أمرأتي ليست عذراء

البارت 12

ام كيان:جا شوكت ترجع امريتك ؟
كيان:خليها ترتاح شوية صاللها هواي مرايحة!
(جا يمة خمس ايام ومرتاحت شسوي يم اهلها ؟)
(بليل اخابرها واروح اخذها يمة خليها شرايدة منها)
(جا يمة مارايدة بس غير مريتك تغديك تعشيك)
(يلة اشوف ليوم اجيبها)
عفتها اني مو هي الي كالتلي بقيني كللت هي دزلي رسالة تخابرني اذا تريدني اجيها رحت للدوام وبعدها رجعت سبحت واكلت نمت شوية وبدلت ملابسي وطلعت نسيت ماسة رحت ويا جمعتي وظليت لل ١٢ بليل اجاني اتصال ام ماسة ذكرت لازم اخابرها بس يلة هي تصلت رديت على تلفون
ام الماسة:شلونك كيان شخبارك؟
(هلة عمة لحمدلله انت شلونج)
(هلة بيك ،،، جا مريتك شو ماخابرتها سئلت عليها ؟)
(ليوم دخابرها)
(شتخابرها صارلها خمس ايام ماتدري بيها ؟ شنو سالفة حتى تلفون ماعدها ؟)
(ها عمة لا مذكرها كلت اجي اخذها من تتصل بيا )
(جا شلون تتصل بيك لو مالني اخابرها ماتتصل ميصير هيج عمة جا لبداية هاي لو شنو ؟)
(حقج جقج عمة مايصير هسة راح اجيها خل تحضر نفسها)
(تعالها باجر نايمة هية)
(صار صار)
(يلة الله وياك )
(مع سلامة عمة)
...جنت متمددة اتفرج مسلسل بلبلازما ومندمجة وياها مونستني صار شكد ممفترجة ختمت مسلسلي بهاي لخميس ايام وبدأت بلجديدة منتبه على لمسلسل دخلت امي علية كالتلي راح يجيج رجلج باجر هسة خابرتة
(خابرتي انت؟)
(اي اني )
(ليش يمة ليش تخابري مو كتلج عوفي الا هوة يخابر تحسسيني لزكة اني )
(شنو لزكة غير مرتة )
(اي مرتة غير يخابرني هوة اني اخابرة صدك تحجين؟)
(بلعكس ظل يتعذر وكال تلفونها ارجعة الها اني ردت اخابرة ح اكلة على تلفون )
راحت امي ورجع مزاجي نكلب اجتي مريم كعدت بصفي تشوفني مسلسل هي متعابعتة حلوو انقهرت وعفت كلشي ورحت تمددت افكر صار لصبح نزلت اتريك اتصل كيان بامي كاللها راح اجي اخذها خل تحضر نفسها اجاني اخذني وطريق كلة ساكتة اباوع على شارع حسيت اختنكت شوية صار خنكة بصدري وصلنا فتحت لباب شفت ريم رحبت بيا وسلمت عليها ودخلت للغرفة دخل وراية كيان
(هاي تلفونج اخذي )
مارديت اخذ ملابسة وغير وطلع كعدت بلغرفة مااعرف شسوي او شريد تعبت نفسيتي اخذت تلفوني وفتحتة شفت كووومة رسايل من صديقاتي من خواتي باوعت علو رسالة وحدة حسيت روحي محتاجة مرسلها اخذتها وتصلت وبديت ابجي واشكي واسولف لصديقتي ميس ضليت ساعتين اسولف وياهة ارتاحت نفسيتي رجعت روح بيا نزلت اشوفهم شبيهم مابيهم
تبارك:اكلج ماسة عمة تريدج.
رحت اشوف لمرة وستلمتني
(شني بلسانج عظم ماتسلمين؟)
(مو كلت سلام عليكم )
(لا الاصول تجين تسلمين علية وتبوسين ايدي)
(شلونج خالة شخبارج؟)
(شلونهم اهلج زينين؟)
(لجمدلله يسلمون عليج)
(الله يسلمهم)
(هلة بيج غديتي رجلج؟ترة ممتغدي )
(لا مكلي)
(مو الايكلج تعلمي روحي سويلة اكل وباشري بشغلج)
(حاضر مديرة)
(شني شني كلتي؟)
(كلت ميخالف عمة)
(كولي صار عمة)
(صار عمة)
طلعت شفت ريم بلمطبخ رحت شفتها سئلتها على لغدة صبيت لاكل ورحت على كيان بلصالة انطيتة الاكل
كيان:شنو تغديتي انت؟
(لا متغديت)
(تعالي اكل وين رايحة)
(مااريد شبعانة)
(تعالي اكلي بابا شنو شبعانة ساعة ٣ ظهر)
(مااريد بلعافية)
عفتة ورحت للغرفة اباوع علية ومختنكة صرت ابجي واصيح بدون صوت ومختنكة سمعت صوت كيان تقرب للباب غطيت نفسي بلغطة وسويت نفسي نايمة دخل بدل ملابسة وطلع ورجعت ابجي كمت صليت حتى اهدء وصرت اختنك اكثر لزمت لقرآن بايدي وارتل وابجي قرآني صار بي طبقة مال دموع ارتاحيت صرت اتنفس سديت لقرآن ورجعت اشهك وابجي واصيح ليش ليش هيج ديصير ليش مجاي ارتاح ليش حياتي هيج ابوي وينة امي وين خواتي محد الي اريد ناسي ودنيتي لحلوة مااريد صعوبة مااريد افكر مااريد اكره بشر حرت بروحي وبزماني شنو اسوي دراستي راحت صديقاتي اختفن احلامي ضاعت ليش ياربي ليش هوة مو عسى ان تكره شي وهو خير لكم وهل هناك خير في ضياع احلامي حاشة حاشة لله هوة اعلم لملمت افكاري وحزني وكمت انظف لغرفة وارتب صار لغروب صليت قبل مااخلص ندكت لباب منو؟
نرجوسة:اني عمة ماما دكول تعالي بسرعة حبوبة ضاجت!
