ام كيان:خاب كلها خلصت الا لعريس شني مرة انت وتتأخر نسوان اخوتك كلها خلصت
حوراء:عمة عوفي غير خطوبتة لازم يطلع كشخة.
(خاب ناتروحين شوفي وين صار)
(صار عمة صار بس صبريلي روحي شوفي عمو جان يدور عليج قبل شوية)
(اي اي وين ريمو خل تشوف نسوان شيردن وتبارك خل تنتبه على لعاملات خاف ياخذن شي بسرعة)
(صار عمة هسة اروح لكيان واحاجيهن)
(اوكفي صيحيلي رسل خل تشوف عباتي وين )
(ماشي شوية ودزها الج)
طلعت اجننن لطول ولوجه خرب نوب دكلي ارفضني هوة هم لوجه دنيا كلها تتمنى وهي ماتريد تتزوجني والله نسوان متعرف شنو وراهن جنت اعدل بلقميص جان لون ابيض وسترة لونها ازرق طوخ وبنطرون اسود وشعري توني راجع من لحلاق وبعدني اشوف ياحذاء اختار دخلت حوراء مرت اخوي عادل
(يمة فدوة لهل طول لحلو يمة الله يحميك ويستر عليك حبيبي فدوة لوجهك)
(فدوة لوجهج خيتي تعالي اجيتي بوقتج احط رباط لو لا؟)
(لا لا لا هيج احلى يلة عمة عصبت دكول جا شيحط لحمرة)
(ههههه هسة نازل بس البس لحذاء يلة خل يجهزون سيارات كللهم كيان نازل)
(صار بعيني يمة فدوة لطولك تخبل طالع)
راحت مرت اخوي عادل شوية ودخلت نرجس هاي بنت عمي لبنات الي بعشيرتي صلفات الله يساعد لمرة لراح تاخذني
نرجس:صدك سويتها كيان؟
(شنو نرجس صدك تحجي طلعي برة )
(مااطلع مااطلع وعدتني تاخذني الي)
(شوكت هذ لحجي ؟)
(شوكت هاي رسايل شرف؟)
(نرجس هاي صاللها سبع سنوات سنوات لوضع تغير هسة جنت توني متوسطة هسة وين باعيلي على وجه زواج يلة خل ننزل لهل منتظرينا )
(مااريد اروح واشوف وحدة غيري صير مرتك)
(ماشي بس خل اسد غرفتي خاف دخلين وذبين سحر اعرف سوالفج🙂)
(شكد حقير واناني )
(ماشي يلة نازل باي يوم الالج)
نزلت وامي صارت لهلهل وخالاتي وعماتي ونسوان تركص وتكمز ولخماسي لشرير واكف على صفحة طلعنا وجماعتي شافوني واستقبلوني بركص وهوسات وصلنا لبيت لبنية الماسة الي حطيتها براسي وردت اعاندها وماانفذ لتريدة دخلت عليها وجانت كاعدة منزلة راسها وملفلة روحها مخلتني كلشي اشوف همست بيذانها
(جااا هاي لكشخة كلها علمود دنجين راسج رفعي شوفيني)
ماردت جاهلتني حسيتها معصبة مني بس عادي اني متونس دخل سيد علينا وصارت زوجتي شرعن وبدن نسوان يهوسن ويصفكن واني وياهم اصفك صحت بيهن طلعن طلعن صارت خنكة لان شفتها بدة راسها يفتر حسيتها تريد توكع وخفت يشوفوها نسوان عبالهم مغصوبة او يمكن مغصوبة طلعو وكعت على جتفي ركضت عليها امها واخواتها
ام الماسة:الماسة شبيج الماسة جاوبي
زهراء:يمة ماماكلة من صبح اخاف صار عدها هبوط
ام الماسة:اي اي هي متتحمل لضجة وناس لهواي شيليها شيليها وين خواتج لبقية خل يجن
كيان:خالة اني اشيلها وين غرفتها ؟
( لا ابني احنا ناخذها )
( شنو سالفة وين غرفتها ،،، خيتي زهراء مو تعالي وياي)
ام الماسة:روحي روحي ويا زهراء.
اخذتها جانت غرفتها بلطابق الثاني لان ماكو مكان جوة ولعالم مطشرة بلبيت اخذتها حطيتها على جربايتها باوعت غرفتها سودة لفرشة سودة لحايط اسود جنها غرفت ولد مو بنية وكأيبة
كيان:خيتي مرة خصتج نازل اني ظلي يمها شوفيها شبيها.
زهراء:مشكور اخوي رحمة الله والديك.
نزلت واني بالي يم لكشخة مشافتها وكتها تتخربط بس هي شعليها معازمنا عشيرة مو معازيم رحت وياهم كملت ركص خلصت لخطوبة طلعت ويا جماعتي اسهر ونسة للصبح يحتفلون بيها رجعت وجه لفجر رسن نمت مافكرت بأي شي صبحت صبح على صوت امي صيح على جناين
ام كيان:حفلة وخلصت نوم وشبعتج يلة يلة لبيت خايس جايف اربع نسوان بي ولسة خايس شيكولون علينا
رسل:جا عمة مو لعاملات نظف .
(سكتي انت سكتي ام لعجز متستحي عاملة تنظفلج امشي امشي للمطبخ انت وريم كلبنا كلب واي نقص بغراض لمطبخ كليلي اريد اشوف وين راح نقص ،،،وانتن تبارك وحوراء لبيت كلة نظفنا اريدة يلمع ،،، حوراء وجهي هاي لعوبة ماتعرف تشتغل ترة)
حوراء:صار عمة.
تبارك:عمة ليش عوبة اني .
ام كيان:امشي شتغلي بدل هل حجي.
وبدو يشتغلون بهل بيت وطكطكة ولهوسة وامي صعدتهن حتى للسمة ينظفن لغيوم اويلي عليج الماسة شراح يصير بيج هههه ذكرت لبارحة تخربط حظي حتى صورة ملحكت اخذ وياهة ولا حتى شافت لكشخة فتحت تلفون حتى اراسلها حاظرتني بعدها نزلت لاني صبحت عليها
أنت تقرأ
أمرأتي ليست عذراء
Tiểu Thuyết Chungقصة جميلة واتمنى تعجبكم تتكلم عن لبطل الي هوة كيان يقرر يتزوج من بنية امة تختارها وبعدها يصير يشوف الاشياء لغريبة بلبنية وعن لبطلة شخصيتها وحياتها
