ماساة طالب فجغرافية طنطا
1- شيت التطبيقيه
ورق و قلم و مسطره و استيكه
و شيت تطبيقيه و قهوه مع المزيكا
طردى عكسى .. عكسي طردي .. لا علاقه
كلام ملوش لازمه و ماده معاقه
طيب تمام معلومه هامه ..
" مرصد حضاري يجب يكون عنصر جدا "
نفسي اجمع جمله كامله
طب اى علاقة كل كلمه باللى قبلها
طب اى الافاده
قهوه كالعاده .. سكر زياده
لا يا امى هاتيها ساده
و قولى حسبي ربى فى المظالم
وفكل ظالم
كل فرعون نفسه اموت
حضر تابوت ..
بحجم 400 تابوت ..
اشوفك يسطا فالملاحق
ده لما الاحق
يعنى أي ..
انسي المساحه
حرااام علييك ..
دى الشعبه متاحه
بعد اى ماخلاص يا صاحبى
اتسلخنا و اتنفخنا
و قعدونا ع الكوريك
مستقبل خلاص و ضاع
حلم برده فالضياع
حب مات بره السكون
قلب عاشق للمجون
كان نفسي اكون ..
بس طول محنا فى مصر
لن نكون
**********************
2- فى قسم جغرافيا
فى قسم حغرافيا
و عاشق للبحار
مواد بالعافيه ..
الحل الوحيد الانتحار
طيب حرام بلاش خلاص
اصفار فالشفوى بالعبيط
و امتحان زى العسل
محتاج يومين فالمغسله
يصبح بصل
و يطرح ماسي للشباب
يحصى اكتئاب
دكتور مهاب
حلم الجميع
اصبح سراب
عقل الجميع
اصبح خرااب
طريقي غطاه الضباب
زى الهباب
نفسي حلمى للحقيقه يظهر
لكن الظاهر النظام
مشفش لحلمى اى مظهر
طيب سلام
مش عايز ابقا حاجه فيها
نسيت الكلام
نسيت الحروف
حسبي ربي فاى ظالم
يبنى من جوانا خوف
**********************
3- امتحان جيومورفولوجى
امتحان طول السنه السودا
وانا قاعد و مش فايق
منمتش من بقالى يومين
مطبق مذاكره و مش رايق
طب احل أي .. طب احل فين
و ازاى و ليه
انا طالب عادي مش خارق .. و لا منظر
و لا سوبر مان و لا سبايدر
بحل و برده مش لاحق
زمن ساعتين ..
فحل ع الاقل يومين ..
طب ادعى لمين او ع مين
طب اروح لمين اشكيلو همى
انا طالب مصري فار دمي
انا حلم ضاع ...
انا امل مات من سنين
كان نفسه يكون طبيب كبير
او عالم و باحث ذره
انا حبيت فكرة السفر
و مبلومشي اللى سافر بره
اهو يدور ع قيمة علمه
اللي ضاع جوا بلده
راح يلحقله كم دقيقه
و يامن بكره لولده
انا جايلك بكره صدقنى
باذن الله ..
اعدى من البلدى بخير
و اكون وياك ..
يا خالى و اخويا و اصحابي
انا جى ..
و سيبوا الجيومورفولوجي تهاتى
و تنهش كل طالب حي
