ياغيمتي بالبشر مالك شبيه ياليت مالك يابعد هاجس سمي

٦

فرحان يطقق اصابعه بتوتر رايح راجع على بدايه السوق تنهد..هو وينو
صار يمشي مبتعد عن السوق جلس تحت نخله بطفش فجأه صرخ وهو يحس باليد تسحبه
غيمه سكرت فمه..اصصصص
فرحان..وينك يافرحان اختفيت
ابتسمت بتعب..اخخ ويني
فرحان..ابي اعطيك فلوسك مالقيتك ولا جبت لي حطب
غيمه..العذر والسموحه ياخوي صار عندي شين منعن
فرحان بحزن عليه.ميخالف بس خذ فلوسك
غيمه..ميخالف تساعدن
فرحان..ايه اساعدك
غيمه وهي تحس ان طاقتها انتهت..الفلوس اللي معك انهج اشتر بهن من السوق
فرحان..وش اشتري بهن
غيمه..اي حاجتن تنوكل
فرحان..انت جيعان
غيمه تنهدت..جيعان ووجعان،انهج اتحراك بهاذا
فرحان استعد بيركض..ابشري
غيمه..لا احد يشوفك
_______
ابو سهم..هذي مايبي له حتسي ياخوي، شيم بنتكم ومتى مابغيتوه خوذوه
ابو سياف..الله يسلمك ياخوي
قطع عليهم دخول سهم..سلام عليكم
..وعليكم السلام
ابو سهم..جيت محل اخوك
سهم..ايه مسعود يقول كل شين تمام وهاجس موصيه قبل يمشي
ابو سياف..هو ماطاح اللي براسو لهلحين
ابو سهم..عجزت عنوه
فزاع دخل المحل..صباح الخير ،،ياحلو هالصباح عمي عندنا
ابو سياف..ياهلا ومرحبا بالعرس
سهم وابوه عقدو حواجبهم باستغراب
فزاع بلع ريقه وبضحكت تسليك..الله يحييك شلونك ياعم
ابو سياف.. بخير جعلك بخير •• لف على اخوه..يالله جوزوه
ابو سهم..ابد فزاع ياشر بس ويبشر بالسعد
ابو سياف..ابد المره جاهزه
فزاع حس الدنيا تدور فيه
ابو سهم لاحظ توتر ولده..الله يكتب اللي به الخير ياخوي
________
بلال وصل للمكان المحبب له وجلس تحت نخله يتمغط
فرحان مر من جنبه يركض ومعه اغراض
بلال رفع صوته..هيه ياولد
فرحان مانتبه له ولا سمعه كان يركض رفع صوته..فرححان ياسميي
غيمه سانده نفسها على الشجره وغايبه عن الوعي
فرحان وقف عندها..ها جبت لك كل
عقد حواجبه وهو يشوف مافيه استجابه هز كتفها..فرحان تسمعن قم جيت لك اكل
بلع ريقه بخوف
بلال من وراه وهو مبتسم وحاط يدينه بجيبه..شنوح اصوت لك وطايرن من عندي
لف عليه فرحان والدموع بدت تتجمع بعيونه..هو
عقد حواجبه بلال..منهو هو
لف عليها فرحان بسرعه ومسك الشماغ بيشيله عن وجهها
بعدت يده غيمه بحركه سريعه ولفت عنه تسند نفسها بتقوم وبهمس..مابي خلاف يافرحان
فرحان بنفس الهمس ..جبت لك اكل
غيمه..ياملا العافيي عشت
بلال..الا اقول ياولد
فرحان لف عليه..هلا
بلال..تحتاج مساعدي
غيمه سحبت فرحان وهي صاده بوجهها..قله لا
فرحان..لا يعطيك العافيي
بلال..انا ابي مساعدي ميخالف تساعدن
غيمه ضربته من جنبه بخفه
فرحان..ااا لا
بلال انفلتت منه ضحكه..افاا
غيمه سحبته..مشينا
فرحان مشى معها
بلال رفع صوته..انا ابي هاجس ماتدري وين القاو
فرحان لف وجهه وهو يمشي ..ماهو بهاذا نهج يم خوالو
غيمه سحبته قدامها..لا ترد عليه
بلال باستغراب..يمناا!
