ياغيمتي بالبشر مالك شبيه ياليت مالك يابعد هاجس سمي

٣

(مرة يومين وصباح جديد )
الشيخ ابو سامر مستعجل بخطواته.. وينهو لافي يوم احتجتو اختفى
سراي.. والله ياعمي الشيخ ماشفتو من البارح ولا نام ببيت الشعر مادري وينهو
ابو سامر.. انهج قل لرعيان يجيبون الذبايح
سراي.. ابشر ياشيخ
جاء سامر والابتسامه شاقه وجهه.. صباح الخير ياشيخ
ابو سامر.. هلا هلا وليدي
سامر.. اليوم ولدك عريس
ابو سامر ضحك.. قبل يومين عريس واليوم عريس
سامر.. لا اليوم غير، على محبوب القلب
ابو سامر .. والله اني ماني راضي تاخذه بهالسرعه كسرنا هالمسكينه
سامر.. انا اوعدك يايبه اني اعدل بينهن واني اتعذر من شيهانه
ابو سامر.. الله يوفقك ياولدي
سامر بهمس بينه وبين نفسه.. والله لاخليه تمنى الموت وماتلقاو
_____
بالمشب ابو سهم وعلى يمينه ابو العنود وعلى يساره ابو سياف وهاجس جالس قدامهم بهدوء وقريب منه سهم وسياف
ابو سهم مثبت  نظارته على هاجس.. ومتى تبي تنطق
تنهد هاجس وهو يبادل ابو سهم نفس النظرات.. اول شين قلي انت والشيخ وين اديتوه وعقب اقول كل شين
ابو سهم.. حطيتو بالسجن عند الشيخ
الكل التفت لابو سهم
هاجس.. وليه حطيتو
ابو سهم.. سالفتن مالك به
هاجس.. ماعندي شين اقولو لك
ابو سهم تنهد بقلة حيله وهو يشوف عناد هاجس.. يوم دريت بعرس بنت ابو غالب انخرعت عليه
هاجس.. تحسب سجن الشيخ امان ليه ماعلمتنا حنا ناقف معو
ابو سهم .. هذا اللي صار
هاجس.. جانن واحد وقالي ان فزاع لحق سامر
ابو سهم.. وشو، هو اللي عمل بوه هلون
هاجس.. جيت يمار هو واقع والرجال ماشين ••ضغط على يده بقوه.. مامدانن الحقهم انخرعت على فزاع، بس وعد ماخليه يتهنى بحياتو وانا حي
ابو سهم وقف وبحده رفع سبابته.. اسمع ياهاجس وانت ياسهم •• ولف على سياف.. وانت بعد والله ان شفتكم متعرضين لهم او ناهجين يمهم انو ماهو احسن لكم
سهم وقف.. بس يبه
قاطعه ابو سهم.. اخوكم هو الغلطان
لف وطلع وطلعوا وراه اخوانه
_______
بدور وقفت عند الدكان.. سلام عليكم
راكان.. وعليكم السلام
تناظر يمين ويسار تدور عليه.. ا ا وين اصحاب الدكان
راكان.. انا من اصحابه امريني
كشرت.. خلاص مابي شين
لفت وراحت.
راكان هز راسه بياس.. لاحول ولا قوه الا بالله
فز على الصوت اللي جاه.. وجعههه
راكان.. بسم الله الرحمن الرحيم وشبلاك
ابو فهاد.. وليه ماعلمتن ان فزاع متصاوب
راكان.. ماشفتك منشان اعلمك
ابو فهاد.. كلن يدري وانا توي ادري
راكان.. وليا منك دريت تبي تعالجو ياغلاكم لشر
ابو فهاد.. انا اغلي الشر انا،هذي جزاتي وانا ابي يم ابو سهم واسلم عليه
راكان بنرفزه. مافات شين انهج هاللحين
ابو فهاد.. يقاطعن الله هاللسان
راكان صد يحاول يمسك اعصابه
______
بدور تحاول تنرفزها.. تشوفين كلو بسببك الرجل على حروت(قريب) الموت
مرجانه.. اعوذ بالله منتس وشنوحتس تفاولين على الرّجال
بدور.. قلت شين خطأ تشوفين بزعمتس تبين تساعدينو ذبحتيه
صرخت مرجانه بخوف.. اسكتي اسكتي اسكتي
ضحك بقوه بدور.. ترا انتي اللي تسببتي عليه لو يموت
قاطعتها مرجانه.. بدور انا اساعدو بس والله
بدور.. لو يموت انهج يم ابوه وعمامو واقول انتي اللي ذبحتيه
انخطف وجهها وبلعثمه.. بدور لا لا انا مالي شغل
بدور.. والله عاد هذا ذنب ولازم تحملينو لحالتس
مرجانه انتبهت انها تبي تخوفها.. وانتي بعد
تغير وجه بدور.. وشو انا مالي شغل
مرجانه .. ماياخذتس سياف واختتس ذابحتن ولد عمو
ارتبكت بدور.. لا لا ان شاء الله مايموت
ضحكت مرجانه.. هونتي
______
هاجس على اطراف القريه يمشي بخطوات بطيئه مدخل يدينه بجيبه ومنزل راسه
بلال ابتسم وفتح يدينه.. هلا هلا وغلا بعشير الروح
ضمه وسلم عليه.. وشنوحك
هاجس.. مابي خلاف قلي وش عملت انت
بلال كشر.. لا والله ماقول لك يما تعلمن وشنوحك
هاجس جلس على صخره.. فزاع متصاوب
بلال.. لاه لاه لا حول ولا قوه الا بالله وشلونو الحين
هاجس.. ماهو واعي
بلال حط يده على كتفه.. ان شاء الله يتعافى لا تشيل همو
هاجس.. قلي وش عملت انت
بلال.. والله مامن فايده انا معلمك ان العلم عند عمك
هاجس.. وش اعمل بوه عيا يعلمن
بلال.. لازم توكد منو نوب ندور على رجلن ميت ياهاجس
هاجس.. لو هو ميت تسان عمي قالي
بلال.. ماعندنا ولو هو دليل واحد يدلنا عليه
هاجس.. وش اعمل
بلال .. مالك الا عمك هو اللي عنده السر من سنين
هاجس ساكت يناظر للارض بتفكير
بلال.. ماقلت لي منهو اللي صاوب فزاع
هاجس.. من ديره الصامل
لف ومشى بلال ورفع يده.. الله يوقومو بالسلامي
هاجس رفع صوته.. وين تبي
بلال.. ادوج بارض الله الواسعي
تنهد هاجس.. يراعاك الله
_________
شهقت ولايف.. شييييم وشو اللي جاب مسباح سياف عندتس
فزت شيم وسكرت فمها.. اصصص لا تسمعتس العنود
ولايف وخرت يدها.. هو خانقن وبغى يذبحن عشان هالمسباح ، وشو اللي جابوا بهاذا
شيم.. انا خذيتو
ولايف.. وشتبين بوه
شيم.. اسكتي بعدين اقولتس
ولايف.. وشو اللي يمنع ماتقولين هالحين
شيم.. اصصصص العنود جت
العنود.. بناه ،عمتي تقول خليهن يجن
شيم.. ابشري يالله جينا
تركتهم واتجهت لسهم اللي جالس عند باب البيت من برا
.. سهم
سهم.. هلا
العنود.. شنوحك قاعد بالبرد وانت هدومك خفيفي
سهم ووجهه ذبلان.. ماعليه ماهو برد
العنود.. دونك فروتك البسه
اخذها سهم.. ياملا العافيه
العنود.. الله يعافيك
______
المغرب وتمت تجهيزات العرس والكل مبسوط الا هي جالسه بحجرتها وضامه ركبتها لصدرها جالسه بعالم بعيد عن هالعالم اللي هي فيه. طق الباب
ام سامر.. مساء الخير يابنتي
