أمرأتي ليست عذراء

البارت10:من لا يستند على نفسه فشل.

للصبح فزيت على نفسي ظهري يأذيني نايمة على طبلة جانت لغرفة ضلمة رحت ادور على شي افتح ضوة ذكرت ضوة يم سرير اشغلة شغلتة شفت كيان نايم على سرير ذكرت شصار لبارحة طلعت بسرعة رحت لريم ردت اخذت تلفونها واتصل بامي تجي تاخذني بعد مااتحمل اعيش ويا اكرهة من لبداية دكيت لباب على ريم جانت توها كاعدة تريد. تنزل جوة صارت ساعة ٩ صبح يعني موعد نزونا للبيت حسب نظام لعائلة
ريم:صباح نور مسو شبيج صاير شي؟
الماسة:لا بس اريد تلفونج اتصل بي على امي!
(ليش صاير شي وياج ؟)
(لا بس اشتاقيتلها)
(لا صاير شوفي عيونج مورمة باجية لبارحة مو؟)
(لا ريم اريد اخابر امي صار شكد ماحاجية وياهة كيان ميقبل يشتريلي تلفون ولا يخليني اتصل بامي انطيني فدوة اخابرها)
(انطيجيا بس بشرط،،،، دكليلي اذا متعاركة ويا كيان لو لا؟)
(متريدين ساعديني اوكي راح اروح اغير ملابسي وانزل )
(ماسة مو تفهميني خطأ بس اني اريد اساعدج بدال مادزين على امج خطية وهية تعبان)
(محد غيرها الي ورطني بهاي لعائلة وبهذ لرجال )
(اش اش اش ليسمعج احد وصير مشكلة)
(شكراً ريم رايحة اني اساساً اريد صير مشكلة فيكون افضل لو واحد سمعني ونقل لكلام)
(الله يهدي سركم ان شاء الله)
رجعت للغرفة غيرت ملابسي بس بلاول سبحت ونشفت شعري وغيرت ملابسي تأخرت صارت بل ١٠ يلة نزلت شفت لبنات يشتغلن خلصن نص شغلهن تقريبن باوعت جانت لحجية كاعدة بلحولي الي يطل على لمطبخ ولصالة واستقبال وغرفتها وعلى درج لبيت الي يصعد للغرف كاعدة وخالة ايدها على لعوجية ولافة شيلتها وتباوع على رسل شلون تكنس بلحولي وكل شوية صيح بيها كنسي عدل رحت على ريم بلمطبخ لان اني جوة ايدها
ريم:وين جنتي ليش تأخرتي؟
(سبحت وجيت ، صاير شي ؟)
(لا ماصار بس عمة سئلت عليج وانت مانزلتي )
(ها بس جنت اسبح شلون مااسبح؟)
(مو الا بهذ لوقت ماسة شنو شبيج ليوم؟)
(مابية شتريدين مني اسوي)
(تعالي غسلي ذن لماعين واني اشطفهن)
(شنو شطفيهن؟مفهمت)
(يعني واخر منهن لرغوة مال لزاهي)
(ها تمام تخظيهن هيج نكول ههه)
(تمام اخظهن)
خلصت لمطبخ ويا ريم واخس لجو كلش متوتر كل شوية داخلة تبارك تبتسم وتطلع شكيت بيها مخبلة حوراء جانت تشتغل بلصالة تلمع لغراض ومالها دخل اما رسل تدخل تغلط وتطلع تغلط عليمن ماادري وعمة الى الان وجهة يخوف خلصنا شغل وطبخت ريم واني اساعدها بكلشي صاحت عمة علينا كلنا تبارك اجت وكالت عمة تريدكم تعالو رحنا نشوف شتريد شفتها نفس لكعدة مالتها وجهة يزداد غضب كل مااشوفها
ريم:نعم عمة تأمرين بشي؟
(مايأمر عليج ظالم طبخت كلش طيب بس اريد اضافات على لصفرة مو نفسك يومية )
(صار عمة)
(شغلة ثانية تبارك شغل هواي عليها ماسة بعد تنظف لصحيات بدال تبارك وتبارك تمسح لبيت بس مفهوم)
الماسة:ليش عمة مو جنت ويا ريم اشتغل ليش تحول لصحيات علية؟
(وشنو ليضرج اذا نظفتي صحيات)
ريم:عمة اقاطعج بخير اني ماسة جوة ايدي اذا سحبتيها مني راح اتأذة تعرفين الاكل ولمطبخ ميصير علية ؟ الماسة هواي ساعدتني وشالت عني شغل هواي .
(انا ماكلت بس صحيات تنظف تشتغل وياج وتنظف لصحيات)
(شلون عمة غير تكرمين نجاسة صحيات نوب تدخل للمطبخ؟ شلون ماترهم ياعمة وبعدني اذا اني اطبخ هي تثرملي وتنطيني جدورة واذا اني اغسل لماعين هي تعزل وترتب لثلاجة يعني هسة رسل وتبارك وحوراء على لبيت ومايكفي شلون ياعمة مايصير ، خل تبارك تتحمل شلون لعد جان لمطبخ كلة علية ذب ماعينها وتروح على انو هي تنظف وساخت جهالي ؟)
تبارك :شكد كذابة شوكت مسوية هيج اني ؟
ريم:احترمي نفسج ولدكولين كذابة .
ام كيان:كافي تبارك يبقة شغلج نفس ماهوة ،،،، لماسة ليش متأخرة ليوم؟
(جنت اسبح )
(سبحين اظاهر ريم ماعلمتج على نظام لبيت ماكالتلج بهذ لوقت تنزلين ممنوع تنزلين بغير وقت؟)
(لا كالتلي )
(يعني تعرفيها وتحرفيها لو تعانديني)
(لا بس شي طبيعي يعني سبحت بهذ لوقت مصار شي)
(شنو هل جرئة الي عندج ترديني هيج ماعندج احترام لو امج التهت مربتج زين)
ريم :عمة حسبيها علية ماتعرف بعدها.
(اسمتي انت احسابج بعدين على اهمالج هذ )
الماسة:عمة ترة ماسويت شي سبحت شصار؟
(شصار والج عين تردين بعد ،شوفن لجن ممنوع منعن باتن اي وحدة تتأخر بلنزلة فتهمتن لو لا والي ميعجبها شوفن لباب شطولة مفهوم ؟ مفهوم ست الماسة اذا موصلتلج فكرة لنظام هنا وصلج هسة ممنوع تتأخرين )
(تمام اذا لباب يوسعني تمام اروح )
(روحي ادبسز ممترباية عديمة اخلاق وتربية يلة طلعي برة من بيتي يلللللة)

