ياغيمتي بالبشر مالك شبيه ياليت مالك يابعد هاجس سمي

النهايه

بعد صلاة الفجر طالعين من المسجد
مشى وراه بهدوء ثم لفه له وطعنه.
مسك بطنه بالم والدم يخرج من فمه.. م منـ منهو انت
غرس الخنجر ببطنه وحركه عشان يتالم اكثر ثم سحب الخنجر والتفت بخوف وهو يسمع اصوات قريبه منه، دفه بقوه ونزل لمستواه.. توجع قبل تموت
لف عنه وابتعد يركض قبل يشوفه احد
مروا رجلين من جنبه وصرخ واحد.. وشو هذا
ناظر الرجل الثاني.. هذا سامر
.. انهج علم الشيخ بساع
سامر طايح وغرقان بدمه
::
طلع من الديره يركض بسرعه متجهه لحصانه اللي تركه برا الديره وقف ياخذ نفسه فك اللثمه واخذ الماء من ظهر الحصان وشرب ،  انفاسه تنزل وتصعد بسرعه.. خذيت حقتس وانا اخوتس خذيت حقتس ياشيهانه
ركب الحصان واسرع متجهه لديرته
::
ابو سامر يروح ويرجع من التوتر ينتظر الحكيم التفت لرجال اللي عنده.. انهجوا وجيبوا اللي عمل بولدي هلون
سراي.. يارجال دوروا على اطراف الديري يمكن ماهو من ديرتنا واي احد تشكون بوه جيبوه
ابو سامر جلس بخوف وتوتر
سراي حط يده على كتف الشيخ يهديه.. وكل امرك لله
_______
فزاع متجهه لدكان ويحس قلبه بيطير واي احد يشوفه يسلم عليه
دخل الدكان.. صبااااااح الخير
بندر.. ياصباح النور والنوير اليوم مسفهل ما شاء الله
فزاع جلس على الكرسي.. يالله لك الحمد
سهم اتجهه له وسحبه يوقفه بعصبيه.. ماتستحي على وجهك
اقتلب وجه فزاع وبعصبيه.. ليه وش انا عامل
سهم سحبه بقوه لداخل الدكان.. لا تحسبن حركاتك فايتتن
فزاع.. وش انا عاملن من الذنب يومنك تزقرن (تزجر)من صباح الله خير
سهم يرص على اسنانه.. فزاع بنت الناس على ذمة رجل اتركه لحاله
فزاع بدا دمه يفور.. اخس عليك وهذا وانت اخوي وتعرفن
بعد يد سهم اللي ماسكته من كتفه.. ماهو انا اللي امشي درب الردى بنت الناس اللي تقوله قريب وتصير مرتي
لف وطلع وهو معصب
عقد حواجبه سهم وبدا يفقد صوابه وصرخ.. فزاااااع
طلع وراه مسرع وسحبه بندر.. اهد اهد يارجل
سهم بعصبيه وشبه صراخ ويحاول يفك نفسه من بندر.. وشلون اهدا ماتشوفو فقد عقلو يحتسي هلون
بندر يحاول يثبته بكل قوته وقال بسرعه.. الحرمه مطلقه وهو ناوي يخطبه
هدا سهم ولف على بندر.. هاه صادز انت
بندر.. اي والله
سهم جلس على الكرسي ومسك راسه.. اعوذ بالله منك ياشيطان ظنيت باخوي ظن السو
بندر.. اصبر عليه لين يهدا وانهج تعذر منوه
:::
فزاع بضيق اتجهه للمكان اللي فيه هاجس
وقف يناظر للبيوت وتنهد رفع صوته..ياولد وينك
هاجس طلع من احد البيت..فزاع وش عندك
فزاع.. بعد خانقن انت الثاني
هاجس ضحك.. وشنوحك نفسك براس خشمك
فزاع جلس تحت النخله.. تقل يحسدونن على هالضحكي
هاجس جلس جنبه..افا منهو مزعل عضيدي
فزاع تنهد.. اشم عندك ريحة قهوي
هاجس.. ايه فرحان جابه لي
فزاع.. منهو فرحان وليه يدري بك
هاجس.. سالفتن طويلي
فزاع لف عليه.. وشي قله لي
هاجس.. هذا ياطويل العمر ..
