ياغيمتي بالبشر مالك شبيه ياليت مالك يابعد هاجس سمي

٥

غيمه وهي متنكره ومتلثمه زين ومبتعده عن انظار الناس..اسمعن انت تبي فلوس
فرحان(اخو فلاح بعمر ١١ سنه).. ايه بس منهو انت ماعرفك
غيمه.. انت اشتغل معي والفلوس بيني وبينك
فرحان..زين ميخالف بس وشو هالشغل
غيمه..انا اجيب حطب وقبل تطلع الشمس احطو قريب من السوق وانت لمنه طلعت الشمس تجي وتبيعو
فرحان سكت يفكر
غيمه..يالله ياولد ولا بدور غيرك
فرحان.. موافق
غيمه.. ابد كل صبح تلقاو جاهز
لفت ومشت
رفع صوته فرحان.. وش اسمك
ابتسمت غيمه.. اسمي فرحان
وكملت طريقها
فرحان باستغراب يكلم نفسه.. مثل اسمي
______
بالليل
دخل سامر وهو بيموت من الغبنه
ناظرت له شيهانه وابتسمت بسخريه
سامر زفر وهو يهدي نفسه لا يسوي شي ويسوي ابوه شي ازود من ذا
شيهانه..تراك مانت مجبور تجي عندي
سكر الباب وظل واقف.. مغصوب ماهو بيدي يابنت.
شيهانه جلست على الفراش واعطته ظهرها
سامر ابتسمت بسخريه.. معجبتس الجو
عقدت حواجبها شيهانه
سامر..اشوفتس متجهزي
لفت شيهانه وبحده.. يويلك
ضحك بقوه
شيهانه بدا قلبها يدق بقوه
اتجه لها وهو مبتسم
وقفت بخوف وبدا جسمها يرتجف
______
العنود وشيم جالسين جنب بعض ومتغطين بالفروه مع بعض وقدامهم ام سهم وشابين النار ويتقهوون
العنود.. اجل وش رايتس ب نوف بنت ياسر
ام سهم.. لا لا ماتصلح عوبا
العنود.. والله عجزت ياعمتي وانا ادور من تبين
ام سهم.. ابي وحدتن تصلح ل فزاع
شيم وكل هالفتره وهي ساكته.. دوري لو وحدتن مثل شيهانه
العنود.. لا ياعيوني نبي ندور احلا منه
ام سهم.. هي صادقي العنود نبي وحدتن احلا منه
شيم وقفت
العنود.. وين تبين
شيم.. ابي انام
ام سهم وقفت..اي والله نبي ننوم باتسر ورانا شغل
العنود تناظر جلست لحالها..خلونن
حركت النار شوي وناظرت لسماء وتنهدت..حتى انا بقوم وبنام
وقفت وحست بيدين مسكتها وبتصرخ بس بسرعه تسكر فمها وحست بالقشعريره وهي تحس بالانفاس على رقبتها
..انخرعتي
العنود حست ببرود بعظامها ولفت عليه وضربته بخفه..سهم خرعتن
سهم ضحك..الحقي نكمل هالجلسي الحلوي
العنود..صبيت عظامي
جلس سهم وسحبها جنبه ولبسها الفروه وزاد حطب على النار..بسم الله عليتس
لف لها وهو مبتسم وسحب يدها وحط باصبعها خاتم
العنود اتسعت عيونها من الفرحه وهي تشوف جمال هالخاتم..الله
سهم..اعجبتتس
العنود وهي ترفع يدها وتناظر لها..تهبل
ابتسم لابتسامه وسحب يدين العنود وحطها على وجهه..تدرين
العنود ميلت راسها..همم
سهم وهو مغمض عيونه ومبتسم ومثبت يدينها على وجهه..اني اغليتس اكثر من روحي
العنود حست نبضها يزيد وبدت تعرق ولمعت عيونها
سهم فتح عين وحده.. عنوده
العنود بلعت ريقها
سهم..تغلينن انتي يالعنود
العنود سحبت يدها وشد عليها يثبتها وغمض وزادت ابتسامته..هاا
العنود.. س سهم
سهم فتح عيونه وحط خشمه على خشمها..تغلينن بالحيل ولا شوين.
