أمرأتي ليست عذراء

البارت:ولعلها تفرج يوماً !

....موقف مر على احدهم كان موقفاً صعباً جداً كان على يعيش على جبل ولا احد غيره في اهذ الجبل حتى سقط يوماً ما ولم يستطع الصعود مرة اخرى لمدة خمس سنوات وها هو الان تعلم التسلق وراح يصعد من جديد الى منزله .

الماسة:الووو شلونك ؟
كيان:لحمدلله بخير شلونج انتي اخبارج؟
(لحمدلله ،،، اني بلمستشفى)
(ليش شكو بيج شي؟)
(لا مو اني حوراء! خطية تعبانة كلش واني رحت وياهة لان محد كدر يروح وهسة بلمستشفى !)
(اي وشوكت ترجعين ماسة ممنوع ظلين بلمستشفى)
(اكلك عندي بشارة الك شوكت ترجع لو اكلك على تلفون)
(لا كليلي باجر جاي اني وين اصبر)
(حوراء حامل !)
(كذب لا لا تشاقين!)
(اي والله شبيك محد مصدك كلش فرحانة الها )
(وعلي شنو وضعة كليلي شسوة؟)
(مدري صافن بلحايط وكل شوية يكول حوراء حامل اكيد لو دكتورة متعرف ؟)
(هههه خطية الله يسعدهم)
(اي والله الله يسعدهم)
(الله كريم صدك فرحتلهم بس تدري شلون هسة وهوة عرسة باجر؟)
(مااعرف والله اني هم افكر بهذ شي وحوراء كلش تعبانة من فكرة زواجة شراح يصير اذا دخلت ضرتها للبيت ؟)
(اي والله ،،، كلتو لاهلي لو بعدهم ميعرفون)
(ماادري اني بس انصلت بيك )
(تمام يلة حبيبي راح اروح عندي شغل)
(تمام باي !)
نهيت الاتصال ويا كيان ورحت لحوراء بعدها نايمة ظليت كاعدة يمها وافكر بيها ظليت ساعتين اني افكر بيها والافكار تروح وتجي براسي فكرت بكيان وفكرت بعلي وبيها وفجأة اجاني اتصال من اختي زهراء
ماسة:الووو زهراء ؟ شلونج
زهراء:هلو بيج لحمدلله انت وين؟
(طالعة مشغلة ليش ؟)
(يلة من ترجعين خابريني )
(احجي محد يمي صاير شي ؟)
(لا عيب اخاف كيان يمج)
(شلون يمي وهوة مسافر؟)
(ها صدك ويامن طالعة لعد ؟وين؟)
(بلمستشفة مرت حماية متخربطة)
(ها !)
(احجي شنو شبيج )
(لا من ترجعين خاف احد يمج)
(لج احجي لبنية نايمة محد يمي احجي كطعتي كلبي)
(صايرة مشكلة على لبيت ؟)
(مشكلة شنو؟)
(اي زينب مساكتة ولاعبة لعب مشتكية على امج وامج دكول هاي سوالف ماسة)
(اويلي عليج ماسة لج حتى مخابرة ممخابرة زينب ولماانتي تخابريني مااعرف )
(اي ورايحة دورية شرطة لامي وهسة امي حاركة لدنيا علينا خابرتني صيح ودكول وصلي لحجي لهاي الادبسزز عليج وكليلها الا اجيها واحركها حرك)
(شنو شنو شنو شعلية اني لتروح تفشلني كدام عيالي يمعودة)
(مدري خابريها وحاجيها ترة عيب الي دسوي زينب )
(اي عيب بس اني مالي دخل ميصير هيج سوي )
(دخابريها وكليلها مالي دخل ممحاجيتها احسن متجيج)
(ديلة ديلة خرب هيج عائلة جايفة)
(نجبي شعلينا احنا )
(ديلة يلة اروح اخابرها مدام ماكو احد يمي )