قاطع عليه فرحان اللي يركض وينادي.. هاااااجس
هاجس.. هلا وشبلاك
فرحان ناظر ل فزاع.. اا هاه لا هونت
هاجس.. وشنوحك بك خلاف
فرحان.. لا لا
رجع يركض وقلبه بيخرج من الخوف
فزاع..هذا اخو فلاح
هاجس.. ايه هو
::
فرحان دخل مسرع وصار يردد.. غيمه غيمه غيمه غيمه
حركها.. تسمعينن
غيمه بالقوه فتحت عيونها وكان تحت عيونها سواد من الارهاق
فرحان.. قوليلي وشو اللي يوجعتس
غيمه اشرت ورى فرحان..ابوي
قشعر جسم فرحان وصار يلف بشويش..ب بسـم الله
وينو
غيمه..وراك
فرحان.. جن هو جن بسم الله الرحمن الرحيم
غيمه رجعت غمضت عيونها.. كل شوين اشوفو عجزت انام وحتى ولو نمت اشوفو 
فرحان.. لا لا يزول لتس (يُخيّل لك)
فرحان.. غيمه لا تنامين
صار يهزها..غيمه غيمه
التفت بخوف وهو يسمع صوت شي طاح باتجاه المطبخ
وقف وصرخ وصار يركض
::
فزاع وهاجس فزوا بخوف
فرحان وقف عندهم والدموع بعيونه ويسحب هاجس من يده.. طلبتك ساعده طلبتك هي ساعدتك
فزاع بخوف مسكه.. بسم الله عليك وشنوحك
فرحان.. هاجس انا تسذبت عليك وقلت اللي ساعدك خويي بس هي بنت ماهي رجل هالحين مادري وش بلاه
تلعثم وبلع ريقه.. حتى بيته بوه جن لا لا ماهو جن جنون بساع ساعده بساع
فزاع يناظر بصدمه
هاجس كان عارفها من البدايه نزل لمستوى فرحان.. اهد وقلي وشبلاه هي هالحين
فرحان.. ماترد علي ووجه اسود تبي تموت
فزاع تكلم بخوف.. وين اهله
فرحان وهو يبكي.. ماعنده
فزاع.. هاجس ابي انهج اجيب امي
هاجس.. زين يالله
وصف له فرحان مكان البيت واتجهه مع هاجس لبيتها
_______
مرجانه طايره من الفرحه وتجهز الاغراض
وقفت عند بدور.. هيه يالحبيبه انتي تدرين ان عرس عمتس القابله
بدور ببرود..ايه ادري
مرجانه.. شنوحتس مانتي مستانسي
بدور.. يـبـي يعرس الله يهنيه وشولو كل هالوناسي
مرجانه كشت عليها.. والله من الدم البارد عندتس
وقفت واتجهت لابوها وعمها.. الله حي عريسنا
لافي.. الله يحييتس يابنيتي
ابو عمار.. جهزتي كل شين
مرجانه.. ايه يبه بس فرشات الحوش باتسر ان شاء الله افرشهن وقضينا
ابو عمار.. وبيت عمتس ماناقصو شين
مرجانه.. ماناقصو الا العروسه والقابله تنورو
ضحك لافي
ابو عمار لف على اخوه.. شفت بيت الشعر حق العرس ماناقصو شين
لافي.. لا ابد كل شين كامل
ابو عمار.. الحمد لله عسى الله يوفقك
لافي.. امين امين وعقبالك
ابو عمار عقد حواجبه
ضحكت مرجانه.. اسكت لا تسمعك امي
لافي بضحكه.. ايه نسيت نسيت عقبال لبناتي
مرجانه.. الله يسلمك ياعمي
______
العصر غيمه فتحت عيونها بتعب وتحس راسها بيتفجر من الصداع
ام سهم..الحمد لله على السلامي
غيمه تحاول تستوعب الصوت
ام سهم..انا ام هاجس
غيمه لفت تناظر لها
شيم دخلت مستعجله..يمه العنود تبيتس
ام سهم.. ماهون وجع راسه
شيم.. لا يوجعه بالحيل
وقفت ام سهم وطلعت
شيم بتحلطم.. تسان الحمل هلون هونت ماني معرسه
اااه الله ياخذك ياسياف تسان انت اخذ قلبي
