ياغيمتي بالبشر مالك شبيه ياليت مالك يابعد هاجس سمي

٨

شيهانه رفعت راسها بصدمه.. هاه
غالب..الله يرحمو
شيهانه.. هاجس ولد ا
قاطعها غالب..ايه والله حالتهم توجع التسبد.
شيهانه وقفت وهي ترتجف
غالب باستغراب..وين تبين اشربي قهوتتس
شيهانه اسرعت لحجرته وسكرت الباب وحطت ظهرها عليه وانهارت..هاجس خسارتن لك يابو سهم بس فزاع خسارتن لي
حاولت تكتم صوت بكاها لا يسمعه اخوها.. الله لا يوفقك ياسامر ياعل الله يحرق قلبك ويحرمك من اغلا غالي على قلبك مثل ماحرقت قلبي على فزاع وحرمتن ياوه
::
ابو غالب دخل البيت بتعب وجلس
غالب صب له فنجال
ابو غالب.. وينهي اختك
غالب.. توه قامت
ابو غالب.. خله تجي ابيه
غالب..ابشر
قام واتجهه لحجرتها عقد حواجبه وهو يسمع بكاها
بلع ريقه ورجع لابوه
ابو غالب ناظر له
غالب حك راسه.. يبه ا اا شيهانه اا
ابو غالب.. شنوحك
غالب.. خله هالحين وهي تجيك عنشوين
ابو غالب.. ليه وشبلاه
غالب.. علمته بهاجس والظاهر تبتسي
ابو غالب.. رجلن مات الله يرحمو وش يبتسيه
غالب جلس قدام ابوه.. يبه شيهانه صايرن له شين
ابو غالب يخفي توتره.. لا بس انه طنيانتن علينا اننا غصبناه
غالب.. يكفي طلاقه اكيد لوه سبب
ابو غالب.. هي عرست عليه ماتبيه اكيد انه عيفتو
غالب تنهد وسكت
_______
الليل
غيمه بدلت لجرحه وجلست تناظر له.. من انت ولدو هو انت من هالديري ولا من برا
صارت تناظر وجهه بحزن
وقفت وابتعدت عنه
طلعت من ونه... ءءه
لفت تناظر له ورجعت بسرعه جلست عند راسه.. وعيت تسمعن
هاجس يتنفس بصعوبه
غيمه بشويش حركته.. انا طالبتك لا تموت عندي
بدت تتجمع الدموع بعيونها.. لا تموت لا تموت
صارت تطبطب على راسه بخفه بحركه انها تصحيه.. قم قم ماقوى اشوف احد يموت يكفي اللي شفتهم
هاجس بصعوبه حرك راسه
غيمه.. بسم الله عليه يتوجع
هاجس.. ءءااااه
فتح عيونه بثقل وغمض لثواني ورجع فتحها ثم غمضها
غيمه تناظر له بصمت وخوف
فتح وحرك عيونه يمين ثم يسار ورجع غمضها مره ثانيه
غيمه انتظرت يفتحها ومدت يدها بخوف.. انت واعي
ماكان فيه رد
غيمه بلعت ريقها بخوف وقربت تشوف انفاسه
كانت انفاسه ضعيفه وبالقوه يطلعها
سحبت نفسها للجدار اللي جنبها وحطت ظهرها عليه وضمت ركبتها ونامت وهي خايفه
_________
يوم جديد بعد طلوع الشمس بساعه
فزاع بسرعته ماوقف ولا ارتاح دخل الديره بسرعه واتجهه لبيتهم نط من الحصان بدون مايوقفه وتعثر ووقف ضرب الباب بقوه وانفتح معه ودخل
وقف وهو يشوف شيم وابوه طالعين من المشب ثقلت خطوته وهو يرتجف وبلعثمه .. ي يبه وينو وينو
شيم تحاول تسيطر على نفسها
ابو سهم بوجه شاحب.. ياهلا بوليدي
فزاع مسك كتوف ابوه والغصه خنقت صوته.. يايبه طلبتك قل انو بهذا والخبر تسذب
ابو سهم خنقته العبره
فزاع طاح عند رجلين ابوه.. يايبه انا طالبك يايبه
ابو سهم جلس معه.. تعوذ من الشيطان وانا ابوك
شيم واقفه وتحاول تكتم شهقاتها
فزاع بصوته الراجف ودموعه.. خييي راح يايبه خيي راح
ضمه ابو سهم
فزاع.. وهالدنيا ماتاخذ الا اللي نبيهم
ام سهم طلعت من حجرتها وجت مسرعه..فزززاع ياعيون امك
جلست جنبه وضمته
حط راسه على رجولها..يمه يايمه اخخخخ
شيم جلست جنبه وهي ترتجف..ف فزاع يوجعك شي
فزاع..قلبي يوجعن ياشيم قلبي