مانتبهت لها شيهانه
ام سامر حركت يدها قدام عيونها.. يابنتي تسمعينن
وقفت ام سامر.. لا حول ولا قوة الا بالله الله يهديك ياسامر كسرت خاطر هالمسكيني
طلعت وتركتها
شيهانه انسابت دموعها.. انا انذبحت الف مره بيوم واحد
••رفعت يدها تناظر لسواره اللي بيده.. فزاع ليتي انا الميته ليتي ماشفت امي ولا عرفته ليتي خذيت الموت ع••سكتت تستوعب انه خلاص فزاع راح مثل السراب، انهارت تصرخ وتبكي
دخل البيت سامر وعقد حواجبه وهو يسمع صوتها واتجه لحجرتها فتح الباب بقوه
شيهانه منهاره وتضغط على يدها بقوه
سامر صرخ.. خلاااص الحين يسمعون حستس الجيران وشتبينهم يقولون
شيهانه بالقوه وقفت.. محد لايمن لامني صحت
عقد حواجبه سامر..ما شاء الله محدن لايمتس
شيهانه.. تحسبن اصيح عشانك بصفق انت وهالديري كله
سامر صرخ.. انتي ماتبينن وانا مابيتس وليه ماعييتي عني
شيهانه.. انت الرجل ليه ماعييت الظاهر ان الرجل ماينغصب
قرب منه وصفقها كف.. انا عرست على اللي ابيه وانتي اللي تبينو مات خليتس بهذا يما تموتين
طلع وتركها
شيهانه بردت اطرافها وجلست على الارض بانهيار.. ابي اقعد بهذاء يما اموت وين انهج يم ابو اللي قرطن يم ناس مايدري وشم
__________
متربع قدام ولايف.. عمتي وش عملت
ولايف.. اه الله يعينه دموعه ماتنشف
سياف تنحنح.. ا ا وشيم
ولايف عقدت حواجبها.. وشبلاه شيم
سياف.. اقول وشلونه اخبره ماتداني على فزاع بالحيل
ولايف.. اي والله يروحي روحه بالحيل ماتداني عليه اه الله يسلط على اللي عمل هلون
سياف.. والله ماخليه
ولايف.. وشتبي تعمل سيافوه لا تعمل شين وتروح منا انت بعد
سياف.. تحسبينن بس انا ،هاجس والله مايسكت
ولايف.. بس عمي قال لكم مالكم شغل بوه
سياف.. رخوم رخوم لمننا سكتنا عن اللي يعتدي علينا.
وقف وتركها
ولايف..وشيب حالي هذولا المجنن مايتوبون
وقفت واتجهت لحجرت ابوها مدت يدها بتفتح الباب واستوقفها الكلام
ابو سياف..العلم ماهو عندي ولا ادري بشين
مهره.. ليا متى وهو على هالحاله حرام عليكم مايفرح من الناس اللي تفرح وبس هذا هو لحالو
ابو سياف تنهد.. اشوى من لمنو انذبح وخسرناو
مهره.. والله اوجعن قلبي يوم شفتو جالسن لحالو رحمتو
ابو سياف.. الله يعين الله يعين
ابتعدت ولايف عنهم متجهه للمطبخ.. الله يعينو على هالدنيا
_______
بعد الزفه
ابو سامر.. ياولد لافي ماجاء
سراي.. من الصبح ماشفتو ياعم
ابو سامر.. وهاللي يتحلف لمنو عرس سامر اول من يعرض وهو اللي يزفو وينو يوم جاء العرس اختفى
سراي.. منخرع انو صايرن لوه شين ياعمي
ابو سامر.. انت نشدت عنوه
سراي.. اي والله نشدت عنو الظاهر ماهو بالديره
ابو سامر.. عسى خير ، لا تنهج خلك قريب من الضيف نوبن يحتاج شين
سراي.. ياعم تعرف هذا الضيف
ابو سامر.. لا والله ماعرفو مار الله يحييه، انهج يولدي
سراي..ابشر ••اخذ الدله واتجه لضيف .. الله يحيي ضيفنا يامرحبا
اخذ الفنجال.. الله يبقيك ويحييك
سراي.. ماعرفنا اسمك ياوجه الخير
ابتسم.. اسمي بلال
سراي.. والله وعاشت الاسامي
بلال.. عاشت ايامك
ابو سامر جاء وجلس قريب منهم.. ياهلا ياهلا يالله حيه
بلال.. الله يحييك ياشيخ
ابو سامر..انت من ايّات الديار
بلال.. انا مالي ديري انا رحال كل ديرةٍ اجيه لي ايام
سراي..اكيد آنك تعرف قصص واجد سمعنا شين
بلال يناظر الفنجال ويحركه بهدوء.. اسمع مني هالقصي
_________
((بعد مرور اسبوع من زواج سامر))
صباح يوم جديد 
ام سهم..مانهجوا الرجال
شيم.. لا يمه لهلحين عند فزاع
العنود.. عمتي الحقي ارتاحي وتقهوي
وصلهم صوت سهم.. يمههه
ام سهم.. هلا وليدي
سهم.. نهجوا الرجال
اسرعت ام سهم لفزاع وسهم جلس عند الـعنــود وشيم.. قهوينن
العنود.. ابشر
شيم.. وش قال الحكيم
سهم.. ادعي لوه ياشيوم ادعي لوه
شيم تنهدت وقفت واتجهت لفزاع
العنود.. الله يشفيه ويقومو بالسلامه
سهم.. امين يرب•• وقف.. ابي انهج اشوف هاجس
_____
غيمه بالسوق سمعت رجلين يمشون و يسولفون على بعض..والله الشيخ ابو عمار مايقصر بشين
الثاني..اي والله ياحظ اهل ديوتو بوه ودي من اهلها
الاول..حنا مانجي الا يوم الجمعه ونستانس
::
غيمه انهارت تبكي.. تسذوب ابو عمار تسذوب
>>>>>>>>>>>
قبل سنه
غيمه متجهه لبيت الشيخ تركض وهي تصيح
طقت الباب بقوه وفتح.. ها ها وش تبين منهي انتي
غيمه وهي تشهق.. ابوي وامي تكفى ياشيخ الحق
ابو عمار.. وشبلاهم يابنت
غيمه.. مادري وشبلاهم مادري يبون يموتون
ابو عمار.. اجيب الحكيم الحين والحقتس انهجي.
بعد مرور ساعات
غيمه تنتفض من الخوف وصوتها يرجف .. شلون مات لا لا ابوي مامات
الحكيم اخذ ابو عمار على جنب.. ابوه ماقدر يتحمل هالمرض ومات الله يرحمو وامه لازم تبعدونه عن الديري لازم محد يجيه ولا تنتشر العدوى هالمرض اللي به خطير
غيمه.. امي امي تكفى ياحكيم ساعد امي طلبتك تكفى
الحكيم.. لا حول ولا قوه الا بالله .
بعد مرور يوم طق الباب فتحت غيمه وعيونها حمراء منفوخه
ابو عمار.. يبنتي لازم تنقلن من هالمتسان
غيمه.. وين ندوي هذا بيتنا
ابو عمار.. انا جهزت لكن بيت بطرف الديري
غيمه.. حنا بيتنا بطرف الديري
ابو عمار.. عقب ساعي ابي ارسل لتس احد ياخذكن جهزي قشتس ،امتس يابنتي مرضه خطير ومعدي
غيمه وعيونها مليانه دموع.. تبي تبعدنا عن الديري امي مابه خلاف
ابو عمار ..انا ماخليكن كل شين تحتاجنوه اجيبو لكن
>>>>>>>>>>>
اخذت نفس عميق وهي تتكلم.. قال يبي يساعدنا وسنه وهو قارطنا وماسال عنا
______
بسمه فتحت الحجره وهي تضحك.. لهلحين وانتي حاسبتن روحتس بهذا اطلعي شوفي هالجو ماصار.
