السلام عليكم ورحمة الله وبركاته
اول حاجة خالص عشان ما طولش عليكم.
الغناء هو الكلام اللي من غير مزيكا.
حد بيدندنه من بقه كده
ما فيش مزيكا معه هنا هنوزن الكلام.
والله كان الكلام حلال.
يبقى الموضوع حلال.
كان الكلام حرام.
يبقى الموضوع حرام.
وانا عارفه انك مش بتسألني عن ده.
وانك بتسألني عن الغنا بمزيكا.
وهنا بقى انا مش هتوهك
واقعد اقول لك والله قالوا حلال والفقهاء الفلانيين قالوا حرام ودول ادلتهم كذا ودول ادلتهم كذا.
لانه وبشكل ما اغلبنا مش هيعرف يقارن ما بين الادلة وياخد قرار لنفسه.
فخليني اجيب لك الموضوع من ناحية تانية.
اول معلومة مهمة جدا تعرفهيا انه جمهور الفقهاء الاغلب من الفقهاء اللي منهم الائمة الاربعة. ابو حنيفة ومالك واحمد والشافعي. جمهور الفقهاء
دول قالوا ان الموسيقى حرام.
وكلمة جمهور هنا مش معناها ان كل الفقهاء قالوا حرام ولكن ان اغلب الفقهاء قالوا حرام.
بالتالي هتقول لي في قلة انهم قالوا حلال.
الاصل في الموضوع اننا ما نعرفش نقارن ما بين الادلة وناخد قرار.
انه الاسلم لنا ولديننا ان احنا نتبع الجمهور.
تقوليلي طب انا عاجبني رأي القلة اللي قالت حلال دول.
هقول لك ماشي تعال امشي معك في الموضوع اللي قالو حلال من الفقهاء
حطوا قواعد عشان يبقى الامر حلال ما سابوهاش سبهللة كده
من الشروط والقواعد اللي حطوها انه مثلا انه لا تقترن الموسيقى بحرام
. ايه بقى الحرام ده
على سبيل المثال مثلا ان تبقى واحدة كاشفة لشعرها او متزينة او بتتمايع او بترقق صوتها كده وتخليه رقيق وناعم.
ده على سبيل المثال يعني. فكده وبكل سهولة تقدر تاخد كل المغنيات كده وتحطهم على جنب.
واحد يقولك تمام خلاص اسمع الرجالة بقى. اقول لك لا لا ما لسه فيه شوية شروط كمان مثلا ان الكلام ما يبقاش بيهيج المشاعر.
يعني لما تسمع الكلام كده ما تحبش على نفسك.
او يثير الغرائز. ان الموضوع ما يبقاش فيه عينيك وشفايفك وشعرك. او انه يذهب الوقار
انك تبقى وانت بتسمع الأغنية كده عايز ايه? ترقص وتتمايل معاها كده
وبكده برضه هتاخد اغلب المغنيين وتحطهم على جنب.
تقولي بس لسه في كم واحد كده
لا لا لا بقى دول ما بيغنوش غير مواضيع هادفة وما فيش بقى لا غرائز ولا مشاعر ولا رقص ولا اي حاجة انا ممكن اختلف معك في النقطة دي اصلا لكن همشيها واقول لك ماشي.
فرضنا انهم موجودين.
بينزلوا كم اغنية في السنة دول هتسمعها انت كم مرة يا سيدي
لما هتزهق بقى وتحب تسمع غيرهم.
هتسمع مين بقى الفكرة انت اديت طريق للشيطان انه ياخدك ويركبك الزحليقة واتفقنا اللي بيركب الزحليقة ما ينفعش يقف في نصها لازم ينزل لغاية الاخر.
فهتبدأ يقول لك اسمع الناس الهادفة الجميلة وتنتهي تبوس الواوا.
وخليني اقول لكم في الاخر من التجارب كتير لناس كانت بتسمع الاغاني لان ده كان مأثر على سماعهم للقرآن
وانه مجرد ما بطل سماع الاغاني لقى وقت كبير يسمع فيه القرآن وبقى القرآن يأثر في قلبه اكتر واكتر وانا شخصيا دا اللي حصل معايا
فباتباع رأي جمهور الفقهاء وبالعقل الاتنين يقولوا لك الموسيقى حرام. وده الرأي اللي انا شخصيا باخد به. ربنا يا رب يهدينا لما يرضيه عنا سبحانه وتعالى.