ام سهم.. بسم الله عليك وعلى قلبك
:::
بلال وصل لدكان ابو سهم وصار يتلفت يدور احد ..ياولد
راكان.. هلا والله
بلال.. وين بيت ابو سهم
راكان وصف له
واتجهه له ورفع يده بيطق الباب اللي مردود بس وبلع ريقه وهو يسمع اصوات البكاء
ورجع كم خطوه
من وراه.. الله حيو
بلال لف بتوتر.. الله يحييك
ابو سياف دف ولايف قدامه.. ادخلي يابنت
بلال.. ياعمي هو صدز هالخبر
ابو سياف عقد حواجبه
بلال.. هاجس
ابو سياف تنهد..الله يرحمو
بلال ارتخى جسمه كان متمني يكذبون هالخبر
لف ومشى خطوتين وجلس على صخره صغيره وحط يدينه على وجهه ونزل راسه وبدا يبكي
انصدم ابو سياف وقرب منه ..تعوذ من الشيطان ياولدي
سهم جاي هو والعنود من ابوها لف للعنود واشر براسه معنى ادخلي واتجهه لهم.. عمي عسى ماشر
ابو سياف .. هالولد نشدن عن هاجس
سهم عقد حواجبه وقرب منه رفع راسه وكان بحالة انهيار .. بلال، ياولد تعوذ من الشيطان
بلال سحب نفسه وصار نفس وضعه
سهم.. خل ايمانك بالله قوي وانا اخوك وادع لوه بالرحمي
ابو سياف حرك راسه بمعنى من هو
سهم.. هذا ولد خالة هاجس ياعمي
ابو سياف حط يده على كتفه.. عظم الله اجرك ياولدي والله يصبرك ويصبرنا على فقدو
سهم وقفو بالقوه.. يارجل تعوذ من الشيطان، الحق معي داخل
كان مافيه حيل يوفق من الانهيار
سهم فتح الباب ورفع صوته.. معنا رجل
ولايف سحبت شيم بالقوه ودخلو
دخل سهم وهو ماسك بلال
كانت ام سهم معطيتهم ظهرها وفزاع بحضنها منهار سحبت طرحتها على وجهها
دخله سهم للمشب مع بلال وعمه
________
وقف عندها وانفاسه تنزل وتصعد..جيت
غيمه..ياهلا ومسهلا
فرحان نزل الاكل وجلس قدامها..شنوحتس
غيمه جالسه برا البيت..ضايقن صدري
فرحان بحزن عليها..وشتبينن اساعدتس بوه
غيمه.. ماتقصر يابعد روحي
وقفت..لا تجي بهاذا
فرحان بصدمه..ليه
غيمه..يمكن احد يشوفك
فرحان..لا والله محدن يشوفن هاه حتى قلبي يرجف من كثر ماركضت
ضحكت غيمه..بسم الله عليك بس الاحتياط واجب
ابتسم فرحان لضحكتها..لا لا ماعليتس
اخذت الاكل ودخلت
دخل وراها فرحان..الا اقول غيمه
غيمه.. ها
فرحان. عندتس بيت
غيمه ..ايه عندي بيتي
فرحان.. شنوحتس بهاذا
غيمه اشرت ورى فرحان.. علشان هذا
لف فرحان وعقد حواجبه وهو يشوف شخص مشى لين وقف عنده ويناظر لف وصرخ.. يمممممممههه
غيمه فزت وبصوت عالي..بسم الله شنوحك
فرحان يرتجف واسنانه تضرب بعض لف عليها بصعوبه..ه ه هذا م مييت ميت
غيمه اتجهت له..بسم الله عليك وشنوحك
فرحان ولا زال يرتجف..غ غيمه هذا هاجس هاجس اللي مات
غيمه تاكل الخبزه اللي بيدها.. هذا هو اللي قلت لي
سحبت فرحان راجعه لمكان الاكل..لا ماعليك لا تنخرع مامات
فرحان بلع ريقه
غيمه ابتسمت..لا تنخرع ماهو ميت
فرحان اتسعت ابتسامته..ابي انهج اعلم عمي ابو سهم
لف بيركض وسحبته غيمه..لا لا يافرحان
فرحان..ليه هم هالحين يبتسون عليه
غيمه.لا تعلمهم الحين
فرحان هز راسه بمعنى ليه
غيمه..اقعد ابي اقولك السالفي
جلس فرحان..ها قعدت
غيمه..سلم الله عمرك انا شفت رجل صوب عليه ورماو وهرب ركضت يمو وجبتهو وساعدتو
ميل راسه فرحان..ايه وليه مانعلم ابوه
غيمه..لو نعلم ابوه وهو هلون يدري اللي صوب عليه ويذبحو خلو ياما يتعافى ويدافع عن روحو
فرحان..بس ياغيمه
