بسم الله والصلاه والسلام على رسول الله
لو حضرتك وصلت لسن البلوغ فانت لازم تكوني عارفه الكلام دا لازم لازم لازم لازم.
من الاحكام الشرعية حاجة عندنا اسمها الحدث الاكبر
من الشباب والبنات اللي وصلوا لسن البلوغ مش عارفين ازاي التطهر من الحدث الاكبر.
دي مصيبة يا جماعة لان دي حاجة تبوظ طهارتنا وبالتالي تبوظ صلاتنا.
احنا كلنا مسلمين وبنصلي
وخلونا نبدأ الاول نعرف يعني ايه الحدث
الحدث الاكبر هو الجنابة الحيض النفاس.
التطهر من دول مش مجرد اني اخش اتوضأ ولكن التطهر من دول لازم يكون بالاغتسال.
الاغتسال ازاي بقى?
صلوا على النبي وركزوا معايا.
الاغتسال مش مجرد ان انا اخش احط صابون شامبو وشاور جيل والعب العب وخلاص والحمد لله وقررنا ان احنا كده اغتسلنا الحمد لله.
ولكن فيه اغتسال مجزئ مجزئ يعني لو انا عملته خلاص انا رفعت الحدث الاكبر عن نفسي وبقيت طاهر واقدر اصلي.
وفيه اغتسال فيه سنة بقى ده الاكمل والاجمل ايه هو الاغتسال المجزئ?
الاغتسال المجزئ
١/ اول حاجة خالص ان انت يبقى عندك النية وانتي داخله تاخدي الدش كده عندك النية ان ده اغتسال لرفع الحدث الاكبر.
٢/ تاني حاجة تعميم البدن كله بالماء من اول الشعر لغاية صوابع الرجل قبل ما نحط اي شامبو او شاور جل او صابونة نابلسي شاهين حتى نعمم البدن كله بالماية من الشعر لغاية صوابع الرجلين.
مع الاستنشاق ندخل ماية جوة مناخيري كده واستنثر انزل الماية والمضمضة.
كده يبقى الغسل المجزئ.
بعد كده بقى احط صابونة احط آآ شاور جيل شامبو اللي انا عايزاه
* اما بقى الغسل الكامل اللي فيه سنة النبي صلى الله عليه وسلم.
١: اول حاجة طبعا النية وما ننسهاش نية رفع الحدث الاكبر.
٢/ تاني حاجة انه النبي صلى الله عليه وسلم كان يغسل ايده تلات مرات بالماية يغسل ايده كده بالمية تلات وبعد كده النبي صلى الله عليه وسلم كان يغسل الفرج الموضع بتاع الجنابة كان يغسله برضو كويس.
٣/وبعد كده صلى الله عليه وسلم كان يتوضأ وضوءه للصلاة
غسل الايدين كويس بعد كده المضمضة
والاستنشاق بعد كده غسل الوجه تلات مرات. غسل من اول صوابع الايدين كده لغاية الكوع هنا اهو كده يمين وشمال وبعد كده غسل الرأس مرة واحدة مع الودان وبعد كده غسل الرجل كويس جدا مع تخليل الاصابع برضو سبب مرات كل قدم وبعد كده النبي صلى الله عليه وسلم كان ياخد حفنة من الماية كده ويدلك بها شعره صلى الله عليه وسلم مرة اتنين تلاتة.
٤/ وبعد كده صلى الله عليه وسلم كان يغسل شقه الايمن كله بالماية الاول ويوصل للاماكن المستخبية كويس بالماية
٥/ وبعد كده يغسل شقه الايسر صلى الله عليه وسلم.
عملنا كده اغتسلنا على السنة ونستخدم بقى شامبوهاتنا صابوناتنا شاور جيلاتنا
ومعلومة كده في رغيف
انه الغسل والتطهر من الحدث الاكبر يجزء عن الوضوء. يعني انت لو عملت كده خلاص مش محتاج تتوضأ بعدها وممكن تخرج تصلي على طول.
انما الحموم العادي لا يجزئ عن الوضوء.
يعني انت لو استحميت حموم عادي مش حموم اللي هو اغتسال من الحدث الاكبر لأ ده عادي بتتوضى بعده.
تمام؟ وفي النهاية ايها الأخوان الطيبات لازم نركز علي الموضوع دا كويس وننتبه
والسلام عليكم ورحمه الله وبركاته