سكتت وهي تشوف غيمه تناظر له
ضحكت بخجل.. هـ ـهـ ـهـ ـه وعيتي
غيمه جلست.. ويني انا
شيم جلست قدامه.. انتي ببيتنا انا اخت هاجس بوه واحد اسمو فرحان هو اللي قال لنا
غيمه مسكت راسها وبهمس.. حسبي الله عليك اوريك هين
:::
فرحان جالس عندهم بعد ماعلمهم باسمها كامل
ابو سهم.. ايه ايه عرفتو ابوه اخبروا يوم هو يسكن عندنا وعقبه اختفى مانشوفو ماسمعت عنو خبر الا يوم مات الله يرحمو
سهم.. ايه يبه اخبروا يشتغل برا الديري وقليل نشوفو
فزاع.. هالحين يافرحان هي ماله احد ابد ابد
فرحان هز راسه.. حتى امه ماتت ماله احد وبيته بوه جن
ابو سهم.. بسم الله علينا وعلى مساكنا
طق الباب
سهم.. قم افتح يافزاع
فزاع زعلان عليه مارد
سهم تنهد وقام .. هلا
صد وهو يشوفها حرمه
شيهانه بعد حرب مع نفسها وصراعات شافت انها لو سكتت شاركتهم بالجريمه.. سلام عليكم
سهم فتح الباب على كبره .. وعليكم السلام
رجع متجهه لابوه ورفع صوته.. ياشيييم ضيوف
شيم فزت وجت تركض.. ياهلا ياهلا
انصدمت واستانست.. شيهانه يالله حيه
فزاع ارتخت يده وطاح المسباح منه ولف تجاههم
ابو سهم وقف.. يالله ياعيال مشينا لاشغالنا
سلمت عليها بكل حب وموده
شيهانه.. شيم قولي لابوتس لا ينهج ابيه
شيم باستغراب.. اا هاه ايه يالله
لفت لابوها.. يبه لا تنهج شيهانه تبيك
فزاع صار يضرب قلبه ،  الصوت الصوت اخترق قلبه
ابو سهم وقف.. هلا يابنتي
شيهانه اخذت نفس تهدي نفسها..ياعمي بوه شيين لازم تدري بوه
ابو سهم.. عساو خير لف وجلس بمكانه واشرب لفزاع يطلع
فزاع مانتبه له مايسمع الا صوتها
سهم طلع وسحب فرحان معه واتجهه لدكان
ابو سهم بحده.. فزاااع
فز فزاع وبفهاوه.. هاه هلا
ابو سهم اشر له يقوم
وقف ومر من جنبها وهو منزل راسه وخطواته بطيئه
سحبتها شيم تجلسها.. حياتس الله
::
فزاع دخل الدكان وهو ماينتظر ل سهم
سهم وقف عنده.. فزاع
فزاع مارد
سهم .. اعذرن ياخوي
فزاع ساكت
سهم.. حقك علي وانا والله اني انخرعت عليك
فزاع..بس ماتظن بي الردى
سهم..لعبي الشيطان الله يكفينا شرو
فزاع مايناظر له
سهم..عهدن علي ان اول ماتخلص عدته اني لانهج انا واخطبه لك وماطلع ولا اتحرك من عنده ابوه يما يوافق
ابتسم فزاع
سهم..هاه رضيت
فزاع..رضيت
وقف وضمه
سهم.. يالله نبي نشوف ضحكتك
::
شيهانه.. انا يوم اني بديرة الصامل كل ماضاق صدري طلعت للخيل اشوفهن واتونس ماطلع الا العصر بس مرتن طلعت عقب المغرب وسمعت
<<<<<<<<
شيهانه وقفت وهي تسمع الاصوات ورى حجرت الخيل
..ها يافياض جاهز
فياض.. افا عليك يالافي 
لافي.. اسمعن اسمو هاجس ولد جابر اقعد بالديري ياما توكد منوه 
فياض.. تبينن انهي حياتو ولا اخلي بوه روح
لافي.. لا تخلي بوه قطرة الدم
فياض.. ابشر بالسعد
لف عنه وابتعد.. لمني ذبحتو اجيك تعطينن اللي قلت لي
لافي.. ابشر ابشر
يكلم نفسه.. هين يامخلد والله لاحرمك ياوه مثل مارحمتن من ديرتي