اتجهه داخل الديره
وغيمه جلست..اعطن ميت جوع
فرحان جلس قدامها ..هاك
غيمه..ليه تقعد اوقف
وقف فرحان بسرعه..ليه
غيمه..انهج قضت مهمتك
فرحان..ااا زين
لف عنها وابتعد
وقفت غيمه..فرحان
لف لها..هلا
غيمه مدت يدها تصافحه..باتسر تلقى الحطب بالسوق
ابتسم فرحان وصافحها
غيمه..ميخالف لو طلبتك
فرحان..ابشر
غيمه..مابيك تعلم احد انك شفتن ولا ابي احد يعرف انك تشتغل معي
فرحان حط اصبعه على خشمه..على هالخشم
_______
شـيـهانه وسامر اللي مشوا مسافه وصار لهم ساعه واقفين
شيهانه..ماقضت هالاستراحي متى نمشي
سامر وهو يتلفت..وش معجلتس
شيهانه ..ابي فرقاك
سامر..وانا ربي يشهد علي اني ابي فراقاتس اكثر
شيهانه..ومدام هلون وليه ماتمشي
ابتسم وهو يشوفه جاي..ابي افتك منتس بساع
شيهانه تنرفزت من حركاته وبصوت عالي..يالله انجز علي
سكتت وهي تشوف هالشخص
سامر..الله حيه
عبد الملك..الله يحييك
سامر..مثل ماوصيتك
عبد الملك..لا توصي حريص
سامر..يالله بحفظ الرحمن
شيهانه توترت..ياسامر يالله مشينا
سامر ابتسم ولف عليها..ابوي وصانن لمني وصلتتس لبيت ابوتس اطلقتس
شيهانه تناظر له وهي على الجمل
سامر..هذا عبد الملك يبي يوصلتس بيت ابوتس بامان
شيهانه.. وشو هالحتسي ماتستحي على وجهك تخلي واحد غريب يوصلن
سامر.. حتى انا غريب عليتس
قرب منها.. انتي طالق، واتركي طولة اللسان ياما تاصلين ابوتس الرجل هذا ماهو سامر يصبر عليتس
شيهانه صارت ترجف.. تخليه هو يدينن ولمنو عمل بي شي
ضحك سامر.. منخرعه منو يمكن انا اعمل بتس شين بعد
لف عنها وابتعد.. توكلو
عبد الملك..الله يستر عليك ياسامر
سامر ركب حصانه وابتعد
شيهانه اللي صار جسمها يرجف من الخوف والوحشه اللي احتوتها
عبد الملك ركب حصانه وتحرك بدون اي كلمه
_______
بلال دخل دكان ابو سهم بعد ماسال عن مكانه..السلام عليكم
ابو سهم وقف..هلا وعليكم السلام يامرحبا الله حيو
بلال..الله يحييك ويبقيك ياعم
سهم سحب كرسي..حياك
بلال بابتسامه يخفي خوفه..
