مصدقانى يا بلدي
عارف انك مصدقانى
و كحبى ليكي حبانى
انا ابنك تلميذك
ياللى فالحب مدرسه
انا كتبك و كراريسك
يا اجمل مدرسه
انا اللى اتربيت
ع ارضك
و اتعلمت منك
انا اللى عشق ترابك
و شجع فيكى كوره
و شربت من نيلك
و رسمتلك احلى صوره
وكطفل امه بقلبه محفوره
كنت فاكر و انا صغير
انك احسن بلد بالكون
كنت عايش فيكى املى
انى لما اكبر .. اكون
و انى احققلك رخاء
و اكبر حضاره
كنتلك كل انتماء
تستحقيه و بجداره
لكن بسبب وحوشك
بقيت اخاف م الحياه
اكتر مخاف م الموت
عشقى اللى كان باين عليا
اصبح .. سكووت
بقا املى فيكى انى اموت
خايف يطول عمرى
و نفسي اموت محمود
خايف اكمل عمرى فيكى
بالضرب بالنبوت
خايف ولادى يعيشوا فيكى
برده بنفس السكوت
الظلم فيكى ساايد
و لا يوم هيتمحى
فيكى الكبار فوق الطاحونه
و الشعب .. بين الرحي
انتى الى فيكى
الطحين بيطحنوه
و الميت يموت
بلدى فيكى المعجزات
شعبك عايش فى تابوت
بلدى فيكى الموت امل
الشعب نفسه موت
