نقطه و من اول السطر
نفسى اتعلم ازاى مشتاقش
و ازاى اركن قلبى ع جنب
نفسي اتعلم ازاى اسرق
لحظه من الماضى بدون و لاذنب
نفسي ارجع من تانى
بجد عشانك اسيب الدنيا
انا بعد ماعشت كوحدانى
مش عايز افوت تانى و لاثانيه
من غيرك جنبي
انا عارف انى بعدت
و ان دا كان ذنبي
لكن و الله بجد كتير مشتاق
اصعب شئ فالدنيا الفراق
و كانى فقطر ..
و الدنيا فسطر
و الوحده فسطر ..
و انا بين سطرين
لا عارف ارجع و لا استنى
ولا اروح فين
و الله انا عاشق لعنيكى
و تفاصيلك و الايام
انا عاشق فكرة صوت نومنا
قبل مابنام
و ننام ع الخط
و اشوفك تانى يوم السبت
قدام الكليه
و نظرة عينك تاسرنى
بكل مافيا
مش عارف اكمل عمرى
و احنا بعاد
بجد انا مش قادر اعيش
ادينى ميعاد
نرجع تانى
و اسيب العيشه كوحدانى
مع ان الدنيا عايزانى
و انا مش عايز حد
غيرك انتى ..
انا اصلا مش شايف غيرك
جوا القطر ..
قطر حياتى
انا اصلا مش عايز غيرك
معايا فنفس السطر
مهو انتى حياتى ..
و نحط النقطه بعد عذاب
و من اول السطر