شيهانه شهقت ورجعت بسرعه تركض.. لا وكاد انو ماهو هو اللي اعرفو
<<<<<<<<
شيهانه.. انا ماحسبهم يبون ولدك يما جيت بهذا وعلمن غالب  انو ميت الله يرحمو دريت انهم يبون هو
ابو سهم صار يرتجف.. الا يالافي يالخسيس والله لاحرمك حياتك والله
شيم تبكي.. الله لا يوفقو وشيبي ياخوي
ابو سهم.. الله يعافيتس يابنيتي مانبي احد يدري وحنا نتصرف ان شاء الله
شيهانه.. والله ياعمي حتى ابوي وغالب مادريو
شيم.. الله يسعدتس ياشيهانه
شيهانه وقفت.. ولو ماسويت الا الواجب
_____
بعد انتهاء صلاة العشاء وخروجهم من المسجد ابو سهم اخذ اخوانه وعياله للبيت
دخل فزاع..سلام عليكم
.. وعليكم السلام
ابو سهم.. وين هاجس
فزاع.. هالحين يجي بس انا سبقتو منشان محد يشوفنا
تنهد وسكت
الكل ساكت ويناظر وش يبي منهم ابو سهم
دخل هاجس.. سلام عليكم
وقف ابو العنود وابو سياف يسلمون عليه
سياف اتجهه له وهو يضمه حيل.. يالله حيه
هاجس.. الله يحييك
ابو سهم.. اسمعونن كلكم السر اللي من ثلاثين سنه هالحين يبي يطلع
جلس هاجس قبال عمه وناظر له بتركيز
ابو سياف.. اسلم ياخوي
ابو سهم.. هذا قبل يولد هاجس بثلاث شهور
رحت ابي يم الحلال
<<<<<<<
مخلد(ابو سهم) عقد حواجبه وهو يشوف حصان اخوه واقفه ماعندها احد بالخلا
اتجهه لها وبصدمه وخوف نزل يركض وهو يشوف اخوه طايح على الارض..جابر جابر وشنوحك ياخوي
ارتجف وهو يشوف الخنجر بظهر جابر والدم مغطيه
مخلد مسكه بخوف وبشبه صراخ.. منهو اللي عمل بك هلون
جابر بالقوه مسك يده.. اسمعن ياخوي
مخلد.. منهو اللي عمل هلون قلي والله لاطلع روحو
جابر.. انا داخلن على الله ثم عليك
مخلد.. ابشر بعيوني ياخوي ابشر
جابر.. وليدي افطن لوه لمنو جاء ولد ابي اسمو هاجس ولمنه جت بنت ابي اسمه المهاء و و
يحاول يسترد انفاسه
مخلد.. لا تحتسي اصبر ابي اخذك للحكيم
مسكه جابر.. مايمدي
مخلد والدموع تنزل من عيونه.. بلا يمدي يمدي ماعليك
جابر..انا ولافي تخانقنا على الشيخه هي لنا ولا لهم عصب وضربن بالخنجر يوم شافن وقعت هرب
مخلد بصراخ بيوقف.. والله لاطلع روحو والله
جابر مسكه يحاول يسترد انفاسه اللي بتطلع.. اسمع لا ولدي لا احد يدري منهو اللي ذبحن والمشيخه مانبيه اتركوه لهم اهم شين ولدي لا يروح بين الرجلين انا طالبك ياخيي انا طالبك
انخفض صوته.. خل ولدي يعيش بسلام
ضمه مخلد لصدره وهو يبكي.. طلبتك ياخوي لا تخلينن طلبتك
جابر وكل شوي صوته يختفي.. وليدي يامخلد ولدي ابيه يطلع مثلك
مخلد شده اكثر يضمه
جابر.. و و ولد ولدي
مخلد هزه.. جابر جابر
صرخ.. جااااابر
اختفى لافي اللي مايعرف بقصته الا مخلد واخوه ابو عمار
راح مخلد وتنازل لابو عمار بالشيخه
مرت الثلاث شهور بدون ماحد يعرف منهو اللي ذبح جابر
بعد ولادة هاجس بلحظات توفت امه
شاله مخلد بين يديه.. هاجس اسمو هاجس، ابشر وانا عمك اني ماخلي هالدنيا تصير عليك
التفت لام سهم.. ارضعي هاجس
ام سهم.. وسهم
