ملاهى الدنيا
تمام زيي
على مرجيحة الدنيا بتتمرجح
و أحلامك بشويش تطوح
واوحد والتانى وراه التالت
تتسقط احلامى و تجرح
فيا الامل ..
و اركب فالساقيه و ادور
و احاول اصبر و اشوف عمل
طب فين الشغل و انا اشتغل
طب فين العمر و انا اعيشه
طب فين الحب و تشويشه
طب فين ايامي و احلامي
و الامل اللى انا حايشه فنيشه ..
النيش اتكسر
و الامل ضاع
و الحلم بقا كابوس
و الدنيا بشاع
و أسيب الساقيه و ادور
ع القطر او الدواره
وفى الاخر القى بنفسي
فالمانخول وسط الناس
أحلى و اجمل احساس
بالظبط دي هي الدنيا
تخبيط و ضرب و تهبيد
تطلع من مصيبه للتانيه
و انت لو شاطر يا عبيط
اوعاك تقع و لو ثانيه
لفلها حوالين الدنيا
بس اوعى تدوخ
اوعاك تركب غير الصاروخ
ولو حتى القطر
دايما خليك صاحي ع طول
و لا سفينه تركب
ولا ع بيت الرعب تدور
و تدور ع المانخول من تاني
و تعيش ع طول كدا وحداني
فوسط الناس
عارف و الله
اصعب احساس ...
الدنيا كلها كارهاك
و العمر بيجري
ولا حد معاك
و لاعارف تجري و لا تسابق
والموت فقفاك
أحلامك تجرى وراها انت
و وراك الياس
احلامك اسرع
انت ابطء
و يطولك الياس ..
و تدور من تاني
فى ملاهى الدنيا
و تترمي تاني ..
نفس الرميه ..
و تلاقى نفسك راكب
ع مرجيحة الدنيا بتتمرجح
و احلامك ..
كلهــا تطوح ....
