مشهد من عمر ضحيه
انا اسف لو كنت انا جارح
اصل امبارح
و الله كان اقسي عليا
اكتر منك
مستغربه منى و كانك
شايفه عفريت ..
مش خاين اصلا و الله
لكن جارحك كان فالفؤاد ..
و انت اللى كنت
ورب العباد ...
لو طلبت روحي
ماكانت عليك تغلي
لكن انت خنت
كاااااات cut
ارجع كما كنت
هايل جدا
اجمل دور اديته يا فنان
جرحت و كانك مجروح
سيناريو هايل و الله بجد
قصة و لاعمرها وردت ع حد
.. اجهز للمشهد التاني ..
اكششن action
اذيك
كويس و تمام
يارب دايما
سمعت انك بتحب جديد
ايوا عقبالك
لا يسيدي
المهم تبقي انت سعيد
طيب و انتى اخبارك أي
في نفسها بتقول ..
" تعبانه جدا من غيرك
بجد مش عارفه اعيش
نفسي ارجع تانى
و اشوف عينك
و انام جواها عشان مبكيش
انا اصلا عمرى مخنتك
و لا عمرى مكنت بخون
مشكلتى معاك انى
بقيت احبك حب جنون
و بغير عليك من الهوا
نظراتك ليا كت الدوا
لكن انت اتلككت
اتمنيت نرجع تاني
لكن انت سكت
و عايش كدراما فالافلام "
و الرد يكون "والله تمام"
انا اسفه جدا لو طولت
انا اصلا كنت بقول همى
انا اخر واحده فقاع الحزن
عايشه جواه
و بيجرى فدمى ..
انا اللى حبيته مايستاهل
و اهى كت غلطه
ربنا يجعلها اخر الاحزان
و اخر جلطه ..
اه .. نسيت اقولكو
انا جاتلي الجلطه
بعد السكر
اه عادي ما اصلا الضغط
بيجيب السكر
انا اسفه اصلى
لو محكيت همى
هتجنن اكتر ماانا مجنونه
ادعولى انى انسي الموضوع
او اموت احسن
من انى اعيش
فالماضى مسجونه
كااااااااااات cutt
حلووو يا نونه
اجمل مشهد بجد بكيت
قصة لضحيه و انا اتحديت
بيها العالم
انا اسف لو كنت
اتسليت بمشاعر حد
لكن فنهاية مشهدنا
يحكى ان ..
كان فيه حب و خلص
ودى نهاية الاخلاص
ولو فعلا كان فيه حب حقيقي
لا يمكن ينداس
لكن م الاخر فعلا مات
كل الاحساس
و العقل بقا الحاكم دون قلب
جوا الناس