مخلد.. سهم رجل مايبي رضاع
ام سهم الدموع تجمعت بعيونها وهي تشوف ولدها ماكمل سنه.. ياويلك من الله صغير
مخلد بحده.. سهم رجل ياكل مار هالوغد وش نعمل بوه
ام سهم بضيق..ابشر 
كبر هاجس وماعرف ان ابوه ميت قتل الا بعمر ٢٣ سنه
<<<<<<<<<<
ابو العنود.. اللي ذبح جابر لافي هذا ماغيرو
ابو سياف بعصبيه..وليه ماعلمتنا مبطي
ابو سهم..انا سكت عشان هاجس
تنهد.. بس هالحين ماقوى اسكت لانو هو اللي يبي يذبح هاجس
فز سياف وفزاع مع بعض وبصوت واحد.. والله لاننهي حياتو
هاجس وعروقه برزت من القهر..اللي ذبح ابوي هو اللي يبي يذبحن
ابو سهم.. اقعدوا واسمعونن ولا ابي واحدن يطلع عن شوري
سهم.. كلنا تحت امرك يابوي
هاجس.. منهو هذا ووينو
ابو سهم.. اقعد واهد ياولدي
لف عليهم.. من هالليالي بدت حربنا
________
شيهانه وقفت وهي تشوفه مقبل عليها.. الله حيو وينك غايبن اليوم
غالب باس راسها..خذيت حقتس وانا اخوتس
شيهانه بلعت ريقها.. وش عملت
غالب ضرب جبينها بخفه وهو يضحك.. ابد والله اعطيتو حاجتن حلوي
لف عنها.. يالله ابي انام
شيهانه والدموع بعيونها.. غالب وش عملت اخاف انو يعمل بك شين
غالب وهو يمشي.. تسان هو رجل يجي
شهقت شيهانه ..غالب لا تدخل نفسك بمشاكل
غالب وقف على باب حجرته ولف لها.. اهم شين اني خذيت حقتس
شيهانه.. ياربي من هالولد الله يستر
انسدح على فراشه وهو يفكر ثم تنهد..ليتي مانهجت يما توكدت انو ميت
لف على جنبه.. يالله ان الله شاء نسمع خبر موتو
________
يوم جديد الصباح
ام سهم دخلت الحجره..وين وين
غيمه بابتسامه شاحبه..ابي انهج يم بيتي
ام سهم..لا والله ماتنهجين
غيمه..الله يعافيكم ماقصرتو وانا الحمد لله اليوم اشوى
ام سهم.. والله ماتخطين ولا تنهجين
شيم دخلت عليهم..اقعدي اليوم بيتنا فاضي مابوه رجال وولايف وعمتي مهره وولايف يبن يجن عندنا لليل
غيمه.. والله ماودي اثقل عليكم
شيم..لا ثقل ولا شين الحقي معي
شالت الطرحه من راس غيمه ..مابوه احد اسرحي وامرحي على كيفتس
طق الباب بقوه
شيم.. هاه وكاد هذي وليفتي
فتحت الباب وكشرت.. وشتبي
فرحان دفها ودخل.. وين غيمتي
شيم.. هيه استح على وجهك تدخل هلون
فرحان شافها واقفه واتجهه لها ركض.. وشلونتس اليوم
غيمه.. لا الحمد لله بخير
شيم تقلد كلامه.. وشلونتس اليوم
فرحان مد لسانه لها
شيم جن جنونها تركت الباب مفتوح واتجهت له.. اوقف تسان بك خير
فرحان يدور على غيمه.. يامجنوني اركدي
شيم تلحقه .. اقول اوقف
غيمه ماتت ضحك.. شنوحكم تعوذوا من الشيطان
هاجس مستعجل دخل ثم رجع بسرعه
غيمه.. اوجعتنا روسنا اركدو
شيم بصراخ.. ياوغد
فرحان.. انتي الوغد
هاجس رفع صوته.. ياهييه
غيمه.. بوه رجل يصوت
شيم وقفت من الركض بتعب.. هين اوريك
اتجهت للباب.. هاه
هاجس.. وشنوحتس صوتتس واصلت اخر الديري
شيم بنرفزه.. وشتبي اخلص علي
هاجس.. ابي ادخل
شيم.. وليه جاي ماتنخرع احد يشوفك