ربي يبقيك •• لف على ابو سهم..ياعم ابي انشدك
ابو سهم..امر
بلال..ماعينت هاجس
ابوسهم وسهم التفتوا على بعض
سهم..هلا امرنا اي خدمي حنا ننوب عنوه
بلال..انا ولد خالتو بلال جيت ابي اسلم عليه
ابو سهم..يامرحبا الله حيوه نورت الديري
بلال..منورتن بوجودكم
فزاع جاب قهوه..يالله حيو
بلال..الله يحييك, ها ما قلت لي وين القاو
ابو سهم ..والله يالطير شلوى على حد علمي انو عندكم
بلال مسك راسه..بس هو ماجانا
ابو سهم تنهد..والله ادري انو يبي يوقع اللي براسو
بلال..تهقاو ناويه
عقد حواجبه ابو سهم.. انت تدري
بلال يحرك الفنجال وهو يفكر..شلون مادري ياعم شلون
سهم..عاد تهقون وين ناوي الوجهه
وقف بلال..اكرمكم الله
ابو سهم..وين وين والله ماتنهج
بلال..ابي انهج ادور هالمجنون وين دوى
فزاع..ابي معك
بلال رفع يده يوقف فزاع..انا مالي وجهتن محددي والوكاد اني مطول
فزاع..ايه ميخالف وانا معك وين مارحت
ابو سهم..بلا خذو معك وانا ابوك
بلال..بس
قاطعه ابو سهم..فزاع ياولدي انهج خذ حصانك
فزاع..مثل البرق
بلال حك راسه بورطه
_________
ليلى بعصبيه..وشووو نهجت وهي حتى ماقالت مع السلامه يايمه
ام سامر ببرود..الله اكبر يالام
ليلى..ولو ياشيخه ولو
ام سامر..ماشافتتس الا مرتين وليته شوفتن حلوي
ليلى بدت تبكي..ماحسبه تنهج بهالسرع
ام سامر تتقهوى ومطنشه
ليلى..وشولو يطلقه
ام سامر .. انشديه
ليلى.. ياشيب عيني عليتس يابنيتي حضتس مثل امتس
ضحكت ام سامر ..لا والله ياختي بنتتس قلبه مثل الشاش ماهي مثلتس
ليلى عصبت.. شنوحتس علي
ام سامر..تعوذي من الشيطان والحقي تقهوي واتركي هالتهاويل
________
((الليل ))
عبد الملك وشيهانه جلسوا يرتاحون عبد الملك يسوي شي ياكلونه وشيهانه بعيد عنه جالسه تفكر بهم
وقفت وابتعدت
رفع صوته عبد الملك....لا تبعدين بوه ذيابه
شيهانه تكلم نفسها..ذيبن ياكل راسك
ابتسم وهو يشوفها راحت ورى الشجره
شيهانه خلصت و بترجع وصرخت صرخه قويه وهي تشوفه قريب منها..هيييييه ووجععه وش تعلم بهذا
عبد الملك..ابد والله ابطيتي وانخرعت عليتس
شيهانه مرت من جنبه وهي ترتجف
سحبها من يدها ناحيته
صرخت شيهانه باقوى صوتها.. اتتتتركن
عبد الملك..شنوحتس رجيتي هالمتسان بصوتتس
شيهانه..ترا من اليوم ماهو عاجبن عملك وحركاتك اذلف عني
عبد الملك سحبها اكثر..انا بالحيل عاجبن عملتس وحركاتتس
ضربته بقوه.. اقولك خلن اذلف عن وجهي
عبد الملك..خلينا نستانس هالليلي ومالتس الا اللي يوصلتس اهلتس بخير
شيهانه تصرخ بهستريه..منين يجي الخير وانا اشوف وجهك خلن
عبد الملك وهو مثبتها بقوه..ياسلام تعملين روحتس شريفه علي
شيهانه..انا اشرف منك ومن اللي جابوك يانذل
ضحك بقوه وضحك لين ارتخت يده منها.. ايه بالحيل من قو الشرف حتى رجلتس تركتس بنص الطريق مع رجل غريب ولا همو
شيهانه وكان سكاكين تطعن قلبها وبدت ترتجف
عبد الملك انحنى يمسك بطنه وهو مازال يضحك
دفته بكل قوتها واخذت حجره اكبر من يدها ورمتها عليه