غيمه..فرحان قضينا
تنهد فرحان..ابشري
هاجس اللي يفتح ويغمض عيونه يسمع نص الكلام ونصه مايسمعه
_______
ابو غالب بعصبيه..شنوحتس علينا تسان هذي اخلاقتس اذلفي لحجرتتس
نشبت اللقمه بحلق شيهانه ونزلت راسها
غالب..شيهانه ندري انتس طنيانتن علينا  بس هذا ابوتس لا تحتسين معو بهالنبرة القشرى
ابو غالب..خله تطنى ولا ترضى هالبنات اللي يعلن الروح
رفعت راسها وهي تحاول تتحكم بدموعها..ادري ادري يايبه اني عليت روحك والله لو لي متسان تسان نهج لوه
ابو غالب تنهد واستغفر.. وليه ماقعدتي عند رجلتس
شيهانه تكتم عبرتها.. مثلك يايبه مايبينن
ابو غالب ..ادري انتس عليتي روحو
شيهانه وقفت..الله فوق الظالمين يايبه
ابو غالب فقد اعصابه ووقف ولفها واعطاها كف..ماتستحين على وجهتس انا ظالم انا
غالب سحب شيهانه يبعدها عن ابوه..تعوذ من الشيطان هي تعني سامر ماهو انت يايبه
شيهانه بصراخ..الا هو وسامر وانت بعد
ابو غالب يحاول يمسكلها من ورى غالب ..انزح عنه
غالب..يايبه يايبه اهد
ابو غالب سحب شعرها من ورى ولده..ابيه تقولي وش حنا عاملين له
شيهانه انسحبت معه وصرخت..كلشين كلشين ذبحتونن وذبحتو قلبي
ارتخت يد ابو غالب
شيهانه منهاره بالارض وتتكلم بصراخ..شفتو يذبح ناس وصبرت ويضربن ويجرحن ويقول لي كل شين وصبرت وسكت
غالب جلس جنبها وسحبها لحضنه
شيهانه تناظر له.. من ثاني يوم ياغالب من ثاني يوم عرس على اللي يبيه، هو مايبينن مغصوب علي
غالب غض طرف شفته بقهر
شيهانه بدا صوتها يختفي..ماهو هامن عرسو والله ماهمن و و وكل يوم يضربن كل يوم
رفعت شعرها من فوق عينها.. تشوف هالضربي هذي لصقن بالجدار علشان مرتو وقعت عندي  يقول انتي
غالب مسح عليه..بسم الله عليتس
شيهانه..شفت امنا ياغالب
غالب عقد حواجبه باستغراب
شيهانه..ايه ايه امي تدري وش قالت لي
اخذت نفس وهي تشهق..ت تقول ليتي ماجبتتس ولا خذيت ابوتس
غالب التفت لابوه بصدمه
ابو غالب بلع ريقه
شيهانه لفت على ابوها.. لا لا هذا مايهمن ميخالف صبرت يايبه ،وهو جايبن لكم يبي يجيبن ويطلقن تدري وش عمل.
لفت على غالب.. خلا رجل يجيبن يقول انا ماتحمل اشوفتس ابي فراقتس هالرجل هذا نيتو قشرى نوى لي الشر
ناظرت ليديها..انا وانا ذبحتو بيدي
لفت على غالب وهي بحاله هستريه..والله حميت  روحي ماخليتو ماخليتو والله
ضمها غالب وهو بدت دموعه تنزل من القهر .. والله لاخذ حقتس وانا اخوتس والله
شيهانه تضربه تحاول تبعده عنها.. وش عقبو وش عقبو ابعد عني
ابو غالب رجليه معاد تحمله جلس وهو يرتجف.. الا ياسامر يالخسيس 
غالب عيونه حمرا والدم بجسمه يفور وكل شوي يشد شيهانه اكثر
شيهانه بانهيار..غالب
غالب.. يروح روحو
شيهانه..ابي اموت
غالب..والله انو لايموت هووالله وانا اخوتس
ابو غالب..والله لاخليه يدفع الثمن غالي والله
شيهانه انتهت طاقتها وهي تحاول تبعد غالب..انتم كله منكم انتم
غالب..ابشري باللي ياخذ حقتس وانا اخوتس ابشري
_______
فزاع بحالة انهيار
جنبه سهم صدع راسه من كثر ماتكلم معه ومع بلال اللي مايقل انهيار عن فزاع
ابو سهم نزل الغداء قدامهم..كلكم تقلطون والله لو واحد يعيي انو ماهو احسن لوه
بالقوه وقف بلال
ابو سياف فز..وين وين
بلال..ابي اروح