هاجس..لا ماعليتس كلهم منشغلين 
شيم اشرت لغيمه تدخل.. الحق
هاجس دخل وفك اللثمه.. وين امتس
شيم.. بحجرته
اتجهه لها وضرب الباب بخفه
ام سهم.. هلا
هاجس.. يمه
ام سهم فز قلبها لهلكلمه اللي اول مره تسمعها منه.. يروح امك
هاجس جلس قدامها وباس يدها.. اعذرينن واحلينن (حلليني)
ام سهم.. ماعملت خطأ يايمه
هاجس.. انا ادري اني قاسي مار والله اني اغليتس
ام سهم.. ياعل ربي يغليك ويحفظك
هاجس ابتسم.. توصلين على شين قبل امشي
ام سهم.. عسى الرحمن يحفظك
هاجس.. استودعتس الله ، ادعي لي
لف وطلع
ام سهم صارت تبكي بفرحه اول مره تسمع منه كلمه يمه
هاجس وقف عند الباب الخارجي وابتسم.. شيمه
شيم تتناقر مع فرحان لفت له.. هلا
هاجس.. الحقي
شيم وقفت عنده.. ها
هاجس.. تدرين اني اغليتس
شيم تنحنحت وعدلت وقفتها.. وانا بعد اغليك
هاجس باس راسها.. توصين على شين يروح اخوتس شيم..سلامتك يبعد روحي
هاجس.. يالله استودعتس الله
طلع واخذ نفس عميق
ولايف وام سياف وقفوا قريب.. سلام عليكم
هاجس ابتعد عن الباب.. هلا وعليكم السلام
ام سياف..شلونك ياولدي
هاجس.. الحمد لله بخير انتي وشلونتس وشلون بنت العم
ام سياف وولايف.. الحمد لله بخير
ضربت الباب ولايف بقوه
وصرحت شيم.. هاااااااه
ولايف.. وجعه افتحي
شيم فتحت الباب.. الحقي ساعدينن على هالسوسي
ولايف.. منهو
شيم تاشر على فرحان.. هذا
______
المغرب
اصوات التراحيب ورمي البواريد، والضيوف والمشايخ تجي من القرى المجاوره
ابو عمار مسك فراس..متي يجي العريس
فراس..يقول قبل العشاء بشوين
ابو عمار..لا قلو يستعجل
فراس..ابشر
ابو عمار رفع صوته..يالله حيهم يالله حيهم
فياض..سلام عليكم
ابو عمار..وعليكم السلام ياهلا
فياض سلم وبارك وقرب من ابو عمار..وين العريس
ابو عمار..يجي ان شاء الله حياك حياك
فياض..انا خويو بديره الصامل ودي اسلم عليه قبل هالناس
ابو عمار.. الله يحييك ويبقيك
رفع صوته..ياولد
..هلا ياشيخ
ابو عمار.. وصل هالضيف بيت لافي
::
بين الجهه الشماليه والشرقيه قريب الجبل متجمعين
ابو سهم يروح ويرجع بتوتر..ابطى فزاع
ابو العنود..يجي ان شاء الله ماعليك
ابو سهم..الفجر مشى
هاجس..المفروض انو واصل العصر
ابو سياف.. الله يستر لا يضيع الدرب
سهم.. لا ان شاء الله، يجي يجي ماعليكم
بعد انتظار دقايق
سياف.. جاء جاء
الكل فز
بلال نزل من الفرس مسرع واتجهه لهاجس وضمه
ضحك هاجس.. الله حيو
بلال.. خرعتنا عليك
هاجس.. ابي اشوف غلاي
بلال.. مايحتاج غلاك بالقلب
ابو سهم.. يالله ياعيال
فزاع.. يبه انا علمت بلال بكل شين
بلال.. والله لاذبحو واطلع روحو
هاجس.. لافي محدن يذبحو الا انا
ابو سياف.. يالله توكلو على الله
______
فياض يسترد انفاسه ويضرب الباب بقوه
لافي فتح الباب وابتسم.. ياهلا ياهلا
فياض دخل بسرعه.. انحاش بساع
لافي باستغراب.. ليه وشنوحك
فياض.. توي سمعتهم يبون يذبحونك
لافي تغير وجهه.. منهم