حط يده ورى راسها وبدا يلعب بشعرها..عنودتي انتي مرتاحي معي ••تنهد..انا خبل سمعت حتسي الناس بس والله اني انخرعت عليتس ولا مافكرت بنفسي
قرب اكثر..انتي صدز تبينن
تسارعت انفاسها وحست بدوخه
سهم تركها وابتعد شوي وتنهد بعد ماحس بتوترها
العنود مسكت يده.. سهم
لف لها وهو مبتسم.. ياقلب قلبو
العنود..انا اشوفك العوض بحياتي
عدل جلست وتنحنح وهو مبتسم ولف عليها بكل جسمه وسحبها لصدره وضمها قوه
_________
سامر ماسكها من فكها.. لو ماتبقى بهالدنيا مرتن غيرتس مابيتس
شيهانه وهو تفك يدينه.. وانا والله لو مايبقى من رجال الدنيا الا انت مابيك
سامر يرص على اسنانه.. ومدام ماتبينن ولا ابيتس وليه ماتنقلعين عن وجهي
شيهانه لفت وجلست على الفراش
سامر ابتعد عنها ووقف عند الباب وتنهد
شيهانه بدت تبكي بدون صوت وتلحفت كلها
سامر جلس وظهره على الباب وضم ركبته.. وشي هالبلشي
_______
((صباح يوم جديد))
فرحان عيونه تلمع من الوناسه وهو باع نص  الحطب
فلاح بصراخ.. فرحااان
فز فرحان.. بسم الله الرحمن الرحيم وشتبي
فلاح.. وش تعمل بهذا
فرحان.. اشتغل
فلاح شده من اذنه.. وش تشتغل
فرحان وهو يحاول يفك نفسه.. ااي ااي اتركن
فلاح.. فرحانوه
فرحان.. ماعملت شين خطأ اتركن
سهم من جنبهم.. وشبلاك يارجل عليه
فلاح..مجمع حطب ويبيعو
فرحان وعيونه بدت تدمع..ايه وليه حرام اشتغل يعني
فلاح.. وليه ماعلمتن
سهم.. لانو رجل ويبي يعتمد على روحو ماعمل شين خطأ يافلاح اتركو
فرحان لف بزعل
مسكه فلاح.. فرحان انا انخرعت عليك
فرحان.. وليه تنخرع علي شايفن وغد
فلاح نزل لمستوى طوله وضمه.. لا والله رجال وعضيدي وسندي
فرحان انبسط
فلاح.. تبينن اساعدك على شين
فرحان.. لا يعطيك العافيي
سهم ابتسم.. يالله يافليح مشينا ، وانت يافرحان لمنك بغيت شين علمن
فرحان.. الله يسلمك ماتقصر
______
غيمه منسدحه جنب شجره بعد مانهد حيلها ويدينها متجرحه بمكان بعيد عن الديره ثنت رجلها وحطت رجلها الثانيه فوقه وحطت يدينها تحت راسها.. وعقبه ياغيمه وش تبين تعملين بهالدنيا ••زفرت بضحكه..لا ام ولا ابو ولا اخو يسندتس ولا اخت تسليتس.
