شهداء الحدود **جنود سيناء**
1- ام الشهيد
عرفت معنى الحياه
بعد مارحت يابنى
مش لاقيه حد يهزر معايا
يضحك معايا يلاعبنى
و يعاتبنى
يعاتب امه لما تفضل
عليه اخوه ..
يهزر معانا و يوقع
بينى و بين ابوه
و يرجع يصالحنا ..
انا نفسي ترجعلى ..
مش كفر و الله
لكن انت وحشتني
كان اى ذنبك لما فارقتنى
عارفه انك سامعنى
و عارف اد أي بشتاق
صدقنى يا ابنى
صعب عليا الفراق
لكنى فرحنالك ..
فالجنه و نعيمها
حقك فالدنيا مش جاى
لكن باذن الله
فالاخره الجنه ضامنها
ربك مراح يسيب
ظالم العبيد
هيبقى عبره فيومه
فالنار و جحيمها
رب العباد و الملكوت
ابنى كان حامى الشعب
كان اسد ع الحدود
مات بطلقة غدر طايشه
محت جسمانه من الوجود
لكنه عايش فالحياه الابديه
و اسمه فالدنيا باقى بخلود ..
انت الجبار
اعد حقه و حقوق الشهداء
بوجودك ربي لن يضيع
الحق هباء
تلك الرمال راقت
عليها من اولادنا دماء
ربي ادفن جسمان
مريقي دمائهم فيها
زلزل قلوبهم ربى
انت باريها
انت السميع المتعال
ارحمهم ربي برحمتك
و ثبت بلادي فوجه العدا
كاوتاد الجبال
*****************
2- دم الشهيد
دم الشهيد مفقود
و الحق مش ظاهر
ذكراه تملى تعود
نبكى نقول طاهر
فالسما روحه بتضحك
ولينا مش ظاهر
لانه قابل العدل
و لقى حقه مكتوب
هناك مش زي هنا
و الله مافى هروب
شمتان فى قتله يا اخينا
كبيره عند ربك
صدقنى كانك القاتل
فرحان فى موت ابويا
و موت اخويا الشاعر ..
دا كان سهران طول الليل
و فالبرد مش سائل
عشان خاطر جنابك
تعيش فى دار امن
و في الاخر ...
شرطه و جيش ع الحدود
بيموتو فداه
و هو فرحان في موت
خير جند الله ..
