"احياناً يرتكب الذين يحبون اخطأ لكن لابأس يمكننا لبدء من جديد "
زهراء:ماسة اخذي لجاي اجني نسوان روحي بسرعة.
ماسة:ديلة وين زنيب صبلي جايات .
زينب :تعالي خلصت خلي ديار ساعدج .
ديار بنت خالتي كلش بنية حبابة واحبها كلش جانت صديقتي عدها علاقة على الانترنت قصة حب صاللهم ثلث سنوات وقبل اسبوع جانت خطبتها ابوها غصبها على واحد متحبة جانت كلش تعبانة وجيتها بلفاتحة كلش ريحتها صارت تجي تشكيلي من كثر مسولف نسيت نفسي مرت ثلث ايام لفاتحة واني وياهة وهي وياي مثل ظلي نسيت كلشي وياهة وكيان ابد ماحجيت ويا ولا جاوبتة وهوة اساساً قليل يتصل اجتي امة هوة وصلها طول مدة لفاتحة واني حتى ماطلعت اشوفها وحتى كيان مطلعت ولا شفتة لان جنت اساعدهم شوية للبنات وباقي لوقت متمددة لان بطني تأذيني واحس جسمي تعبان وبس اتحرك تلعب نفسي واريد اتقيء واي شي اشمة تلعب نفسي بس مااكول لاي شخص دائماً حابسة نفسي وديار يمي اطلع شوية اساعدهم وارجع بس اشوف نفسي تعبانة خلصت لفاتحة ولكل راح لبتهم بقت بس زهراء وزينب وديار بعد متوسلت باهلها تبقة
ديار:ماسة امشي ؟
ماسة:وين شنو ؟
ديار:اشششششش بس تعالي .
اخذتني للسطح وتوسلت بيا تستخدم تلفونها وتحجي ويا حبيبها ضلت لمدة طويلة تحجي وياي وتقنعني اوافق بس جنت قافلة لان علاقات محرمة ومااقبل عليها حسيت علينا اختي مريم واجتي النا
مريم:دسووون؟
ماسة:هيج دنسولف بيناتنا روحي .
مريم:شكو اروح ؟ اعرف على شنو تحجن انطيهيا شراح يصير اصلاً هي راح تزوج .
ماسة:هاج اخذي بس بعد متخلصين كوليلة ليتصل علية ابداً .
مريم:ميحتاج هاج تلفوني اخاف يصير لهاي لغبية مشاكل مالي خلكها.
ماسة:منو لغبية ادبسز.
مريم:انتي !
ماسة:لج شنو متربيتي انتي؟
مريم:اشاقة وياج شبيج .
ديار:ههههههه
ماسة:خلصن ونزلت رايحة احجي ويا زينب وزهراء يردني جوة دزلي رسالة.
عفتهن ونزلت يم امي وخواتي سئلن على مريم وديار كتلهم دتاخذ من مريم ملابس وكعدت يمهم بعدها حظرن الاكل وكمت اني اصيح لبنات صعدت الهن اسمع ديار تبجي وتلطم على وجهةومريم واكفة تباوع عليها ركضت عليها اوكفها اخاف سوي وجهة احمر ويشوفوها او اصلاً صار وجهة احمر بعديش
ماسة:ديار ولج لا لسيون هيج ديار هسة اميرتسمع وتخابر اختها يمعودة انتي شبيج صافنة ليش موكفتيها ؟
مريم:هوة لحب هيج يسوي لو دتبالغ؟
ماسة:نجبي وساعديني وكفيها .
عافتني مريم وراحت مدري شبيها هاي لبنية اني حاولت اجتفها حتى متخرمش نفسها بس تفاجأت بلمي طفر على وجهي اني وديار رفعت راسي مريم ذبت مي على وجه ديار بقوتها صرخت بوجهة انتي مخبلة بس هذ شي ساعد ديار ختنكت من لمي وسكتت بعد مكامت تبجي
مريم:يلة كومن ناكل جوعانة.
