ياغيمتي بالبشر مالك شبيه ياليت مالك يابعد هاجس سمي

٤

العصر
دخل القريه وهو مبتسم واتجهه لدكان ابو فهاد .. سلام عليكم
ابو فهاد.. وعليكم السلام ياهلا ياهلا
جلس.. شوقعك ياوجه الخير
ابو فهاد.. الحمد لله
ابتسم وهو يناظر لناس
ابو فهاد.. ماعرفناك ياوجه الخير
فياض.. اسمي فياض وانا رحال ابي اقعد كمن يوم بهاذا واكمل مشواري
ابو فهاد.. يامرحبا حياك ربي
فياض التفت بابتسامه.. ابي اتعرف على ديرتكم
ابو فهاد استانس وهذي احلا فقره عنده انه ينكب عفش القبيله كلها سحب كرسيه وجلس جنبه
_______________
هاجس دخل البيت
فزت شيم بفرحه
تعدى لحجرته وماتكلم شي وبالقوه مثبت نفسه لا يطيح
تجمعت الدموع بعيون شيم
دخل حجرته وطاح على الفراش
طلعت ام سهم من المجلس.. شيمه الحقي ساعدينن
شيم لفت على امها.. يممممممه
ام سهم.. بسم الله وشنوحتس يوجعتس شين
شيم هزت راسها بالنفي.. هااجس
ام سهم.. وشنوحو
شيم.. نهج لحجرتو وكل هدومو ماء ويالله يمشي
ام سهم بلعت ريقها واتجهت لحجرته..هاجس يوليدي بك خلاف
هاجس مارد
ام سهم..غير هدومك يايمه لا تنوجع وانا هالحين ابي اعمل لك شين دافي تاكلو
_________
شيهانه تغسل الحوش (اللي ارضيته من طين) من الطفش تضيع وقت
طق الباب بقوه
شيهانه عقدت حواجبها ووقفت بنرزفه.. خير خير بعد اكصم الباب
فتحت
دخلت بسمه بكل غرور ناظرتها من فوق لتحت ابتسمت وهي تكمل طريقها
شيهانه بضحكه صغيره استهزاء وهي تهز راسها يمين ويسار بياس.. ماهي بوه
كشرت بسمه.. وينه عمتي
رفعت اكتافها شيهانه.. وشدريني
بسمه.. مانتي ساكنتن معه بهالبيت شلون ماتدرين
شيهانه.. ولو ادري وشولو اعلمتس
بسمه.. ابيه مستعجله احتسي وينهي
شيهانه ردت الباب بشوي وهي تكمل طريقه للمكنسه
بسمه بعصبيه.. هييييه انتي شنوحتس
شيهانه عدلت وقفتها.. انا اللي شنوحي
بسمه.. ليه بوه احد بهاذا غيرتس
شيهانه ضحكت.. ايه انتي
بسمه تنرفزت اكثر ولفت بتمشي.. اذا جت عمتي خليه تجينن
شيهانه كملت شغلها وهي تزيد مويه على الارض
لفت بسمه بسرعه تبي تتكلم وهي تزلق..ااااه
شيهانه رفعت راسها.. بسم الله عليتس ياجارتي
بسمه زاد صراخها وهي تمسك رجلها .. الحقيييي
شيهانه انخطف وجهها وهي ماتوقعت انها توجعت ركضت لها
بسمه تضربها من كتفها..ياملا الوجعه انتي السب
شيهانه.. انا وش عملت
بسمه وهي تصرخ من الالم.. ااااه يويلتس مني ياشيهانه تبين تذبحينن
شيهانه بخوف هزت راسها بالنفي.. لا والله لا والله
سامر اللي اسرع بخطواته وهو يسمع الاصوات العاليه من بيت امه.. وشبلاكن
بسمه صرخت اكثر..  ااااه رجلي رجلي
سامر جلس جنبها بخوف.. بسم الله عليتس شنوحه
بسمه.. شيهانه شيهانه تبي تذبحن
شيهانه وقفت وهي ترجع على ورى بخطوات ترجف وتهز راسها.. لا ل لا والله لا
احتدت نظرات سامر ووقف واتجهه لها
شيهانه وهي ترجف.. و و والله هي ه هي طاحت
سامر اعطها كف بكل قوته وضربت الجدار وطاحت
وسحبها بشعرها ووقفها.. والله ومحمد رسول الله اني ماخليتس وانا ولد ابوي هين
دفها بقوه وطاحت
رجع لبسمه وشالها وهي تصرخ من الالم
شيهانه منزله راسها بخوف ووجع وماسكه اذنها اللي صارت تصفر من قو الكف وماسكه راسها اللي ضرب بالجدار ودموعها احرقت خذها
___________
هاجس تحت البطانيات ويرجف من الحمى
