كان يقف امام قبرها بصمت فهو اخيرا تجرأ ان يذهب و يزورها ليجلس بهدوء و قال...
حازم : اول مره اتجرأ و اجيلك ... ممكن لاني مكنتش مصدق موتك او ممكن لاني كنت محتاج اعرف ايه الي في الشرايط الاول .... على فكره انا زعلان منك جدا انتي اخدتي قرار بدالي و انا مطلبتش منك ده انتي مشيتي من غير ما تديني فرصه اودعك .... انتي اخدتي قرار لوحدك ...انتي ..... وحشتيني (لتنزل دموعه بشده لاكنه سرعان ما مسحهم ليكمل ) بس انا عارف انك احسن و مرتاحه من التعب و وجعه .... انا هكمل و عمري مهنساكي ..... انا اكتشفت انك الوحيده الي معاها قلبي .... شكرا على كل حاجه عملتيهالي على كل ضحكه و كل ذكرى و كل مكالمه او رساله خلتني افرح شكرا على المشاعر و الحب الي حسستيني بيها .... شكرا انك كنتي في حياتي و انك هتكوني في ذاكرياتي ... مع السلامه يا اول واحده عيونها سجنتني ..
لينهض بعد مده و خرج ليركب سيارته و بدأ بالقياده ليقوم بتشغيل تلك الاغنيه الى ان وصل لنفس الحديقه ليتجه اسفل شجرة معينه و جلس قليلا و هو ينظر لصندوق الشرائط و ينظر له ليقبله طويلا و نهض ليبدأ بالحفر اسفل تلك الشجرة و دفن الصندوق ليجلس مجددا و اسند رأسه على الشجرة و تذكر اول مره اعترف لها بحبه ....
Flashback
كانت تجلس على ذلك الجسر و قدماها تلامس الماء و تنظر للغروب بشكل جميل و هو بجانبها ....
حازم : سرحانه في ايه ؟
ملك بابتسامه : في القمر و الشمس
حازم : اشمعنا ؟
ملك : في مره قريت ان الشمس و القمر كانوا بيحبوا بعض بس بسبب اختلاف توقيتهم مستحيل يكونوا مع بعض
حازم : كمليها.... و علشان كده ربنا خلق الخسوف
ملك : و انت عرفت منين الاسطورة
حازم : القمر قلهالي
ضحكت و قالت : القمر قالك يعني
حازم و هو شارد بها : اها القمر .... انا و هو كنا سهرانين امبارح بنتكلم هو كلمني عن الشمس و انا كلمته عنك..
احمر وجهها بخجل و ادارته دون ان ترد ليضحك هو عليها و قال....
حازم : ايه .... هتفتحي محل فراوله
ملك بخجل : ملكش دعوه
حازم : طيب مش عايزة تعرفي قولتله ايه ؟
نظرت له بجانب عيونها ليضحك و قال ...
حازم : كلمته عن عيونك الي اتسجنت فيهم و ضحكتك الي سحرتني و خدودك الي بتحمر لما تتكسفي و مرخينك الي في البرد بتقلب احمر عن ايدك الصغيرة بالنسبه لايدي عن حبك المجنون للبحر و شعرك الي شبه خيوط الشمس .... بس هنا هو اتعصب فغيرتها ليخوط الدهب
ضحكت ملك و نظرت امامها ليقول هو ...
حازم : انا بحب واحده و عايز اخد رايك اعمل ايه
ظهر عليها الضيق لتقول : نعم !!؟
حازم : ايه يعني بعد قصيدة الغزل ده اكيد عايزة حاجه يعني
ملك بضيق : و اللهي ؟
حازم : اها ، ها اعمل ايه معاها اقولها ازاي ؟
ملك و احمر وجهها : انت تقولها و لو هي موافقه تكلم باباها
حازم : يعني معملش اي اجواء ؟
ملك : لا غلط الاحترام ليها تكلم باباها الاول و غير كده علشان لما تترفض متزعلش
حازم : ايه يا بومه انتي مش هترفضني
ملك : هترفضك
حازم : و انتي تعرفي هي مين ؟ عرفتي منين انها هترفضني
ملك : هترفضك
حازم : واثقه كده ازاي انتي عارفه هي مين
ملك : هتكون مين يعني
حازم : واحده كنت بكلم القمر عنها امبارح و عن وشها الي بيحمر لما تتعصب
و بشكل تلقائي ابتسمت و ادارت و جهها ليقول هو بمناغشه ....
حازم : ها اكلم عمو ولا اترفضت
لم تتحدث فقط ظلت تضحك و هي تنظر بعيدا ليقول ....
حازم : انا مش عارف ازاي و امتى بس انا بقيت بموت فيكي ...
ملك : يبقى تكلم خالو
لتنهض و تركته و هي تمشي بسرعه...
حازم : خالو ؟؟ يعني وافقت ... تعالي هنا يا بت
لينهض وائها .....
End
فتح عيونه و دموعه تنزل لاكنه كان يبتسم لينظر لمكان الصندوق و مشى يده ثم نهض و ركب سيارته ....
🌿🌿🌿🌿
كان وقت الغروب كان يمشي على هذا الجسر و هو حافي القدمين و يضع السماعات و هو يستمع لتلك الاغنيه ليتجه حيث كانوا يجلسون و جلس ليداعب الهواء وجهه و شعره و امواج البحر تلامس قدمه لينظر للغروب و هو يشاهده بابتسامه .....
كده البارت خلص دمتم سالمين
أنت تقرأ
تذكرة فراق
Romanceان تحدثنا عن فراق المسافرون ستتغلب علينا مشاعر الحزن لاكنها ستكون مؤقته بسبب يقيننا انه سياتي يوم و يعودون لاكن ماذا ان كان المسافر تذكرته ذهاب بلا عوده ؟ تذكرته ~ تذكرة فراق ~