ناظرت لها شيهانه ثم ناظرت تحت
بسمه ضحكت قوه.. اقول عمتي متى تنكس
شيهانه.. مادريت انه ناهجي عاد تبينن ادري متى تنكس
بسمه.. اي والله وش يدريتس ياجارتي وانتي بهالسجن ، عاد سامر يروحي روحو مايقصر معتس مار انتي اللي حابستن روحتس
شيهانه زفرت بصوت وهي تستغفر
التفت بسمه لفتحت الباب.. هلا والله يروحي
سامر .. هلا بسوم امي ماجت
بسمه.. لا والله ماجت
وقفت شيهانه واتجهت له وهي ترجف وتصرخ.. انت السبب انت انت الله لا يوفقك
سامر.. يامره اكفينن شرك انا واعد امي ماضربتس
شيهانه.. انت اللي حرمتن سعادتي الله يحرمك عافيتك
اعطاها كف طيحها على الارض.. وجعتن توجعتس ،ابوتس هو اللي قرطتس(رماك)علي
شيهانه والدموع مغطيه وجهها.. كلكم الله لا يوفقكم كلكم
سحبها من شعرها ووقفها.. لا تدعين علي لا تدعين مالي شغل باللي حاصلن لتس
بسمه كانت مبسوطه قربت ومسكت يد سامر.. يعيوني اتركه لا تخرب مزاجك مشينا
تركها وطلعوا وشيهانه انهارت تبكي وتضرب الارض بقوه براسها
_______
بعد العشاء
شيم ترجف.. عاد هو ليه يون
سهم.. الحكيم يقول من الوجع اللي يحس بوه
شيم.. ياعلو بروحي عن روحك ياخيي
حمده تمسح وجهه.. بسم الله عليك يوليدي
سهم وقف وداخ وجلس بسرعه
شيم فزت ومسكته.. بسم الله عليك وشنوحك
سهم.. دخت
ام سهم.. انهج يوليدي ارتاح
فزاع كان يون بقوه
التفت ابو سهم اللي جالس عند راسه ونزلت دمعته..ياعل الله ياخذ روحي ولا اشوف بعيالي شين
نزلت دموع شيم وهي تسمع كلامه.. يبه وشنوحك تقول هلون الله يطول بعمرك
هاجس جلس قدامه.. انهج استرح ليشت روحك( اتعبت نفسك)
ابو سهم.. وين انا والراحي وولدي هلون
هاجس.. تعوذ من الشيطان ماهو صاير الا اللي ربك كاتبو
شيم.. اي يمه يبه لازم تستريحون امشي يمه معي
ام سهم.. خلونن عند ولدي
شيم.. يميتي استريحي تكفين لا تتعبين روحتس
::::
سهم دخل حجرته وطاح على الفراش بتعب ..
العنود
العنود.. هلا
سهم.. همزي متوني(كتوفي)
العنود.. ابشر
سهم.. العنود
العنود.. هلا يعيوني
ابتسم بخفه سهم.. ضايقتن بي الوسيعه يالعنود
العنود.. بسم الله عليك، اصبر شده وتزول باذن الله
سهم.. والله لو يصير بفزاع شين اني لااموت
العنود..  فزاع باذن الله يتافعى وينكس اطيب من قبل
سهم.. يارب ياكريم
العنود تحاول تسليه.. خلن اقص عليك قصي
::::
شيم اخذت امها وابوها لغرفتهم بعد محاولات ورجعت لهاجس
رفع حاجه.. وش تبين
شيم.. ابي اقعد عندك
هاجس.. لا مابي احد يقعد عندي انهجي نامي
شيم.. مابي اقعد عندك ابي اقعد عند فزاع
هاجس.. انهجي الله يصلحتس
شيم جلست جنب فزاع.. لا ابي اقعد
تنهد هاجس وانسدح على المركى
شيم.. اجيب لك وسادي
هاجس.. لا
شيم انتبهت انه مايشوفها ومدت لسانها له وبهمس.. الشرهت علي
_________
اشرقت شمس اليوم الجديد والكل متفائل ويشتغل بجد
ولايف متجهه لدكان ابوها ووقفت وهي تسمعهم
سياف.. يابدور ياروحي اصبري علي شوين يما يتعافى ولد عمي
بدور.. كل مرتن تعذر علي
سياف..يعيوني والله ماهو عذر وش اعمل كل مانوي يصير شين جديد
بدور.. اليا متى وحنا هلون
سياف.. ابشري يتعافى ولد عمي واجي اخطبتس
بدور تنهدت.. لا تبطي علي
سياف.. على هالخشم
ولايف تراجعت واسرعت للبيت وهي ترجف
دخلت البيت
ام سياف.. هلا بنيتي
ولايف بربكه.. هلا هلا يمه
ام سياف عقدت حواجبها.. وين الاغراض
ولايف.. م مم مالقيت سياف واستحيت من راكان
اتجهت للحجره بسرعه
_______
غيمه عيونها فيها دموع تناظر لسماء .. لاااا
،ياربي رحمتك الناس تفرح بالمطر وانا انخرع
ام غيمه تسمعها من بعيد.. بوه احد ينخرع من المطر وهو الغيم
غيمه.. ياميمتي منخرعه عليتس
ام غيمه.. الله هو الحافظ والحامي يبنيتي لا تنخرعين
غيمه.. الحقي يمه ابي ارفعتس على العمد(الاعمده اللي ترفع امها عن المطر )
ام غيمه..حطينن وانهجي
غيمه.. وين انهج
ام غيمه.. اطلعي من البيت ارتفعي عن المطر
غيمه..لا والله تبينن انهج واخليتس
ام غيمه.. انا ماعلي يبنيتي
غيمه تحركت بسرعه تساعد امها.. لا لا والله مانهج.
ام غيمه.. اخاف يجي مطر قوي ويصير لتس شين
غيمه..انتي قلتي الحافظ الله ، ماعليتس
_______
ابو صلاح يركض.. بساع بساع اعمل هذا وانهج
ابو فهاد رفع صوته.. يامسعود الحق ساعدن بساع
مسعود جاء يركض.. يالله بساع بساع يعمي قفل ابي اخذك يم بيتك
ابو فهاد.. ياربي سترك ياربي رحمتك يالله تجعله مطر خير يالله تجعله مطر رحمه
مسعود .. ياكريم ياكريم
اشتد المطر والكل صار يركض لبيته
::
دخل سهم البيت وهو كله ماء ويرجف
ام سهم.. وويه يوليدي بسم الله عليك الحق الحق عند النار••التفتت لشيم.. انهجي جيبي هدوم لاخوتس
سهم.. لا لاتطلع بالحوش تبتل(تتبلل من المطر) انا انهج
ابو سهم.. اقعد لا تموت ،انهجي بساع لا تبتلين
شيم وقفت.. اقعد انا انهج بساع
انطلقت من المشب وقطعت الحوش ركض لحجرته واخذت هدومه
ابو سهم.. العنود عند ابوه
سهم.. ايه خليته عندو
ام سهم.. الله يكون بعونو مامن احد يراعيه ويشوف وشي حاجتو
________
شيهانه.. علمينن
ام سامر.. والله يبنتي هذي قصتن طويلي
شيهانه.. قولي شلون انا صرت وعيدتن لولدتس
ام سامر..يبنتي امتس ليلى ورجلي ابو سامر عيال عم وموعودين بعض بس ابوتس عاشقن امتس ويوم خطبه قالوا قل لولد عمه تسان مايبه يعطيك ياه.
