تذكرة فراق

الخاتمه

كان يقف على الجسر بتلك البدله و بجانبه عماد و هي قادمه ممسكه بذراع صلاح و ورائها سلمى و دينا ليقف صلاح امامه و قال بابتسامه  ....

صلاح : مكتوبلي اسلمك بنت من بناتي على الجسر ده ... خلي بالك منها و اوعى تزعلها

ضحك بخفه و قال : دي في عيوني ...

ليبتسم و سلمه ماريسا ليقبل رأسها مطولا ليبدأ الجميع بالتصفيق ليحملها و بدأ يلف بها و هما يضحكان وسط الزغاريت و التصفيق ليتبدأ الاغاني و بدئوا بالرقص معا رقصة العروسان ....

حازم بهمس : انتي عارفه اني لسه معرفتش حكايتك ولا معنى اسمك

ماريسا بضحك : انت لسه مكتشف ده في الفرح

حازم : ما انتي سحرتيني خلتيني منجذب ليكي من غير ما افكر

ماريسا : انا اسمي معناه البحر ... و حكايتي بسيطه خالص انا خسرت والدي في سن صغير و امي من شدة حبها ليه ماتت بعده على طول و اتربيت مع عمي بره

حازم : و كل ده جاية تقوليهولي بعد ما اتدبست

ماريسا : واللهي ... عادي عادي نفك التدبيسه

حازم و شدد من يده على خصرها : دي احلى تدبيسه ...

لتضحك و اسندت رأسها على صدره

🌿🌿🌿

كانت سلمى تجلس و هي تنظر له بفرح ليقول عماد...

عماد : كنت ممكن اصدق اي حاجه الا الى انا شايفه ده

سلمى : و انا ... تفتكر هينساها ؟

عماد : مستحييل ... ملك كانت فتره مهمة في حياته بس هعيدلك ملك ذكرى حلوة ... ملك ماضيه و ماريسا حاضره .. الاتنين بيكملوا بعض من غير اي واحده فيهم حياته ملهاش قيمه

سلمى : انا عايزاه يكون فرحان

عماد : صدقيني سواء هو سواء ملك الاتنين فرحانين

لتضحك و امسكت يده ...

🌿🌿🌿

ظلوا يرقصون و يضحكون طوال النهار حتى انه من كثرة الرقص خلع جاكيت البدله ليبقى فقط بالقميص كانوا جالسون بجانب بعض لتقول هي ...

ماريسا : اشمعنا المكان ده ؟

حازم : علشان انا بحبه

ماريسا : ده المكان الي اتعرفتوا فيه ؟؟

حازم : ايوه .... بس انا عملته علشان وعد قديم

ماريسا : مش بعاتبك احنا متفقين هي ذكرى مهمة في حياتك

ضحك بخفه و قال : هنشوف العقل ده لما اجيب اول بنت

ماريسا : لا لا لا الي في دماغك ده تنساه مش هنسميها ملك انت عايز تحبها اكتر مني

ضحك بقهقهة و قال : انتي مجنونه ... انتي اول حاجه حبتيها فيا وفائي ليها .... و انا قولتلك حبي ليها دلوقتي مختلف هي بقت في مكانه و انتي مكانه هو انتي ينفع مثلا تقارني مكانة دينا بمكانتك ؟

هزت رأسها بنفي ليضحك و قال ...

حازم : نفس الحاجه ... هي الماضي و انتي الحاضر و المستقبل

ضحكت لتعانقه هنا اتت دينا ....

حازم : نعم يا مخربة اللحظات

دينا : لا لا الحب و النحنحه دي قدامك عمر ان شاء الله تعملوه الليلة رقص بس

لتسحبهم و بدئوا برقص بضحك و فرح ليبتعد قليلا ليرتاح لينظر لنهاية الجسر و كان وقت الغروب ليجد طيفها يقف هناك و يضحك له و بشكل تلقائي ضحك هو الاخر و تجمعت الدموع في عينه لتبقى تنظره هكذا قليلا الى ان التفتت و بدأت بالمشي لتغيب مع مغيب الشمس ... ليضحك هو و اتجه لهم ليكمل الحفله ....

حكايه انا و انت اولها هاسبهالك تكملها 🕊

تاريخ البدايه 💙 : 15/7/2023
تاريخ النهاية 💙 : 12/8/2023