(Unicode)
"ကျောက်ယွမ် ဒီလေးနဲ့မြှားကို သွားစစ်ဆေးခဲ့"
"ဟုတ်ကဲ့ အရှင့်သား"
ရှောင်ကျန့် ပြိုင်ပွဲဝင်တုန်းက သုံးသည့် လေးနှင့်မြှားကို ဝမ်ရိက သူ့ညာလက်ရုံးကိုစစ်ဆေးခိုင်းနေခြင်းဖြစ်သည်။ ဘေးနားကနေ ရှောင်ကျန့်ကမျက်လုံးလေး ကလယ်ကလယ်နှင့် အပြူးသား။ ခုဏက စထားတာကြောင့် ဝမ်ရိစိတ်တိုနေ၍ စကားဝင်မပြောရဲ။ ဘေးနားကပင် ကုပ်ကုပ်လေးကြည့်လျက်။
"ကျန့်ကော ၊ သမားတော်ဆီမသွားလို့ ဖြစ်လို့လား"
"ရတယ် ရတယ် ၊ ငါဘာမှမဖြစ်ဘူး ဟီးဟီး"
"အင်း......... ။ အဲဒါဆို စုဝေးပွဲသွားရအောင်။ ပြိုင်ပွဲတွေရဲ့ နိုင်သူရှူံးသူကြေညာတော့မှာ"
"အင်း.....အင်း ၊ ရှေ့ကသွား ငါလမ်းမသိဘူး"
"အော"
ဝမ်ရိ မှာ စိတ်တိုချင်ပေမယ့်လည်း စိတ်မတိုနိုင်။ ဘေးနားက မျက်နှာငယ်လေးနှင့် လိုက်ကြည့်နေသော ကလေးမဟုတ်သောလူကြီးက သူ့ကိုချော့နေသလိုပင်။ စုဝေးပွဲ နေရာတွင် လူအများစုံလှသည်။ ပုရိသတ်တွေရော၊ ပြိုင်ပွဲဝင် မင်းသား မင်းသမီး တွေရော ၊ မွေးနေ့ရှင် ဘုရင်နှင့် သူ့ မိဖုရား မောင်းမတော်တွေပါ စုံလျက်။ ဝမ်ရိ နှင့် ရှောင်ကျန့် ပြိုင်ပွဲဝင်တွေကြားက တစ်နေရာတွင်ရပ်လိုက်ကြသည်။ မကြာခင်ဘဲ ဆုကြေညာမည့်သူထံမှ ကြေညာသံထွက်လာခဲ့သည်။
"ကြွရောက်လာတဲ့လူကြီးမင်းများ ၊ ယခုအချိန်မှာ ပြိုင်ပွဲဝင်တွေရဲ့ အနိုင်အရှုံးကို ဖော်ပြတော့မှာဖြစ်ပါတယ်။ ဒါပေမယ့် မကြေညာခင် နောက်ဆုံးပြိုင်ပွဲတစ်ခုရှိဦးမှာပါ။ ဒီပြိုင်ပွဲအပေါ်မှာမူတည်ပြီး အနိုင်အရှုံးကွဲသွားနိုင်ပါသေးတယ်။ ပြိုင်ရမှာကတော့ အလံလုပွဲဖြစ်ပါတယ်။ နှစ်ယောက်တစ်ဖွဲ့ပြိုင်ရမှာ ဖြစ်ပြီးတော့ အဖွဲ့ဝင်ကတော့ ကိုယ့်ကြင်ယာတော်တွေနဲ့ဖြစ်ပါတယ်။ ကြင်ယာတော်မရှိသေးတဲ့ မင်းသား မင်းသမီးငယ်တွေကတော့ အချင်းချင်း အဖွဲ့ဖွဲ့ရမှာဖြစ်ပါတယ်။ ရုတ်တရက်ကျင်းပသည့်ပြိုင်ပွဲဖြစ်သည့်အတွက် ခေတ္တဆွေးနွေးရန် အခိန်ပေးမှာဖြစ်ပါတယ်။ နားနေဆောင်များသို့သွားရောက်ဆွေးနွေးနိုင်ပါတယ်"
YOU ARE READING
မင်းရဲ့အမိန့်အတိုင်းတည်စေ (Complete)
Historical Fictionရန်အန်း ပြည်ရဲ့အငယ်ဆုံးသားတော် မင်းသား (၁၂) "ဝမ်ရိ"။ ဟွား ပြည်ရဲ့ ဒုတိယမြောက်သားတော် ၊ မွေးကတည်းက လျှို့ဝှက်လွန်းပြီး ဟွား တိုင်းပြည်မှ ပြည်သူတို့တောင် "မင်းသား" လား "မင်းသမီး" လား မသိကြတဲ့ "ရှောင်ကျန့်"။ သူတို့နှစ်ယောက်ရဲ့ အမည်မသိ ရစ်ပတ် နှောင်ဖွဲ့...
