#هاجر_النجار
#الحب_تحت_سقف_الإنتقام
#الفصل_الثانى
{ وَمَا كَانَ ٱللَّهُ لِیُعَذِّبَهُمۡ وَأَنتَ فِیهِمۡۚ وَمَا كَانَ ٱللَّهُ مُعَذِّبَهُمۡ وَهُمۡ یَسۡتَغۡفِرُونَ }
أستغفر الله العظيم الذي لاإله إلا هو الحي القيوم وأتوب إليه.
❈-❈-❈
إنتهت من فحص الملف و وضعته بمكانه ومدت
يدها حتى تأخذ الملف الآخر وتتفحصه أيضا من باب الفضول لا أكثر ف وجدت من يقبض على يديها ويمنعها من الوصول للملف ويقول بصوت مرعب: انتى مين و ازاى دخلتى هنا ؟
أردفت بثبات ولم تلتفت إليه: وأنت مالك ؟
فراس بعصبيه قام بالضغط على يدها الذى يمسكها ولفها إليه كى يرى من هى: انتي هبله يابت ولا حكايتك إى..؟ داخله مكتبى وبتقلبى فى الملفات دا أقل واجب أحبسك سنه على العمله دى
أردفت ببرود وجهل لشخصيته: عملت جريمه يعنى..؟ دول كام ورقه قلبت فيهم
فراس بزهول: كام ورقه قلبتى فيهم دا انتى لو بايعه عمرك مش هتقولى كدا وأنا ماسكك متلبسه
ريحانه برفعه حاجب مستفزه: لا ما أنا بيعاه فعلا
يتركها فراس بضيق وينادى بصوت عالى : يا طااارق.. يا طاارق
يأتى طارق وهو يقول بقلق: ايوا يا فندم فى حاجه؟
فراس بضيق: خد البت دى اتحرى عنها و شوفها سوابق ولا لأ مع إن شكلها بيقول إنها اكيد سوابق
نظر طارق الى الفتاه التى تقف بجواره فوجدها نفس البنت التى قابلته منذ قليل فحاول التوضيح قائلا: يا باشا دى ...
قاطعه فراس بضيق: قولتلك خدها من هنا أنا مش فاضى ومش ناقص دوشه وهاتلى ملفها بعد ما تكشف عنها وحطها فى الحبس لحد ما تخلص
طارق بتوضيح وعدم فهم لما يحدث: يا فندم اسمعنى دى..... دى...
يقاطعه فراس بعصبيه: ما تخلص يابنى
طارق بسرعه: يا باشا دى الرائد الجديده وصلت من شويه وكانت بتسأل على مكتب اللواء أشرف وأنا اللى قولتلها تيجى لحضرتك زى ما سيادتك قولت الصبح
فراس برفعه حاجب وهو يشير اليها بإصبعه وبنبره ساخره يردف: دى الرائد الجديده..!؟
تجيبه ريحانه التى كانت تتابع المشهد أمامها بصمت ولكن تخلت عن صمتها عندما لمحت نبرته التى تقلل من شأنها: دى!!... قصدك أى ب دى أنت تعرفني عشان تتكلم عليا ب الأسلوب دا ..؟
فراس بضيق من سخافتها: و الله الجواب بيبان من عنوانه وطريقه سيادتك واضحه زى الشمس ازاى تسمحي لنفسك إنك تدوري فى ملفات القضايا بتاعتى المفروض إنك ظابط وعارفه اهميه السريه للمعلومات وكمان طريقه كلام ساعتك فى الكلام زى ما تكونى بتكلمى واحد شغال عندك مش رئيسك فى الشغل
أنت تقرأ
الحب تحت سقف الأنتقام
Mystère / Thriller#روايه الحب تحت سقف الانتقام #هاجر النجار المقدمه عندما تحب انثى شخص من قلبها وتنصدم به وبحقيقته يتحول كل الحب بقلبها الى نار من نيران الانتقام ولا تهدأ الا عندما تاخذ بثأرها ف احذر يا ابن ادم من ثار الانثى ف النار التى توقد من رماد الحب لا تنطفئ...
