أمرأتي ليست عذراء

البارت ٢١:لحظات من حياتي سعيدة 🫶🏻

...منذ متى و انتَ تسكن داخلي غريباً انتَ على قلبي اريدك بجانبي الى الابد عندما تنظر الي اشعر بلامان وعندما تذهب نظرك عني كأني خسرت كل شيء فلا تذهب بناظرك عني ارجوك...

كيان:صباح لخير .
ماسة:صباح نور .
كيان:شلون يوم حلو وقت حلو ولحظة حلوة.
ماسة:اي نمت زين .
كيان:بلعافية ايدي موجودة بكل وقت الج .
كمت بسرعة من حضنة لان حسيت بخجل وكفت بسرعة وهوة ضل يضحك علية لملمت افراشي مدري ليش ورجعتة نفس مكانة ورحت اخذت مخدة من سوير ورجعتها وهوة يضحك بصوت اعلى لان دخلت معرف شسوي اخذت منشفة ورحت بسرعة للحمام فتحت لمي وصرت اسبح وافكر شلون هيج نمت شلون هيج تعمقت بلنوم بس اني مرة ثانية هيج انام يم كيان بس هاي لمرة مختلفة ليش معقولة صرت احبة؟ لا لا لا لازم ماافكر هيج لان مستقبلي صعب ويا لازم اتخطة بس جنت مرتاحة كلش اذا نمت بليل ليوم يمة هم ارتاح من اجيت لهذ لبيت لحد لبارحة مجنت انام مرتاحة ودائماً اسهر وتفز لصبح من وقت وماانام ظهريتي حتى عيني زاد سوادها بس لبارحة كلش ارتاحيت لدرجة طمعت بهاي لراحة معقولة سوالي سحر ؟؟؟؟ اخذتني الافكار ونسيت روحي بلحمام بعدني لمي يجري على راسي دك لباب علية كيان وصاحلي يلة ماسة طولتي اريد ادخل ،،،طلعت من لحمام ودخل كيان استغليت فراغ لغرفة غيرت ملابسي وطلعت بسرعة نزلت جوة صبحت على لبنات رحت لحوراء شفتها وصبحت عليها ورجعت للمطبخ جنت شاردة ذهن تماماً افكر بلوقت الي نمت بي بحظن كيان تاخذني صفنا طويلة وارجع للحاضر حست ريم علية سئلتني اذا بيا شي بس كيان سبقني بلجواب
كيان:نامت بحضني لبارحة وصبح نخلست .
ريم:ههههه صدك ؟
كيان:اي بعلي مدري شجاها بس تصفن ههه انادري هيج حظني يسوي جا احظن نسوان كلها ههههه.
خجلت من كلامة فضحني تعصبت وطلعت من لمكان رحت يم حوراء سئلتني شبيج لان جانت تعابير وجهي معصب واضحة جاوبتها مابيا شي بس بعدني معصبة ضليت يمة ربع ساعة وسمعت عمة صيح جا شني ماسة وين كل ماادخل لمطبخ مالكاها وخالة شغل على هاي لمرة ؟
ماسة:صباح لخير عمة.
عمة:لا صبحت الله كون وين جنتي؟
ماسة:يم حوراء.
عمة:جا شسوين يم حوراء ؟
ماسة:هيج.
عمة:جا شني جايبتج سوين هيج اني ؟
ماسة:بس .
عمة:لا بس ولا شي امشي وخري من جهرتي .
ماسة:عمة ليش صيحين علية شمسوة.
عمة:ولج عين تردين اهلج ماربوج الاكبر منج من ياحاجيج سكتين ادب.....ز
ماسة:عمة اني مترباية نعمة تربية.
عمة:لج وين عوجية جيبيها لج انتي بكد بزر بزري تردين علية.
لزمتها ريم وتتوسل بيها تهدء علمود صحتها دخل كيان علينا وشاف امة متعصبة ركض عليها بسرعة ويحاجيها شكو شصار واني واكفة اباوع عليهم
عمة:شوف مرتك شلون ترد علية وتجاوز.
ماسة:مجاوزت عمة محجيت شي اني .
كيان:ماسة صعدي فوك.
ماسة:كيان محجيت شي والله .
كيان:صعدي فوك ماسة .
سمعت كلام كيان وصعدت فوك كعدت بغرفتي ظاهر لمشاكل مراح تتركني ضليت كاعدة انتظر ذكرت امي بهذ لوقت وخواتي صالي هواي ممتواصلة وياهم ياترى امي حست بيا سئلت علية ؟؟ زين هما بخير لو لا تلفوني نكسر مااعرف شلون اتواصل وياهم وغير انو اني اصلاً مجنت اخابرهم جنت ملتهية بلمشاكل شلون دسوي هسة اني دتطبخ لغدة لو تنظف هي ومريم اشتاقيت الايامي وياهم حتى اذا كانت سيئة !؟ قطع حبل افكاري كيان
