صبح فزيت على صوت تلفون جانت ريك تتصل بيا دكلي راح يجون ولازم احظر لغرفة لحوراء فزيت من فراشي بسراعة ورحت احظر وارتب وبالي يم حوراء هذ شلون وراح يجيب ذيج مرتة يطبون على حوراء شنو ضليت اشتغل وارتب منا لمن اجوي ريم وحوراء ساعدتها ودخلتهم يكعدون جانت حوراء زين مو تعبانة كلش يعني متحسة لدكتورة مطيتها علاج متعوفة ونصحتها لتهتم لاي شي
ماسة:لحمدلله علو سلامة يروحي .
حوراء:الله يسلمج ويعافيج
ريم:ماسة اتعبج حبيبتي بس سويلنا ريوك ميتين جوع.
ماسة:صار بعيوني .
رحت اسويلهم ريوك بسرعة واحظر بي شوية ودخلت علية عمة تسئل على حوراء بس ليش يعني ذيج بغرفتها وتسئلها محبيت اسوي مشاكل هواي جاوبتها وطلعت بس كلش ضايجة منها نزل كيان وسئلتة اذا يريد ريوك حتى احظرلة بس جان ميريد ميحب يتريك اول ميكعد انطيت ليروك للبنات وركضت على كيان
ماسة:كيان شلون؟
كيان:شنو شبيج؟
ماسة:حوراء هسة اذا اجة اخوج خطية
كيان:شسوي لعد يضلون بشارع؟
ماسة:مااعرف كلبي يوجعني عليها .
كيان:شرع حلل اربعة بابا شني تعترضين على حكم ربج؟
ماسة:هسة هذ جابة على هذ شرع اربع حلل روح نفذ لشرع .
ضجت حييل منا عفتة ورحت يم ريم وحوراء كاعدات يسولفن وتحاجيها ريم وتنصح بيها اسمع لريم وهي دكول لرجال يتعب ويأذي لمرة ويشلع كلبها بس لتنسين هوة يسندج يساعدج اذا طلعتي هذ لباب وانت مالج احد ياهو الج اذا شخص تعرضلج اذا صالج شي صعبة واحنا بهذ لمكان كلش صعبة شوفي هذ ربج نعم عليج وصار بطنج طفل معجزة هاي والله ربي يوفقج ويسعدج انتبهي على نفسج وهذ لبطنج محد يفيدج ودكتورة كالت ترة اي حركة غلط نفسية تعبانة يتأذة جنين ديري بالج وهي ايام صعبة وايام سهلة تعدي صدكيني يامة عشنة ايام صعبة شفنا لموت بيها بس كلنا ميخالف لعوض يم ربج وهذ اجاج لعوض كولي لحمدلله ولتفكرين بشي
ريم:فدوة ماسة اريد مي خل ننطيها مسكن لازم ترتاح.
حوراء:ماانسة وكفجن وياي والله محد وكفلي بكجن رحمة الله والديجن
ريم:شني تشكرينة غير خوات احنا عشرت عمر صدكين تكذبين يلة يلة ماسة عيني جيبي مي لخيتج .
ماسة:صار .
....هواي تعلمت من هذ لبيت وهواي شفت قصص صعبة حسيت بيها مو اني بطلة لرواية ريم وحوراء وواني وخواتي الي بعدني مسامعة منهن لقصة وحتى رسل وتبارك منها لقصة لي بينتلي لصبر ومنها بينتلي الامل ومنها بينتلي رخص الانسان وقصتي الي عشت بيها الامل وصبر ورخص وبعد وبعد هاي فقط لربع بعد تكملت لقصة ماكو ، اسئل لحياة هيج صعبة او هي رسمت قبل ماننخلق لو احنا مصعبيها بس احنا نجبرنا بكلشي نجربنا شفت لعالم لحقيقي واني صغيرة وعيت على ذلة وقهر وتعب وعيت على الانكسار وعيت على كلمة يتيمة وكبرت واني انال لشفقة من لكل الي حولي وهذ شي كلهني بحياتي كلها من الملام على هذا امي ام ابي ؟؟؟؟
...بيوم جنت يم باب لمدرسة انتظر امي عمري ٨ سنوات اختي الكبر مني زهراء لازمة ايدي وبصفي واكفة هم تنتظر راحو طلاب كلهم واحنا بقينة ننتظر سئلنا لحارس عدكم رقم بابا اخابر علية ردتة زهراء بابا ميت وسئل على رقم امي جاوبتة مااعرفة مرة وقت طويل بعدنا ننتظر لحارس صار يسئل ويحجي علينا بس منعرف وين نروح امي يمكن نستنة اخذتني زهراء ورحنا نمشي مااعرف وين خلصنا شارع لمدرسة واجتي امي شافتنا وصارت صيح لان عفنا لمدرسة
زهراء:يمة تأخرتي علينا ورحنا لان لحارس ضاج.
ام ماسة:وخل يضوج طبة مرض انتن شلون تتحركن من مكانجن؟
زهراء:غير تأخرتي .
ام ماسة:دمشن امشن همزين وصلت بلوقت لو ماواصلة جان ضعتن وبليتني امشن.
جنة لكلام الي نسمعة من امي كأن جابتنا للدنيا اجباري وهي مجبورة علينا جنت دائماً ابحث عن مكان يحتويني بس ماعندي .
أنت تقرأ
أمرأتي ليست عذراء
Ficción Generalقصة جميلة واتمنى تعجبكم تتكلم عن لبطل الي هوة كيان يقرر يتزوج من بنية امة تختارها وبعدها يصير يشوف الاشياء لغريبة بلبنية وعن لبطلة شخصيتها وحياتها
