أمرأتي ليست عذراء

اهرب!

اسفة على تاخير بس صارت عندي ظروف بلايام الاخيرة ان شاءالله مراح تتكرر واعوضكم 🩵🩵🩵

<بدايتي ونهايتي ليست جميلة هل هناك مايسمى بداية الحكاية؟

"عندما انظر الى وجهه ارى مالم يره احداً غيري ارى منزلاً وعالماً ومستقبلاً جميل ارى عائلة صغيرة تناديني لأكون جزءاً منها"

...وصلنا للمطار ساعة ١٠ بليل جانو ناس هواي لان صيف وشهر ل ٦ ناس تريد تسافر تغير جو واني صافنة بفضاء لمكان شكد حلو لمطار حاظنة ايد كيان والايد ثانية اسحل بلجنطة مالتي وهوة كل شوية يكلي ماسة انتبهي جان كيان مو بس يجرجرني لا يجرجرني ويجرجر لجنط ههههه دخلنا لقاعة الانتظار وكعدنا ننتظر لطيارة بعدها صار لنداء وصلت طيارتنا صعدنا بممر طويل وجان لممر الي وصلنا للطيارة اشرف لطيارات شكبرهن من لممر مثل لجسر
كيان:اول مرك سافرين ؟
ماسة:اي
كيان:واضح نسيتيني شوفي لبنات شلون يباعن علية .
ماسة:عادي .
كيان:زين ليش مسوية جواز اذا ممسافرة.
ماسة:لا مسافرة بس بر مو طيارة هههه تخبل شوف ضخامتها.
كيان:نيالي عليج.
صعدنا بكوستر كل لركاب حتى يوصلونا للطيارة وصلنا للطيارة وهناك صرنا ندور على مقاعدنا ومن سوء حظي كعدوني اني وكيان بلطرف بعيد عن لشباك وكلش ضجت باوعت على كيان بغضب وهوة ضحك علية
كيان:اكلج تخافين ؟
ماسة:ماادري ؟
كيان :شنو ماادري؟
ماسة:اي والله ماادري مراكبة طيارة قبل وممفكرة بيها اصلاً.
كيان:على الله مصرخين اشمرج من طيارة صدكيني .
ماسة:اي اصير طير :>

انتظرنا ساعة وبعدها اقلعت لطيارة وجان شعور ميوصف كأني بسفينة الالعاب تخبل وصلنا لايران ورحنا لمكان اقامتنا وصرت ارتب لجنط واني لابتسامة متفارك وجهي مظنيتها اخذ ابتسامة الي مرت ل ١٠ ايام كلها سعادة وفرح حسيت نفسي ملكة حسيت كيان الانسان الي راح يغنيني عن البشر كلها عن امي عن ابوية عن عائلتة كلهم جان يحميني ويداريني وانطاني اكثر من سعادة وفرح ...خلصت الايام لعشرة ورجعت للعراق وتحديداً بغداد لكيت ريم مشتاقتلي وتبجي وحوراء هم بس لبقية مااظنهم عيون لحقد علية ومحد راضي لان لجناين ابد ممسافرات نهائي دخلت عليهم وجان لوقت بل ١٠:٠٠ رحت لغرفتي حللت بس دخلتي الها حسيت مخنكة مااعرف روحي نقبضت جني داخلة مكان مو مكاني اصعب شي تحس بي هوة من تشوف لمكان الي بي انتة مو مكانك دخلت وحاولت اتجاهل كلشي اخذت شاور وغيرت ملابسي وتمددت على سرير اشوف تلفون وبديت اتصل بخواتي وامي وصديقتي الي تعرفت عليها قبل سنة بس علاقتي مو قوية وياهة وفجأة صارت علاقتي وياهة زينة وصرت اسولفلها عن كيان وشيسوي وياي وهي تكيف وتفرح وتتمنالي سعادة اخذت وقت نص ساعة اتراسل وياهة بس فترة اغمض عيني وافتحها بمكان غريب غرفتي بس الغراض مو هنا صرت احاول اكوم بس مكدرت جنت متربطة وهنا صرت احارب كأني بحرب قوية واني بلحلم تعبت جسمي هلك بين وجهة الة واشوفج كائن بشع بشع لدرجة حسيت نفسي راح اموت هاي نهايتي طلعت روحي من لخوف وتعبت ومكدرت كلشي اسوي اصرخ كيان كيان ماكو اني على وضعيتي فزيت مثل احس اكو شي يمي قريب تملكني لخوف ولقلق وصرت اتلفت وغرفتي ظلمة اصيح كيان كيان محد يجاوبني صرت اضرب بلفراش واصرخ وهنا فز كيان من نومة مخترع وشافني متهسترة حاول يهديني ومكدر يهديني بعدني مخترعة وارجف رجف مو طبيعي عفت لغرفة وطلعت وعفت لبيت كلة طلعت اركض بلحديقة مال لبيت وكيان وراية يريد يفتهم شنو سالفة ميعرف مر ساعة وهدئت شوية وكعد وياي يسولف راد بس يعرف كوة هدئت
كيان:بس كليلي شصاير ؟
ماسة:مدري كيان شفتة شفتة وراح يموتني لو يأذيني كيان اريد اروح .
كيان:وين ترحين غير تفهميني ؟
ماسة:شفتة كيان رجعلي وصلت للموت ذيج لمرة تريدني اموت تريدني اموت ااروح من ايدك كيان شتريني .
كيان:بابا هاي خرافت شتحجين ماكو شي شفتيلج كابوس.
ماسة:عوفني كيان روح عوفني ليش ممتفهم انتة ؟
كيان:والله متفهمج شبيج ماسة كرمي عيني غسل وجهج وتعالي خل انيمج بحظني هسة تهدئين .
سكتت وكمت ويا بعد شكدر اسوي رجعنا لغرفتة ونمنة بس اني كاعدة مكدرت انام هوة نام كمل نومتة تركتة وكمت دخلت خضيت نفسي وطلعت نشفت جسمي وشعري بس نصدمت واني انشف شعري على لمراية اكو ظل اسود وراية فركت عيني ورجعت فتحتها ختفة فكرت يمكن اتوهم مثل مكال كيان اهذت تلفوني وصرت اتفرج واباوع لحد مصارت بل ٩ صبح ونزلت نزلت شفت عمة كاعدة بصالة تخم مالتنا ديوان وهي كاعدة على ديوان وخالة عوجيتها ولازمة عوجيتها من راس وحاجبها شوية ويطير كلت بكلبي ياستار ياربي اجيت دخلت عليها وصبحت عليها ردت علية من ورة خشمها رحت للمطبخ وبديت احظر بلريوك سئلتها اذا متريكة وكالت اي خلصت ريوك وبعد مكعدت ريم وتريكت وياي وخلصنا صاحتني عمة رحت عليها بسرعة بس بكلبي اكول ياساتر اللهم يسر ولا تعسر
ماسة:ها عمة صحتيني ؟
عمة:اي ليوم تنظفين جدورة لمخزن كلهم .
ماسة:بس ليش؟ هنا صالللهن قرون مضمومة ليش الا ليوم اغسلهن تعبانة عمة.
عمة:جا شني ماتعبتي من لفرار امشي يلة اغسلهم.
ماسة:صار.