(هي حبوبة شوكت بتسمت،يلة هسة انزل روحي)
لبست شالي ونزلت شفتهم يعدلون بلصفرة اشرتلي ريم تعالي بسرعة اجيت اشوفهم كالبين دنيا لمطبخ ويعدلون لزمت لماعين لريم وهي صب اكل وزعنا الاكل وبدو ياكلون صاحتني ريم كتلها مااشتهي
(ولج تعالي شجاج)
(مااريد مااشتهي )
مالحت علية رحت للمطبخ وبديت اشتغل خلصتة بين مخلصو اكل اجتي ريم ضلت تحجي علية
(ليش نظفتي ليش معفتي اني انظفة ولج )
(لا غير اساعدج)
(جا اني وياج ميصير شوفي شكد عليج)
(لا عادي اني وياج)
(روحي روحي انت كعدي هناك اني اغسل مال لعشة)
(لا اساعدج معليج)
وضليت اساعدها هي تغسل واني انطيها
(هاي اني اظل انظف وحدي جنت ابقة ساعتين ثلاثة بلمطبخ )
(ليش مو حرام هيج؟)
(خطية حوراء تجي تساعدني ونخلص تعرفين ليش هيج لمطبخ؟)
(ليش؟)
(دخلت تبارك للمطبخ تسوي اكل وفطاير لزوجها وهيج كلبتة)
(صدك عود شنو هل وساخة مال هسة الزمها العب بيها لعب)
(عوفيها خل تولي مدام انت وياي شسوي خل سوي هي ضايجة منج كلش)
(ليش ؟)
(كيان هنا من رحتي يدافعلج وصارت تلح على عمة حتى تجين وكيان مقبل )
(ها !)
(اي )
من سمعت كلام ريم مهتميت لكيان ولا حرك شي بداخلي ولا غير تفكيري صرت اضوج اذا حبني صرت اكره كلشي يخصة رجعت للغرفة واحس سواد بعيني قوي اشم ريحة لغرفة اختنك رحت بعالم ثاني من حديد الزم تلفوني مالي واهس بي اريد بس اتمدد اتمددت بلفراش وبعدها دخلت بغير عالم سمة سودة الارض رماد مثل لخشب المحروق وباقي رمادة بيوت هواي لكن دوون بيبان وشبابيك اصرخ محد يسمعني اصيح كعدوني جاي احلم كعدوني محد يسمع احس اكو منو سمعني واني بخوف وقلق احس شي وراية نطق بصوت كيان نداريت وشفت مو كيان شفت هيئة ضخمة وبشع بشاعة مو طبيعة ظليت اصرخ اصرخ واركض حسيت كلبي يريد يوكف صحيت من لحلم للواقع اول مفتحت عيني وصرخت بوجه كيان لان مو وجهة هذ بعدني اشوف ذاك لوحش مااعرف حاول يهديني بس ماهدئت صرت مااكدر اشوف وجهة اجتي ريم وبدت تهدي وضعي وتسمي علية ىتصلي على محكد هدئت شوية سئلتني شبيج وسولفتلها
ريم:ياستار ياربي اعوذ بالله من شيطان الرجيم اعوذ بالله،، اكلج انت نايمة وبدون طهارة؟)
(لا ابد اني اضوج من هيج شي )
(كولي يالله وتعوذي من شيطان كومي غسلي وجهج لولد وجهة صار اصفر بسببج )
(لا ريم فدوة لا مااكدر اتحمل اشوف وجه)
(شنو سالفة ولج وين يروح بابا ميصير رجلج هذ تعوذي من شيطان وصلي ومعليج ربج يحلها)
سمعت كلامها رحت غسلت وتوضيت وفرشت سجاتي واني اعدل سجاتي خلصت صلاتي اجة كيان ونام ماحجة شي اني ظليت للصبح كاعدة لان صرت احس روحي مو وحدي صبح صبح ويومي كلة مو حلو قلق وتوتر خنكة مااعرف شنووشصالي صرت احجي ويا نفسي اسئل منو انت وشنو شاريد تلاحكني وحدي احجي وبغرفتي يدخل علية كيان اسكت اضل اباوع علية صرت مااكل اي شي استمرت هاي لحالة بيا ثلث ايام ماتحمل كيان ولا الي يشوفني بهاي لحالة بوقتها جنت كاعدة بلمطبخ وحدي صافنة بلكع وجهي اصفر وشفتي تفطرت من جفاف ونقص سوائل جنت حاطة مغذي بايدي وريم شالتة وكعدتني بمكاني شفاتني عمة صيح علية مجاوبها صيح علية مجاوبها اكثر من مرة صاحت على ريم