كيان:ها ماسة؟
ماسة:ماحاحيتها شي والله هي معصبة مني من لبارحة.
كيان:ماسة فدوة كافي بعد .
ماسة:شنو كافي دكلك مو اني !
كيان:ادري ماسة باعي اما انتي تسمعين وسكتين متردين على احد منا لحد مينسون عركة لبارحة لو نظل نتعارك لحد مطك رواحتنا .
ماسة:ماشي ميخالف بعد راح اتجنب.
كيان:فدوة لوجهج تعالي بحضني دافي خل اخلسج.
ماسة:هههه شنو ما روح.
كيان:هههه تعالي نام يلة مشبعنا نوم وامي معصبة منج خل نغلس ساعتين.
ماسة:لا لا وخر خل انزل اساعد ريم.
اتقرب علية شوية شوية صار كلبي يدك سريع وصلت مااجمع كلامي بس اكول كيان ريم وهوة يضحك لزم ايدي واخذني لحضنة هوة طويل اطول مني فراسي صار على صدرة وحضني حييل بقوة وصاح بنيتي انتي اخذني للسرير وكعدنا اني ويا
كيان:ماسة احبج .
ماسة:ها!
كيان:عادي موهسة تحبيني لعمر طويل واني زين ان شاء الله وياج راح اخليج تحبيني ، ماسة اريد الزم ايدج بدون ماترجفين مثل هسة واريد اكعد بصفج بدون ماتخافين واذا صارت مشكلة مااريد تنهزمين مني اني سندج وحاميج شلون تنهزمين ؟
ماسة:بس انتة منطيتني فرصة؟
كيان:ادري واسف بعد مااعيدها هاي بعد من هاي لحظة اتغير .
ماسة:ماشي اروح هسة يم ريم.
كيان:خرب عوفي ريم موتيني شحجي مو اكلج لتنهزمين.
ماسة:لا محاي انهزم .
كيان:ورجفة هاي ؟
ماسة:هيج لا مو رجفة.
كيان:بوسيني لعد؟
ماسة:ها!!!!
وهنا جانت ثاني بوسة من كيان حسيت بشفتة وهي على شفتي ناعمة وترفة حسيت بنفسي هادئة ومرتاحة نبضات كلبي توقفت وصرت مااسمعها جانت ايدية مربطة لازمها كيان يمكن حتى ماادفعا او اضربة بس مجانت عني نية بهذ شي لان فقدت الاحساس معقولة متت بعد شفتة اني واني ظليت بوضعي هذ مااتحرك ورجع كرر لبوسة بس حل مرة جانت اعمق حسيت نفسي بغير عالم عالم حلوو هوة هذ لحب ؟؟ بعدها عافني وطلع واني ظليت بوضعية الانخلاس على كولتة ظليت صافنة بلنص ساعة بعدها صحيت على نفسي ونزلت لريم اساعدها وكيان ماكو مدري وين راح كملت يومي واني بين صفنة وبين اشتغل وريم كل شوية تضحك علية خلصنا لعشة وتعشو كلهم واني ادور على ظل كيان بس ماكو سهاد ماشفتها طلعت حجة بسبب عركة لبارحة منهارة ومتكدر تحجي وهذ شي ريحني يمكن تخف لمشاكل خلصنا ناعين لعشة وحظرنا عشة لنفسنا ورحنا يم حوراء ناكل ريم صاحت على جهالها وكعدنا ناكل
حوراء:بيج شي ماسة شو اشوفج صفنين هواي خلصنا عشة ووجاي نسولف وانتي مو يمنا.
ماسة:لا وياكم وياكم.
ريم:ولج مادريتي؟
حوراء:شنو؟
ريم:جا غير كيان حاضنها ولبنية مخلوسة هههه.
حوراء:لابربج ؟.
ريم:اي والله هوة كلي وموتني مو ضحك.
حوراء:هاي من حضنة هيج لعد لبوسة شسوي بيج؟
ماسة:هوة توفيت!.
حوراء ريم:شنو؟
ماسة:هيج ماكو شي .
ريم:باعي تعاي اكلج؟امج مسولفتلج شيصير بين لمرة ولرجال؟
ماسة:لا!شيصير هوة غير واحد ينام بصف الاخ؟
ريم:يحضك يكيان يحضك يكيان.
حوراء:هههههه ولج ريم لتحجيلها هاي فطيرة.
ماسة:شنو شنو؟
ريم:هي هوة كيان ياحاجيج.
ماسة:اكو شي غير لبوسة؟
ريم:اكو اشياء مو شي هههههه.
ماسة:شنو حتى ماانصدم!