ماسة:كبر شنو من بشر انتي ؟امشي ديار حبيبتي تعالي روحي نامي بغرفة هاي لمخبلة راح اكللهم نامت ماشي .
تركتها بلغرفة ونزلت اباوع على مريم لجمود الي عدها يقرة الف مدري شلون تكدر تسوي هيج جانت امي ماكو رايحة بغرفتها ترتاح كعدت يم خواتي يشاقن ويا مريم ومريم ضوج عافتنا وراحت للغرفة وهنا استلمني خواتي بلاسئلة
زهراء:هسة لفاتحة وخلصت امي ونامت ومريم وراحت يلة سولفي .
ماسة:شسولف ؟
زينب :ترة مو غشيمين سولفي شصاير ؟
ماسة:تعبانة بيت عيالي كلش ومااكدر اكمل وياهم.
زينب:ليش ؟
زهراء:اذا عشغل ترة كلنا نفسج .
ماسة:لا مو لشغل .
زينب:لعد ؟احجي
ماسة:مااعرف بس الي اعرفة اذا رجعت هناك اموت مية بلمية.
زهراء:ياستار ياربي .
زينب:احجي خوفتيني.
ماسة:قبل فترة مو تأذيت ونمت مستشفى وضليت هواي نايمة؟
زينب زهراء:اي؟
ماسة:بسبب سحر جنت مسحورة وسحري قوي اشوفة وراح اختفة وهسة هم رجع كل ماادخل غرفتي اتهستر صالي خمس ايام بيت عيالي تخبلت نوم مجاي انام وعندي الم بطني مو طبيعي يجيني فجأة اضل اصرخ وهسة صار لوجع خفيف ورتاحيت من اجيتكم .
زهراء:اعوذ بالله خل اشغل قرأن.
زينب:اي ومنو مسويلجيا لو هوة بلبيت ؟
ماسة:مااعرف بس اني شاكة بت خالتة تحبة كلش وهي هددتني .
زينب:معليك باجر من صبح نروح لام لخيرة ونروح للسيد يسويلج حرز .
صار ليل وكلها نامت واني كاعدة افكر افكر بكلشي واجتي على بالي ديار من صرخت وسؤال مريم من كالت هيج لحب يسوي وطرح بالي سؤال اني احب كيان لو لا ؟
صار صبح وطبعاً الي متوتر اكثر مني اختي زينب لان فززتني من نومي حتى اروح لام لخيرة اخذتني وراحت بس اني وياهة بدون علم اي احد بس امي وافقت بس مكدرت تجي ويانة لان تعبانة كلشي اخذتني ورحنا وصلنا يم بيت تعبان وبنائة قديم دكينا لباب وفتحتلنا لباب مرة كبيرة بلعمر سلمت على زينب تعرفها واني صفنت بوجهي لزمتني من ايدي وسحبتني جوة قبل لا اسلم عليها باوعت بوجهي وكالت ماما هاي شصاير بيج ؟ اخذت دلة فافون عليها زغارف جانت محطوطة على لميز وصارت تشوف بيها سئلتني شنو اسمج "الماسة محمد عبد الجواد "
ام الخيرة:اسم امج حبيبتي ؟
زينب:الماسة بت ضحى .
ام الخيرة: اي ماسة شنو هل سحر هذ لمسوتلجيا هاي اويلي عليج .
زينب:اي خالة.
ام الخيرة:بس سباعية هية وخوش بنية وربج ترة بلمرصاد انتي بس توكلي عليه ،،،، حبيبتي هوة سحر ومسلطين عليج شي بس قوي نفسج واكو شي بداخلج جاي يصدة .
زينب :شنوة هوة خالة؟
ام الخيرة :هههه خية راح تفرحين بس هاي لبنية لترجعوها لذاك لبيت ...بطنج تأذيج؟
الماسة:اي ؟
ام الخيرة :زنوبة اخذيها بوجهج للسيد خل يقرة عليها لبنية مامسها شي بس يقرة عليها صير زينة وذاك لبيت لترجعيها وديها بعدها للدكتورة خل تفحصها نسائية تتقيء هواي .