وقفت وهي تشوف الغيوم تتجمع..الله يجيب الخير
بدت تركض متجهه للديره وهي تضحك من جمال الجو ونسمات الهوا اللطيفه
_____
بحوش ابو سهم الكل واقف
ابو سهم.. الله يحفظك ياوليدي وانتبه لطريقك
هاجس..ابشر
فزاع..لا تبطي علينا
هاجس..مالي غنى عنكم
سهم.. الله يسهل دربك ياخيي ولمنك بغيتنا ابشر بنا
هاجس.. ماتقصرون الله يحفظكم
ام سهم والدموع بعيونها..لا تنسى انك قطعة من روحي واني ادعي لك الليل والنهار افطن لروحك ولا تبطي علينا
تقدم لها هاجس وباس يديها..اي والله اني محتاج دعواتس
اتجهه لابو سهم وسلم على راسه وسلم على سهم وفزاع
التفت لشيم وهي منزله راسها.. شيمه
رفعت راسها وانفجرت تبكي
تقدم لها وحط يده من ورى كتفها.. افااا
شيم وهي تشاهق..وشولو تنهج ليه ليه وشولو
ضحك بخفه..ان شاء الله اني مابطي
شيم..يويلك لو تبطي يويلك
ضحك سهم.. شيمتي عيب وشو هالحتسي
هاجس ..عدي من واحد ليا عشره الا انا عندتس
ضحكوا سهم وفزاع
ناظرت بحقد.. وعد ماتبطي
هاجس حط سبابته على خشمه.. ابشري
التفت عنهم وطلع.. سلام عليكم
شيم.. احس انو يبي يطول
ام سهم..لا ان شاء الله مايبطي
تنهد ابو سهم..اعرف نيتو الله يهديه
سهم حط يده بجيبه ونزل راسه..لو انت قايل لو ماهو احلا
ابو سهم.. خلو ماهو لاقين شين ينهج وينكس
فزاع.. ولو صار شين يايبه
التفت بحده وخوف ابو سهم.. مهو صايرن شين بحول الله
______
فرحان واقف ببدايه السوق يروح ويرجع ينتظر والمطر بدا يزيد ..وينو وينو ماجاء
بندر.. فرحان وش تعمل بهذا ليه ماتنهج
فرحان.. اا هاه ايه هالحين انهج
بندر.. يالله استعجل
فرحان يكلم نفسه..ميخالف ابي اتحرى شوين.
انتظر دقايق وناظر لسوق اللي بدا يفضي من الناس..وينك يافرحان
فلاح من وراه.. تدور روحك
فز فرحان.. ها ايه ايه
فلاح.. شنوحك ابطيت يالله امش قدامي
فرحان يناظر.. يالله يالله مشيت
:::::
غيمه اللي مابقى شي وتوصل للجهه الغربيه من الديره هدت من ركضها وهي تاخذ نفس نزلت الشماغ وهو تنفضه عن الماء
رفعت راسها بخوف وهي تسمع صوت الرصاصه
::::
هاجس اللي على اطراف الديره ولا قدر يكمل بسبب الامطار اللي تزيد قرر انه يرجع ،
طاح من الفرس بعد ماجته رصاصه افقدته وعيه وجات صاعقه رعديه قويه والفرس ابتعدت تركض
..ابتسم بعد ماشافه طاح على وجهه بدون ولا حركه وشاف الفرس ابتعدت خارجه من الديره.