_______
ابو سياف بعصبيه والشرار يتطاير من عيونه..ولا كلمه، ياسواد ليلك لو اسمع هالكلام مرتن ثانيي
سياف بضيق وبهدء يعكس اللي داخله..يبه وليه وليه 
ابو سياف..مالك الا بنت عمك وغير هالحتسي مابيه
سياف..بنت عمي يجيه اللي يسعده انا مابيه
ابو سياف..ياسلام  تبي بنت ابو عمار
سياف بدا يتنرفز ويرتفع صوته..ايه ابيه وش بلاه يوم انك تقول عنه هلون
ابو سياف..اقطع، ترفع صوتك على ابوك
سياف نزل عيونه..المعذره يابوي بس
ابو سياف..لا تبسبس خلك رضي وانا ابوك واسمع حتسيي هذولا ناس مايصلحون لنا
سياف..وليه مايصلحون لنا ولا عشانو شيخ
ابو سياف..يعقب ماهو هو الشيخ
عقد حواجبه سياف بعدم فهم
ابو سياف..قم قم عني دبلت تسبدي
طلع وقابل ولايف قدامه
ناظرت فيه..اهد وانا اختك والله لو تطير لسماء مالك الا بنت عمك
سياف بعصبيه وبصرخه زلزل المكان..ولاااااايييف
ولايف اللي اتجهت لابوها ركض
_________
ابو سهم..نامي يامره
ام سهم..وين انام وولدي ماجاء
ابو سهم..ماهو جاي الليله
ام سهم لفت عليه بخوف..وينو
ابو سهم..ارسلتو
ام سهم..وين ارسلتو
جلست جنبه..احتس ولدي وينهو مابي انفجع مرتن اخرى
ابو سهم..اعوذ بالله من الشيطان
طلع من الحجره ولحقته..يامخلد وين فزاع لا توجع قلبي بوليدي
ابو سهم بعصبية..ولدي مثل ماهو ولدتس انخرع عليه اكثر منتس
انهارت تبكي..علمن وينهو علمن
شيم طلعت من حجرتها بخوف وسهم والعنود
شيم..يمه وشنوحتس
سهم..بسم الله عليتس يمه
ام سهم..وين اخوك وينو وين نهج
انخطف وجه شيم وبلعت ريقها بخوف
سهم..يمهه الله يهداتس وكل هالدموع على شان فزاع
ام سهم بعصبيه..ايه وينو وين نهج
سهم باس راسها..انا ارسلتو يم هاجس
شيم ناظرت لسهم..ليه
سهم..نبيه يجي يحضر ملكة قطعة روحو اختو
شيم والعنود وام سهم ناظروا بعض باستغراب
سهم ضحك وهو يناظر لشيم..ملكة شيم وسياف
شيم صارت عيونها تلمع بوناسه
ام سهم بصدمه..ليه توكم تقولون لنا
سهم.. نبي نقول لكن باتسر بس انتن مابكن صبر
شيم سحبت نفسها بشويش والبسمه شاقه وجهها
العنود اتجهت لها وهي ميته من الفرحه
ابتسم ابو سهم على هالكذبه اللي الكل صدقها
________
((يوم جديد ))
طالعين من صلاة الفجر
ابو عمار عقد حواجبه وهو يشوف هالشخص الملثم واقف عند بابه
ابو عمار بحده..منهوو
لف عليه..عبد المحسن ياخوي
ابو عمار اخترق قلبه هالصوت وفاضت عيونه..ياحي هالصوت يالله حيو
انطلق له وضمه بكل قوته
خنقته العبره وابتسم..كسرت ضلوعي
ابو عمار..لا تلومين ياخوي يالافي ثلاثين سنه على قلبي ثقيله
لافي..جيتك ياخوي ولاني غايب عن عينك يما ياخذن الموت
ابتعد ابو عمار وباستغراب..وشلون
لافي ابتسم..انتهى كل شين ياخوي وابي اعيش بسلام
ابو عمار..انت تقولو صدز
لافي..ترانن جيعان وعاجز ماتبي تقلطن
ابو عمار فتح الباب..يامرحبا ومسهلا بعضيدي
:::
بالمطبخ مرجانه وبدور يتهاوشون
مرجانه..انتي متى تفهمين ودي اعرف متى يصير بتس مخ
بدور..افففف منتس انا الغلطاني دايم وانتي ملاك نازلتن من السماء
جاهم صوت ابوهم..يابنات عمكن نكس ابشركن
مرجانه بتفكير..عمي!