ركزت شيهانه.. ايه وعقب وش صار
ام سامر.. ابو سامر مابغى يرد خويوه ورفيق عمرو واعطاه ياه على شرط
شيهانه.. ابوي وابو سامر خويا
ام سامر.. ابوتس  واحد من رجال هالديري
شيهانه.. ماهو من ديرة
ام سامر قاطعتها.. لا من هالديري اللي انتي به الحين
شيهانه ..وشو الشرط
ام سامر.. الشرط انو اول بنت لابوتس تزوج اول ولد لابو سامر
شيهانه بلعت ريقها والدموع ملت عيونها
ام سامر.. مايحسب انتس ماتبين سامر ومايحسب سامر مايبيتس
شيهانه.. وليه ابوي طلع من ديرتكم
ام سامر.. هذا اللي ماعندي علم بوه يبنتي
شيهانه تحاول تكتم شهقتها.. وانا وشو ذنبي وشو
_______
مر اليوم والكل ببيته بسبت الامطار الغزيره
بعد المغرب طاحت غيمه قريب النخله اللي مكانها مرتفع عن السيل وهي تحاول تسترد انفاسها.. الحمد لله الحمد لله
التفت لامها اللي مغمي عليها.. يمه يمه الحمد لله طلعنا طلعنا يمه تسمعينن
ناظرت لنفسها ولامها اللي الطين مغطيهم ... الحمد لله طلعنا قبل تنهد على روسنا
تنهدت.. حسبي الله عليك مافكرت بهالمطر وش اللي يبي يصير بحريم قرطتهن ولا سالت عنهن
ام غيمه كحت بقوه
وبسرعه جلست غيمه وضمتها.. يمه اصبري تكفين
التفت يمين ويسار.. يمه وقف المطر مار السيل بكل مكان
دمعت عيونها.. يارب يارب ساعدن يارب
سحبت امها قريب جذع النخله
وقفت واخذت نفس عميق.. ماعليه اذل روحي عشان امي ابي انهج يمك ياشيخ الديري
انطلقت تركض وصارت الدنيا ظلام بعيونها وطاحت على وجهها مغمى عليها
______
جاء الصباح بدون شروق الشمس والسماء كلها غيوم متراكمه والهواء بارد
ولايف تناظر سياف بحقد.. الا اقول يبه
ابو سياف.. هلا بنيتي
ولايف.. ماتبي تزوج سياف
شرق سياف باللقمه وصار يكح
مدت له الماء.. بسم آلله عليك خذ .. ولفت على ابوها.. ها يبه
أبو سياف.. والله هذي الساعة المباركه
ولايف.. اجل انا ابي اخطب لوه
زادت كحت سياف.. لا لا مابي احد يخطب لي ولا ابي اعرس
وقف وطلع
ولايف بينها وبين نفسها.. هين ياسيافوه
ابو سياف.. الله يهديه
ولايف.. يبه تبي تخليه على كيفو
ابو سياف.. وش تبينن اعمل بوه
ولايف.. هو يستحي يبه يستحي
ابو سياف.. يصير خير لا تشيلين همو
______
سهم.. هاجس قم امش معي للحلال نشوف وش صار عليه
ام سهم.. اتركو يستريح ماجاء الا مشوين
سهم.. ليه منين هو جاي
شيم وكان هاجس نايم على رجلها.. شفوه يروحي روحو شلون نيم متليش(تعبان)
كشر سهم وطلع..زين
شيم.. اقولتس شين يمه
ام سهم.. وشو
شيم ناظرت هاجس.. ارحموه بالحيل
ام سهم.. والله كلنا ياشيم
شيم تلعب بشعره وتعدل اللحاف عليه.. يبعد الدنيا
دخل ابو سهم.. صباح الخير
شيم.. هلا بتاج راسي
ابو سهم.. يالله مشينا
ام سهم.. وين ننهج
ابو سهم.. ابي يم ابو سياف وقلت اخذكن معي تونسن بهالجو الحلو
شيم.. الله ابي اشوف وليفة قلبي
ام سهم جابت مخده.. حطيه تحت راس هاجس وانهجي مع ابوتس
شيم.. وانتي يمه
ام سهم.. ماقوى اخلي عيالي وهم هلون
ابو سهم مسك يد بنته.. امشي وانا ابوتس خليه هي وعياله
______
لافي متغطي بالفروه وجالس قدام النار بمجلس الشيخ
سراي جاي بيشب النار وشافه قدامه وكشر.. يالله صباح خير وش تعمل بهالبرد
لافي اشر على صدره.. هالبرد اللي تقول ماطفى لهيب جوفي
سراي.. لاه لاه لاه عسى ماشر
لافي.. اه ياسراي اه مادري من اشكي لوه شيب راسي
وانا باول شبابي وضاعت حياتي لا ولد ولا تلد
سراي جلس جنبه.. يفرجها ربك
لافي.. ودي اشوف اخوي اللي انحرمنت منو سنين طويله
سراي.. وشو اللي يمنعك ماتشوفو
لافي سكت بضيق
سراي.. وش عملت بحياتك يما وصلت هاللي انت بوه
لافي.. لمنك اخطيت وماتقوى تصحح هالخطأ الا بخطأ مثلو انت تعملو
سراي.. كلشين لوه حل ماهو لازوم الخطأ
لافي.. لو هي حياتك
حس بالقشعريره سراي.. الله يكون بالعون
_______
غيمه فتحت عيونها وجسمها مكسر وماهي قادره تتحرك تذكرت امها وفزت مفجوعه صارت تركض باتجاهه امها .. يييمممه يمه
ام غيمه صارت تبكي من سمعت صوتها.. وين نهجتي وتركتينن يايمه
غيمه ضمها.. يمه مادري وش صار اخبر اني ابي انهج يم الشيخ وتوي وعيت
ام غيمه.. امشي ننهج يم الحجري هذيك تقل ماهي منهدمي
رفعت ثوبها اللي كله طين..يالله مشينا
رفعت امها تساعدها
وصلت امها للحجره الصغيره
وقطعت الماء اتجهت لبيتها القديم .. تسان بقي شين من قشنا بجيبوه
وقفت عند بيتها القديم اللي مايبعد مسافه عن الحجره اللي تركت امها فيها.. حسبي الله ونعم الوكيل
______
تخصرت شيم ووجهها صار احمر من الزعل.. وشو وشو وشو يعيوني لا والله على كيفو
وقفت ولايف وسكرت فمها.. اصصصص تبين تفضحيننا انتي
شيم.. وجعه ان شاء الله وشولو يعمل هلون
ولايف.. انا انغثيت يوم سمعتو
شيم.. هين ياسياف تبي تعرس على وحتن غيري
ولايف.. انا مادري شلون عاشقتو انا اختو ودي اتبرى منو
شيم.. هالسوسه مزيون
ضحكت ولايف.. هو صح مزيون بس يغث
شيم.. اه وش اعمل ياولايف لا يطير مني
ولايف.. لهلحين وانتي تبينو ما شاء الله عليتس لو انا مكانتس ودريت انو يبي وحدتن غيري ماخذو
شيم.. هذي السالفي مثل الحرب عندي ولازم انا اللي افوز به
ولايف.. شلون تفوزين علمينن
شيم..اكيد بمساعدتس يابنت عمي