ابتعد مسرع عن هالمكان
:::
غيمه وجهها مخطوف تتلفت حولها ومشت مسافه بسيطه وشافت هالشخص اللي طايح على وجهه بدون اي حركه رجفت وهي تشوف دمه اختلط  مع المطر صارت تتلفت تشوف حوله احد ،اسرعت له ولفته ناحيتها.. هيه هيه
رجفت يدها ووقفت وهي تصرخ.. ساعدونييي
صارت ترجف بقلة حيله وبدت تسحبه وتوقف فتره ترتاح وهي ترجف وتصرخ
بعد فتره وصلته لاقرب بيت موجود بالجهه الغربيه وصارت تركض بهستريه
صارت تطق باب الحكيم بقوه ورى بعض..هيييييييه هيييييه وينكككك الحق بوه رجل متصاوب وينك
. صرخت بقوه وهي متنرفزه وخايفه واتجهت لبيت ابو عمار
_____
سامر..ياعيوني يابسوم والله ماهو بيدي
بسمه ماتناظر له زعلانه.. اجل منو بيدو
سامر.. والله العظيم ان ابو حلف علي
بسمه والدموع تجمعت بعيونها.. المشكلي كل يومين تنهج يمه
سامر.. وش اعمل بابوي وامي
بسمه..لا قل انو اعجبك الوضع
سامر.. يروحي يعيوني والله انه تعقب لو مابقى يالدنيا الا هي ماراعيت له
بسمه.. طلقه
سامر.. اوعدتس بس اصبري علي لين يرضى ابوي علي اطلقه ولا اشاورو بعد
بسمه.. وعد ياسامر وعد
سامر.. وعد ياعيون عيوني
تكتفت بسمه.. بس مابيك تنهج تنام عنده
سامر.. والله اني نمت وظهري على الباب حتى الفراش ماقربت لوه
لفت عليه بسمه.. يروحي وكاد انك تعبت بهالنومه القشرى
ابتسم سامر.. هو تعبت اي والله بس ميخالف اهم شين ماشوف وجهه الشين
_______
غيمه تضرب الباب بقوه..ابو عمااااار ياعبد المحسن افتتتتح
تصرخ وتنادي بس محد يسمع من قو صوت المطر على سقف البيوت
غيمه صارت ترجف..ماعمرك فرجته تف عليك
ابتعدت تركض راجعه  لبيت الحكيم صادفته بيدخل بيته وصرخت..هييييه
وقف على باب بيته وكانه عرف هالصوت صوتها اللي حفظه وحفظ بحته بس استنكر الشكل ناظر لها باستحقار من فوق لين تحت..الحمد لله والشكر.
وكمل طريقه دخل لبيته بدون مايعطيها مجال تتكلم
صارت ترجف من الغصب والغيض فكت لثمتها بعد ماحست انها انكتمت من الضيق وصار شعرها القصير ينقط ماء رفعت راسها لسماء وصرخت..ااااااااااااااه
وضربت الباب برجلها بكل قوتها
_______
ولايف متربعه قدام ابوها..اي والله يابيي ماشاءالله تقول شيم انهم يبون يخطبون لوه
ابو سياف..ياعسى الله يوفقو
سياف..عاد فزاع موافق ولا حتسي حريم
ولايف..الا هو قايلن لهن اخطبن لي
سياف..ايه الله يوفقو
ولايف لفت على ابوها بابتسامه..وشيم بعد يبه
ابو سياف عقد حواجبه..شيم وشبلاه
ولايف..سمعت انه تبي تعرس
ابو سياف..لاه لاه منهو يقولو
رفعت اكتافها ولايف..مادري انا ماسمعته منهم بس سمعت البنات يقلنو
ابو سياف..لا شيم لولد عمه
ولايف..منهو ولد عمه
ابو سياف..اخوتس
بلع ريقه سياف وتوتر
اتسعت ابتسامتها ولايف وهي هذا اللي هي تبيه.. تبي تخطبه لوه يبه
سياف..مابي اعرس انا
ابو سياف..ميخالف ماهو كود هالحين
كشرت ولايف..يدري عمي انك تبيه لسياف
سياف تنرفز ووقف..ماحدن يتدخل بحياتي انا مابي هالعرس كلو
طلع وتركهم
ولايف بتطنيش لاخوها.. يبه تسان صدق تبيه لوه لازم تخطبه لان لو يخطبه احدن قبلك ماهو مشاورك عمي
وقفت وطلعت وهي تنقز من الوناسه
_______
الليل والمكان مظلم
غيمه مجمعه حطب بالحجره اللي هاجس فيها وتحاول تشب النار وهي تشاهق ودموعها ماتوقف .. ياربي وش اعمل
بدء المكان ينور بنور خفيف بعد ماشتغلت النار.