ابو سياف..والله ماتخطي ولا تنهج
بلال بالقوه يتكلم..ياعمي
ابو سهم..اقعد ياولدي مالك نهجي هالوقت
بالقوه اجبرهم ابو سهم ياكلون يناظرون بالاكل  بدون نفس
وقف فزاع وطلع اتجهه لحجرت امه
فتح الباب وبصوت مبحوح..يمه
ام سهم.. يروح الروح فزاع
جلس عندها وانسدح على ركبتها وسحب طرف طرحتها وحطها على وجهه
ام سهم تمسح على شعره..بسم الله على وليدي
فزاع بصوت مخنوق..راح عضيدي
ام سهم بدت الدموع تتجمع بعيونها
فزاع..يمه وش اسوي
ام سهم .. اصبر ياولدي وادع له بالرحمه والمغفره
_______
العصر
سياف بالدكان يناظر للفراغ
مر من قدامه فرحان ثم وقف اسرع بخطواته مبتعد ثم رجع وبدا يفرقع اصابعه بتوتر
عقد حواجبه سياف..ياولد الحق
اتجه له فرحان..هلا
سياف..بك خلاف
فرحان..ا هاه
سياف..احد ضاربك
فرحان بتوتر..لا لا بس ابي سهم هو بدكانو
سياف..لا ببيتو
فرحان..ايه زين ابي انهج يمو
ابتعد يركض وقلبه يدق بسرعه من التوتر
وقف يحاول يطرد الخوف..سم بالله يافرحان
ناظر يمين يسار يتاكد مافيه احد وانطلق يركض
:::
بندر وقف عنده..مساء الخير
سياف..هلا مساء النور
بندر واضح عليه الضيق والحزن..وش اعمل
سياف..وش بوه
بندر.. بالدكان
سياف..افتحو
بندر..بس مادري
سياف..لا ماعليك قم افتحو وامسك كل شين يما يجيك سهم
بندر هز راسه..ان شاء الله
:::
غيمه عقدت حواجبها وهي تسمع صوت من بعيد ينادي
طلعت مسرعه وانصدمت وهي تشوفه
فرحان كان منطلق وبالقوه وقف نفسه..اه اه انقطع نفسي
غيمه..ليه جاي
فرحان يتنفس بقوه ويكح..مادري
غيمه بتنهار..شلون ماتدري احد شافك
فرحان..لا ماحد شافن لا تنخرعين
غيمه..هالحين اهلك يدورونك مايلقونك
فرحان ابتسم بخبث..بسيطي اقول عند غيمه
لفت غيمه ودخلت..ياخف دمك ما شاء الله عليك
فرحان يمشي وراها..وشلون هاجس اليوم
غيمه..فرحان ليه جيت
فرحان جلس..شنوحه النار طافيي
غيمه بعصبيه وبصوت عالي ..فرحانوه
فرحان مد لسانه..ماتخرعينن انتي وصوتتس هالمبحوح
غيمه وجهها صار احمر من العصبيه واخذت العصاء جنبها
فرحان لف عنها وهج
وبدت تلحقه
فرحان..هونتتت والله التوبه
غيمه..تعال ياللي ماتنخرع
فرحان..ترانن اصيح واخلي الديري تسمع
وقفت غيمه ولفت بزعل تدخل
لحقها فرحان..امزح شنوحتس طنيتي
غيمه..لا تمزح ماداني
فرحان..ابشري ،
ناظر لـ هاجس..وش عمل
غيمه.. اليوم اعطيتو ماء وشوين دبس
فرحان..دبس
غيمه رفعت اكتافها..ماعندي شين اعطيه
فرحان..قوليلي وشو اللي تحتاجينو منشان اجيبو لتس
غيمه ابتسمت.. تدري لو لا الله ثم انت مادري وش اعمل
فرحان ناظر لها
غيمه.. انا الله مارزقن لا باخوان ولا بخوات بس انت صرت احلا اخو
..
هاجس مغمض عيونه ويسمع كلامهم من البدايه يحاول يتذكر وش صار له ووين هو ومن هالاشخاص اللي يسولفون قريب منه
______
سامر يركض يطيح ويوقف بسرعه بحالة هلع ويصرخ..يمممه يبببه الحقوااا طلبتكم افزعوا لي
فزت ام سامر بخوف..شبلاك ياسامر شنوحك
سامر يرتجف مسك يدين امه..يمه الحقي طلبتتس بسمه بسمه مادري وشنوحه
ام سامر بخوف سحبت عبايتها وطلعت معه ركض
بسمه تصرخ باعلا صوتها..ساعدونن اخخخخ يايمممه الحقونن وينك ياسامر
دقايق وجت ام سامر
و بصدمه..بسم الله عليتس يابنيتي بسم الله
سامر واقف برا يرتجف ويدعي الله