ولايف.. ابشري
شيم.. الحقي اعلمتس
_________
شيهانه بالارض وجسمها ينزف من كثر الضرب وتناظر لسماء وكان دموعها جفت
دخلت ام سامر وصرخت.. وويي وشبلاتس هلون منهو اللي عمل هلون
شالتها ودخلتها وكان وجهها احمر من الغضب.. سامر اللي عمل هلون
طلعت من عندها متجهه لبيت سامر رفعت صوتها تنادي.. ياولد
سراي.. هلا ياعمه
ام سامر.. بساع خل ابو سامر يجينن ببيت سامر
سراي.. ابشري ياعمه
ضربت الباب بقوه.. افتحوا
بسمه جت تركض.. جيت جيت
فتحت الباب وبابتسامه.. هلا والله بعمتي
دفتها بقوه.. لا هلا ولا مسهلا وينهو الثور
بسمه.. وشبلاتس ياعمه علي
ام سامر بصوت عالي.. سامممر
سامر جاء.. هلا يمه
ام سامر.. انت ماتخاف الله انت
سامر.. يمه
ام سامر.. وصمه قلت ماتبيه ماقلنا شين بس تضربه وشولو
سامر.. مرتي وبكيفي حر انا
ام سامر.. احلف، توي ادري انه مرتك
سامر.. يمههه
ام سامر.. وجعه وش تبي ب هالمسكيني
سامر رفع صوته بعصبيه.. تعقب ماهي مسكيني
ام سامر..انت بيتي وشتبي بوه تدخلو
سامر بنرفزه..يمه تطردينن
دخل ابو سامر.. اقصر صوتك امك هذي
نزل عيونه سامر.. على عيني وراسي
ام سامر.. تجي هالمسكيني وتضربه وشهي ضارتك بوه هي
سامر.. يمه هي لسانه طويل وتراددن
ام سامر.. وشولو تجيه هي ماهي ببيتك، ماتبيك ولا تبيه وشولو تجيه
سامر.. تستاهل الضرب والموت
ابو سامر.. وقص يقص لسانك
سامر.. الا انا صادق لو مابه بلا تسان اهله مارموه علي وحتى ماجو معه ولا يدرون وش اللي قدامه
ابو سامر سكته بكف حركه من مكانه.. هذي جزات الامانه هلون تحافظ عليه انا وابوه عشرت عمر وهو ماقرطه هلون يخبر اني قدامه وابي احفظ الامانه
سامر شد على يده بقوه.. وانا مابيه مابيه مابيييه
ابو سامر.. اقطع واخس ولا كلمه
_______
فزاع بصوت موجوع.. ي يمه اخخ يمه
فز هاجس وجلس جنبه.. فزاع فزاع
فزاع ناظر له وكان وجهه ذابل.. ابي ماء حلقي يابس
هاجس اخذ الماء ورفعه شوي وشربه
ابتسم بوجع.. اه ياهاجس حلمت حلم يوجع
رجف قلب هاجس وصارت يدينه ترجف
فزاع بابتسامه شاحبه .. حلمت اني تصاوبت
هاجس عجز يتحكم بنفسه ووضحت عليه الرجفه حس العبره تخنقه وماهو قادر يتكلم
فزاع حط يده على جرحه.. هو حلم بس احس انو يوجعن
سكت وهو يتحسس الجرح وبلع ريقه .. ه ه هاجس حلم صح
هاجس كان جالس على ركبته مسك يدين فزاع وبعدها عن الجرح
فزاع.. حلم  حلم حلم صح حلم ••جلس بسرعه ثم صرخ من الألم وانسدح
جت ام سهم من المطبخ 
هاجس.. استرح استرح
ام سهم بفرحه ولهفه.. فزاع يايمه الحمد لله على سلامتك
جلست جنبه تعدل المخده..يتيمه شوي على جرحك لا تتعب
فزاع امتلت عيونه بالدموع.. ماهو المهم جرحي المهم شيهانه حلم ولا حقيقي
سكتت ام سهم وهي ماسكه يدينه
هاجس نزل راسه 
فزاع بصراخ هستري.. يمه يمه وشو اللي صار حلم يمه صح
مسك يد امه وهدت نبره صوته..يمه طلبتتس قولي حلم
ام سهم..يبعد يرووحي اهد اهد
حاول انه يجلس وصرخ اقوى.. قولولي وشوو
شيم وابوها كانوا داخلين جو بسرعه على الصوت
شيم صرخت.. فزاااع
انطلقت وجلست قدامه.. الحمد لله
مسك يدها فزاع..شيم وشو اللي صار لي ، اللي صار لي حلم ولا حقيقي
بردت ملامح شيم
فزاع.. شيهانه راحت ولا هذا بحلمي
هزت راسها شيم وهي تبكي
فزاع.. قولي انو حلم طلبتتس ياخيتي
ابو سهم.. وشو هالحتسي وانا ابوك انت تصاوبت
والحمد لله اخطت وهذا انت بخير
فزاع وهو ياحول يكذب الحقيقه.. لا والله يايبه ماني بخير
انسابت الدموع من عيونه.. وش تبون بجسمي وهو بدون روح
شيم وهي تشاهق.. وشو هالحتسي اهم شي انك بخير
فزاع ..ياليتي ماصرت بخير وليتي ميت
ام سهم وهي تبكي.. تبي تعذب امك
فزاع ياحول انه يجلس ويزيد صراخه
ابو سهم بعصبية.. وين تبي اقعد جرحك ماطاب
فزاع.. ياعلو مايطيب وش ابي بحياتي دام مابه شيهانه
ماقدر انه يوقف من الالم صرخ بقوه وصار يشد شعره بقهر
ابو سهم بعصبيه.. انجنيت انت والله لو تحرك من مكانك ماهو احسن لك
هاجس يحول يهديه ويمسكه بدون لا يتكلم
_______
غيمه رجعت مسرعه ووجهها احمر من البرد ..يمه يمههه
ام غيمه ماهي قادره تتكلم
غيمه جلست جنبها وهي ترجف.. يمه جبت اللي قويت لوه
جبت هدومتس بس ابيهن ينشفن واغير لتس
ابتسمت امها وفتحت يدينها
انسدحت جنبها غيمه وضمتها قوه وهي تحس قوتها انهارت
ام غيمه.. انتي تعبتي يضي عيوني
غيمه دموعها بدت تنزل فعلًا محتاجه حضن امها يهديها ويخفف تعبانه حطيت راسها على صدر امها
ام غيمه ..لا تبعدين عني ابي اشبع منتس
غيمه.. يمه
ام غيمه.. عيوني
غيمه.. انا اغليتس بالحيل
ام غيمه وهي ضامتها قوه.. ينور عيوني يابنيتي وانتي تسوين الدنيا عندي
غيمه بدموع..الله يحفظتس لي
_________
بلال بالقوه وصل المكان وهو كله طين.. ياربي ياربي لو انا داري ان جايهم مطر بالحيل ماجيت
تلفت يمين ويسار ولا شاف احد .. وانت خبيل يابلال اكيد ماهو جاي والسيل والارض هلون
تنهد.. وش اعمل انكس يم البيوت الخرابي(قديمات) هذولي ولا اقعد عند النخل ولا انهج
اتجه لسوق وكان فاضي شاف شخص يمشي.. يالاخو
بندر .. هلا
بلال.. ماتعرف وين هو بيت هاجس
بندر.. هذا انا ناهج يمهم امش معي