زينب :ان شاء الله زين هي مشربة ماكلة؟
امرالخيرة:محاولات وياهة بس ربج حاميهة وهذ لبطنها صاد كلشي.
زينب:شنو لبطنها ...حامل؟
ام الخيرة:اي خية هههه الله يجعل لخير بطريقج كولي امين .
جنت مصدومة بلحظتها متوقعت هذ شي متفاجأة وتفكير ماكو براسي زينب حضنتني وتبوس بيا ودكلي مبروك بس اني ممستوعبة لموقف فرحانة كلش حسيت بشعور غريب تملكني وخاصة من كالت هذ لبداخلها صاد كلشي رجعت للمرة "وكتلها مصاير بي شي زين مو ؟؟ "ضحكت وكالت "هاي نعمة حبيبتي وربج يحميها لنعمتج روحي بوجهج لسيد ونوب روحي للدكتورة يلة يلة "
لميت نفسي واخذت اختي وطلعنا توسلت بيها نروح مقبلت لان اطفالها بس قنعتها كوة ورحنا للسيد جان مكان بعيد وطريق كلة زينب خايفة اول مرة نروح لمكان بعيد وهمزين جان عندي فلوس شايلة دخلنا للمكان ماانكر شوية صار ثكل برجلي بس حاولت ادخل بمساعدة زينب ودخلنا وصار يقرة على راسي ويرتل لقرأن انطاني ورقة كال علكيها بركبتج وانطاني مي اسبح بي وغسلي وجهي وكال "بعد مشوفين شر ان شاء الله ".
وطلعنا رجعنا للبيت بس اني احجي لزينب واقنع بيها نروح لدكتورة نسائية بس جان لوقت صبح ودكتورة تفتح لعصر رجعنا للبيت وصارت زينب سولف لامي وكلهم فرحو وطمئنو بس اني منتظرة على نار اشوف صحتة زينة لولا
ام ماسة:اكلج ماسة كلتي لرجلج؟
ماسة:لا يمة شلون اكلة قبل لا اتأكد من اروح لعصر واتأكد اكلة .
صار لعصر ورحنا اني وامي وزينب ظلينا ننتظر لحد مصار دورنا دخلت على لدكتور
دكتورة:اي ماسة شنو عندج؟
ماسة:اريد اعرف نفسي حامل لو لا ؟
دكتورة:ها شكد عليج دورة ؟
ماسة:مااعرف بس صاللها هواي مجاية اني مااحسب دورتي.
دكتورة:خوش اصعدي .
صعدت على سرير وصارت تفحصني وتشوف بعدها ابتسمت وعرفت نفسي صدك حامل لا شعورياً رسمت ابتسامة على وجهي ودمعت عيوني وصرت ابجي ودكتور تحاول تسكتني وتضحك وياي صرت اشوفة بلشاشة شعور حلو كلش وغريب وشعور يفرح حسيتة مو بس دخل حياتي لا فتح باب من ابواب الفرح لحياتي سئلت لدكتورة اذا جانت صحتة مو زينة بدت سوالف الدكتورة
دكتورة :صحتة؟؟؟امممممم
الماسة:دكتورة بس دخلي امي عادي ؟ هي تفتهم .
دكتورة:ههه خل ابشرها قصدج ...عيني ام علي بس نادي ام البنية تدخل .
طلعت لمرة وااسمع بعدها الا صوت لهلهل فرحت وتفاجأت منو الي هلهل وامي حزينة بعدها مااحس الا ودخل كيان ورا عمة وجانت صدمتي هاي شجابهم ؟
يتبع...
بداياتي ...❤️❤️
أنت تقرأ
أمرأتي ليست عذراء
Ficção Geralقصة جميلة واتمنى تعجبكم تتكلم عن لبطل الي هوة كيان يقرر يتزوج من بنية امة تختارها وبعدها يصير يشوف الاشياء لغريبة بلبنية وعن لبطلة شخصيتها وحياتها
