سلام يا حبيبتى
مش قادر خلاص
ع أي
مش عارف
لا بجد فى أي
اقولك 00
مش قادر اشوفك بتعامليني
كانى غريب
مش قادر اسمع صواك
بينادينى بحس كئيب
مش قادر احس باحساسك
انى بعيد
انا
مش معترفه
لا
ياستى دليل
بكلمك ردك ع اد كلامى 00
كانى غريب
اهزر 00 تضحكى من غير نفس
و اسال ع حالتك
تقوليلي تمام
دى معامله بجد
مكنتش احلم بيها 00
ولا حد يصدق انك كدا
بتعاملى حبيب
و انا اللى صورتك جوا احضانى
طول الوقت
و قلبي يقولى ابعدها دى غداره
اقوله انت اتجننت
دى اقرب منك ياقلبى لعقلى و روحى
واضح انك يا قلبى صدقت
قالى لو حبك زاد هتخونك صدقنى
كلام قلبى بجد قتلنى
و بقولهالك ايوا بجراه
خلاص مش عايزك فحياتى
و اطلعي منها لبره
هتعيش من غيري
ايوا هعيش 00
مش عارف ازاى لكن هقدر
الدنيا عمرها ما بتقف ع حد
و لو طلب الخاين منها بتدي
ولا تدى غير الخاين حد
خلاص مش عايزك
متاكد
ايوا متاكد
انا ماشيه
مع الف سلامه يصلحلك ربي الاحوال
لكن اوعي تنسي توصلي سلامى
لحبك الجديد
و توصيه ميغمركيش بحنانه كتير
و يعيد نفس الموال
لان طبعك ع الحب غدار
و بجد الثقه مبتوفيش
و متستاهليش