جانت هاي اول عركة الي بيت عيالي وية عمة بلذات بهاي لحظة ضجت حييل وتعصبت من لكل باوعت لريم كتلها اترجاج انطيني تلفون بهاي لحظة نزل كيان بسرعة من غرفتة باوع علينا صاح بيا ماسة شلون تردين هيج على امي ركضت ريم وحوراء ورسل يلزمنا حتى ميضربني
الماسة:لتضربني هسة اخابر امي واروح ماابقة هنا ماكو داعي دكول مصيريلي مرة لو تضربني .
ريم:شبيج ماسة سكتي .
الماسة:ليش اسكت ريم شسويت اني ؟
كيان:لك بعدها تحجي وخرن لتخلني اضربجن وخرن .
طلع علي وعمار من غرفهم سمعو كيان يصيح هرج لبيت لزمو واخذو بلصالة اما اني صعدت بلغرفتي الم ملابسي
علي:صدك تحجي ههه ياهو جان يتفلسف براسنا؟ وهسة انت صيح وتريد تضرب لكل نوب
كيان:علي ضوجتني حييل كاعدة صيح على امي
علي:جا بلهداوة على كيفك عروسة جديدة بعدها متعرف هسة اذا خابرت امها ماصير مشكلة .
(هاي شبيك علي ماخليها تروح لو مدري شنو يصير اكسر رجلها)
(شنو اذا خابرت امة ورادت تاخذها تمنعها؟)
(ماعدها تلفون )
( هسة تاخذة من لبنات)
(لعد خل اصعدلها )
صعدت عليها لكبتها تلم ملابسها
(دسوين؟)
(راح اروح اريد اطلك)
(ههه والله ضحكتيني)
(خوش رفعت هورمون سعادة عندك اشكرني)
(رجعي ملابسج بسرعة)
(مااريدك افهم اكو شي براسك انتة مااريدك )
(ماسة لتخليني امد ايدي عليج رجعي ملابسج)
(بس فهمني ليش خالني هيج ليش ؟)
(سكتي نصي صوتج )
عفتها وطلعت برة سئلوني لولد خوما صار شي محاجيتهم عفتهم ورحت وصلت لمحل ابوية ظليت كاعد بلمحل ويا لعمال صافن بلوضع اني اصلاً فكرة الماسة شاغلة بالي من زمان مااعرف شسوي فتحت تلفونها رمز بي ماكدرت افتحة فكرة جيبني وفكرة توديني ومامركز وية اي واحد دخل ابوي علية شافني صافن اجة كعد يمي
ابو كيان:بوية شبيك؟
(ماادري والله بوية )
(اخذ لحجاية مني زينة بعد ابووك وسولفلي )
(ونعم منك بوية تاج راسنا،،،مااعرف بوية مشاكل اني ومرتي )
(بوية لمرة جديدة بعدها وطفلة وها توها تزوجت خطية صعبة عليها عائلة جديدة ماتعرف شي عنهم صعبة علية حاول وياهة خليها شوف شيرلحلو ويانة مو شي لمر انا داري بلي صار ليوم وعارف امور بيتهم تختلف عن بيتنا شوية على كيفك وياهة انا احاجي لحجية هم )
جان كلام ابوية وقود لطاقتي شوية رتاحيت من سولف وياي رغم هوة ميعرف شديصيروياي صار ليل ورجعت للبيت دخت شفت ماسة شايلة صينية عصير ودخلت للصالة رحت وراها قبل لتدخل شافتني صفنت بجهي رحت عليها باوعت بعيونها احس عيونها اعمق من محيط احس نفسي غارك من اباوع بعيونها مااعرف شي غريب يتملك كياني كلة من اباوع على طولها وجسمها وجهة خصوصاً عينها يارب اختبار عظيم لبنية متريدني واني ترجف روحي
الماسة:ها!...صحتني ؟
كيان:اي شنو المن لعصير؟
(لاخت عمة وبتها)
(منو يا هي منهن؟)
(كالت اسماء اسمها )
(شنو ؟)
دخلت بسرعة الهن لان ام فلانة هاي فلانة موجودة؟

الاقيكم بارتات جديدة 😅❤️