط البيوت وهو مايسمع الا صوت العصافير ناظر البيوت اللي جدرانها متصدعه ونصها طايح وتلعب داخلها الريح
صار داخله اسأله كثير
الرجل المتلثم ارتاح انه ابتعد عن الكل وصار يمشي بسرعه فجأه احد لفه بقوه ولصقه على الجدار وخنقه
.. ا ا ا
هاجس..ما شاء الله استانست بالزحمه ان محد يشوفك ونسيت ربك اللي يشوفك
وخنقه بقوه وسحبه من جاكيته..منهو انت
سحب الشماغ اللي يغطي وجهه وتناثر شعرها اللي مايوصل كتفها وتجمعت الدموع بعيونها وبانت ملامحها البريئه
عقد حواجبه بصدمه ولف عنها بسرعه وهو يرجف .. اعوذ بالله اعوذ باالله حرمه •• وبلعثمه.. انتي انتي وشولو تعملين هاللون
كانت لاصقه على الجدار سحبت دموعها بالقوه واستجمعت قوتها واسرعت بخطواتها وصارت قدامه وحطت الفلوس على صدره وبصوتها المبحوح.. هذي الفلوس وانا ماعملت هلون الا من عازه (حاجه)
ابعدت عنه وتطايرت الفلوس ثم لفت باتجاهه.. انهج من هالمتسان ولا عاد اشوفك
واسرعت ودخلت بيت مايبعد عنهم
رفع حاجبه وهو يتسال.. هذي منهي
اسرع بخطواته خارج من هالمكان وهو يرجف
_______
المرسول.. وقالي اقولك باتسر يبون يجونكم وقالي يبون ينكسون بساع، يتجهز ويجهز امورو
ابو غالب.. ابد ابد ان شاء الله
المرسول.. يالله سلام عليكم
ابو غالب بفرحه.. الحمد لله الحمد لله جاء اللي اتحراو من مبطي يالله لك الحمد والشكر
مر فزاع من جنب دكانه وهو يناظر له بنص عين
كشر ابو غالب ورفع صوته.. يالله يربي لا تنكد علينا
فزاع وهو يغلي من القهر ويسرع بخطواته
دخل البيت وهو يرفع صوته.
العنود واقفه عند سهم بالحوش تعطيه ماء وهي بدون شي على راسها يسترها
سحبها بسرعه سهم ورى ظهره  وصارت بينه وبين الجدار واختفت من صغرها وراه
فزاع ماشافها ولا درى بها.. سلام عليكم
سهم.. وعليكم السلام هلا وش بلاك
العنود كتمت انفاسها
طلعت شيم من المطبخ وشافت شكلهم وفطست من الضحك
العنود تاشر لها تسكت
فزاع.. ابوي يقول يجي بساع
سهم.. يالله اجيك هالحين
فزاع.. يالله
مشى والتفت .. ليه ماتمشي
سهم.. ايه انهج اجيك
شيم فطست ضحك
فزاع.. وليه ماتمشي معي
شيم.. فزاع رح رح يجيك هالحين
فزاع.. ايهه اخوي من عرس وهو ماهو سهم الاول مدري وش هي عاملةٍ بوه بنت عمنا
العنود صار وجهها احمر من الفشله
وسهم صرخ.. فزااااع
فزاع التفت وراح يجري ولحقه سهم يجري ويصرخ
العنود جلست بالارض
شيم ارتفع صوت ضحكتها وجلست ومسكت بطنها
العنود.. وجع اسكتي
_______
غيمه دخلت البيت وهي وجهها احمر وتحاول تخفي شهقتها عن امها اخذت نفس عميق
ودخلت بسرعه وتعدت من عند امها
ام غيمه.. غيمتي يعويناتي وش نوحتس هاللون
غيمه بابتسامه شاحبه.. يمه لبست هالملابس عشان السوق كلو رجال مابوه حريم واستحيت ادخل واخذ اغراضي
ام غيمه بعدم تصديق..وشنوح وجهتس
غيمه رفعت اكتافها وهي تبتسم.. بنتتس خربت خطته ماقويت اشتري شين
لفت وابتعدت عن امها ودموعها تنزل وتعض على شفايفها بقوه.. ليه حنا دايم منذلين وليه وشو فرقنا عن هالناس
انكبت على وجهها على بطانيه باليه تحاول تكتم شهقتها وتخفيها عن امها.. وينككك يايبه وينك وينك ماتشوف وش عملوا ببنتك عجزت اتحمل عجزت
______
ابو سياف.. انت وش بلاك ياولد اركد
سياف.. ها يبه لا بس اتحرى فزاع
ابو سياف.. اقعد ماهو طاير يجي
سياف وقلبه نار تاخرت عليه هي وعدته تجي بهالوقت ذا
التفت لابوه.. يبه
ابو سياف.. هاهه وجعه
سياف.. شرايك تنهج يم عمي وتقهوى عندو ومنه تقول لفزاع يجي عندي ابيه
ابو سياف.. لا
راكان انفلتت منه ضحكه
التفت له سياف ثم التفت لابوه  .. اححمم يبه
ابو سياف.. وحطبه
سياف بنرفزه.. وشبلاك علي اليوم
ابو سياف.. انت اللي وشبلاك مانت مضبوط اليوم
سياف.. خلاص مابي شين
جلس باخر الدكان وهو متنرفز
________
بالليل انسحب من البيت بشويش واتجه لبيت الشعر وهو افكاره مشوشه رفع حاجبه وهو يشوف النار مشبوبه وفزاع جالس بهدو قريب منها ،واتجه له.. مساء الخير
فزاع..مساء النور •• ابتسم بضيق.. حتى انت ضايق صدرك
هاجس.. ماهو كثر ضيقة صدرك
فزاع اتكى على العمود اللي وراه.. ليه الشين اللي نبيه مايحصل لنا
هاجس تنهد.. هذي حال الدنيا ياخوك
فزاع اخذ عود من الارض وجلس يحركه بالنار وتنهد ..
ضايق صدري ولا ادري وين اروح
كل ماحاولت اسلي نفسي ما قويت
ان شكيت الهم تزداد الجروح
وان كتمت الحزن من همي بكيت