فياض.. الظاهر انهم جماعه هاجس
لافي يخفي خوفه.. لا لا تمزح
فياض بعصبيه.. ماهو وقت مزح شفهم عند الجبل
لافي.. جماعه هاجس وشدراهم بي
فياض.. والله اني سمعتهم يطرونو ، انحاش بساع
لافي بخوف.. وش اعمل وعرسي
فياض.. اهم شين روحك يالخبل
لافي بسرعه اتجهه للحجره واخذ سلاحه
______
فرحان يمشي ويغني متجهه للعرس
فراس..ياولد هيه ياولد
فرحان..هاه
فراس..انهج يم بيت لافي وقلو الشيخ ابو عمار يقول خلو يستعجل
فرحان كشر
فراس بنبره حاده.. بساع
فرحان فز..زين
اتجهه له وهو يتحلطم ثم وقف.. انهج من عند الجبل لا والله منخرع
غير مساره من الطريق المختصر لطريق من داخل الديره
وقف قريب البيت وهو يسمعهم
فياض..بساع يالافي
لافي طلع مسرع..جيتك جيتك ، نبي ننهج يم البيوت القديمي ونطلع من وراهن مانبي احد يشوفنا
فياض..نبي نطلع برا هالديرة كله
لافي ..ايه ايه الحق معي
اسرعوا يركضون
فرحان ركض وراهم شوي ثم وقف ورفع اكتافه.. وين يبي
رجع مسرع ثم وقف.. مع وسط الديري بعيد
ناظر لطريق المختصر ..وهذا يخرع
اخذ نفس وانطلق مع الطريق المختصر وقف وبلع ريقه بخوف وهو يسمع الاصوات حس شعر راسه وقف..ي يمه جججن جن
بالقوه لف بيرجع بس استوعب.. هذا صوت هاجس
قرب شوي يناظر من ورى الصخره
هاجس يضرب رجله بالارض..ابطى ابطى ياعمي
ابو العنود..طول بالك ياولدي
فرحان بابتسامه طلع عليهم.. هاا وش عندكم بهذا
الكل اقتلب وجهه من الفزع
سهم..بسم الله وش عندك بهذا
فرحان..انتم اللي وش عندكم
سياف..نبي ننهج يم العرس مار نتحرى لنا واحد
فرحان..وانا بعد ابي انهج يم العرس
فزاع.. اسبقنا نلحقك
فرحان مر من عندهم
هاجس.. فرحان
فرحان لف عليه..هلا
هاجس..وش عندك جاي منهنا
فرحان..الشيخ قالي انهج قل للافي يجي بساع
هاجس.. هاا ، وقلت لوه
فرحان.. لا والله ماقلت لوه
فزاع.. وليه ماقلت لوه
فرحان بعفويه.. يوم قربت للبيت اسمعو مو واحد يقول انهم يبون يطلعون من الديري
بلال بسرعه سحب فرحان من ياقة ثوبه.. وين يبون
فرحان بخوف وبلعثمه.. والله والله مادري
سهم سحب فرحان وعدل ثوبه.. ماسمعتهم وين يبون ينهجون
فزاع بهدوء يعكس اللي داخله..فرحان قلنا وش سمعت
فرحان نزل راسه يمنع دموعه.. لافي يقول نبي نطلع من جهة البيوت القديمي عشان محدن يشوفنا
هاجس سحبه شوي عنهم وهمس باذنه.. لا تنهج يم العرس انهج يم بيتنا ابي اقضي لي شغل واجيك ابيك بحاجي
فرحان ناظر له.. مانهج يم العرس
هاجس.. لا
فرحان..ابشر على الخشم
لف عنهم ورجع باتجاه الديره
هاجس بدا الدم يفور بجسمه
ابو سهم..سياف انهج من جنوب وانكس على البيوت
فزاع وسهم انهجوا من شمال وانكسوا عليهن وهاجس وبلال الحقوا معنا نبي نحشرهم ويصير مالهم الا المطلاع من الغربي ويسهلون علينا باذن الله
::
فياض وقف ياخذ نفس.. اصبر طار نفسي
لافي..استعجل علي نبي نطلع قبل يفقدوننا
فياض.. راحت روحي وانا اركض اصبر شوين ماعليك