الحب تحت سقف الأنتقام

الفصل التاسع 💜

part 9

العشق هو غذاء الروح... عند فقدان الحبيب يعيش الشخص بجسده فقط لكن روحه معلقه بحبيبه المفقود.... وعوده الحبيب تمثل له قطره المياه التى تسقط فوق ارض كاحله تروى ظمئها لسنوات فيعم شعور بالراحه و الاكتمال.

هذا ما يشعر به سالم الان حيث كان يتسطح براحه ويستمع لاحدى المعزوفات ويغنى معها بانسجام لا يشعر بما حوله ولا بما يحدث بالخارج كل ما يهمه الان عوده روحه المفقوده لسنوات....

قاطع انسجامه مع كلمات تلك المعزوفه دخول ادم القوى حيث دخل ادم الغرفه مقتحما ايها بقوه

قائلا بغضب ساحق: " الله.... الله نايم تسمعلى عبد الحليم وعايشلى دور صغيره على الحب و سايب اخوك يتقبض عليه ويتمرمط وسمعته تبقا فى الارض وحتت بت متسواش تبهدله كدا "

انتفض سالم من جلسته قائلا بغضب:" اتكلم عدل يلا هى مين دى اللى متسواش؟ "

ادم بزهول وعدم تصديق: "يعنى هو دا اللى يهمك بس مش همك اللى حصل فيا"

واشار لوجهه الملئ بالكدمات و لاصق الجروح

اجابه سالم بلا مباله: "عادى يعنى.. اى اللى حصل دول خبطتين استرجل كدا فى اى"

غضب ادم من حديثه كثيرا فقال بهياج:" لا بقولك اى انا راجل وانت عارف كدا كويس...انت اللى تسترجل وتنشف شويه بدل ما انت خرع قدامها كدا بما دلوقتي بتعملها كدا ... اومال لو اجوزتها بقا هتعمل فينا اى..؟ "

نظر سالم امامه شاردا بعيون لامعه قائلا بهيام: "اتجوزها... يسمع منك ربنا"

ضرب ادم كف بالاخرى وعيونه تكاد تخرج من مكانها من شده الزهول... ثم خرج من الغرفه وتركه

❈-❈-❈

عاد سالم الى جالسته الهائمه تلك وشرد مره اخرى بكلمات المعزوفه لكن اخرجه من شروده مره اخرى احد يدخل الغرفه.

فنظر باتجاه الباب فوجد سما زوجته تقف بجوار الباب وملامح الغضب تعتلى وجهها

فقال بصوت خافض منزعج: "اعوذ بالله... هما بيحضروا امتى ثم قال بصوت مرتفع... انتِ جيتى امتى و ازاى تدخلى الاوضه بالطريقه دى..؟"

سما بغضب وملامح عابسه:" تقدر تفهمنى اى اللى حصل دا..؟"

سالم باستغراب: "اى اللى حصل؟"

سما بصراخ غاضب: "انت بتستهبل عليا.... ازاى ادم يتقبض عليه و البوليس يجى لحد هنا.... انت متخيل شكلى هيبقا عامل ازاى قدام صحابى... احنا اتفضحنا.."

لعنها سالم بصوت منخفض قائلا " ابو شكلك انتِ وصحابك"

صاحت سما باستغراب وعدم فهم:" انت بتقول اى؟ "

سالم بضيق ونظره حاده: " وطى صوتك وانتِ بتتكلمى معايا وبعدين ملكيش دعوه باللى بيحصل خليكى فى نفسك وصحابك وضوافرك وشعرك اظن كل الحاجات دى كفايه اووى عليكى "