Uni
ခွန်းဥက္ကာမောင် ထိုအိမ်ကလေးတွေစီကို ဖုန်းမီးလေးထွန်းပြီးလမ်းလျှောက်လာသည် ။ မီးထွန်းထားတဲ့ တဲအသေးလေးကိုတွေ့တာကြောင့် အဲ့တဲနားလေးသွားလိုက်သည် ။ တဲထဲမှာကောင်လေးနှစ်ယောက်ရှိနေသည် ။ ခွန်းဥက္ကာမောင် ကိုလည်းတွေ့ရော ထိုကောင်လေးနှစ်ယောက်ကထလာသည် ။
" ဟေ့လူ ခင်ဗျားဘယ်သူလဲဗျ "
" ကျွန်တော်က ခရီးသွားပါ ။ ဒီနားမှကျွန်တော့်ကားပျက်သွားတာ၊ မီးရောင်တွေ့လို့လာခဲ့တာ အကူညီများရမလားဆိုပြီးတော့ "
" အော် အကို့ကားကဘယ်နားလေးမှာလဲ "
" နည်းနည်းတော့ဝေးတယ် "
" အဲ့တာဆိုရင်တော့ အကိုသူကြီးစီအကူညီသွားတောင်းကြည့်ပါလား ၊ ကျွန်တော်တို့နှစ်ယောက်ထဲနဲ့ကြ အဆင်မပြေလောက်ဘူးထင်တယ် "
" ဒီလိုလုပ်ပါလား ကျွန်တော်သူကြီးကိုလိုက်ပြောပေးမယ် "
" အင်း ကျေးဇူးပဲ "
" အဲ့တာဆို ဖိုးအေး ငါဒီကအကိုကိုသူကြီးအိမ်သွားပို့လိုက်အုံးမယ် မင်းကကင်းစောင့်ခဲ့ကွာ "
" အေး မင်းပြန်လာရင် ဒေါ်မီးဆိုင်က နှစ်ပုလင်းလောက်ဆွဲခဲ့အုံး "
" အေးကွာ "
" လာ ကျွန်တော့်နောက်ကနေလိုက်ခဲ့အကို "
" အင်း "
ခွန်းဥက္ကာမောင်လည်း မိမိရှေ့မှသွားနေသောကောင်လေးနောက်ကို လိုက်သွားသည် ။ ထိုကောင်လေးကတော့ သူ့ကိုစကားတွေလှည့်လှည့်ပြောနေပင်မဲ့ သူကတော့တော်တော်ပင်ပန်းနေပြီမို့ ဘာစကားမှပြန်မပြောနိုင် အင်းတစ်လုံးသာပြန်ပြောသည် ။
" အကို သတိထားလျှောက်နော် မိုးရွှာထားတော့ လမ်းကချောနေတယ် "
" အင်း "
ရွာထဲဝင်လာတာနဲ့ တိုက်အိမ်အပုလေးတွေ ၊ အောက်ထပ်ကအုတ်နဲ့အပေါ်ထပ်ကထရံ အစရှိသဖြင့် ကျေးလက်ဒေသရဲ့အေးချမ်းတဲ့ နေထိုင်မှုလေးတွေကိုတွေ့ရသည် ။
ခဏအကြာ ရှေ့ကကောင်လေးက ရပ်ပြီးနောက်လှည့်ကြည့်ကာ သူကြီးအိမ်ရောက်ပြီဖြစ်ကြောင်းပြောသည် ။
YOU ARE READING
Mile [ Completed ]
Romanceဘဝဆိုတာပန်းချီကားတစ်ချပ်လိုပဲ~~ ပန်းချီကားရဲ့ လှပခြင်း ၊ သေသပ်ခြင်းဟာဆေးရောင်ခြယ်တဲ့ ပန်းချီကားပိုင်ရှင်ပေါ်မူတည်တယ် ။
![Mile [ Completed ]](https://img.wattpad.com/cover/331667424-64-k489915.jpg)