شيم وام سهم جالسين عنده
شيم..الله يهداك تطلع بهالبرد وهالمطر
ام سهم. طليبتك اشرب هالشوربه ماكليت شين قم يوليدي
:::
ابو سهم بالمشب والهم مخيم على وجهه
فزاع جالس قريب منه..يبه
ابو سهم ناظر له بدون مايتكلم
فزاع..منهو اللي ذبح عمي
ابو سهم بعصبيه..اسلم من ولد عمك تجينن انت
فزاع..يبه وليه لمنك علمتو
ابو سهم..وش اعلمو بوه تسذب تسذب عمك مات بفراشو الله يرحمو
تنهد فزاع بعد تصديق..الله يرحمو
_______
ولايف تصرخ..سييياف لا تلمس اغراضي
سياف.. بسم الله على اغراضتس وشهي هالخرعي
ولايف.. لا تلمس شين يويلك
سياف تربع عنها..الا اقول وليفتي
ولايف.. ياشين التدلع عليك
سياف.. هذي جزاتي ادلعتس
ولايف وهي تكمل ترتيب..مابي لك
سياف.. لو قلت لتس اخطبي لي
لفت عليه ولايف..هااا
سياف يشتت نظره.. من تختارين لي
ولايف.. يعني هو الامر راجع لي
سياف.. احممم
ولايف.. قم قم عني
سياف.. وشبلاتس علي
ولايف.. انت اللي تبي تعرس اختار اللي تبي
سياف.. تهقين ابوي مايقول شين لمني اخترت
ولايف.. لا ماهو قايل شي
لفت وبهمس.. انا اول المعارضين ياسيافوه
_______
بعد العشاء
ابو سهم.. عاد تجهزوا ان شاء الله باتس نبي نطلع للجبل حنا وعيال عمكم نبي نغير جونا
فزاع تنهد..انا ماقوى انهج
شيم جالسه وضامه ركبتها لصدرها.. وانا مثلك
عقد حواجبه ابو سهم.. شنوحكم
فزاع.. ماقوى ارتسب الفرس
شيم.. مهي حلوي الطلعي بليا هاجس
حــمده.. هاجس يجي معنا
شيم.. شلون يطلع يايمه شلون
حمده..انهجي قولي لوه يطيعتس هو
شيم وقفت..ابي انهج اقولو لوه
ابو سهم..وانت تعافيت مابك خلاف
فزاع تنهد..اشوف باتسر
:::
منسدح على ظهره وحاط شماغه على وجههه
شيم جلست جنبه..انت نيم
هاجس ساكت
شيم سحبت الشماغ وحطت يدها على جبينه..الحمد لله خفت الحمى
هاجس غمض يتصنع النوم
شيم..نم هالحين نوم العوافي بس باتسر ابيك تطلع معنا
هاجس فتح عين وحده..تعرفين ردي
شيم..لا ابيك تطلع معنا
هاجس..اتركينن ياشيم اتركينن
شيم..شلون تبينن اطلع واتونس وانت بهاذا ضايقن صدرك
هاجس جلس وتربع وسحب شماغه وبضحكه كلها تعب ..وانتي شلون تبينن اتونس واوسع صدري وقلبي مثل النار شلون ••ناظر لها..ماقوى ياخيتي ماقوى
شيم بلعت العبره ووقفت وهي منزله راسها وصلت الباب بتطلع 
هاجس..مار ميخالف اكل الجمر واتحمل عشانتس ياشيمه اطلع معكم منشان عين تكرم قبيله
شيم لفت عليه بابتسامه ووجهها مغطيته الدموع
::::
شيم دخلت المجلس وهي تنقز عندهم..يقول يبي يطلع معنا
ام سهم.. تشوفين اني قلت لتس هو يطيعتس
سهم ياشر على فزاع.. البلشة هذا من يطلعو
شيم جلست جنبه بترجي..طلبتتتك لا تخرب فرحتنا
يافزاع طلبتك
فزاع استسلم على طول.. زين زين
______
بعد مانمت الناس والديره هدت فزاع سحب نفسه بشويش واتجهه لبيت الشعر شب النار وجلس بالفروه وهو يحس الدنيا ضايقه فيه ولا هو قادر يتحمل اكثر استند على العمود وهو يناظر لهيب النار مر الوقت بدون مايتحرك او يقول شي وفجأه سمع عواء ذيب وتكرر اكثر من مره
تنهد وهو يقول ..
عواك ياذيب الخلاء يوجع الروح 
من ايش تعوي وانت ذيب الليالي
خوف ولا جوع ولا انت مجروح
ولا مفارق شخص ياذيب غالي
صوتك به العبرات والحزن والبوح
عزي لصوتك مثل عزي لحالي