لفت تناظر له وهو مرتمي وكل شوي تحسبه مات بسبب ضعف نبضاته
طلعت السكين وحطتها بالنار قبل تطفي وهي ترتجف من هالخطوه اللي بتقدم عليها
حياة هالشخص بين يديها ممنوع لها اي غلطه
صوت شهقاتها تقطع كلامها..ي يمه وينتس عني يايمه
عضت شفتها بخوف وهي تشوف مامنه ولا حركه جسمه هالنحيل ووجهه اللي ينطق بالتعب والارهاق والخيبات..منهم اهلك منشان انهج اقولهم
رفعت اكتافها.. والله والله ماعرف احد بهالديري غير الحكيم وابو عمار ع ع عيو يساعدونك والله.
لفت تناظر لسكين احتمت او باقي ولفت له وقلبته على ظهره وشقت ثوبه مكان الرصاصه اللي بالكتف من ورى, خلف القلب مباشره اللي اخترقت وانهت مابقى من روحه 
_______
((يوم جديد وصباح جديد ))
ولايف وابوها يطقون الباب بقوه
شيم..يالله جيت جيت
فتحت الباب..هلااا والله
ابو سياف..هلا ببنيتي شلونتس
شيم..يامرحبا بعمي حياكم حياكم
ابو سياف..هذي بنت عمتس انا عندي شغل ماشي
شيم..لمنك قضيت الحق
ولايف.. شلونتس ياشيمتي
شيم..هلا بوليفة روحي
ولايف..بوه سالفتن تجوز لتس الحقي
:::
بالمشب فزاع قدام امه..ياميتي يانضر هالعين انا العرس مالي بوه طالبتتس يايمه
ام سهم..ليا متى يابعد روحي
فزاع..ميخالف مافايت من عمري شين هذا سهم مازوجتوه الا بالثلاثين
ام سهم..انا مابيك مثل سهم ابي ازوجك هالحين
فزاع مسك يدها وباسها..يمه واللي يسعدتس ويحفظتس لي خلينن ارتاح هالحين
ام سهم..بس ماتطول علي
فزاع..ابشري من عيوني
_______
شيهانه بعد صراعات مع نفسها واخيرا قررت.
ابو سامر وام سامر جالسين ينتظرونها تتكلم بعد مادعتهم
شيهانه..عمي انا ابي انهج يم اهلي
ابو سامر..اللي يريحتس يابنتي ابد
شيهانه..بس ياعمي ابي انهج بليا رجعي
عقد حواجبه ابو سامر
شيهانه..ابي اتطلق ياعمي
ام سامر..يابنتي
شيهانه قاطعتها..انتم ماقصرتوا وحطيتونن على روسكم بس انا مابي سامر ولا هو يبينن والله يوفقو مع بسمه ويكتب لهم الحياه الهنيه
ابو سامر..الله يستر عليتس يابنتي واستري ماوجهتي منا
شيهانه..ماشفت منك ومن عمتي شيخه الا الطيب
ام سامر وهي تبكي..الله ييسر دربتس يابنتي
شيهانه..ماني ناسيتكم وان شاء الله ازوركم
سامر دخل عليهم وهو يركض ويصرخ.. يمممه يبببه
ام سامر..وشنوحك ياولد
ابتسم وهو يشوفها وصار يحرك حواجبه فوق وتحت يبي يقهرها.. يمه ابشركم بسمه حامل
ابتسموا ابوه وامه.. ما شاء الله ياعلو مبروك
ابتسمت شيهانه ووقفت.. مبارك عليك ياسامر ومنشان فرحتك تكتمل انا ابي انهج يم اهلي
طلعت.. ابي اتجهز منشان نمشي
اتسعت ابتسامته ولف لامه..تبينن اطلقه
ام سامر بكسرت خاطر..ايه
سامر..وابوي موافق
ابو سامر تنهد..مدام هي اللي تبيه ايه
نقز سامر من الوناسه وهو يصرخ
________