كما تدين تدان
خليها دايما شايفه فيك
الفارس بحصانه الابيض
خليها دايما عايشه ليك
نفسها تلبسلك ابيض
خدها دايما بين ايديك
قولها اجمل كلام
حس بيها تحس بيك
عيشو اجمل قصة غرام
علقها جدا خد حبها
خد كل ذره فقلبها
حسسها انها حياتك
و انك بدونها رح تموت
و ابعد بيها عن الحياه
ركز فعنيها وسط السكوت
قولها انا مش ليكى ابدا
امى عليكى مش موافقه
او خونها و قول دا علم غيب
و الجواز قسمه و نصيب
و القدر مكتوب بحبر
و حساباته شغل جبر
و الحياه كلها كم سطر
اعتبريني بين السطور
جمله عبرت و السلام
و انسي الغرام 00
و كل الكلام 00
و ابعد عنها بعيد اوى
عارفك هتنسي كالعاده
لكن راقبلي حياتها حالا
اللى بقت كالقهوه ساده
ميته و عايشه عادى
و تمثيلها ناقص اجاد
قلبها بقا شبه ميت
و اللمعه راحت من عنيها
الورده دبلت و انت السبب
و كتير ورود دبلت بسببك
عرفت دلوقتى السبب
اللى بيه حالة بناتك
اصله كان تحضيرك زمان
ماربك اصلا قالها ليك
انه كما تدين تدان
