السلام عليكم ورحمه الله وبركاته
بسم الله والصلاه والسلام على رسول الله
⏪ النهارده جايبالكم عمل واحد بس لو تعملوه تدخلو الجنه بإذن الله بلا حساب ولا عذاب🪻
⏪ربنا سبحانه وتعالى يقول
انو الصابرين يوفون اجرهم بغير حساب
فتعالو نعرف يعني اي صبر واي هو الصبر عشان نبقي من الصابرين
♻️اول حاجه يعني اي صبر ؟!
الصبر يعني انو لسانك مايشتكيش ربنا وقلبك لا يسخط عليه عز وجل والجوارح متعملش الا اللي يرضيه
يعني اللي يقعد يشتكي ربنا للخلق
وتقعد بقا شفتي ربنا عمل فيا اي وحصل فيا اي والدنيا والعيال والمجتمع والشغل والرزق و و و
دا كدا مش صابر
واللي بينو وبين نفسو حتي بيسخط علي قضاء ربنا فيه و الناس اللي الجوارح بتاعتها بقي بتعمل مصايب زي الناس اللي في اي مصيبه تلاقيهم يلطمو ويشقو الجيوب ويشدو فشعرهم
كل الحاجات دي منافيه للصبر❌
هتقوليلي اي دا هو انا لو اشتكيت لحد همي ابقي كدا مش من الصابرين!
اقولك لو الشكوي هنا فيها شئ هيفيدك او يريحك
زي واحده بتشتكي للدكتور عشان يعالجها وبيشتكي لحد هيقدر يساعدو
او بيشتكي شكوي فيها راحه نفسيه ليه
ولكنه لا يشتكي الله بل يبين الرضي ويوضحه في كل كلامه
دا برضو بإذن الله من الصابرين🪻
اما بقي الراضين ودي درجه اعلي بقي 🪻
ودا زي ما قال العلماء انو دا واحد يستوي عنده البلاء وعدم البلاء
كلو من عند ربنا وكل اللي ييجي من عندي حبيبي حبيبي ويبوس ايدو وش وضهر💚
واللي اعلي من الراضين الشاكرين:
اللي بيشكر ربنا علي البلاء لأنه عارف انه طريقه الي الجنه قبل ما يشكره علي الخير والنعمه
فاللهم يارب اجعلنا منهم
كدا عرفنا معني الصبر فيلا نتعرف علي انواع الصبر🤲🏻
🪻احنا عندنا ست انواع من الصبر 🪻
⏪[ الصبر الأول]
اللي هو الصبر علي الأمر والنهي
ربنا سبحانه وتعالي جعل الدنيا دار اختبار
ومن تمام الأختبار انه جعل للناس شهوات
وجعل اختبارنا بقي في الشهوات دي فقالك بصي الحاجات دي متقربيش منهم هرضي عنك واديكي الجنه
هتقوليلي اله طب لي يخليها حلو ونفسي فيها ويقولي متعمليهاش
تخيلي مثلا ييجي يقولك متشربيش مايه المجاري مثلا او متكليش حاجه بايظه
منا كدا كدا مكنتش هاكلها اصلا فين الأختبار
بس سبحان الله لما بنتعود علي اننا بنرضي ربنا بس بتبقي شهوتنا والحاجه اللي بنحبها في طاعه ورضاه سبحانه وتعالي واحد
فلو اتبعنا اوامر ربنا سبحانه وتعالي فكدا انتي جيتي علي شهوتك ولو جينا وقفنا عند النواهي وقلتي يارب لا اللي انت نهيتني عنو انا مش هعمله فأنتي حاربتي شئ جواكي بيميل ليها والأمر دا محتاج صبر
