سواء كنت بتصلي او قررت تلتزم في الصلاة فالاربعين معلومة دول من اهم المعلومات اللي لازم تعرفهم عن الصلاة.
اول حاجة لازم تعرفها ان الصلاة اساسها الاطمئنان.
يعني الصلاة اللي هي الله اكبر سبحان ربي العظيم سبحان ربي العظيم. سبحان ربي العظيم. سبحان الله وبحمده. الله اكبر. سبحان ربي الاعلى. سبحان ربي الاعلى دي مش صلاة.
ولو سرحت وانت بتقرأ الفاتحة مش لازم تعيدها استعيذ وركز في اللي جاي.
ولو نسيت الفاتحة وركعت تقوم تعيد الركعة تاني من اول الفاتحة.
وانت ساجد كوعك ما ينفعش يلمس الارض.
وانفك لازم تكون لامسة الارض وانت ساجد.
لو نسيت ركعة بتقوم على طول تصليها سواء كنت ركعة او ساجد مش بتكمل ركوع او سجود.
ولو زودت ركعة وافتكرت انها زيادة بتوقف على طول وبتقعد للتشهد. مش بتكملها لاخرها.
لو قمت من السجود عشان تقف وافتكرت انك نسيت التشهد اللي في النص.
لو انت لسه اقرب للارض اقعد وهات التشهد.
اما لو افتكرته بعد ما كنت وقفت خلاص كمل صلاتك عادي وصلي في الاخر سجدتين سهو
سجدة السهو بقول فيها سبحان ربي الاعلى زي السجدة العادية بالظبط.
لو نسيت قراءة السورة القصيرة اللي بعد الفاتحة وركعت كمل صلاتك عادي. السور القصيرة بنقرأها في اول ركعتين بعد الفاتحة. اخر ركعتين بنقرأ فيهم الفاتحة بس.
لو بدأت اصلي وافتكرت اني مش متوضي بقطع الصلاة واروح اتوضأ وارجع اصلي تاني ولو بعد الصلاة لقيت في الهدوم نجاسة وانت كنت متوضي وكله تمام خلاص ما تعدش الصلاة تاني.
لو صليت وافتكرت بعد الصلاة انك ما كنتش متوضي بتتوضا وتصليها تاني.
وما ينفعش تقرأ من المصحف وانت بتصلي الفرض. وجمع الصلوات كلها بالليل مع بعض كبيرة من الكبائر.
لو قاعد البيت والعصر فاتني وسمعت اذان المغرب. اصلي العصر الاول وبعده اصلي المغرب. ومش لازم تستنى لحد ما الاذان يخلص وبعد كده تصلي. انما الافضل انك تردد الاذان وبعد كده تصلي.
مكروه انك تقفل عينك وانت بتصلي الا لو في حاجة قدامك بتشغلك.
ما ينفعش تصلي وانت باصص لفوق ما ينفعش الام تطقطق لابنها وهي بتصلي وتقول له مم والحركات دي ما تنفعش في الصلاة.
وانت واقف بتصلي بتحط ايدك اليمين على ايدك الشمال وبتحطها على صدرك او عند بطنك عادي.
لو ضحكت في الصلاة بصوت عالي اخرج من الصلاة لو قدرت تكتم الضحكة استعيذ بالله وكمل صلاتك عادي.
لو فاتك صلاة بتصليها اول ما تفتكرها.
ما فيش حاجة اسمها تصليها مع صلاة تاني يوم.
ما ينفعش تأخر صلاة عن معادها اللي هو بعد الاذان الا اذا اتحقق كذا شرط.
اولهم ان يكون في احتياج للتأخير زي مسلا ان يكون عندك محاضرة او درس سانيا ان يكون غالب على زنك انك هتلحقها قبل ميعاد الصلاة اللي بعدها. ثالثا انك تستشعر ان ده من رحمة ربنا بك ان في سعة في الامر.
الصلاة بالحذاء عادي ما دامش عليه نجاسة.
لو لقيت بواقي اكل في بقي وانا بصلي احاول اخرجها ما ابلعهاش.
في الجلسة اللي بين السجدتين بنقول رب اغفر لي مرتين على الاقل.
مش بنقعد ساكتين انت صليت ثلاث ركعات ولا اربع ركعات بتبني على الاقل.
يعني بتعتبر انك صليت ثلاث ركعات وتصلي الرابعة. اما بالنسبة للشخص اللي عنده وسواس في الموضوع ده.
والموضوع ده عامل له مشكلة وكل صلاة بيبقى مش فاكر هو صلى تلات ولا اربع ركعات.
فده بيبني على الاكتر يعني بيعتبر انه صلى اربع ركعات ويختم صلاته. في صلاة الجماعة الجهرية مش لازم تقرأ الفاتحة مع الامام.
ولو ما لحقتش تقولها بعده مش مشكلة ركز في اللي هو بيقرأه.
ولو الامام ركعة قبل ما تلحق تكمل الفاتحة اركع معه. خليك متأكد ان حل كل مشاكل حياتك بيبدأ في الصلاة وانها اكتر حاجة بتقربك من ربنا.
وانك عايش اصلا عشان تصلي. والباقي شكليات