ريم:بعدني بلكي كيان يسبق لحدث .
ماسة:شنو ريم فدوة كليلي ؟
ريم:هيج هيج يارب كون دائماً سعادة بطريقج.
بعد ماتركت لبنات صار عقلي متعقد اكثر من لازم افكر بلي كالنا لبنات وبلي سوا ليوم كيان صار عندي فضول على شي الي كالتة ريم وماعندي تلفون اسئل صديقتي صالي هواي ممكلمتها وحتى اذا سولفتلها هسة تعاتبني رحت على ريم دكيت لباب عليها واجتي حجت وياي بغرفتي
ريم:هههه لفضول ترة مرات ياخذ صاحبة لتهلكة !
ماسة:هسة بس كليلي واني مااروح تهلكة.
ريم:باعيخل اكلج على شغلة !
ماسة:اي ؟
ريم:صالتج شكد ممعدلة نفسج ؟
ماسة:ليش هسة اني مو حلوة؟
ريم:لا تخبلين بس لمرة لمتزوجة لازم تتمكيج وتشصور شعرها وتلبس ملابس نوم بغرفتها غير هيج ؟
ماسة:اي عادي اذا اتمكيج واعدل نفسي ! بس سيت نوم مستحيل .
ريم:ميصير هذ زوجج ترة حرام متنطي حقة.
ماسة:شلون انطي حقة .
ريم:باعي اني هسة اكلج ، شوفي هسة هوة برة انتي شسوين كومي البسي يعني دشداشة اذا كلش تستحين بس مو طويلة جنج ارملة لا البسيها شوية دلعة وضيقة عندج وحدة مرة شفتها وكتيلي مكدر البسها ضيقة البسيها بلغرفة ومكيجي نفسج شوية وحلي شعرج شوفي يجنن شعرج حلي خل يشوف شعرج وكعدي انتظري اوكي .
ماسة:ماشي !
ريم:هاي خوش يلة اني اروح انتي حظري نفسج واي شي تردي تعاليلي دكلي علية لباب عادل مموجود ترة مسافر .
ماسة:ماشي شكراً ريومة كلبي .
راحت ريم لغرفتها واني كمت باوعت على نفسي لمراية كلت لنفسي شنو محتاجة باوعت جان اكو شعر بوجهي رحت ركض لريم قبل لتروح وخطية فزت اجتي ساعدتني وحفتلي حاجبي وشاربي هههه وبعدها طبيت سبحت وطلعت طلعت لدشداشة جانت حمرة لونها وردنها قصير كلش وبيها دناديش ذهبية حلوة ودلعة كلش مدري منو جابها الي اذكر اجتني هدية من اختي لكبيرة هههه احتاجيتها ذكرت اختي وبيجت شوية عليهن كلهن ورجعت عدلت نفسي اخذت لمشط وبديت امشط واعدل واخذ مني نص ساعة شعري لان طويل وثخين وبعدها خليت مكياج اعرف اخلي بس مو مضبط مثل لمحترفين عادي بس وردي خدود وحمرة ومسكارة وبس هذ يلوكلي اطلع اشك شك هههه وبديت انتظر كيان شوكت يجي كل شوية ابتسم وحدي جني مخبلة بعدها بشوية سمعت صوت جهال ريم بلباب طلعت اشوفهن شبيهم لكيتهم واكفين خطية ميتحركون سئلت عن ريم كالو نزلت جوة عافتنا نريد نام طمنتهم اني راح انزل اشوفها لبست شي فوك دشداشتي طويل وطلعت واخذت حجابي نزلت اسمع صوت عمة دكول الله ستر عليكم همزين كيان يمكم جان شصار بيكم ستغربت من كلامها جاي اروح للاستقبال وافتح لباب سمعت صوت كيان يكول لحمدلله على سلامتكم خالة وكفت منو هذول بس لا ونفتحت لباب قبل لا افتحها طلت كبالي بنية صغيرة مراهقة صفنت بوجهة منو هاي اول مرة اشوفها ماسلمت علية شافتني وراحت دخلت اني وريتني مدخلت شفت لبعيرة كاعدة هي وامها وكيان وياهم وعمة وريم سلمت عليهم وصفنت بوجه كيان جنت حاطة مكياج شوية وشعري طالع من لشال مبين معدل شعري اترخصت وطلعت جنت كلش مقهورة مااعرف حسيت نفسي ممكتوبلي افرح هاي اذا دخلت لبيت يعني وراها هجمة مو طبيعية اخذت روحي وردت اصعد لغرفتي ارجع مثل قبل شكلي صدكت لحلم الي اني بي .

.....يتبع

اتمنى تدعمون للقصة حتى اكملها 💕