خروج الروح ( الجزء الأول )
بسم الله والصلاه والسلام على رسول الله
فاكره صاحبتك اللي في نفس سنك وسمعتي بوفاتها او اول ما فتحنا فيسبوك لقينا حد مات او حد من قريبنا وغالي علينا وكانت صدمه عمرنا ما كنا متوقعينها
هو الموت كده ازاي وامتى وليه ما تسالش
وايه مقدمات الموضوع ما نعرفش
هو الموت لا بيفرق معاه لا لون ولا حد ولا سن ولا منصب وهي في لحظه الدنيا بتخلص ونكتشف فعلا الحقيقه
وهي ان احنا كنا فعلا في امتحان وبمجرد ميخلص خد بقي النتيجه
ربنا بيقول لنا قل ان الموت الذي تفرون منه فانه ملاقيكم
والنبي صلى الله عليه وسلم كمان بيقول لنا والذي نفسي بيده لتموتن كما تنامون ولتبعثن كما تستيقظون
لحظه الموت اللحظه اللي هيؤمن فيها الكافر واللحظه اللي هينكسر فيها الظالم واللحظه اللي هيفرح فيها المؤمن عايزين نفتكر اللحظه دي ونعيشها ونتخيلها
ونقسم الشاشه نصين حديث جميل جدا وطويل الرسول صلى الله عليه وسلم بيوصف لنا وبيقول لنا ان العبد المؤمن اذا كان في انقطاع من الدنيا واقبال من الاخره انقطعت الدنيا
والشاشه اتقفلت فجاه كده
لقيت نفسك في العالم الثاني محدش شايف اللي انت شايفه ولا سامع اللي انت سامعه ايه اللي هيحصل لك
اتته ملائكه بيض الوجوه
ملائكه كتير جدا يجلسون منه مد البصر هتبص يمين هتبص شمال هتبص فوقها تبص تحت في كل مكان هتلاقي ملائكه من الجنه ومعهم كفن من اكفان الجنه وحنوت وعطر من الجنه
وفجاه تلاقي ملك الموت جاي لك ودي اول مره تشوف فيها ملك الموت
والمره دي ملك الموت جاي لك انتي بيقول لك ايتها النفس الطيبه اخرجي الى مغفره من الله ورضوان يلا اخرجي ربنا راضي عنك
وغفرلك
اول مره بجد تشوف وتسمع انك نجحت فتخرج روحك فتسيل كما تسيل القطره من فيِّ السقاء روحك تخرج بكل سلاسه زي ما الميه بتندلق من قزازه كده فملك الموت يجي ياخدها فالملايكه اللي معاه دي ما تسيبهاش معاه لحظه وياخدوا روحك ويطيروا بيها في السما وتخيل نفسك وانت روحك بتطير في السماء ملائكه في السماء يمين وشمال وملك بيبتسم لك وملك بيشاور لك ملائكه بتقول ما هذا الروح الطيب فيقولون هذا فلان بن فلان وبعد كده يستاذنوا ربنا ويستفتحون عايزين يا رب نطلع السما فربنا يأذن لهم والسما عماله تتفتح وانت روحك عمال تطلع لفوق لفوق لفوق والملايكه عماله تحتفل بيك تسمع ربنا هو بيقول اكتبوا كتاب عبدي في عليين يعني اكتبوا اسمه في عليين كتاب اهل الجنه واسمك دلوقتي بقى رسمي بقى رسمي من اهل الجنه تخيلي بقى نفسك كده بتسمعيه ده وتتقبلي الخبر ده من ربنا سبحانه وتعالى ان انتي خلااااص نجحتي
وبعد كده يقول لهم خلاص نزله تاني الارض عشان تبدا مرحله ثانيه يا ترى
هل ممكن تبقي الشخص ده هل عملي يخليني ابقى من النص ده ولا ترى هبقى مع النص الثاني اللي هنتكلم عنه فيما بعد بإذن الله.
