بسم الله والصلاه والسلام على رسول الله
احنا ٧٠٠ مليون مسلم
العدد دا كلو مش بيصلي الصلوات الخمس لأن الصلاه كبيره الا علي الخاشعين
وبالذات قله من يصلون صلاه الصبح في وقتها قبل الشروق
القله دي بتكون مختاره
لأن الله سبحانه وتعالى كأنما اصطفاهم ورضي عنهم ان يصلو صلاه الصبح في وقتها
وخدو بالكم من صفات المنافق للأسف الشديد
الا يواظب علي صلاه الصبح والعشاء
_
عموما عموما صلاه الفجر كفرض والقيام كنافله هو اكرام وتشريف ومنه من الله انو يخليني نقف بين ايديه في هذا الوقت
فحوار اننا نصلي الفجر دا مش تفضل مننا او شئ زياده احنا بنصنعو بل هو اداء الصلاه في وقتها
يعني احنا لو صلينا الفجر بعد شروق الشمس بنصف ساعه زي بالظبط لما نكون صلينا الضهر بعد العصر
او العصر بعد العشا
هي نفس القضيه !!
ربنا بيقولنا الصلاه خير من النوم
والنوم دا استجابه وراحه للنفس والصلاه راحه للروح واستجابه لامر الله
قال رسول الله صلي الله عليه وسلم
بشر المشائين في الظُلَم الي المساجد
بالنور التام يوم القيامة
يعني الأجر دا كلو حتي واحنا لسه مصليناهاش يعني يادوب ماشيين فأوضه النوم احنا كبنات رايحين نصليها في معادها
بالنور التام يعني النور اللي مفيش بعدو نور في الوجود
يوم القيامه الخمسين الف سنه العطش والظلام والرعب احنا كناس بنصلي الفجر مالناش دعوه بالموضوع دا
تخيلو لما تيجي يوم القيامة ومطلوب نننا نعدي علي اصعب موقف هنمر عليه فحياتنا
وهو المرور من علي الصراط ومفيش اي نور دا ظلام ماشفناهوش في حياتنا
هنعدي ازاي واحنا مش شايفين
فمصيرو النار والعياذ بالله
اما واحد تاني تيجي صلاه الفجر تكون ليه نور علي الصراط تعديه للجنه
طيب دا كلو احنا لسه واحنا ماشيين
طيب خلاص فردنا المصليه وهنصلي
قالكم ركعتا الفجر اللي هم السنه خير من الدنيا وما فيها
طيب بدأنا الصلاه وبنقرأ قرانها
قالكم قران الفجر كان مشهوداا!!
احتفال ملائكي رهيب حواليك بيشهدو القران اللي انتي بتقولي وكأنهم بيحتفلو بيكي انك بتصلي الفجر
قال الرسول صلى الله عليه وسلم
ان قران الفجر بيجتمع عليه ملائكه الليل والنهار
طيب صلينا الفجر سواء للرجال في جماعه في المسجد او احنا فبيتنا قالكم فهو في ذمه الله
طيب شوفو اللي جايه بقا
النبي صلي الله عليه وسلم بيقول من صلي الفجر في جماعه فكأنما قام الليل كله
كأنك واقفه تصلي من الفجر للعشا بلا توقف !!!!
الله اكبر !!!
طيب صلينا وخلصنا وقعدنا مكاننا نقرا اذكار الصباح واذكار الصلاه كدا عشر دقايق ولا حاجه
النبي صلي الله عليه وسلم بيقول من صلي الفجر ثم جلس يذكر الله صلت عليه الملائكه تقول اللهم اغفر له اللهم ارحمه متخيلين الملايكه فرحانه باللي بيصلي الفجر قد اي
طيب قعدنا نذكر الله من الفجر لحد الشروق وصلينا ركعتين الضحي
قالكم له اجر حجه وعمره تامه تامه تامه
سبحان ربنا الواسع ياجماعه والله احنا فغفله وبنضيع علي نفسنا كنوز
السيده عائشه بتقول عجبت لمن لا يصلي الفجر كيف يرزق
رزقك بتنقصو المعصيه
يعني لما مشينا ليها بشرنا بالنور التام يوم القيامة
ولما قعدنا بعدها نذكر الله لحد الشروق
كان كأجر حجه وعمره تامه تامه تامه
كان ربنا بيكرم اللي بيصلي الفجر دا وبيتم عليه نعمو كلها
اللي مبيصليش الفجر والعياذ بالله بيعاقب بعذاب القبر الي يوم القيامه
النبي عليه الصلاة والسلام في حديث عذاب القبر في صحيح البخاري بيقول
فإذا برجل مضجع واخر قائم علي رأسه بصخره فيضرب رأسه بالصخره فيسلغ راسه يعني يفرم راسه
وبعدين يروح يجيب الحجر تاني والراجل راسو ترجع تاني سليمه ويضربو بيها تاني وتتفرم
وراسو قاعده عماله تتفرم وترجع تتفرم وترجع
الرسول صلي الله عليه وسلم بيقول هو كذلك الي يوم القيامه؟!!!
يفضل في العذاب دا ليوم الدين
دا دا وهو لسه فالقبر
فدا ياجماعه اللي بينام عن الصلاه المكتوبه
وترك صلاه الفجر بيضيع الأرزاق وخدو بالكم السعاده رزق والنجاح رزق والزواج رزق وحب الناس رزق وكل حاجه رزق يا جماعه
غير ان صلاه الفجر لما رسول الله حد قالو علي واحد نام ومصلاش الفجر
النبي قاله عنو هذا رجل بال الشيطان في اذنه
طيب احنا عاوزين طريقه اقوم ازاي
طيب سؤال هو معقول نبقا سهرانين عالموبايل لحد الساعه اتنين وتلاته الفجر وعاوزين ننام ونصحي لصلاه الفجر مش منطقي ابداا يعني
طيب صلينا العشا المفروض اصلا من الواجب علينا شرعا منزورش حد بعد صلاه العشاء ولا نتصل بحد وقت غير شرعي
ايوا ربنا قال ثلاث عورات لكم
اللي هي بعد الفجر ووقت القيلوله اللي هو بعد الظهر وبعد صلاه العشاء
الناس اللي بتنام طول اليوم وتسهر بالليل دي
اين الليل لباسا؟؟!
دا مخالفه لكلام الله خدو بالكم
طيب دي اول نقطه ننام بدري
بعد كدا اي
ندعو الله بإلحاح دايما يارب يارب ايقظني لصلاه الفجر
ونظبط المنبه علي وقت الفجر
وحاجه كمان نحاول مانظلمش نفسنا وروحنا ونتقلها بالذنوب والمعاصي ونقول مش قادرين نقوم
الصلاه خير من النوم يا جماعه