بلال..كان ماعليك كلافه قلو يجينن بالمكان المعتاد
بندر.. من اقول لوه
بلال.. قلو خويك وهو يعرف
بندر.. ابشر على خشمي
بلال.. عليه الشحم تسلم
كمل طريقه بندر وهو مخنوق ومتضايق على صديقه فزاع
طق الباب وفتح هاجس.. هلا والله اقلط
بندر.. شلونك ياهاجس
هاجس.. الحمد لله
بندر.. وش صار على فزاع
هاجس.. لا ابشرك وعى وسمعنا صوتو
لمعت عيون بندر بوناسه وفرحه.. الله يبشرك بالخير
هاجس .. ادخل سلم عليه
بندر.. قبل انسى واحد يقول انو خويك ويبيك بالمكان المعتاد
هاجس.. حياك حياك
دخل بندر وطلع هاجس
__________
ياكل بهدوء..ابي انهج يم شيهانه
ابو غالب.. وشتبي به
غالب.. يبه انت قارط اختي على الناس ولا تنشد عنه
ابو غالب..ماعليه خلاف ببيت رجله
غالب.. وانت تدري هي به خلاف ولا لا
ابو غالب.. اقولك مانقوى نخلي شغلنا
غالب.. عاد مانسلم عليه ونشوفه
ابو غالب.. اقولك كل ولا تجيب هالطاري نوبي
غالب.. يبه
ابو غالب بعصبيه.. كلمتي ماتنثني
غالب.. لهلحين مانسيت دمعة شيهانه وهي طالعي كسرت كلمته وزوجته غصبن عليه كلو وش عشانو
ابو غالب تنهد.. انا اعرف مصلحته
غالب وقف وهو يحاول يمسك اعصابه, اتجه لحجرته
ابو غالب بضيق.. اي والله انو منفطر قلبي على شوفته بس ان شاء الله انه مبسوطي
<<<<<<<<<<
الصامل(ابو سامر)بعصبيه.. هذي جزاتي ابديك على روحي واعطيك بنت عمي وانت تحتسي بي عند خلق الله
عيسى(ابو غالب).. والله ومحمد رسول الله اني مافتحت افمي بشين ولا قلت شين بقفاك
الصامل.. وهالحتسي اللي جانن تشيب منو الروس
عيسى.. والله انـ
قاطعه الصامل بعصبيه..اخس عليك اخس والله والله لو مابيننا عيش وملح اني لاذبح بهاذا
عيسى.. يارجل خاف الله
الصامل.. مابقى لك من القدر والمعزه الا قليل تسان تبي تحفظه لا اشوفك قدامي
عيسى بضيق.. ابشر ابشر على هواك يارفيق عمري مانت شايفن بهالديري كله
صد الصامل وحس جبال الدنيا على صدره
رفع صوته عيسى.. ترانن على العهد ماخنت وكان قالها ربي اول بنت تجينن لولدك
ابتسم بضيق.. ماهو هذا وعدنا يوم أعطيتن بنت عمك
<<<<<<<<
ابو غالب..واكيد انه شافت امه
ابتسم.. الي طول عمره وهي تنشدن عن امه هالحين اكيد انه نسيتنا يوم شافت امه
_______
ابو فهاد..والله ان هالحتسي مادخل مخي
ابو صلاح.. انت وش تبي بالناس يارجل
ابو فهاد.. وشولو هالتسذب تصاوب من خويلو بالصيد بالخطأ
ابو صلاح.. تصاوب بالصيد تصاوب بالحرب انت وش لك بوه
ابو فهاد.. انا اخبر ابو سهم صدوق بكل شين بس وكاد السالفي ماهي هيني
ابو صلاح اشر براسه بمعنى اسكت
عقد حواجبه ابو فهاد.. شنوحك
التفت وشاف هاجس سكت على طول
مر من جنبهم ولا سلم
ابو فهاد.. ياملا البعد هالوجه شنوحو مكشر ولا سلم
ابو صلاح.. اسكت لا يسمعك وينكس علينا
هاجس دخل البيت والضيقه مخيمه عليه وقف على باب المجلس وشافهم الكل متجمعين وساكتين فزاع مغطي وجهه
والباقي جالسين بهدوء ناظر لابو سهم وتنهد وبصوت خافت يكلم نفسه.. ماهو وقتك ياهاجس كلّ جمره واصبر مثل ماصبرت اول
اتجه لحجرته
انتبهت له شيم ولحقته
طقت الباب
التفت وفتح.. هلا
شيم.. بسم لله عليك بك خلاف
لف وجلس على فراشه.. انا متى ماصار بي خلاف
جلست جنبه .. الحق تعشاء العنود عملت عشاء يهبل
هاجس.. عوافي عليكم ماشتهي شين
______
ولايف وهي تاكل.. تشوف يبه ياحلو طعم هالعشاء
ابو سياف..اي والله ماشاءالله ماصار الله يسلم هاليدين
ولايف.. ماهي انا، هذي شيم زعجتو(ارسلته)لنا
كشر سياف ونزل اللقمه
ام سياف.. ايه تقول على سلامة فزاع وبس يتشاوى تبي تعمل عشاء وتعزم كل اهل هالديري
ابو سياف.. والله انه كفو تبي حبة خشم
ولايف.. تقول قولي لعمي ياكل العشاء كلو
ضحك ابو سياف.. تبشر
سياف وقف.. الحمد لله
ولايف مبتسمه.. لا تفوت عشاء بنت عمك
سياف.. يكثر خيركم
ولايف لفت لابوها.. يايبه شيم ماشاءالله عليه طباخه ومرتن سنعه
ابو سياف.. هذي تربية حمده ومخلد يذكر الله عليهم
ام سياف تناظر بتعجب من كلام بنتها
______
يوم جديد
من صباح الباكر
وقف وهو ياخذ نفس
لافي.. ها بشر وش عملت
فياض.. عرفت وين ينهج اكثر وقتو وعرفت شغلو وعرفت بيتو وبيت اللي يشتغل عندو
لافي.. زينن على زين الحق علمن
سراي من وراه.. ياولد يالافي
كشر لافي وهو يسمع صوته.. هذا وش يبي من حلقي
لف له.. هلا
سراي.. ماشاءالله معك ضيف الحقوا تقهوو
لافي.. يالله جايينك 
سراي.. لا لا امش معي
تافف بنرفزه.. مشينا
::
سامر دخل بيت امه.. صباح الخير
ام سامر صدت عنه
سامر اتجه لها وباس يدها.. يمه يمه يعيوني تزعلين من وحيدتس
ام سامر ساكته
سامر.. ابشري الحين اطلقه واحرره من هالظلم اللي تقولينه
طلعت شيهانه.. لا لتطلقن انا راضيه باللي تعمل بي
سامر كشر وهو يشوفها
شيهانه.. انا مدام اني ببيتتس ياعمه ماعلي خلاف
لفت ودخلت حجرتها وهي منهاره.. هالظلم من الغريب اهون علي من ظلم ابوي اللي قرطن مثل التسلاب  واهون علي من وحشة الديره عقب فزاع .
انهارت بكي وتذكرت ابيات قالها لها فزاع يوم نهجت مع ابوها لديره ثانيه يخلص اشغاله ورجعت بعد شهر قالها الابيات .. هالمره انا بقوله لك يا نبض قلبي ياضوء عيوني
شهقت قوه وهي تردد ابيات فزاع..
