قاسم لسه هيمشي ويسيب ليله سمع اصوات برا كتير.. منهم صوت معروف ليه اوي وهو صوت معتز بينادي علي ليله
قاسم ببرود: شكل اليوم مش هيخلص
ليله قامت بسرعه تقرب منه متجاهله الم رجليها: د.. دا معتز
قاسم: بجد؟! صدقي مكنتش اعرف
ليله بلعت ريقها بصعوبه وخوف ظهر علي ملامحها: احنا اتفقنا اني هشتغل هنا يعني مش هتخلي يخدني صح
قاطهم صوت معتز: انا عارف انك هنا ي ليله اطلعي
قاسم بصلها بضيق وسابها ومشي.. ليله بصتله بتوتر وجريت وراه: مبتردش عليا لي؟!
قاسم كان ماشي ومش باصص ليها
ليله دموعها نزلت: معني كدا انك هتخلي ياخدني و...
قاطعها قاسم وهو بيجز علي سنانه: قاسم الراوي بيقول كلمته مره واحده بس.. مش مشكلتي انك رغايه وبتحبني تتكلمي كتير
ليله بصت في الارض ودموعها نازله: يعني مش هتخلي يخدني ولا لا
قاسم حاول يتحكم في غضبه: لا وطول ما انتي في القصر دا محدش يقدر يقرب منك هااا حلو كدا ارتحتي ولا اخدك بإيدي واوديكي ليه
ليله بسرعه: لا لا خلاص
قاسم سابها ومشي وطلع لمعتز الي كان واقف بيعافر مع الحرس بتوع قاسم عشان يدخل وحاول الحارسين الي معاه يضربو حراس قاسم بس طبعا حراس قاسم كان عددهم اكتر وضربوهم ورموهم قدام القصر وفضل هيثم ومعتز
قاسم وهو بيقرب من معتز : هوووش اي كل الصوت دا هو عاصم الهلالي(والد معتز) معلمكش انك مينفعش تيجي في وقت متاخر كدا عند حد وتفضل تزعق
معتز بغيظ: فين ليله ي قاسم
قاسم: اممم ليله.. ليله مين دي
معتز جز علي سنانه: ليله مراتي الي انت حبسها جوا ومش عايز تطلعها
فجاه طلعت ليله من القصر وتكلمت بغضب: انا مش مراتك ي معتز ولا عمري هكون وكمان انا مش محبوسه هنا
قاسم فضل باصص ليه ببتسامه عشان يضا.يقه اكتر: وكمان كداب دا مفيش تربيه خالص ما شاء الله
معتز بغيظ: يلا ي ليله تعالي معايا مش هسيبك معاه انتي متعرفيش قاسم الراوي دا مين
ليله: اين كان دا مين بس هيبقا ارحم منك وانا مصدقت هربت منك اصلا ومستحيل ارجعلك امشي بقا
معتز بص لقاسم الي باصصله ببرود ولا فارق معاه الي بيحصل اصلا: بس انا مش هسيبك هنا وهرجعك ليا انتي ملكي وبس.. انا ماشي دلوقتي ي بنت عمي بس هرجع تاني يلا ي هيثم
وفعلا مشيو الاتنين
قاسم بكل برود: اقفل البوابه دي ومش عايز اسمع اي ازعاج تاني من العيله دي
كبير الحرس: اوامرك ي قاسم بيه
ومشي قاسم وليله فضلت واقفه لدقايق وهي خايفه... هي عارفه ان معتز مش هيبعد عنها بالسهوله دي وفعلا هيعمل اي حاجه عشان يرجعها ليه وبعدها دخلت القصر وداده فاطمه عرفتها اوضتها
فضلت طول الليل تحاول تنام بس معرفتش.. طول الوقت بتفكر في حياتها الجديده لغايت ما اخيرا غلبها النوم
_____في صباح يوم جديد
صحيت ليله علي صوت تخبيط حرفيا كان هيكسر الباب بتبص لساعه الي متعلقه علي الحيطه لقاتها 6 الاربع الصبح
نفخت بضيق وبصوت عالي نسبياً: نعم
سماح: ليله قومي بسرعه قاسم بيه عايزك
ليله بتوهان: قاسم مين علي الصبح
أنت تقرأ
هربت لتسكن قلبي (مكتمله)
Romantizmكانت تركض هاربه تنظر خلفها بخوف وهي تراهم يقتربون منها ليمسكون بها وعندما رات ذاك القصر الكبير.. لم تفكر ثانيه ودلفت اليه كانت تظن انها بذاك انقذت نفسها ولكن القدر له راي اخر.