صرخت وفزت من صرختها بدور..عمييي لافيي
انطلقت لابوها
_______
شيهانه طاحت على وجهها من التعب والجوع وبدأ الضوء يطلع جسمها يرتجف من الخوف والتعب
فزت واقفه وهي تسمع اصوات الخيل واتجهت مسرعه للاشجار اللي جنبها تتخبى
::
على مسافة امتار منها
..وعقبه وين ننهج يابلال
بلال..قدامنا ديره الشيخ الصامل ابو سامر نبي ننشد عنوه عندهم تسان مرهم
فزاع بلع ريقه وحس العبره تخنقه واطرافه بدت ترجف
سحب شماغه وتلثم واسرع بالحصان
بلال رفع صوته..اصبر لي ياولد شنوحك
واسرع وراه
شيهانه اللي فقدت وعيها بين الاشجار
:::
بعد ممشى مسافه
ناظروا بعض باستغراب من هالشخص اللي متمدد وماسك راسه اللي ينزف
نزلوا
فزاع..ياولد انت بخير
عبد الملك اللي يفتح عيونه ويسكرها..انا ويني
تلفت بلال..والله مادري
فزاع جلس جنبه يسنده ويسقيه ماء..عسى ماشر يولد
عبد الملك يحاول يستوعب اللي صار غمض عيونه وهو يتذكر انها ضربته بالحجر من راسه وتوه يصحى..هاه 
بلال..الظاهر انك واقع من الحصان
فزاع..لا يكون فقد عقلوا ياولد
بلال..خلنا ننهج بوه معنا يم ديره ابو سامر
فز بخوف عبد الملك..هاه لا لا مابي خلاف
فزاع..لااا الظاهر انو فاقد عقلو كلوه
عبد الملك يتلفت..وين حصاني وينهو
بلال سحب فزاع..يالله مشينا
فزاع ركب الحصان..يالله
عبد الملك مسك قبله بخوف..الله لا يوفقكم وشهي قرادة هالحظ
_______
غيمه تنهدت وهي ماتشوف منه اي استجابه
لفت بتطلع
ابتسمت.. والله هالفرحان ربي ساقو لي رزق لولا الله ثم هو مادري وش اعمل
اخذت الشماغ..هالحين معصب يتحرانن 
:::
فرحان اخذه من المطبخ وطلع مسرع
فز على صوت امه.. وشو اللي معك
فرحان..ااا يمه فلاح يبيه
ام فلاح.. وشو اللي يبيه
لف وطلع مسرع
ام فلاح بصراخ..الحقق وين تبي، هين مرجعك لي
:
غيمه جلست تحت النخله تنتظره..غريبه احسبو قدامي وين هو
:
فرحان جاء مسرع ووقف ياخذ نفس
غيمه ابتسمت.. شنوحك
فرحان..سرقت السمن لك
غيمه..ماقلت لك قل لامك قبل تاخذو
فرحان..تقعد تنشدن تبي كود تعرف
غيمه..اشوفو
فرحان..بس جبت لك شوين
غيمه..ايه انا ابي شوين بس
فرحان..وشتبي بوه
غيمه..يالله يالله انهج شف شغلك 
فرحان تكتف بابتسامه ..تطردن 
غيمه..لا مار اني ابي انهج لشغلي
فرحان..يالله اشوفك على خير 
غيمه تناظر لسمن بابتسامه
اتجهت لهاجس وحاولت تسنده على خفيف وتحط بفمه نقطتين من السمن
________
القريه كلها تستبشر برجعة لافي اللي رحل عن الديره من مده طويله ولا احد يدري وش سبب رحيله والكل مبسوط ويتعازمون على الحفل اللي بيسويه ابو عمار لاخوه
لافي بابتسامه وقف عند ابو سهم
ناظر له ابو سهم اللي عيونه مثل الشرار
لافي..بالخير
نظرات ابو سهم من قوها اخترقت لافي
لافي يحاول يخفي توتره بابتسامه..جيت اسلم واعزمك على الحفل الليلي
لف على صوت الرجال اللي يسلمون ويتحمدون بالسلامه
سهم لاحظ اسلوب ابوه وجلس جنبه..انهج ارتاح يايبه
ابو سهم وقف وهو ينتفض ومشى وكانه انعزل عن هالعالم ماصار يسمع شي ولا يشوف شي
بندر..سهم انهج مع عمي الظاهر انو ماهو بالحيل
سهم..لمنك احتجت شين علمن
بندر..لا تشيل هم