ياحوشة الدنيا اذا صرت مشتاق
كن البشر ماهي على الكون حيه
مشتاق لك والشوق غارق ودفاق
شوق السواحل للبحور العتيه
شوق الشعور الي معك دام خفاق
داخل حشاياء ذكرياته وفيه
شوقي معك يازين وافي وصداق
ودقات قلبي لك قويه قويه
نبضات قلبي حامله كل الاشواق
وانفاس روحي في غرامك غنيه
_______
غيمه جت تركض وهي مبتسمه .. يمه لهلحين ماوعيتي  شوفي وشو اللي جبتو
نزلت الحمامه  وبدت تشب النار.. تشوفين بنتتس كفو صادت لتس حمام
بدت تحرك الاعواد.. عيت تشب يالله شبي شبي هالحين ام غيمه ذابحه الجوع
وقفت وهي معصبه.. هين يانار ماتبين تشبين
طلعت تجمع اعواد صغيره ورجعت نزلت الاعواد ووقفت عند راس امها وانثنت راكعه.. يميمتي يالله قومي يعيوني
كانت نايمه بهدوء
غيمه ضحكت وجلست جنبها.. يمههه شنوحتس توغدنين (تتدلع)
مسكت يد امها وارتخت وطاحت يد ام غيمه
بردت ملامح غيمه وبصوتها الراجف ..ي يم يمه
ابتسمت بصدمه..يمه حبيبتي قومي
بلعت ريقها وهزت كتف امها.. جبت حمامي انا  انا صدته لتس ابيتس تذوقينه
هزتها بقوه ودموعها تنزل بقوه.. يمههه يمهههه يمهههه قومييي لا تنامين بسس هالنوم
بعدت عنها اللحاف بتجلسها بس ترتخي وتطيح..يمه يمه قومي يرووحي انا وعدتس اجيب لتس علاج ينفع والله انا عند وعدي تكفين يمه يمه والله الحين الحين
وقفت.. هالحين الف الدنيا واجيب لتس العلاج
هزت راسها.. زين يمه زين
طلعت تركض ووقفت بلعت ريقها بقوه وهي ترجف
رجعت بسرعه وجلست جنبها وضمتها قوه.. مانهج يما تسمحين لي يمه قولي ايه اسمح لتس قولي ايه ابي اجيب لتس علاج
زادت بحة صوتها اكثر
رجفت كل خلايا جسمها وهي ماتشوف من امها اي استجابه صرخت قوههه.. يممممممممه
امتلا هالمكان الفاضي بصوت صراخها
_______
فتح عيونه فزاع بوجع وضيق وناظر جنبه.. وين امي
هاجس منسدح قريب منه.. نهجوا كلهم يم ابو العنود
فزاع.. وانت وليه مانهجت
ابتسم بضيق.. الظاهر الرصاصه لهلحين ماثره عليك
فزاع.. الظاهر ,الحق ساعدن
هاجس وقف ورفعه.. وين تبي
فزاع.. ابي امشي بالحوش شوين
هاجس.. يالله الحق
ساعده وطلع للحوش وهو منحني شوي من الوجع
هاجس اتجه للحطب وصار بجلستهم المعتاده بطرف الحوش وشب النار..الحين نضبط الفنجال
فزاع حركت شعره نسمات الهواء الباردة.. صدري ضايق بالحيل
هاجس منزل راسه يكسر الحطب.. خلاص يافزاع
فزاع زفر بضيق.. ياهني الموتى
تنرفز هاجس.. اعوذ بالله من هالطاري
وقف وساعده يجلس جنبه
فزاع يحس ضيقة الدنيا كلها بصدره.. هاجس
هاجس.. ارحب
فزاع.. وش اعمل ابوي حلف لو طلعت من هالديره يتبرى مني
هاجس.. تبي تبيع رضى ابوك بحرمه
فزاع.. الا واشيب قلبك يافزاع
هاجس.. اصبر وانا اخوك ربي يعوضك
حط يدينه على وجهه ونزلت دموعه.. العوض بغير شيهانه مابيه مابيه ,ابوي طحن قلبي بحلفو وش اعمل
هاجس تنهد..تهون وانا اخوك
فزاع تلثم بشماغه ونزل راسه
_______
العنود.. والله ماهو احسن لتس
ولايف.. عنوده طلبتتس
العنود.. قلت لا يعني لا
شيم تاففت.. انا ابي امشي
ناظروا لها.. وين تبين
شيم.. مادري شنوح قلبي موجعن على فزاع
ولايف.. بسم الله وشو هالفال الاقشر مامن الا العوافي اقعدي
شيم.. مع السلامه
ابتعدت عنهم تنادي امها
ام سهم.. هلا ياعيون امتس
شيم.. مشينا يمه
ام سهم.. يالله يبعد روحي
ولايف ناظرت العنود.. وانتي ماتبين معهم
العنود.. لا ابي اقعد عند ابوي اليوم
ولايف بمزح.. عاد خلاص متى تجيبين لنا وغد نبي وغد بعيلتنا
العنود صار وجهها احمر وحاولت تصد كانها تشتغل
جاهم صوت ام سياف.. ياولايف
ولايف.. هلا يمه
ام سياف.. يالله مشينا
ولايف.. يالله•• لفت على العنود.. اساعدتس على شين قبل امشي
العنود.. لا ياملا العافيه
طلعت وراحوا الكل
_______
غابت الشمس وغيمه للحين جالسه قدام امها
انهد حيلها من البكي وصوت شهقتها يقطع كلامها.. يمه  يمه وشولو تخلينن منهو لي منهو يونسن بالمتسان الموحش منهو يمه لا تخلينن وتنهجين مثل ابوي.
مسكت يد امها وضمتها.. خوذينن معتس مابي اقعد لحالي وين انهج وين ادوي
شهقت بقوه وصرخت.. يممممممه
طاحت على صدر امها تبكي وتناديها
________
يوم جديد وصباح هادي والجوء غيوم
مر الصباح بهدوءه وقريب الظهر
طلعت شيم من المطبخ تركض على صراخهم
هاجس رافع اكمام ثوبه وشماغه على كتفه.. ليه ليه ماهو من حقي يعني
ابو سهم.. لا ترفع صوتك علي، وانت كل ماتجي من برا قالبن اخلاقك شنوحك
هاجس.. انت نوحي انت
رفع صوته شبه صراخ.. سبع سنين وانا اتطلبك تعلمن منو اللي ذبح ابوي لو مادريت من عيال الديري تسان لهلحين وانا احسب ابوي ميت موتت الله
ابو سهم رفع صوته اكثر.. وانا كم مرتن اقولك هو مات موتت الله ولا تبي تصدقن تصدق خلق الله وتسذبن
هاجس.. ياعمي حرام عليك ارحمن ارحم حالي لا عيشتي عيشه ولا نومتي هنيه اموت باليوم الف موتي .
