كيان:امي جننتني هم رجعت على سيرة لزواج !
علي:اي زوج وريحها بعد وراها مرتضى شراح يقنعة.
كيان:يمعود لمرة دوخة شلي بيها.
علي:يا دوخة كيان اشو خطية هنا بس يشتغلن ويدارن جهالك هاك شوف محسن شلون يصاحب نسوان ويطلع ويطب فد يوم اجة كال مرتي زعلانة؟
كيان:والله ياخوي مااعرف اني هم محتاج ازوج تعرف انت
علي:ماتزوج لعد وتاكل .... احسن مشالع كلب خالتي حبيبتي ، راح اكللها زوجتي هاي لبنية الماسة فدوة لله شكد حلوة مالكيتها ولك مدري اختفت الف مرة رحت للسوك بعد ماشفتها.
كيان:اني اول مرة اشوفها مااعرفها .
بعد ماظلت امي تقنع بيا اسبوع كتلها شوفيلي بت لحلال وكالت خوش رجعت للبيت بل ٣ بليل رجعت بسرعة نمت ماشفت احد صبحت صبح على صوت امي صيحلي من فوك نزلت علية واشوفها كالبة لبيت كلب وتصرخ وصيح على جناين خطية
كيان:يمة شبيج عليهن؟
ام كيان:اسكت انت مالك دخل امشي تريك عندي شغلة وياك لعصر .
نزل مرتضى يضحك علية
كيان:شبيك تضحك انت
مرتضى:ليوم يحصروك وعلي.
كيان:ليش شكو؟
مرتضى:امي شافتلك مرة ودكول فلعة مال كمر .
كيان:ان شاء الله خير .
جنة نحجي بلصالة دخلت مرت عادل خطية انطتنا الاكل وراحت انقهر حيييل عليهن بسبب امي هواي شغلهن
كيان:يمة ليش متخلين نسوان يعزلن؟
ام كيان:ليش يمة شكو ؟
كيان:خطية غير بيتهن يرتاحن شوفيهن شلون وحدتها مضبرة .
ام كيان:كلنا هيج شنو جنت اشتكي من حبوبتك طلعني للحوش اخبز بهاي شمس ظهرية ولابسة شيلة ولعصابة ؟
كيان:جا يمة ابوي ماعطف عليج وحطج هسة بيت ١٠٠٠متر
ام كيان:اكول هسة انت ليش متاكل وتسكت.
كيان:راح اسكت ،، شنو يكول مرتضى شفيتلي مرة؟
ام كيان:اي وحدة بيتهم بلشعب نروحلهم انا وياك لعصر.
كيان:متشي انت رحتي شفتيها؟
ام كيان:اي ولبنية جانت غايبة وامها كالت تريد عود شوفك لبت .
كيان:خوش .
صار لعصر ورحنا للناس دخلنا بيتهم صغير جان مااعرف مساحتة بس صغير دخلنا للبيت الاثار فد شي ومرتب استقبلتنا امها استقبال حلو حيل عجبتني صارت سولف هي وامي بس اني حسيت بملل ضليت استخدم تلفون شوية وكالت امي وين عروستنا وكامت امها صيحها طبعاً تأخرت هواي هواي اشوف خيالها يجي يتقرب ويروح بسرعة الى ان اخيراً اجت كعدت اباوع على رجليها بيض ثلج على ايديها يخبلن لابسة فستان وحجاب وكاعدة وكلش خجلنا حتى عينها مرفعتها حجت وياهة امي رفعت راسها واخيراً كدرت اشوفها وانصدم بلي شفتة ظليت صافن بيها يربي شنو هل جمال شنو هل انوثة
ام كيان:يمة حبيبتي رفعي راسج خن اشوفج،،، يمة فدوة لله تخبل الماسة مو؟
الماسة:اي خالة.
ام الماسة: تخرجت من سادس علمي هاي سنة.
ام كيان:جا يمة ماتحجي ماافتهم باهي سوالف؟
كيان:يمة دكول خلصت لعدادية يعني راحت جامعة ،،،، شكد معدلج؟
ام الماسة :٨٠ شاطرة تريد تروح تخصص كيمية.
كيان:حلو خوش قسم .
ام كيان: بس شلون مانكدر نخليها تدرس ؟
ام الماسة:مااعرف والله بس بنتي تريد تدرس تخلص دراستها.
الماسة:ماما رايحة اني.
ام الماسة:ماشي روحي .
الماسة:استأذن.
عفتهم وطلعت مختنكة حيييل مو من الي خاطبني لا بس شعور بداخلي مال يأس الي تمنيتة اخلص دراستي واتعين واعيش بفلوسي بس ويا هذ لمشجتمع مستحيل مجتمع يدمر الاحلام وطموح طلعو ناس واجت امي تحاجيني عن رأيي
ام الماسة:ها بشري عجبج ؟
الماسة:كلتيلي من طرف منو؟
ام الماسة:من طرف اختج زهراء لمرة شافت اختج زهراء وسئلتها اذا عندهت اخت بس لولد ترة مقاصر طويل وابيض وحلو ومبين ابن خير ماشفتي!
الماسة:اي شفتة ناس خوش ناس ومثقفين بس امة شوية مبينة وكحة ؟
(عادي اهم شي انت زوجج )
(يمة خليلهم اعزل مااريد ويا عيال عدها ست ولد وكلهم متزوجين بس تخيلي لوضع؟)
(اشوف احاجيهم اذا وافقو واذا مرافقو شلون ترة هواي شرطنة)
(وذا يمة اول بشر هوة؟)
(مو اول بشر بس ترة رايكلج واني مرتاحة لهذ لولد اخذتلج خيرة معليج)
( يصير الي بي لخير)
أنت تقرأ
أمرأتي ليست عذراء
Ficción Generalقصة جميلة واتمنى تعجبكم تتكلم عن لبطل الي هوة كيان يقرر يتزوج من بنية امة تختارها وبعدها يصير يشوف الاشياء لغريبة بلبنية وعن لبطلة شخصيتها وحياتها