نهيت الاتصال وضليت افكر شحجي وياهة شكللها مااعرف دخل علي وكالي حظري روحج ارجعج وياي واجيب ريم كيان ميرضة تبقين كتلة ماشي وحظرت نفسي ولحمدلله كعدت حوراء وطمنتها وكتلها اكلي وشربي حتى صيرين قوية وتقوين هذ الي بطنج وعفتها ورحت دخلت للبيت جان هدوء كلش هدوء طلعت منا وجان هوسة وطبيت هسة هدوء ومحد مبتسم بس جانت ابتسامة ريم شاكة حلكها واضح دخل علي بسرعة لغرفة ابو وامة واني رحت اسولف لريم عن كلشي وهي تسمعني وتبجي كلش كلبها طيب  وحبابة شوية وطلعو من غرفة الاجتماعات دخلت علينا رسل
( ههههه واضح لمة مالجن اجاجن خبر يفرح مو ؟)
ريم:اي والله حوراء حامل!
(وهاي مين حبلت ياستار ياربي)
ماسة:شتقصدين؟ باعي لتكعدين ببين حجي وتخلين لحياة تسود ترة اشوفج لوجه ثاني !
(احترمي نفس احسلج ترة جديدة انت فتهمتي لو لا)
(وذا جديدة جديدة تلزمج عد حدج)
(اشوف سكتي سكتي بزر بطني تمضرط كبالي )
اخذت اكل من ثلاجة وراحت ريم راحت للمستشفى بعدها واني ظليت يم جهالها العب وياهم وادرسهم صار لوقت بليل متأخر واني سهرنا افكر افكر بكيان اجة على بالي ليش هيج وهذ صح جهة من عقلي دكلي لصدكين وجهة دكول ليش تتأثرين وتفكرين انت متحبي هواي اسئلة اخرى تجي بالي مثل هي منو بت خالتة هيج مرخصة روحها ومثل اذا هوة فعلاً قبل ميزوجني هيج جان وحتى اذا هيج جان اني مالي دخل حياتة هاي زين اذا هي ساحرتني اكيد راح سببلي مشاكل ليش مااترك كيان وخلص هيج مراح اخاف من سحر بس شلون امي زعلانة وطردتني صارت مسئلة جيبني وحدة توديني مااعرف تعبت من تفكير وجعت نزلت اكل اشوف شنو بثلاجة وسمعت صوت همس غريب خفت كلش ضايت ارجف بمكاني صرت صنم واني واكفة اجة على بالي سحر واحتمال سلطت علية شي بهاي ساعة وكعت بلكع من خوف صرت ارجف بشكل مو طبيعي وكع كلاص لمي من لميز وطلعت عمتي من غرفتها ضلت دكول بسم الله الرحمن الرحيم اعوذ بالله من شيطان لرجيم
(شمالج ولج )
(مدري مدري اكو صوت صوت هناك مدري صوت صوت)
(سكتي يمة سكتي شمالج ولج كومي مااكدر اشيلج كومي )
(مااكدر مااكدر رجلي ترجف مااكدر )
(جا شنزلج بهل ليل شمالج )
(مدري اخاف رجلي خدرت )
(لا تخافين  سكتي سكتي ،،،، ظلي بمجانج لادكومين اخ يمة وين لكرسي وينة؟،،، شبيج شفتي ؟)
(مدري مااعرف خايفة )
(جا يمة صرتي مرة شنهي اخاف ؟)
(اي اخاف ترة بعدني صغيرة )
(جا يمة لمجرم مايكول اني مجرم شنهي صغيرة سكتي سكتي لضحكين لوادم عليج كومي يلة كومي شنهي تخافين جا صيري سباعية شمالج)
(حقج مشفتي الي شفتة من ورة بت اختج)
(جا يمة راح اركعج بلعوجية شنهي بت اختج)
(اي غير هي سوت بيا هيج)
(سكتي سكتي شوف حلكها حتى ماتعرفين تسولفين اكوم ارجع لفريشتي اخيرلي)
(وتعوفيني؟)
(طبج صخل )
(لا لا لا عليج الله اذا تعزين كيان بس كعدي يمي شوية صير رجلي زينة)
(هاي كعدنا بس لخاطر وليدي ماموجود وليدي كليت شربيت )
(اكل وشرب هم)
(جا بلعافية على كليبة)