شيم سكرت فمها تبكي ، فزاع ضغط على نفسه طلع يشوفهم
هاجس.. مسامحك والله مسامحك انك ماعلمتن من مبطي بس يوم دريت من خلق الله ان ابوي ميت قتل
قاطعه ابو سهم.. وشو هالحتسي اللي مالو اصل
هاجس.. ابي اخذ ثار ابوي والله والله فوق سبع السموات اني لو ماخذيت ثار ابوي اني فلا اكون رجل يمشي مع الرجال
طلع من البيت وهو يغلي
ابو سهم جلس يمسح وجهه ويتعوذ من الشيطان
جت ام سهم وجلست جنبه.. ماعليه يهدى وينكس انت اهد
ابو سهم.. مايهون لمنو قال شين مايهون
تنهد بضيق
<<<<<<<<
قبل سبع سنوات دخل هاجس وهو يصرخ.... عمييييي عمييييي
ابو سهم.. شبلاك ياولد
هاجس ويده تنزف دم  وجسمه يرجف غضب.. منهوو اللي ذبح ابوي
أبو سهم انقلب وجهه.. اعوذ بالله وشو اللي تقولو يولد
هاجس.. ابوي مات قتل وشولو تسذب علي وشولو
ابو سهم.. منهو اللي قايل لك هلون يعقب ويخسى
هاجس يصرخ.. منهو وشولو ما تعلمن اخذ ثار ابوي
ابو سهم.. اهد اهد منهو اللي قايلن لك
هاجس يرص أسنانه يحاول يسيطر على نفسه.. انا الناس تقولي لو بك خير تاخذ بثار ابوك
ابو سهم.. يعقبون الناس وانا ابوك
هاجس.. منهووو اشر عليه وانا اقطعه بيديي
ابو سهم.. تعوذ من الشيطان ابوك مات موتت الله ماهو قتل
هاجس اخذ نفس عميق يسيطر على نفسه.. زين ياعمي زين ماتبي تقولي على راحتك انا اعرفو بطريقتي
مشى خطوات ثم لف عليهم.. اسمعونن زين نذرن علي انن ماحضر فرحه ولا اعيش لحظه سعيده وانا ماخذيت ثار ابوي
^^^^^^^
فزاع سند نفسه على الجدار واخذ نفس عميق مايدري يحزن على نفسه ولا على ولد عمه
_______
شيهانه جالسه بالحوش بهدوء وطق الباب
وقفت وفتحت.. هلا
ليلى..سلام عليكم
شيهانه..وعليكم السلام
ليلى واقفه على الباب.. ماتقولين اقلطي
شيهانه ابتسمت باستهزاء.. اقلطي
دخلت ليلى.. وين عمتتس الشيخه
شيهانه رفعت اكتافها..مادري
كشرت.. كل شين ماتدرين
شيهانه.. ماني كفيله على بني ادم
ليلى..ياملا البعد هالوجه
شيهانه ضحكت..ابعدت وجيت عندتس
ليلى.. والله من قل التربيه 
شيهانه بترد بس قطعها جيت ام سامر.. هلا ليلى عندنا يامرحبا
ليلى.. ياهلا والله برفيقتي
ام سامر.. اقلطي حياتس الله
شيهانه.. اسمحي لي ياعمه ابي انهج للخيل
ام سامر.. تحرصي على روحتس يبنتي
شيهانه ابتسمت بضيق.. ان شاء الله
ليلى.. شلون متحملتن هالغثاء ببيتتس
أم سامر.. عن الخطأ ياليلى هذي مثل بنتي وهي اللي تونسن يوم هالبيت فضى
:::
شيهانه اللي قربت من غرفة الخيل وعقدت حواجبها وهي تسمع الصوت
_____
الشيخ ابو عمار.. لا حول ولا قوة الا بالله وش عملت به
الحكيم.. دفنته وجيت اعلمك
ابو عمار.. والبنت وش عملي
الحيكم.. جيت استشيرك ننكسه لبيت ابوه
ابو عمار.. بس اخافه منعديه من امها
الحيكم..وكاد بس مابين عليه لانه صغيره وتحمل المرض
أبو عمار.. شلون ننكسه ببيت ابوه اخاف تعدي اهل هالديري
الحيكم.. ماعليك انبهه انه ماتجي احد
ابو عمار.. خلاص تكفل بكل شين انت
الحيكم.. يالله استاذنك
::
غيمه منسدحه على الارض وتناظر لسماء اللي كله غيم .. يهون عليتس تخلين بنتتس ليه يمه
رفعت يدها.. ياغيمه هلي سحابك على قبر امي
سكتت على الصوت اللي يتنحنح.. يابنتي
غيمه وقفت.. ماني بنتن لاحد
الحكيم.. امشي معي لبيتتس
ضحكت باستهزاء واشرت بيدها.. كثر الله خيركم اعطيتونن كل هالبيوت وصارن كلهن بيوتي
الحيكم.. يبنتي لزوم تنكسين لبيت ابوتس عشان نامن عليتس
ضحكت بقوه.. ابي انهج يم بيت ابوي ماهو على شانك على شان نفسي
ابتعدت عنه شوي ولفت له.. قسم بالله لو تجيبون لي حاجي وحدي لاحرق بكم كلكم
الحيكم.. منين تجيبين اغراضتس
غيمه.. ماهو شغلك
_____
هاجس عيونه بالارض ويمشي بهدوء اتجهه لمكانه اللي يحبه بالجهه الشماليه جلس جنب البير وضم ركبته لصدره
<<<<<<<<<
قبل سبع سنوات هاجس واقف بين فراس وفزاع ويده تنزف بعد ماخذ الطعنه بدل فزاع.. والله لو تفكر تلمس اخواني اني لاذبحك وامشي بجنازتك
فراس ضحك.. تذبحن انت ماذبحت اللي ذبح ابوك وخذيت بثارك تبي تذبحن
هاجس وكان احد اعطاه كف ورجف جسمه تكلم بصدمه.. ثاري, ابوي
فراس.. لا تطلع علي مراجلك تسانك رجل اذبح اللي ذبح ابوك
صرخ هاجس واتجاهه للبيت ركض
فزاع لحقه.. هاجس هاجس
ضحك فراس
دخل البيت وهو يصرخ.. عمييي عميييي
<<<<<<<<
تنهد ومسح وجهه.. اه والله انك صادق يا بلال يوم تقولي انت تدور على السراب ماحد يدري الا عمك
,سبع سنين وانا ادور وعلى الفاضي
_____
غيمه نفضت الغبار اللي متراكم على اغراضهم القديمه وانسدحت وسمعت صوت بطنها من الجوع .. ماني جيعاني شبعاني انا شبعاني غيمه شبعاني
فزت من مكانه ونزلت دموعه.. حتى انت يايبه قمت اسمع صوتك
رجعت تنسدح.. يمه انا ماقوى اتحمل هالدنيا بلياتس
غطى المكان الظلام ودخلت بنوم عميق
______
( الصباح  )
فزاع مر من جنب بيتها وخنقته العبره اخذ نفس عميق وكمل طريقه
بندر اتجه له ركض يوم شافه.. هلا هلا هلا ومسهلا هلا بعشير الروح
فزاع.. هلا بك يابنيدر
بندر مسكه وجلسه عنده بالدكان.. دونك كاسة هالشاهي تعدل المزاج
جت حرمه بتشتري ووقف بندر يشوف طلبها
فزاع سرح بخياله وهو يناظر كاسة الشاهي وهو يتردد صوت ضحكها بمخه.. هالحين انتي تضحكين ولا ضايقتن بتس الدنيا مثلي
جلس جنبه بندر.. شنوحك ماشربت الشاهي لا تقول انو ماجاز لك
فزاع.. مدام انت اللي عاملو يجوز لي
ضحك بندر.. الله يجبر بخاطرك
فزاع استند على المركى
بندر.. وسع خاطرك وانا اخوك هالدنيا ماتسوى
تنهد فزاع وقال..
مشاعري في كل حاجه حزينه
لاني عشقت انسان ماهو نصيبي
كن الفراق اشر علي بيمينه
واختار من بين الخلايق حبيبي

تضايق بندر اكثر..العوض على الله وانا اخوك
________
غيمه انسدحت على ظهرها ومددت يدينها.. ياربي تعطينن صبر وقوه اتحمل مابقى من هالحياه
وقفت وهي تسمع صوت الرعد اسرعت برا وصرخت بفرحه.. اول مره احس هالصوت لوه فرحي
ناظرت للغيوم.. ياسميتي اول انخرع منتس عشان امي هالحين جارينن بدموعتس تسانتس تقوين
جلست بحزن .. نبي نشوف منهو اكثر دموع
_______
الكل مجتمعين بالمشب قريب النار
ابو العنود.. انا ياسبحان الله لمنو جاء الشتاء ماداني انهج ولا اجي
شيم.. ليه ياعمي مابوه شين احلا من الشتاء وها تسمع صوت المطر
العنود.. ابوي يغلي الصيف اغلا ماهو خوي البرد
سهم.. يعمي عندي لك شورن حلو
ابو العنود.. اسلم
سهم.. وشرايك نزوجك
ابو العنود صرخ ومسك راسه.. وبسم الله على قلبي
انفجرو يضحكون على ردت فعله
شيم.. خله تونسك يعمي
ابو سهم.. شورن حلو
ابو العنود.. لا ان شاء الله ماعرس
العنود.. لا مارضى ابوي يعرس اغار عليه
سهم ابتسم بخفه وبصوت خافت.. ياحلو اللي يغارون
شيم.. عمي ابي اخطب لك وحدتن اصغر من العنود
ابو العنود منصدم من جديتهم.. ياربي ياربي دخيلك الله لا يزيغ قلبي