ريم:هلة عمة ؟
(وين كيان؟)
(صعد فوك بغرفتة )
(صيحي بسرعة وانت روحي بدلي غيري ملابسج تجين ويانة)
(وين عمة وجهال؟)
(خليهم يم رضيو بسرعة واخذي ماسة غيريلها خل اشوف هاي لبنية شبيها )
(صار عمة صار)
اجت اخذتني ريم وصعدنا طلع كيان وهي بدت تبدلي لبستني جبة وشال ونزلنا رحنا لمكان مااعرف مااذكرة واصلاً عقلي مو براسي ولمن وصلنا شفت لمكان حديقة جبيرة وبيت بنصها وناس هواي برة وداخل لمكان شفت ولد طلع يركض من لبيت وضربني بكتفي وكعت وصار كيان يصيح علية ولزمة احس صياح كيان صار يأذي راسي اخذوني دخلوني جوة واكو شي براسي يردد اطلعي اطلعي اطلعي ضليت اصرخ واهز براسي قوية اريدة يطلع من راسي تعبت تعبت من هذ لكلامزالي يردد براسي ويخليني اسوي اشياء رغم عني صار يردد وصارت بجسمي رعشة قوية رعشة مو طبيعية وللاسف سمعت للكلام وطلعت اركض اركض من لبيت ويركضون وراية صرت اسرع من سيارة وجسمي قوة اكثر اركض وكأن شيء يدفعني بقوة خرجت واشوف كيان بوجهة صدمة تمنيتة يلزمني كل قوتة ويرجعني وبعدها محسيت بشي صار لعالم غير عالم دخلت بمكان جميييل جداً مكان بي حديقة كبيرة وكلها ورد واشجار ومنبع مي وعطر كلش حلوو واني كاعدة بنص هذ لمكان اسمع صوت طيور ولفراشات غمضت عيني وصرت اتنفس بهدوء واسمع بهدوء ضليت صافنة بلمكان لحلو بهدوء متحركت ساكنة ضليت لفترة طووووويلة كلش افكر صار فكري عميق لدرجة وصلت لعمق لذكريات وصلت لذكريات والدي وذكريات خواتي وامي الى ان وصلت لذكرى وجودي ويا كيان صار وجهة واضح بنظري صرت احجيلة كلشي واباوع علية يستمع صنعت ذكريات ويا بهذ لمكان لكن سؤال ليش هوة وفجأة سمعت صوتة يحجي وصوتة حزين حزين صلت ابجي اني هم واستمع لصوتة للنهاية وشوية شوية بدة لمكان يتلاشى وختفة كيان وكلشي صار ابيض وصرت اشوف لمكان واضح اكثر مكان سيدي ومولاي موسى ابن جعفر حسيت بوجود كيان لازم ايدي واني على كرسي متحرك كمت تمشيت باوعت حسيت روحي جنت ميتة وعشت وكيان بعدة لازم بايدي
الماسة:الله زيارة حلوة صبح !
بحالة سكون شافتني امي وريم وعمة واجوي يمي يحضنوني ويبوسون بيا فرحت من شفتهم بهاي لحالة زرنا ورجعت للبيت وذبحو ذبيحة وناس تزورنا وصارت هوسة واني كلني نشاط ولا جني تعبانة
ام ماسة:يلة احنا نروح دكومين ويانة ترحين ماسة ترتاحين شوية؟
ماسة:لا يمة اريد ابقة!
(على راحتج )
(يلة مع سلامة)
(الله وياج)
بهاي الاثناء وبعد ماطلعت امي صار انقلاب بلبيت كعدو لولد وعمو وياهم وريم وصارو يحجون بلموضوع الي صار بيا جان عمو كل لوقت ساكت عادل يكول هاي ماسة ابن اخت عمة وريم واكفة ويا زوجها وكيان يكول مستحيل سوي هيج توصل بيها ماسة مريضة وعمة دكول لحد يتهم اختي وصارت تتعصب اما لبقية فيستمعون توجه لكلام الي
عادل :الماسة احجي كولي ؟
كيان:شنو شتحجي عادل شبيك حتى اذا مسحورة دكول غير نايمة مثل مكالو دكاترة وبعدين احتمال مكتئبة.

هنا وينتهي لبارت نلقاكم في بارت جديد واتمنى تنطوني رأيكم على لرواية استمر لو بيها اخطاء؟ مبالغة ؟